أو

الدخول بواسطة حسابك بمواقع التواصل

#1

افتراضي التخلي عن جنسية بلد الفشل

لما مصر تبقى امى
...
زى ما قال الكتاب
يبقى ياريت تمسح همى
ولا اللى قال كدا كداب
كان ايه ان ذنب ابنى
اللى مات من غير حساب
اللى كان منور بيتى
وفجأة بقى تحت التراب
.
لحد امتا يا مصر قولى
هيفضل دمنا فيكى هدر
كلمه ايه اللى تمسح دموعى
ولا خطاب اللى اعتذر
ولا كلام المسؤلين
اننا بنحمى البشر
واحنا دايما بنفاديكم
المشاكل والخطر
لانكم انتو البشر
مش قطيع من البقر
.
طب قوليلى فين حقنا
لما الدمعه سالت مننا
والقطر اللى قتل ابننا
.
فين يا مصر هم البشر
فين المعامله الادميه
لما ابقى مرهوب من البندقيه
ماشى وانا خايف اتمسك
تتلفقلى ميت قضيه
شهر والتانى والتالت
يتنسى انى ضحيه
انا لسه عايش مقيد
معرفش ايه معنى الحريه
لما يبقى اللى قتلنا
من كلاب الداخليه
مرتب زايد وتكريم
والف عيشه هنيه
لا والكلب اللى ضرب
خد يا مصر احسن ترقيه
واللى امر فى السجن
عايش دور الملكيه
صاحى نايم عايش
تتضربلوا الف تحيه
واللى اتقتل يا عينى
امه جالها سكته قليبه
يبقى فين يا مصر
هى الادميه .
فين هم البشر
فين الانسانيه
فيكى يا مصر
الناس جعانه
فيكى يا مصر
القلوب تعبانه
فيكى يا مصر
الخلق حيرانه
فيكى يا مصر
.
الغفير اصبح امير
والامير اصبح حقير

يبقى فين الانسانيه
فين المعامليه الادميه .





فين يا مصر هم البشر
الشعب عندك قطيع بقر
ماشى بينحت فى الحجر
يوفر لابنه مصروفه لاجل الخطر
وفى غمضه عين
ابنه اتقتل قدام عنيه
والدم سال كما المطر
.
.
فين يا مصر هم البشر
.
.
.
كفايه بقا ضحكك علينا
انك امنا وانتى اللى لينا
لو بايدى يا مصر
لو بايد مسؤلينك
ياريت يا مصر تبلغيهم
انى ليكى خلاص
نسيت
انى عن انتمائى
استغنيت
وانى قررت الخروج
م البيت
مش عايز يا مصر
يتقالى يا مصرى
عارفه ليه
عشان ابقا انسان
اصل نسيت اقولك
ان المصرى فيكى
ارخص من الحيوان

جنسيتى مش عايزاها
ولقمتك مش واخداها
وميه نيلك بدفع تمنها
.
مش باخد منك ببلاش
يبقى مش هديكى ببلاش
.
.
مش كدبتى وقولتى اننا بشر
وفى الاخر اكتشفت
اننا قطيع من البقر ..
.
.
سلام يا مصر
خلاص اللى بينا انتهى
سلام يا اللى كنتى امى
نسيت ايامى اللى عشتها
سلام يا مصر
يا بلد البقر .
.
.
.
التخلي عن جنسية بلد الفشل


إظهار التوقيع
توقيع : دلوعتي20
#2

افتراضي رد: التخلي عن جنسية بلد الفشل

لا اله الا الله
وجعتي قلوبنا يا شيخة
بس تسلم ايديك
إظهار التوقيع
توقيع : ام هنا
#3

افتراضي رد: التخلي عن جنسية بلد الفشل

يسلمو ياقمر
إظهار التوقيع
توقيع : الملكة نفرتيتي
#4

افتراضي رد: التخلي عن جنسية بلد الفشل

جنسيتى مش عايزاها
ولقمتك مش واخداها
وميه نيلك بدفع تمنها
.
مش باخد منك ببلاش
يبقى مش هديكى ببلاش
.
.
مش كدبتى وقولتى اننا بشر
وفى الاخر اكتشفت
اننا قطيع من البقر ..
إظهار التوقيع
توقيع : ام هنا
#5

افتراضي رد: التخلي عن جنسية بلد الفشل

عندك حق بس مسيرها تتعدل وتسلم ايديك
#6

افتراضي رد: التخلي عن جنسية بلد الفشل

رد: التخلي عن جنسية بلد الفشل
إظهار التوقيع
توقيع : هبه شلبي
#7

افتراضي رد: التخلي عن جنسية بلد الفشل

لاحول ولاقوة الابالله
إظهار التوقيع
توقيع : @ şσỡşσỡ @
#8

افتراضي رد: التخلي عن جنسية بلد الفشل

رد: التخلي عن جنسية بلد الفشل
إظهار التوقيع
توقيع : وغارت الحوراء


قد تكوني مهتمة بالمواضيع التالية ايضاً
الموضوع كاتب الموضوع المنتدى
الأشياء التي إذا إستطعت التخلي عنها ، سوف تجعل حياتك أسهل كثيراً اماني الغالية العيادة النفسية والتنمية البشرية
كيف تتغلب على الفشل ؟ ام سيف 22 العيادة النفسية والتنمية البشرية
أعشاب طبيعية لعلاج الفشل الكلوى , العلاج الطبيعي للفشل الكلوى , طرق طبيعية لعلاج وغارت الحوراء الطب البديل
البلد,حكم عن البلد Nada Ndod حكم واقـوال
الفشل الكلوي Kidney Failure ريموووو العيادة الطبية


الساعة الآن 10:29 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل