خد بالك اوى

عارف يمكن تستغرب كلامى اوى
يمكن تقول انى شخصية غريبة الاطوار
بس صدقنى مكتبتش كلامى من فراغ
مكتبتوش غير لما دوقت الالم
الم الفراق والخداع
انا انسانة مسلمة مصرية
اه مسلمة لكن جات عليا فترات كبيرة
كنت بعيدة تمام عن الاسلام
مكنتش بصلى ولا ببص ف القرءان
كانت كل حياتى اغانى كئيبة
ووحدة كنت عايشة مع ناس كتير جدا
اهلى لكنى كنت وحيدة ف عالم كئيب
عملته لنفسي عمرى ماطلبت من حد حاجة
اه من اى حد
متستغربش حتى والدى عمرى ماطلبت منه
اى حاجة تلاقيك بتقول عزة نفس صح
لا مهياش عزة نفس قد ماهو احساس بعدم
الحاجة والحوجة لاى حد عارف ليه




لانى مكنتش عايزة حد يكون له عليا فضل
هتوصفنى بايه
متتسرعش استنى كمل وبعدين احكم
مبدأى كان دنيا فانية وهموت هموت ليه اكون ثقل على
اى حد انتى مجنونة دول اهلك عارف ايه الى وصلنى لكدة
عارف لما تبقى روحك ف حد وف ثانية يضيع منك
طب عارف انت لما تحب حد وتلاقى كتير مستكترينه عليك
طب سيبك انت لما تبقى متفوق وحابب انك تنجح والناس بتسخر من نجاحك وبيسخروا منك
صعبة صح انا بتكلم عن بنت اتخلت عن الدنيا من وهى 4سنين
كدابة
لا انا مش كدابة وانا عندى اربع سنين اتولد اخويا الصغير
نورعيونى بحبه اوى لانه اتولد وانا الى كنت بهتم بيه
لا امى مش مهملة لكن انا كنت فقدت حد بحبه اوى
وجه ابن عمرى وربيته زى زى امه بالظبط
طب ومدرستك كنت دايما الاولى
لحد ماخلصت ابتدائي طب وبعدين
وبعدين كبرت وكبرت همومى
كنت بضيع وقتى ف القراءة
والكتابة بس كبرت وماعدتش قادرة ع الدنيا لوحدى
محتاجة حد معايا
حد تانى وانكسر تانى لا مينفعش ومينفعش اخلى حد يحبنى
كملت وحدتى بس مش بايدى ان الى حواليا بيحبونى
اعمل ايه طب اقولهم ايه طب عارف انافاتتنى كل حاجة حلوة ف حياتى
عارف بعدت عنهم ليه عشان محبش حد اووووى لدرجة التملك ويسيبنى
عارف انت لما كون بنوتة رايحة مدرسة جديدة عليها
ومعظم صحابها مش هيكونوا معاها
اه مانا ليا صحاب كتير مش مجنونة بردو استنى
اصل صحابى دول هما الى فرضوا نفسهم عليا
يااااااه ايام كنا كابلز كانت ايام جميلة اوى
كل ولد وبنت مع بعض كانت شلتنا حلوة جدا
لامتحكمش علينا باننا ناقصين رباية
لا احنا كنا اطفال ومع بعض من سن خمس سنين كناولد وبنت لان مدرستنا كدة ولد وبنت اخوات بجد
بيخافوا علينا اكتر من نفسهم كنا شوية عيال لكن دفعتنا عمرها ماتتنسي عارف ليه لاننا كنا بنحب بعض وبنحب مدرستنا بجد
وروحت مدرسة جديدة وشوفت ناس جديدة محبيتهمش
حبيت ارجع صحاب زمان ايام زمان لكن قول للزمان ارجع يازمان
ولا حياة لمن تنادى معادش ينفع لان مجتمعنا رافض ده
قعدوا يكلمونا بالدين طب وهو انتم جايين تفكروانا بالدين بعد ماعيشتونا 7 سنين مع بعض ومفهيمنا اننا واحد
طب ع ـــادى يعنى
اتاقلمنا وعيشنا ونسينا بعض
حد بييروح من حياتى وبيجى حد
طب بذمتك يعنى عشرة العمر هتهون
طب سيبك يعنى بسهولة كدة يدخلوا ويخروجوا
وجعت دماغك انا معلش اقولك نصيحة
متقفلش ع نفسك اوى وتنسي الناس لان الدنيا من غير ناس ماتنداس
لما تيجى خارج سلم ع كل الى حواليك واحضنهم
خلي ف بالك انك ممكن مترجعش هو انت ضامن عمرك
عارف لما يسيبك حد استودعه الله قول يارب احفظه
اصل لما يروح منك هتصعب عليك نفسك اوى
عارف ود كل اهلك اعرفهم زورهم لمهم ف قاعدة حلوة الظروف صح اوعى تقول كلمة الظروف دى
عشان احنا ف دنيا لهاية هتلهى فينا لحد ماتنسينا بعض
حب كل الناس وسيبهم يحبوك زى مانت يمكن لما تموت تيجى يفتكروك ويترحموا عليك
اوعى تاجل صلاتك وتقول بعد ماخلص هصلى لا صلى وقول هخلص بعد ما اصلى اصل النوايا بتفرق
مانتاش ضامن عمرك
عارف انا بحزن اوى لما الاقى حد محتاج ومادد ايده وبيذل نفسه بحس بالحقارة اوى عارف ليه
لان ربنا الى بيرزقك وربنا بردو الى بيخليه ف طريقك ويشوفك هتدى ولالا بيوريك انك ف نعمة لازم تشكره عليها بس انت من ده كله فين
ف دنيا لهاية عارف انى مش ضامنة هعيش لبكرة ولالا
عارف انى بتحسر ع كل لحظة فاتت من عمرى وانا لوحدى وانا ناسية حق ربى
طب عارف انت بقه انا نفسي ساعتى تكون قبل الى بحبه وعارف بردو نفسي ربنا يتوفانى مسلمة نفسي يتوفانى ساجدة ف الحرم يارب
عارف بقه انا بكتب كل ده ليه عشان اقولك ان الفراق صعب اوى وللاسف مكتوب ع الجميع عرفت اى فراق بتكلم عليه
ايوة هم السابقون ونحن اللاحقون
ربنا يرحمنا يارب
ماتشغلش نفسك بالسياسة
اصل كل شيء قسمة ونصيب
ربك يعدلها بس انت قول يارب
يارب
وف الاخر بتمنى من اى حد يعرفنى يسامحنى
ولو ضايقت حد فانا اسفة
ولو جه اليوم وعرفتوا انى فارقتكم
ماتنسونيش
قولوا دايما ربنا يرحم موتانا وموتى المسلمين
ارجع واقولكم خدوا بالكم اوى ان لكل شيء نهاية
ونهاية كل انسان كفن ابيض وتراب
يعنى اعملوا وعيشوا واتهنوا لكن ماتنسوش اخرتكم ايه ماتتكبروش عيشوا زى مانتم كدة احنا من تراب وراجعين للتراب
واوعوا اى حاجة تلهيكم عن ربنا ابدا
احبكم ف الله جميعا
ف امان الله حبيباتى