اللي عايزة تشد جسمها تيجي

ازايكم يا عدولات
صباحو نشاط بالصلاة على النبي
ياللى نسمي بسم الله
ونشغل شوية موسيقى هادية عشان نعمل جو أصلي أحب أعيش الدور حلو أوي واللي مش بتحب الموسيقى بسيطة ممكن تغني وهي شغالة بس مش أي أغنية حتقول الكلام ده " شد حيلك شد ده الجواز بيهد " هههههههههه وبعدين بقى مش كفاية رغي ونخش ع المهم ياللا هوبة
* الأول حنسخن بالجري في المكان كام دقيقة كدةوبعد كدة نخش ع الجد
*التمرين 1:افتحي رجلك وانتي واقفةودراعاتك مفرودة جنبك ، ارمي راسك لورا وبعدين لفيهالليسار ثم للأمام ثم لليمين يعني بتعملي براسك دايرة بس اعملي الحركة ببطء عشان مفيش واحدةتدوخ وتكرروه 5مرات

* التمرين2:نفس وضع الوقوف اللي فات حنرفع الدراعين لفوق وبعدين ننزلهم مع دفعهم للخلف والرجوع للوضع الأصلي وهكذا ونكرره عدة مرات

*التمرين 3: حنقف ورجلينا مفتوحة شوية صغيرة والدراعين مفرودين في حذا الكتفين لفي الجزء العلوي لليمين والدراعين والراس معاه طبعا وبعدين نرجع للأمام ونكرر التمرين جهة اليسار مع تثبيت القدمين يعني مفيش واحدة تلاقي وسطهامش بيلف تقوم لفة جسمها كله هه نكرر التمرين 5مرات في كل اتجاه

*التمرين4:المرة دي حنلم الشمل يعني ايه؟يعني حنلصق الرجلين جنب بعض واحنا واقفين حنرفع الركبة اليمين بمساعدة اليدين على قد ما تقدري وبعدكدة توطي براسك بسيط لحد الركبة ما تلمس الجبهةبس خدوا بالكم ان الرجل التانية تفضل مفرودة وربنا يقوي أصحاب الوزن التقيل ههههههه

*التمرين5:حتجيبي كتاب غلافه سميك وتحطيه ع الأرض وتقفي على حافته بأطراف الأصابع والكعبين مرفوعين

وبعدين تنزلي زي الشاطرةعلى الأرض وترفعي وهكذا عدة مرات

كفاية عليكوا كدة عشان تحفظوا التمارين دي وكل يوم حنعمل 5تمارين ولا عايزين أكتر خدوا بالكم اللي جاي أصعب يعني فكروا كويس ههههههههههه

ازايكم يا عدولات
صباح وجع العضلات هههههههههه
مين بقى اللي عضلاتها وجعتها ؟
مش مهم المهم ماتبطلش وتستمر عشان الوجع يروح
ياللا نبدأ ومتنسوش النشيد بتاعنا عشان فيه بنات جداد معانا النشيد هو " شد حيلك شد ده الجواز بيهد "
ياللا بسم الله
التمرين6 :حنقف على أطراف الأصابع وضهرنا لاصق في الحيطةوالدراعين مفرودين في حزا الكتاف ،حننزل ببطءلنصل لوضع الجلوس على أطراف الأصابع مع تحريك الدراعين للأمام لتتلامس الأصابع زي الرسم

التمرين 7:حنقف والرجلين متلاصقتين والدراعين في الجنب
وهوووووب ننط ونفتح الرجلين مع رفع الدراعين لأعلى مع التصفيق بالكفين بس خدوا بالكم ان النزول على أطراف الأصابع

التمرين 8:حنركع ع الركبتين والايدين ع الأرض حنفرد احدى الساقين للخلف بحزا الجسم مع دفع الراس للخلف وبعدين نرجع للوضع الأولاني ونعمل نفس الشئ مع الساق التانية .نكرره 5 مرات مع كل ساق

التمرين 9:التمرين ده بقى سهل حتقفي معتدلة وتميلي بجذعك لليمين وترجعي وبعدين لليسار وترجعي ونكرره 5مرات مع كل جانب
التمرين 10:حنوقف والساقين متجاورتين والدراعين بحذا الكتفين ونمسك كرة أو أي حاجة مكورة ونلف الدراعين للأمام ثم للخلف وهكذا 5مرات للأمام و5 للخلف

تصدقوا افتكرت ايه دلوقت أغنية سوا سوا لنسرين طبعا جيل الطلائع مش يعرفوها اييييييييييه أيام هههه ياريت اللي تعرفها تحطهالي ع الخاص عشان أحطها ع الجهاز أصلي بموووووووووت في أغاني زمان وكفاية كدة للموضوع كله يتحذف هههههههههه نتقابل بكرة بقى في الملعب سلام

ازايكم يا عدولات
الاقبال امبارح كان منقطع النظيرلدرجة ان الوحيدة اللي عبرتني ورديت هي أم ولودي ألف تحية ليها ومتشكرة ليكو جدا
المهم التمارين أهي
التمرين 11:تمددي على ظهرك ورفعي الجذع لأعلى واليدين مشبوكة خلف الراس ، لفي الجذع مرة لليمين ومرة للشمال ثم تمددي ثانية وكرريه(ملاحظة:تثبيت القدمين بواسطة شخص أو وضعها أسفل شئ ثقيل )

التمرين 12:تمرين آخر للبطن تمددي على ظهرك الذراعان مفرودتان ،ارفعي ساقيك لتلامس أطراف الأصابع الأرض خلف الراس مع مراعاة أن تكونالساقين مفرودتين

التمارين اللي جاية لرشاقة الخصر
التمرين13: 1-قفي معتدلةالقامة وافتحي قدميك جيدا ، اثني الجذع لليمين، هزي ذراعك اليمين فوق رأسك الى أن تلمس أذنك واثني ذراعك اليسرى أمامك قومي بثني الجذع 8مرات ويكرر الى اليسار 8مرات

2-اثني الدراعين خلف الرأس واثني الجذع برقةالى اليمين8مرات والى اليسار 8مرات

3-ارفعي الذراعين لأعلى بمحاذاة الرأس ، اثني الذراعين والجذع لليمين،لاحظيالامساك بمعصم اليد اليسرى وشده قليلا وبرفق باليد اليمنى كرريه 8مرات لليمين و8لليسار

4-اثني ركبتيك قليلا ،اثني المرفقين وامسكي بهما ،حركي الجذع لليمين4مرات ولليسار4مرات

وخلاص كدة النهاردة وبكرة لو أحيانا المولى نبقى نكمل

ازايكم يا عدولات
حنبدأ تمارين النهاردة بتمارين
لرشاقة الوسط والأرداف
التمرين14: 1-اجلسي على الأرض مع فتح الساقين قدر استطاعتك مع شد أصابع القدمين ، اثني الجذع لليسار مع شد ذراعك الأيمن فوق راسك واثني ذراعك الأيسر أمامك ، هزي جذعك الى أسفل 8مرات ونكرره8مرات على الجانب الآخر

2-من نفس الوضع ضعي ساقك اليسرى بين ذراعيك ثم اثني صدرك نحو ركبتيك ، هزي جذعك برقة 8مرات،خدي نفس عميق واجلسي في وضع مستقيم ثم يكرر التكرين جهة اليمين

3-من نفس الوضع ضعي كفيك على الأرض،حركي وسطك الى الأسفل والى الأمام ، يكرر8مرات

تمرين15:لرشاقة الصدر والركبتين
ضمي ساقيك الى الأمام امسكي مفصل قدميك بيديك
ان لم تتمكنيفامسكي بركبتيك اخفضي جذعك للأمام

تمرين16:لرشاقة الأرداف
1-استلقي على ظهرك وارخي ساقيك على الأرض،شدي أصابع قدميك،امسكي بقدمك اليسرى بكلتايديك،اجذبي القدم لأعلى باتجاه جسمك برفق وانتي تعدين من1 الى4

2-من نفس الوضع شدي ساقك اليسرى وهي مفرودة نحوك مع جعل القدم مسترخية،عدي من1-4،يكرر مع الساق اليمنى

3-من نفس الوضع ارفعي ساقك اليسرى لأعلى باتجاه رأسك مع شد القدم،شدي الركبتين،وشدي الساق بكلتا يديك برفق وعدي من 1-4ويكرر مع الساق اليمنى
الى اللقاءِ يا أصدقائي
أشوفكم بكرة بقى بايييييي

يا مساء الرشاقه ايه الحلاوة دى ,,
جزاكِ الله خيرا وربنا يباركلك يارب ..

برافو عليكى شموسة بس حرام عليكى هتهدى حيل العدولات ومش هنلاقى موضوعات فى المنتدى هههههههه
فكرتينى ببرنامج كان بييجى الساعة 7 الصبح فى برنامج صباح الخير يا مصر ... يالا ياعدولات شدوا حيلكم واشتغلوا كويس ورا الكابتن شموسة .

صباح الفل يا قمرات
وحشتوني مووووت
معلش اتأخرت عليكم كتييييييييير
أصلي كنت عند مامتي
ياللا نلبس الرنينج سوت بتاعنا
و نبدأ على طول مع نشيدنا
"شد حيلك شد ده الجواز بيهد "
التمرين18: لمرونة العمود الفقري
1-اجعلي جذعك موازيا للأرض،افردي ذراعيك للأمام،اثني الركبتين قليلا،اتمي عملية الشهيق عند العودة

2-هزي ذراعيك بين قدميك،ثم عودي لنقطةالبدايةيكرر8مرات مع عمل الزفير عند هز الذراعين

التمرين19:للتخلص من الكرش ورشاقة الخصر
1-استلقي على ظهرك،اثني الركبتين وافتحي مابين القدمين قليلا،اثني ذراعيك خلف رأسك،حركي الجزء االعلوي من الظهر،استخدمي عضلات البطن في رفعك وليس الذراعين،اخفضي ظهرك قليلا الى أسفل بدون لمس الأرض .يكرر20مرة وربنا يديكم الصحة

2-احتفظي بذراعك اليسرى خلف راسك والمسي الركبة اليسرى بيدك اليمنى،مع رفع الظهر قليلا للأمام ثم اخفضيه ثانية بدون لمس الأرض،قومي بالشهيق عند الرفع والزفير عند الخفض.يكرر15مرة

3-ااريحي ظهرك ع الأرض واثني ركبتيك وضعيهما فوق صدرك وامسكي بهماظلي على هذا الوضع لتخفيف أي ضغط ع الظهروجعله مسترخي

4-ضعي يديك خلف رأسك مع مد الساق اليمنى ع الأرض وثني الييسرى حتى تصل للصدر،قربي الكوع الأيمن حتى يلامس الركبة.يكرر10مرات مع التبادل بين الذراعين والركبتين

5-ارفعي ساقيك الى أعلى مع ثني الركبتين،ابدئي بوضع الكوعين خلف رأسك،ارفعي قامتك بالتدريج مع العد من1 الى10مع مد الذراعين بمحاذاة الساقين،عودي للوضع الأول.يكرر15مرة

6-ارفعي ساقيك الى أعلى مع شد الأصابعنضعي ذراعيك خلف راسك،اجعلي ساقك اليمنى تتقاطع مع اليسرى،ثم اجعلي اليسرى تتقاطع مع اليمنى بطريقة سريعةتشبه المقص.يكرر10مرات مع شد أصابع القدمين

7-نفس التمرين السابق مع جعل أصابع القدمين في حالة استرخاء

8-هذا التمرين لشدعضلات البطن وهو مثل تمرين استرخاء الظهر

بس خلاص كفاية كدة النهارده عشان تريحوا ضهركم على بال ما أدورلكم على تمارين جديدة
ياللا بايييييي
أمواااااااااااااااااه

حلوين اوى يا شموس تسلمى يارب
طيب واللى مش متجوز هيقول ايه
شد حيلك شد ده التمرين ده يهد هههههههههه
الله يسعدك يا سمش

واضح انك بتعزينا تمام تمارين هد الحيل دى
بس بأمانة تسلم ايديكِ شرح وافى وبالصور كمان
مدلعانا اخر دلع .. جزاكِ الله كل خير ,,