لا هالات بعد اليوم . لا هالات بعد اليوم
ازيكم يا احلى عدولات فى الدنيا
مين مننا مش بتعانى من الهالات السوداء ومسببة لها احراج وتعبالها نفسيتها على الاخر ؟؟؟]
مين مننا مش بتعانى من الهالات السوداء ومسببة لها احراج وتعبالها نفسيتها على الاخر ؟؟؟]
اظن مفيش وتقريبا كلنا كده بربطة المعلم بنشتكى من موضوع الهالات السوداء والموضوع ده زاد كثييير خالص اليومين دول بسبب العادات الغلط اللى اتعلمناها وتقريبا مش عارفين نفلفص منها
ايه هى العادات دى بقى بالصلاة على النبى ؟؟؟؟؟؟؟؟
كويس انكم فكرتونى نصلى على النبى . اللهم صلى وسلم وبارك على سيدنا محمد وعلى اله وصحبه اجمعين
بصوا بقى يا عدولاتى طبعا اول عادة عندنا وربنا ميقطعلناش عادة ( بس دى يا ريت تتقطع
) هى :1-السهر :
العدو اللدود بتاعنا كلنا واللى برضه بنحرص عليه فتقريبا كلنا ببنام بعد الساعة واحدة بالليل وده طبعا بيعمل ارهاق جامد للبشرة وكمان هالات سودا
2- سوء التغذية :
للاسف كلنا دلوقتى وحتى انا زيكم بنهمل احدى الوجبات يعنى مثلا غدانا بالليل او فطارنا العصر وده بيرجع برضه للسبب الاولانى وهو السهر ان بقى ليلنا نهار ونهارنا ليل فطبعا جسمنا كله بيختل وكمان مواعيد تناول وجباتنا بتبوظ على الاخر وبيكون صعب علينا ننظمها تانى
كمان الفاست فود والهامبورجر والمقليات والكاتشب والمايونيز وكله اكل دهنى وعالى فى السعرات وكمان اكياس الشيبسى وعلب الكانز اللى بقت الشعار الرسمى لطلاب الكليات وكمان الموظفين
ولما تيجى ماما تحط طبق شوربة على السفرة يبقى يعع
طيب سلاطة يا بنتى .
نووووووووو
طيب خضار سوتيه
حد قالك عليا انى لسة طالعة من القصر العينى ؟؟؟]
هتشربى العصير ده امتى ؟؟؟؟؟؟
يا امى دشليون مرة اقولك ماليش فى العصير . لو فيه بيبسى يبقى عملتى معايا احلاها واجب
مش هو ده الحوار اليومى بذمتكم اللى بنعمله علطول وشايفين انها شطارة وجدعنة بس النتيجة النهائية ان كل حاجة بتبوظ فينا ونرجع ندور على حلول وناخد مواعيد فى عيادات دكاترة مشهورة الفيزيتا بتاعتها بالميات وعلى قلبنا زى العسل . ما احنا شاربين كانز قبل ما نروح للدكتور
3- الارهاق :
ناس كثيرة جدا يا جماعة مننا بتشتغل وتدرس فى نفس الوقت او بتعمل دراسات عليا وتمأأ عينيها فى الكتب والموسوعات العلمية
وناس تانية بتشتغل وتربى الاولاد وترجع البيت طيران تلحق تطلع اى حاجة من الفريزر تفك تلجها قبل سى السيد ما يشرف
واللى بتذاكر للعيل الكبير وتغير البامبرز للعيل الصغير وكل شوية تبص على الغسالة تشوفها فصلت ولا لا عشان تلقح تنشر قبل الشمس ما تروح
وكل دووووووووول هم كل السيدات المصريات للاسف تبقى داخلة بكل روحها فى الطاحونة ومش بتدى لنفسها يوم اجازة وعاملة تدور فى الساقية طول الاسبوع بلا رحمة
4 - التوتر :
اظن كلنا بنمر بفترات صعبة زى ولادة - مرض - امتحانات - مقابلة شخصية - خناقات مع الزوج - مشاكل الحماة والسلايف - الرئيس اللى بينكد علينا فى العمل - الزملاء اللى بيعملوا اسافين من تحت الترابيزة - المصاريف الكثيرة كل شهر لدرجة اخر الشهر نقضيها بدنجان وفول او نفكر نستلف - نمر العيال الموكوسة فى المدرسة - جارتى اللى بتجر شكلى
وعدى من النوع ده كثييييير والنتيجة ان دمنا يتحرق ونغلى ونهرى وننكت فى روحنا ونلاقى ناس بتصدع وناس بتتعب وناس ضغطها بيرتفع وناس بتجيلها ازمات قلبية ربنا يعفى عنا جميعا ومن الضمن ان بشرتك بتبقى شاحبة وهالات سوداء كثير تظهرلك حول العين
5 - الانيميا :
دى بقى 80 % مننا عندهم انيميا وبترجع بشكل كبير لسوء التغذية وان اكلنا مفيش فيه الحديد الكفاية لتكوين كرات دم حمراء كويسة وكمان اغلب الستات عندهم انيميا بسبب الحمل والولادة ودم النفاس ودم الدورة الشهرية ومن اهم اعراض النحافة شحوب البشرة والهالات السوداء
6- الوراثة :
بعض الناس بيكون عندهم موضوع الهالات ده وراثة يعنى تلاقى امها - اختها - اخوها - جدتها - خالتها - عمتها عندهم هالات سوداء وملهاش اى اسباب صحية بس اهو سبحان الله مسالة وراثية وبيكون صعب علاجها فى النوع ده
7- العين الغائرة :
بعض الناس بتتولد اصلا عيونها غائرة يعنى داخلة كده لجوة وبالتالى تدى انطباع قوى ان الجفون من تحت سودة وغامقة بسبب انغماس العين للداخل فبترمى ظل غامق يعمل هالات سوداء
8- فرك العين :
ودى عادة مش كويسة تلاقى البنت صاحية من نومها ونازلة دعك فى عينيها كانها بتدعك سيراميك الحمام او مثلا واحدة جوزها مزعلها وتروح جايبة منديل محلاوى وتقعد تعصر فى عيونها وتفرك فى الجفن وتبهدل نفسها
كل الحركات العنيفة دى تقطع الشرايين الدقيقة والشعيرات الدموية الرفيعة اسفل العين وينزف منها دم يتحوش تحت العين ويدى غمقان وهالات سوداء
9 - التهابات الجفون :
ساعات كثير تحصل عدوى ميكروبية على الجفن وتلاقى الجفن بقى احمر وساعات لزج وعليه قشور بيضا مغطياه وتحسى بحرقان على حواف الجفن عند الرموش وكل ده التهاب محتاج مرهم مضاد حيوى
بس مع الاهمال فى العلاج الالتهاب بيروح وبيعمل غمقان بعده ودى حالة طبية اسمها فرط التصبغ الالتهابى يعنى الجلد صبغته بتزيد بعد الالتهابات
كل دى يا فتوكات اسباب شهيرة جداااااااااا للهالات السوداء
طيب دلوقتى عايزين بقى العلاج
نعمل ايه يا ام العريف ؟؟؟؟
هنرتبها برضه خطوات عشان محدش يتوه مننا
1- لازم ننام يوميا ما لا يقل عن 8 ساعات
وندخل السرير الساعة 11 مساءا على الاكثر والمفروض قبل كده كمان على الاقل 4 مرات اسبوعيا
2- الفاكهة يا عدولات هتكون بديل الحلو .
يعنى بعد الاكل بساعة لازم ناكل فاكهة واى نوع على بالنا مفيد ويا ريت نركز على الاكلات الغنية بفيتامين سى لانها بتفتح البشرة وتنقيها زى :
3- يا ريت ننظم مواعيد تناول وجبات الطعام بتاعتنا
يعنى الفطار من الساعة 8 الى 10 صباحا
الغدا من الساعة 3 عصرا الى 5 مساءا
العشاء من 9 الى 11 مساءا
4- طبق السلاطة
اساسى معانا فى كل وجبة غداء ولازم يكون فيه يوميا خيار - خس - جرجير ولو ينفع نزود بطماطم - بصل - ثوم - جزر - بنجر - كرنب هيكون رائع مع اى دريسينج او تتبيلة تجى على ذوقنا
5- نمنع نفسنا خالص من الفاست فوود والاكل برة البيت واكياس البطاطس والكانز
6- نقلل خالص من استهلاك الشاى والقهوة والنسكافيه والكابتشينو والمياه الغازية
7- ممنوع فرك او دعك العين خالص
8- فيه كريمات مخصوصة لتفتيح الهالات منها :
لو الهالات خفيفة هنستعمل كريم شيد اوت اى كونتور
shade out eye contour cream
وده يا جماعة ب 17 جنيه
لو الهالات متوسطة يبقى ندهن كريم بيرلايت
pearlight cream
وده يا جماعة ب 27 جنيه
لو الهالات شديدة بندهن كريم ريتينوكس كوريكشن بتاع شركة روك
retinox correxion
اى واحد من الثلاثة دول بنحط منه على الهالات مرة واحدة يوميا قبل النوم والصبح نغسل وشنا كويس
9- الصبح لو قاعدين فى البيت ومش هنخرج ممكن ندهن تحت العين خليط متساوى من زيت جنين القمح وزيت اللوز الحلو
[IMG]https://**- img_1344362731_656.gif[/IMG] واحسن ماركة ليهم هى ماركة الكابتن هنلاقيها فى كل السوبر ماركتس ناخد نقطة من الزيت ده على نقطة من الزيت التانى ونحطهم تحت العين
10 - فيه وصفات سهلة خالص نعملها للهالات
وهى اننا نجيب خيارة ونقطعها شرايح او بطاطساية ونقطعها شرايح بسمك 1 سم بعد ما نقشرها طبعا ونحفظ كل شريحتين خيار او بطاطس فى كيس نايلون صغير ونحطهم فى الفريزر وكل يوم فى اى وقت فاضى عندنا نطلع كيس من الفريزر ونحط الشرايح على العين ونغمض عيوننا ونسيبها لمدة 10 دقايق وممكن برضه نعمل الحكاية دى مع باكيت الشاى المستعمل بدل ما نرميه نحطه فى صحن صغير وعلى الفريزر واهو ينفع وقت عوزة
11- لو العين منتفخة من تحت يبقى نقلل الملح فى الاكل وكمان ناكل الحاجات الغنية بالبوتاسيوم زى :
البرتقال - البطاطس - البرقوق - الموز - الطماطم
ونجيب قطعة ثلج ونلفها فى منديل ورقى ونحطها على المنطقة المنتفخة لمدة 10 دقايق
12- لو حبينا نستخدم مرطب لمنطقة حول العين فلازم يكون مرطب مخصوص للمنطقة دى ومينفعش نستخدم اى مرطب للوش عادى ونحطه تحت العين
ممكن نرطب بخليط الزيوت اللى قلنا عليها سابقا
او نستخدم كريم مرطب زى افين سوثينج
Avene soothing eye contour cream
13- الميا اساسى فى كل حاجة تتعلق بشعرنا وبشرتنا
يوميا يا فتوكات هنشرب 10 اكواب ميا ويفضل 2 كوباية مع كل صلاة وممكن نزود عليها ميا الورد الخاصة بالاكل نحط ملو غطا ميا الورد على ازازة الميا الكبيرة 1 لتر بتديها طعم حلو وتشجعنا نشرب ميا علطول
14 - اخر نصيحة معانا يا جماعة اننا ناخد اقراص مضادة للاكسدة وفيتامينات لاعادة النضارة للوش عامة وكمان لمناطق الهالات لان الادوية دى بتنقى الدم وبتخلص الجسم من السموم
هناخد اقراص سيلينيوم ايس
Selenium ACE
قرص مرة واحدة يوميا بعد الفطار لمدة شهر
15- فيه بعض الحالات اللى بتكون فيها العين غائرة بتتعالج بحقن الفيلرز fillers تحت الجلد فى مناطق الهالات وبتالى العين بتبرز لبرة شوية والموضوع ده بيختفى
برضه الحالات اللى مش بتستجيب كويس للكريمات والادوية وكده فبيكون علاجها هو الميزوثيرابى عند دكتور جلدية متخصص بيحقن تحت العين فيتامين سى ومضادات اكسدة وكولاجين وايلاستين وكافيار وجلوتاثيون وحاجات تانية كثيرة حسب الحالة ما محتاجة
الموضوع خلص يا عدولاتى ومتحرمونيش من صالح دعواتكم اذا عجبكم الموضوع . اشوفكم على خير
لانى لسا بداة كتابة بعد الوفاة وربنا يعلم منقول
إظهار التوقيع
توقيع : ام جنى وبس
التوقيع لا يظهر للزوار ..
رد: لا هالات بعد اليوم . لا هالات بعد اليوم
رد: لا هالات بعد اليوم . لا هالات بعد اليوم
إظهار التوقيع
توقيع : zozoweza
التوقيع لا يظهر للزوار ..
رد: لا هالات بعد اليوم . لا هالات بعد اليوم
إظهار التوقيع
توقيع : ريموووو
التوقيع لا يظهر للزوار ..
رد: لا هالات بعد اليوم . لا هالات بعد اليوم
إظهار التوقيع
توقيع : ريموووو
التوقيع لا يظهر للزوار ..
رد: لا هالات بعد اليوم . لا هالات بعد اليوم
رد: لا هالات بعد اليوم . لا هالات بعد اليوم
إظهار التوقيع
توقيع : فلسطين
التوقيع لا يظهر للزوار ..
رد: لا هالات بعد اليوم . لا هالات بعد اليوم
رد: لا هالات بعد اليوم . لا هالات بعد اليوم
رد: لا هالات بعد اليوم . لا هالات بعد اليوم
إظهار التوقيع
توقيع : ام جنى وبس
التوقيع لا يظهر للزوار ..
رد: لا هالات بعد اليوم . لا هالات بعد اليوم
إظهار التوقيع
توقيع : Amira .
التوقيع لا يظهر للزوار ..
رد: لا هالات بعد اليوم . لا هالات بعد اليوم
إظهار التوقيع
توقيع : الملكة نفرتيتي
التوقيع لا يظهر للزوار ..
رد: لا هالات بعد اليوم . لا هالات بعد اليوم
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| من تجربتي للعنايه بالبشره (بشره صافيه لا هالات سوداء ولا حب شباب ولا نمش ولاكلف) | sηfoorћ♪' | العناية بالبشرة | ||
| عايزة عيون منورة من غير كونسيلر او خفي هالات ادخلي ونوريني | همس بلا لمس | العناية بالبشرة | ||
| هالات سودا مافيش وعن تجربة | القطة | العناية بالبشرة | ||
| حبوب تحت العين / هالات تحت العين / ما هي الحبوب تحت العين | الدكتورة نهال | العناية والجمال | ||
| ما هي الحبوب تحت العين / حبوب تحت العين / هالات تحت العين د نهال | الدكتورة نهال | العناية والجمال | ||
الساعة الآن 06:18 AM
جميع المشاركات تمثل وجهة نظر كاتبها وليس بالضرورة وجهة نظر الموقع