جروب ستات البيوت.... تنظيف* تنظيم* توفير

*بسم الله الرحمن الرحيم*

النهارده هنتكلم عن تنظيف المنزل
احنا خلاص اتفقنا على تنظيمه وترتيبه عشان نشتغل واحنا نفسنا مفتوحه
تنظيف المنزل انا بقسمه على اربع حاجات

1- تنظيف يومى
2- تنظيف اسبوعى
3- تنظيف شهرى
4- تنظيف سنوى

نبدا باسم الله والصلاة والسلام على رسول الله

اولا : التنظيف اليومى .

ده بيكون اول مابنبدا يومنا كل واحده حسب ظروف حياتها طبعا بتبدا بتشغيل صورة البقرة وهى السحر الذى يجهله الكثير
ها هنشمر خلاص ونعمل كوبايه النسكافيه المتينه ونبدا بالجبل عشان لما بيخلص مبتحسيش بحاجه والمقصود بالجبل هو المطبخ ياحبيباتى
طبعا المفروض من بليل بنكون غسلين الصحون ومشطبينه بس مفيش مانع نبدا بيه عشان لو فى حاجة نخلصها
نظرة سريعه على سبت الغسيل عشان لو فى دورة اتجمعت تدخل الغساله
وبعدين بالنسبه لفوط المطبخ ياريت تشتريلك كام واحده وتعملى اللى هقولك عليه تخصصى فوطه لكل حاجة عندك يعنى البوتاجاز فوطه والتلاجه فوطه والحوض فوطه وفوط للتعامل مع الحلل وكده
تمسكى فوطه التلاجة وتغسليها بالديتول والماء وجرى على السريع تمشى على تلاجتك من بره ومن جوة كده على الماشى مش هتاخد دقيقه
خرجتى من المطبخ
جرى على اوضه نومك افتحى الشبابيك ورتبى سريرك وامسكى فوطه الموبيليا على الناشف ومشى على الاثاث وجيبى بخاخ الزجاج ولمعى الازاز تمام وبالمقشه الخشنه كده وشويه مايه ومعطر وبللى المقشه بسيط ومشى على السجادة بتاعه الاوضه وبعدها
جرى على الاوض اللى بعدها مع اتباع نفس الطريقه خلصنا الاوض وهويناها نرد الشبابيك ونقفل الاوض
ونخش على الريسبشن تعملى نفس الشئ
وتلمعى ترابيزه التليفزيون والكمبيوتر واى اثاث وتلمعى الزجاج وبعدها تغلقى البلكون وتبداى التعطير اختارى المعطر اللى يناسبك وفى ناس بتحب البخور
وغيرها
خلصتى ياقمر
تدخلى على الحمام تكونى مشغله السخان ههه وتجيبى ازازة بيريل فاضيه وتخصصيها دى للحمام كل ماتفضى تمليها نص بيريل وكلور ونص مايه وبالليفه المخصصه للحمام خليهم فى الحمام فى اى ركن تدعكى الحوض والقاعده اعزكم الله
وتنظفى الارض وتفتحى الدش وتنزلى تحتيه تخدى شاور سريع
عشان المهمه اللى جايه وفى الغدا ههههههههههههه




يارب اكون افدتكم وهنكمل تابعونى
بس اتمنى انى اشوف تعليقاتكم