أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

بدون انحياز

إضافة رد  أضف للمفضلة
https://3dlat.com/showthread.php?t=102603
5280 25
#1

افتراضي بدون انحياز

بسم الله الرحمن الرحيم
اللهم صل وسلم وبارك على سيدنا محمد
عليه افضل صلاة واتم تسليم




حبيباتى
السلام عليكم ورحمة الله وبركاته

انا عايزاكم فى موضوع خاص بيا وبحياتى بس حبيت اخد رايكم قبل ماتصرف لانى عايزة اشوف راي الناس فيا وهل انا غلط ولاصح
بسم الله ندخل فى الموضوع
انا جوزى مسافر وكانت الخطوبة وهو مسافر واما نزل اتجوزنا فى 13 يوم قعد معايا 3اشهر بمافيهم ايام الفرح انا كان عندى مشكلة تكيسات على المبايض عرفتها اول اسبوع لما رحت كشفت ودى مش مشكلة عويصة هو كورس العلاج منها 3اشهر يعنى انا اتعالجت وفعلا اخر يوم هو كان موجود كان يوم تبويض عندى وفعلا حصل حمل بس الدكتور طلب منى ارتاح على ضهرى عشان انا عصبية جدا ممكن اتعصب البيبى ينزل وفعلا ده الى حصل هو سابنى تانى يوم وطبعا كنت تعبانة نفسياا وكمان مامتى اتصلت عليا عشان تكلمنى وعيطت عشان زعلانة عليا خلتنى انفعلت اكتر هو مش بايدها بس النصيب وروحت للدكتور امانزل عليا دم فمحصلش نصيب قلت الحمدلله على كل حال الدكتور طلب منى انى اسافر لجوزى عشان انا فى اول سنة المفروض على الاقل نقعد 6اشهر وكلمت جوزى قالى طيب وبعدين رجع قالى الظروف والماديات بصراحة مكانش رايه الاول انا اما اخته عرفت اتضايقت خليكى مانا كنت هنا وجوزى مسافر وايه يعنى خليه يعمل قرشين وفعلا بكلمه تانى مرة لقيته بيقولى كدة كرامتى اتجرحت اوى يعنى هو انت بتتعب ليه مش عشان خاطرنا انا وانت ومش فاتحته تانى فى الموضوع وبالفعل عدى عليا شهرين حصل لى طمس لان المبايض اتنشطت وبعدين اتكاسلت تانى ورجعنا للصفرتانى ورجع هو من السفر قعدبردو 3اشهرر طب ليه مظبطتيش نفسك والله كنت مظبطة كل الدنيا بس من تانى اسبوع اتلهى فى مشاكل اخواته درجة وصلتنى انى مبقاش ليا لازمة فى حياته كنت بجهز واخد الادوية عشان انشط المبيض وكنت باخد ابر وانا مش بحبها بس عشان خاطره ويتصلوا ارجع مالقيهوش والاقيه بيقولى معلش اتصلوا عليا قمة الانحطاط النفسي كرهت نفسي جدا وسكت خالص اخواته قبل مايسافر باسبوع بقه بيزعقوا له واخته بتقولى انتى لازم تشوفى نفسك فاخدنى معاها لدكتورة وماما كمان فقالت لى لازم تخسي واديتنى دواء ينزل البيروت ماخدوتوش عشان خاطره بردو قلت امايمشي وخلاص واما سافر بقه يعاتبنى كتير اوى على الموضوع ده وللاسف مش عايزة اقوله حاجة تجرح كرامتى انه هو السبب وانا روحت لدكتورة تانى وعملت تحاليل كتير اوى وماما تفاجئت لما لقتنى برد وبصحح للدكتورة وانى عارفة كل حاجة حتى الدكتورة استغربتنى وقالت لى انتى جاية ليه عشان اقولك خسي زى ماما ماقالت لها فرديت على الدكتورة انى مش حاسة باى استقرار لامعنوى ولاحتى نفسي تحت امر بابا وماما اروح وقت مايقولووا واقعد فى شقتى بمزجهم وهو ملوش راى فى كدة خالص وعصبيتى من الى بيحصل فيا المهم حبيباتى انا دلوقت ماشية على كورس علاج والمفروض ان فى كورس تانى هيبدأفى اول السنة الجديدة وانا كنت قلت مش هفاتحه فى موضوع السفرتانى
بس بصراحة تعبت ايام عمالة تضيع وتعدى وهو مش فارقة معاه بس انا نفسي اشوف اطفالى نفسي اوى احس احساس الامومة مع العلم ان جوزى اكبر منى باكتر من 10 سنين انا لسة 19 وهو فوق التلاتين
فكلمت ابن عمى هو شغال مع جوزى فى نفس البلد وسالته لاقيت ان الموضوع مش خيالى زى مابيقول كلها مصاريف بسيطة هو يقدر عليها فكررت انى اقوله يبعت لى زيارة على الاقل اما اخلص موضوع الكورس بتاع العلاج بالله عليكم قولوا لى دى انانية منى ولاده ابسط حقوقى مع العلم ان جوزى كلم باابا يشوف له شغل هنا وكان موافق اما سافر واخته عرفت بردو غير رايه وانا كمان قلت له متسيبش مكانك متقطعش رزقك بنفسك بس هو لسة مش هيفنش دلوقت قولوا راييكم بكل صراحة لانه يهمنى مينفعش اكلم مع اى حد فى كدة


إظهار التوقيع
توقيع : شقاوة آنثى
#2

افتراضي رد: بدون انحياز

مش عارفه اقولك ايه بس مش معقول كل شويه يغير رايه فى قرارات مهمه
المفروض يعمل الى فى دماغه والى متفق معاكى عليه

المهم حبيبتى انتى مكانك معاه
طالما الموضوع سهل ان تروحينه عشان ربنا يكرمك هناك
وتبطلى عصبيتك واحساسك بالوحده
وبعدين كل شئ نصيب انتى لسه صغيره يعنى الحياه قدامك
إظهار التوقيع
توقيع : هبه شلبي
#3

افتراضي رد: بدون انحياز

انتى معاكى حق بس لازم تكلميه وتفهميه /لازم تسافرى له علشان العلاج ومش معقول كل مره ترجعى لنقطه الصفر وتبداى من اول وجديد ومعلش قوليله على مشاعرك وده ابسط حق من حقوقك وحلم كل واحده تبقى ام ...وربنا يهدى لك الحال ويرزقك وكل البنات يارب بالذرية الصالحة .
إظهار التوقيع
توقيع : zozoweza
#4

افتراضي رد: بدون انحياز

الله يهدي بالك بس انتي لازم تصبري حبيبتي انتي لسه صغيرة قدامك وقت كتير بس رح اقولك شي انتي لما تكلمي زوجك ماتحسيسيهوش انك عايزة تكوني معاه بس عشان الحمل والعيال ده غلط انتي لازم تحسسيه انه نمرة واحد في حياتك وبتحبي تكوني معاه عشان بتحبيه وماتقدريش تبعدي عنو سواء كان في اولاد او لا***- الله يرزقك بالذرية الصالحة ويعوضك خير ***- حتلاقيه لوحده بعتلك تقعدي معاه وكبري دماغك عن كل المشاكل وروئي وكملي كورس العلاج وتوكلي على الله واهم حاجه الصبر والروئان


رد: بدون انحياز
إظهار التوقيع
توقيع : JİLO
#5

افتراضي رد: بدون انحياز

اكيييد حبيبتي انتي مش غلطانه طبعااااااا لانك من حقك تعيشي حياه طبعية زي اي اتنين متجوزين
وهو اللي عنده مشكله في قراراته وداا اكبررررررر غلط في الاول المفرررررروض ان مش كل حاجه العائله تعرفهااا انتو الاتنين وبس
يعني خلي مشكلكم خااااااااصه ومحدش يعرف عنهاااااا حاااجه ولا حتي اخته او مامتك وكمان متخلويش حد يعرف حاجه عن قراركم غير عند التنفيذ والافضل انك تتكلمي مع بهدوء بخصوص السفر واكييييييييد هايواقف لان هو كمان محتاج استقررار ومحتاج تكوني جابنة اكيييييد وربنا انش اء الله يعوضك خيرررررر عن الي رررررراح ويرزقك الذرية الصالحه ولو كان ليكي نصيب في كان الحمل كمل لان دا نصيب حبيبتي ورزق وربنا يرشدك للقرار الصواب ان شاء الله

إظهار التوقيع
توقيع : حبيبة نوناا
#6

افتراضي رد: بدون انحياز

بصى حبيبتى انا رايى انك تنسى موضوع الحمل مؤقتا وانك تحاولى انك تقنعيه انك مش قادره على فراقه وانك مش قادره تستغنى عنه وتحاولى انك تفهميه ان مش كل همك انك تنجبى منه اولاد وبس ولازم تحاولى انك تقنعيه بحبك ليه ولوجودك معاه وان الايام من غيره بتمر عليكى صعبه وبعدين انا عازه اقلك ان الراجل بعد سن الثلاثون بيكون عنده نوع من الفتور العاطفى والبحث عن الماده اهم بكثير من وجود الاطفال فى حياته بس مش معنى كلامى انه مش برجح وجودهم فى حياتكم بس بيكون عنده اولويات الا ومن اولها هى الماده فياريت تنسى شويه موضوع الانجاب بس لفتره وانتى لسه والحمد لله صغيره ولازم تعرفى حبيبتى ان اهم شىء فى الزواج السكن والموده والرحمه فلمقصود بالسكن هنا الوجود بجوار بعضكم وانه لابد ان يرحم عاطفة الامومه الموجوده بداخلك وكل ده لازم يجى بالصبر والحب وياريت حبيبتى تلحى عليه فى موضوع انك تسافرى وتقعدى معاه بس من غير عصبيه بهدووووووووووء وبحب وان شاء الله تنالى ماتتمنيه وربنا يصلح لكم الحال امييييييييين
إظهار التوقيع
توقيع : قوت القلوب 2
#7

افتراضي رد: بدون انحياز


المشاركة الأصلية كتبت بواسطة هبه شلبى
مش عارفه اقولك ايه بس مش معقول كل شويه يغير رايه فى قرارات مهمه
المفروض يعمل الى فى دماغه والى متفق معاكى عليه

المهم حبيبتى انتى مكانك معاه
طالما الموضوع سهل ان تروحينه عشان ربنا يكرمك هناك
وتبطلى عصبيتك واحساسك بالوحده
وبعدين كل شئ نصيب انتى لسه صغيره يعنى الحياه قدامك
المشكلة ياهبة انى راضية وساكتة وهما الى بيتكلموا بيجننونى اوى ياهبة والله
إظهار التوقيع
توقيع : شقاوة آنثى
#8

افتراضي رد: بدون انحياز


المشاركة الأصلية كتبت بواسطة zozoweza
انتى معاكى حق بس لازم تكلميه وتفهميه /لازم تسافرى له علشان العلاج ومش معقول كل مره ترجعى لنقطه الصفر وتبداى من اول وجديد ومعلش قوليله على مشاعرك وده ابسط حق من حقوقك وحلم كل واحده تبقى ام ...وربنا يهدى لك الحال ويرزقك وكل البنات يارب بالذرية الصالحة .
اللهم امين حبيبتى
إظهار التوقيع
توقيع : شقاوة آنثى
#9

افتراضي رد: بدون انحياز


المشاركة الأصلية كتبت بواسطة jilo
الله يهدي بالك بس انتي لازم تصبري حبيبتي انتي لسه صغيرة قدامك وقت كتير بس رح اقولك شي انتي لما تكلمي زوجك ماتحسيسيهوش انك عايزة تكوني معاه بس عشان الحمل والعيال ده غلط انتي لازم تحسسيه انه نمرة واحد في حياتك وبتحبي تكوني معاه عشان بتحبيه وماتقدريش تبعدي عنو سواء كان في اولاد او لا***- الله يرزقك بالذرية الصالحة ويعوضك خير ***- حتلاقيه لوحده بعتلك تقعدي معاه وكبري دماغك عن كل المشاكل وروئي وكملي كورس العلاج وتوكلي على الله واهم حاجه الصبر والروئان


رد: بدون انحياز
حبيبتى انا والله مابفاتحه فى الموضوع خالص بالعكس هو الى بيكلم وانا كرامتى اتجرحت اوى لما غير رايه اكتر من مرة ونفسياتعبت حتى معنويا مش بيساندنى وانا مش هجيب له سيرة الحمل اصلا بس هو فعلا وحشنى جدا والله
إظهار التوقيع
توقيع : شقاوة آنثى
#10

افتراضي رد: بدون انحياز


المشاركة الأصلية كتبت بواسطة حبيبة نوناا
اكيييد حبيبتي انتي مش غلطانه طبعااااااا لانك من حقك تعيشي حياه طبعية زي اي اتنين متجوزين
وهو اللي عنده مشكله في قراراته وداا اكبررررررر غلط في الاول المفرررررروض ان مش كل حاجه العائله تعرفهااا انتو الاتنين وبس
يعني خلي مشكلكم خااااااااصه ومحدش يعرف عنهاااااا حاااجه ولا حتي اخته او مامتك وكمان متخلويش حد يعرف حاجه عن قراركم غير عند التنفيذ والافضل انك تتكلمي مع بهدوء بخصوص السفر واكييييييييد هايواقف لان هو كمان محتاج استقررار ومحتاج تكوني جابنة اكيييييد وربنا انش اء الله يعوضك خيرررررر عن الي رررررراح ويرزقك الذرية الصالحه ولو كان ليكي نصيب في كان الحمل كمل لان دا نصيب حبيبتي ورزق وربنا يرشدك للقرار الصواب ان شاء الله
والله ياحبيبتى انا عارفة كدة كويس بس هما الى مش ساكتين
إظهار التوقيع
توقيع : شقاوة آنثى
#11

افتراضي رد: بدون انحياز


المشاركة الأصلية كتبت بواسطة قوت القلوب 2
بصى حبيبتى انا رايى انك تنسى موضوع الحمل مؤقتا وانك تحاولى انك تقنعيه انك مش قادره على فراقه وانك مش قادره تستغنى عنه وتحاولى انك تفهميه ان مش كل همك انك تنجبى منه اولاد وبس ولازم تحاولى انك تقنعيه بحبك ليه ولوجودك معاه وان الايام من غيره بتمر عليكى صعبه وبعدين انا عازه اقلك ان الراجل بعد سن الثلاثون بيكون عنده نوع من الفتور العاطفى والبحث عن الماده اهم بكثير من وجود الاطفال فى حياته بس مش معنى كلامى انه مش برجح وجودهم فى حياتكم بس بيكون عنده اولويات الا ومن اولها هى الماده فياريت تنسى شويه موضوع الانجاب بس لفتره وانتى لسه والحمد لله صغيره ولازم تعرفى حبيبتى ان اهم شىء فى الزواج السكن والموده والرحمه فلمقصود بالسكن هنا الوجود بجوار بعضكم وانه لابد ان يرحم عاطفة الامومه الموجوده بداخلك وكل ده لازم يجى بالصبر والحب وياريت حبيبتى تلحى عليه فى موضوع انك تسافرى وتقعدى معاه بس من غير عصبيه بهدووووووووووء وبحب وان شاء الله تنالى ماتتمنيه وربنا يصلح لكم الحال امييييييييين
عارفة ياقوت والله العظيم انا الرسايل والمكالمات كتير جدا وبعبر عن شوقى وحبى بكل الطرق والله بعكسه تماما وده بيضايقنى منه اوى يعنى انا لوحصل لى حاجة ومت هو والله العظيم ماهيعرف انا متاكدة من حاجة زى دى وبقول معلش مشغول وبخلق له الف عذر وبسامحه حتى من غير ماقوله انى زعلانة لانى والله حبيته اوى بس حاسة انه مستحلى البعد
إظهار التوقيع
توقيع : شقاوة آنثى
#12

افتراضي رد: بدون انحياز


المشاركة الأصلية كتبت بواسطة عازفة على وتر الذكريات

عارفة ياقوت والله العظيم انا الرسايل والمكالمات كتير جدا وبعبر عن شوقى وحبى بكل الطرق والله بعكسه تماما وده بيضايقنى منه اوى يعنى انا لوحصل لى حاجة ومت هو والله العظيم ماهيعرف انا متاكدة من حاجة زى دى وبقول معلش مشغول وبخلق له الف عذر وبسامحه حتى من غير ماقوله انى زعلانة لانى والله حبيته اوى بس حاسة انه مستحلى البعد
لا حبيتى بعد الشر عليكى ياقمر بس انا قلتلك معلش فرق السن برضوا مشكله وده اللى احنا مش بنفكر فيه قبل الزواج كل اللى بيشغل بالنا هو الفرح والامومه ولما بنلاقى عكس الصوره دى بنحزن انا حبيبتى عزراكى لاءنى مريت بنفس ظروفك بس مع الاختلاف جوزى كان مش مسافر خارج البلاد بس كان مسافر عنى بمشاعره واحسيسه ويمكن نفس فارق السن اللى بينك وبين جوزك كان نفسه بينى وبين جوزى وانا اتأخرت شويه بعد الزواج فى موضوع الحمل وهومكنش على باله وكنت انا برضه اللى بجرى واسأل ومتلهفه مثلك تماما بس الحمد لله مع الصبر كله بيعدى بعون الله وربنا يعطيكى الزريه الصالحه ويهديلك الحال يا رب ونصيحه منى حبيبتى انك كل يوم تلجأى لربنا فى النصف الاخير من الليل وتدعى ربنا بكل اللى نفسك فيه وهو ان شاء الله سوف يتحقق بأذن الله وترزقى ان شاء الله بما يصر نفسك واعلمى انه مش مستحلى البعد ولا حاجه وان شاء الله مع الوقت سوف يتغير ولازم لو زعلانه منه تعرفيه اول بأول بأنك زعلانه منه علشان كذا وكذا مش يمكن هو مش واخد باله انه مزعلك
إظهار التوقيع
توقيع : قوت القلوب 2
#13

افتراضي رد: بدون انحياز

حبيبتى انتى ذى بنتى وانا هكلمك بكل صراحه انتى لازم تقربى منه اكترمن كلامك يمكن متقبلتوش كتير يعنى بالاصح هو لسه محبكيش اوى او ارتبط بيكى لانى شايفه ان اختو مسيطره عليه حبتين يبقى دورك هو انك تقربى منه طبعا هتقوليلى اذاى وهو مسافر والله فى كمبيوتر ونت لازم تكلميه عليهم ولو عرفتى يشوفك كاميرا خليه يشوفك كلميه فى التليفون حسسيه انك موجوده فى حياته وليكى دور مش على الهامش لحد ما هو يتجنن على سفرك ليه ويحارب علشان تسافريله وبعدين انتى عملتى الى عليكى واكتر فى موضوع الحمل وذى ما البنات قلولك مكانك هناك عند جوزك انتى باذن الله لما تخلصى الكورس لازم تسافرى له حتى لو هيبعتلك زياره ثلاثه شهور وانتى وشطارتك لما تسافريله حاضر ونعم وتقربيه منك اكتر
خليه يلاقى عندك الى مش موجود عند امه ولا اخته ولا اى حد ولازم تحسسيه بالفرق وانتى معاه او بعيده
وباذن الله ربنا هيصلح ليكى الحال واسمع عنك حبيبتى كل خير
إظهار التوقيع
توقيع : مدام نونا
#14

افتراضي رد: بدون انحياز


المشاركة الأصلية كتبت بواسطة مدام نونا
حبيبتى انتى ذى بنتى وانا هكلمك بكل صراحه انتى لازم تقربى منه اكترمن كلامك يمكن متقبلتوش كتير يعنى بالاصح هو لسه محبكيش اوى او ارتبط بيكى لانى شايفه ان اختو مسيطره عليه حبتين يبقى دورك هو انك تقربى منه طبعا هتقوليلى اذاى وهو مسافر والله فى كمبيوتر ونت لازم تكلميه عليهم ولو عرفتى يشوفك كاميرا خليه يشوفك كلميه فى التليفون حسسيه انك موجوده فى حياته وليكى دور مش على الهامش لحد ما هو يتجنن على سفرك ليه ويحارب علشان تسافريله وبعدين انتى عملتى الى عليكى واكتر فى موضوع الحمل وذى ما البنات قلولك مكانك هناك عند جوزك انتى باذن الله لما تخلصى الكورس لازم تسافرى له حتى لو هيبعتلك زياره ثلاثه شهور وانتى وشطارتك لما تسافريله حاضر ونعم وتقربيه منك اكتر
خليه يلاقى عندك الى مش موجود عند امه ولا اخته ولا اى حد ولازم تحسسيه بالفرق وانتى معاه او بعيده
وباذن الله ربنا هيصلح ليكى الحال واسمع عنك حبيبتى كل خير

تسلمى لى يامى انا مبخليش جهد على جهدى الا وبعمله برغم الظروف اللى محطوطة فيها بس مخلياه هو عالم تانى خالص عالم خاص بيا حاجة حلوة فى حياتى وبديها كل حلو فيا
إظهار التوقيع
توقيع : شقاوة آنثى
#15

افتراضي رد: بدون انحياز

بصى يا قمر
انا معاكى جدا وطبعا حاسة بيكى لانى كمان معنديش اطفال
وربنا يرزقنا جميعا
المفروض طبعا تكونى مع جوزك وامرك سهل وان شاء الله تحملى بس تكونى معاة ومريحة نفسيتك وهو كمان شكل اخواتة مسيطرين على قراراتة
من حقك يكون ليكى طفل
اتكلمى معاة براحة وان شاء الله يستجيب ويوافق وتبشرينا قريب بالمولود السعيد
#16

افتراضي رد: بدون انحياز

الله يوفقك ويجمعك بزوجك ويهديلكم الحال ويرزقكم بالذرية الصالحة
إظهار التوقيع
توقيع : نيڨين
#17

افتراضي رد: بدون انحياز

مشكورات حبيباتى
إظهار التوقيع
توقيع : شقاوة آنثى
#18

افتراضي رد: بدون انحياز

ينقل للفضفضة
#19

افتراضي رد: بدون انحياز

شوفى يا حبيبتى انتو ظروفكو ملخبطه فى الببدايه كل الجوازات كده بس ربنا مأجل الحمل لحكمه وممكن اوى واحده تحمل وتسقط ومتكملش وممكن اوى تبقى مع جوزك وميحصلش حمل بالسنين لا قدر الله انصحك متضغطيش عليه لانه فى غربه ووحيد لو بايدك اتفاهمى معاه وروحيله وسيبى موضوع الحمل ده على ربنا ده رزق انتى بتاخدى بالاسباب وتعملى اللى عليكى ريحى نفسيتك واعرفى انه كل باوان محدده الموله سبحانه وتعالى
واصلا انتى لوحدك يعنى حيبقى الحمل والولاده عبء عليكى وانتى لوحدك وكمان انتى صغيره اوى بطنك مليانه عيال فسيبيها لحد ما ربنا يجيبها فى وقتها وان شاء الله حتيجى
#20

افتراضي رد: بدون انحياز


المشاركة الأصلية كتبت بواسطة لافالانتينا
شوفى يا حبيبتى انتو ظروفكو ملخبطه فى الببدايه كل الجوازات كده بس ربنا مأجل الحمل لحكمه وممكن اوى واحده تحمل وتسقط ومتكملش وممكن اوى تبقى مع جوزك وميحصلش حمل بالسنين لا قدر الله انصحك متضغطيش عليه لانه فى غربه ووحيد لو بايدك اتفاهمى معاه وروحيله وسيبى موضوع الحمل ده على ربنا ده رزق انتى بتاخدى بالاسباب وتعملى اللى عليكى ريحى نفسيتك واعرفى انه كل باوان محدده الموله سبحانه وتعالى
واصلا انتى لوحدك يعنى حيبقى الحمل والولاده عبء عليكى وانتى لوحدك وكمان انتى صغيره اوى بطنك مليانه عيال فسيبيها لحد ما ربنا يجيبها فى وقتها وان شاء الله حتيجى
انا مش مستعجلة ياحبيبتى هما الى مستعجلين
إظهار التوقيع
توقيع : شقاوة آنثى
#21

افتراضي رد: بدون انحياز

البنات قالوا كل الكلام
اصبري وربنا كبير
إظهار التوقيع
توقيع : amira ali
#22

افتراضي رد: بدون انحياز


المشاركة الأصلية كتبت بواسطة amira ali
البنات قالوا كل الكلام
اصبري وربنا كبير
ونعم بالله ياميروو
إظهار التوقيع
توقيع : شقاوة آنثى
#23

افتراضي رد: بدون انحياز

عايزة آخر كلام قوليله يبعتلك عشان تروحى هو مش حاسس بيكي عشان فترة قعادكم مع بعض قليلة جدا بس اللي انا مستغرباله انه مش شاغل باله بالحمل وده شئ غير طبيعي وخصوصا لما الزوج يبقي عارف ان فيه مشكلة بيجري على حلها لان زى مالزوجة محتاجة تبقي ام هو كمان محتاج يبقي اب اما في حالة زوجك انا شايفاه مش مستقر في آرائه مش عايزاكى تستني علي نفسك عشان المشكلة اللى عندك ماتتعقدش زيادة وخرجي اي حد من قراراتكم نهائيا اقعدي واتكلمي معاه ضرورى انتي صغيرة صحيح بس انا خايفة مشكلتك تتعقد من وقت للتاني خليه يبعتلك زيارة بيتهيألي انه مش شئ صعب لازم يبقي فيه تواصل انا بقول كده لاني شفت معارف ليا كان عندهم نفس المشكلة واتحلت في سنين طويلة مش عاوزاكى توصلي للنقطة ديه جسمنا مش تحت امرنا كل مرة اتكلمي معاه وبالراحة وسيبك من اى حد يتكلم عشان العامل النفسي مهم جدا للحمل ولصحتك قبل كل شئ ربنا يهديلك الحال
إظهار التوقيع
توقيع : مايا علي
#24

افتراضي رد: بدون انحياز

مبقتش تفرق كتير خلاص يبقى معايا ولالا ربنا يعينه على شغله ويوفقه بدعيله فى كل صلاة ربنايوفقه يارب خلاص مات الكلام
إظهار التوقيع
توقيع : شقاوة آنثى
#25

افتراضي رد: بدون انحياز

بصرف النظر عن كورس العلاج الزوجة من حقها انها تستفر مع زوجها فى نفس البلد

اتفهمى معاها تانى بهدوء وربنا يصلح لك الحال ويرزقك بالذرية الصالحة
#26

افتراضي رد: بدون انحياز

حبيبتى انتى عندك حق ومش غلطانه ولازم تسافرى لجوزك بس حاولى انك تكسبيه بلاش تدى الفرصه لاهله انهم يتدخلوا فى حياتكم وقرارات خاصه بيكم وربنا يهديهولك يارب ويرزقك بالذريه الصالحه


قد تكوني مهتمة بالمواضيع التالية ايضاً
الموضوع كاتب الموضوع المنتدى
صباحى: سأنسحب من السباق حال وجود تزوير أو انحياز الدولة لمرشح بعينه ام طاطو اهم الاخبار - اخبار يومية
فيديو مسرب للسيسى يتحدث فيه انه ليس من الوطنية انحياز الجيش لجزء من الشعب ضد الا اللهم ارزقنى التقى فيديوهات - مقاطع يوتيوب


الساعة الآن 06:49 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل