أو

الدخول بواسطة حسابك بمواقع التواصل

#1

رأي عايزة راى كل العدولات

ياجماعة عايزة رايكم ضرورى جدا انا ليا اخت اصغر منى وكنا النهارده انا وهية عند ماما وبعدين انا روحت وافتكرت حاجة قلت اكلم ماما لقيت صوتها متغير حاولت اعرف مالها قالتلى ان اختى اتخانقت مع جوزها واصرت تدى له الولاد وفعلا ودت الولاد مع اخويا الصغير وبعدين انهارت واخوالى وجدتى عرفوا الموضوع وراحوا عند ماما وانا باكلمها فانا قلت لها العيال صغيرين الولد عنده شهرين والبنت عندها سنة ونص والولد بيرضع طبيعى والبنت بتاخد ببرونة وتيتينادول ممكن يمونوا لو بعدوا عنها قالتلى اهى عندت وقالت ولاده ولازم يتحمل مسئوليتهم فقلت لها انا هاكلمه واخلية يرجعهم رفضوا واعتبروها مسالة كرامة قلت طيب بلاش اخلى جوزى يتدخل بكرة ويرجعهم ماما قالتلى لو اخوالك عرفوا هيزعلوا جدا علما بان احنا اربع بنات اكبرهم وولد لسه صغير ووالدنا متوفى الله يرحمه وجوزها ده مابيشتغلش وما بيصرفش عليها ولا على ولاده وماما متكفلة بيها من كل حاجة بس هيه اللى اختارته واصرت عليه ودلوقت متهذبة على الاخر اعمل ايه اخلى جوزى يتدخل ولا بلاش ولو اتدخل هابرر لاخوالى وجدتى الموقف ازاى عايزة رايكم ضرورى بالله عليكم







#2

افتراضي رد: عايزة راى كل العدولات

يارب يصلح الاحوال بس ما تصرفيش من نفسك وشوري حد من العيلة كبير وبيقدر الظروف الي زي دي لنة لازم يتحط حد للكلام الي بتقلية وبالزات حتتة المصاريف دي واختك هي الي ادتلة الفرصة الدي ويارب يهدي الحال ان شاء الله
#3

افتراضي رد: عايزة راى كل العدولات

انا مع نوارا فى كلامها اللى قالته
شوفى حد تثقوا فيه ويكون رأيه حكيم يقدر يحل الموضوع بهدوء ومن غير مشاكل
حتى اذا انفصلوا ينفصلوا برضه بهدوء ..
وربنا يهدى الحال يا رب وييسر الأمور ان شاء الله

#4

افتراضي رد: عايزة راى كل العدولات

حبيبتى ان كانو بيتخانقو على طول يبقى لازم حد كبير من العيلة يتدخل اما ان كانت دى لحظة وهتعدى ينفع جوزك يتدخل ويروق الحال بس الاولاد ملهمش ذنب لازم ناخد ولادها
إظهار التوقيع
توقيع : منونة وملوكة
#5

افتراضي رد: عايزة راى كل العدولات

السلام عليكم اخواتى

لاحظوا الموضوع من ناحيه اوليه وهى لاولاد

تانيا طب انتى مستنيه ايه ليه ماكلمتى اخوالك بنفس الوقت وقلتى لهم وجهه نظرك وكلمتيهم عن الاولاد

اعذرينى بس شكل اختك بتنفد كلامها من راسها بس

اولا اتزوجته رغم كل عيوبه وتانيا رمت الاولاد عليه من دون ماتاخد شور حد وده اللى فهمته من كلامك ان امك حاولت معاها وهى راكبه دماغها انها ترميهم عليه


دائما اخواتى لما تحصل مشكله بين الوالدين يكون الاولاد هم الضحيه

طيب ايه زنبهم الصغيرين دول فى مشاكل الام والاب اللى هم اصلا اختاروا هذا الوضع

مهى عارفاه مابيشتغل ولا بيصرف ليه اتحمل اطفالها العقاب ده؟؟؟

وياريتهم ممكن يتكيفوا دول لسه رضع

حراااااااام

لازم تخلى اخوالك يتدخلوا باى حل بس هى ترجع اولادها لحضنها ولو عاوزه تادب جوزها وتفهمه واجباته تبقى بهجره او البعد عنه او حتى الانفصال لا سمح الله عشان يفهم مش ترمى الاطفال دول

وارجع اقولك كله من عمل ايدها فمترميش الاطفال بوش المدفع

اكي بما انك الكبيره لك كلمه عند اخوالك اتصلى بيهم وتفاهمى معاهم او مع اكبرهم على الاقل
وربنا يهدى اختك وجوزها
وعلى فكره مامتك ماقصرت جزاها الله خير بتساعد بنتها ومتكفله بيها بس مش شايفه ان ده غلط؟؟؟؟

هى بتساعدهم وبنفس الوقت بتدى جوز بنتها عذر ووسيله عشان ما يفكر يشتغل ولا يتعب نفسه ما دام كل شئ بيوصل مراته واولاده ع الجاهز

هذا رائيي اعذرينى لو كان قاسى
إظهار التوقيع
توقيع : ريموووو
#6

افتراضي رد: عايزة راى كل العدولات

حبيبتى فى المرة دى انا رحت بنفسى وخدت العيال واخوالى زعلوا منى وقلت مش مشكلة كلمتين وخلاص بس المشكلة انها اتكررت تانى بعدها ويومين وترجع وهى شخصية فى منتهى السلبية هى تاخد فلوس من ماما وهو من باباه مش عارفة هيفضلوا كده لامتى
إظهار التوقيع
توقيع : عاشقة اولادى
#7

افتراضي رد: عايزة راى كل العدولات

ربنا يكون بعون امك

لانها هى اللى بتتحمل لعب العيال بتاعهم ده

والاطفال يا عينى

حرام يعملوا فيهم كده

ربنا يهديهم ويهدى سرهم
إظهار التوقيع
توقيع : ريموووو
#8

افتراضي رد: عايزة راى كل العدولات

بس انا زعلانة جدا من اختك انها تسيبله اطفلها واحد زي دة معدوش تحمل للمسئوليه وانا رأيي ان لازم تحصل قاعدة ويتحط فيها النقط على الحروف لان كده مينفعش شوفوا كبار العيلة وهاتوة واتكلموا في كل التفاصيل وحولوا تقربوا وجهات النظر واختك لازم تيجي على نفسها شوية لا ن دة اختيارها وعلشان اولادها وربنا يهدي الحال يارب
#9

افتراضي رد: عايزة راى كل العدولات

شوفوا حدا كبير بمون عالطرفين يحل المشكلة بشكل جذري وعيني عالاطفال شو ذنبهم وممكن زوجك يحكي معاه ما فها شي والله يصلح حالهم يا رب ويردهم الى بعض ردا جميلا
إظهار التوقيع
توقيع : سوسو الامورة
#10

افتراضي رد: عايزة راى كل العدولات

حبيبتى ربنا يصلح الحال ويهدى جوز اختك بس اهم حاجه جوزك انتى يتدخل ويرجع الاولاد لحضنها تشوف مصلحتهم الاول وبعد كده تشوفو حل لكل السلييات دى اذا كانت من اختك او من جوزها وربنا يهدى باذن الله
إظهار التوقيع
توقيع : مرمر مرمر
#11

افتراضي رد: عايزة راى كل العدولات

االسلام عليكم اخواتي واسمحولي بلتدخل صراحة اختك الان غضبانة ولا تفكر بحكمة والندم سياتي في يوم من الايام ولن تعرف للراحة طريق واسال مجرب ولا تسال حكيم الله يهديها وحتى اذا لن يجدوا للصلح طريق فلترجع اولادها المساكين فهم بحاجة لها ولتترك الغضب ...
#12

افتراضي رد: عايزة راى كل العدولات

انا اول مرة اشارك اكيد ان الاود ملهمش ذنب هى عملت اللى فى راسها وودت الاود عند زوجها علشان بتقول انه يتحمل المسؤلية هو لو كان عاوز يتحمل المسؤلية ما كنش خلة حامتو تصرف علية
لازم الموضوع دة حد كبير يدخل فية وانتى لو اتصرفتى منك لنفسك ممكن تحصل اى حاجة بعد كدة
ربنا يهدى الاحوال بنهم ولازم يوضع فى الاعتبار انة موجود اطفال لازم يحسوا بلامان
#13

افتراضي رد: عايزة راى كل العدولات


المشاركة الأصلية كتبت بواسطة نوارا
يارب يصلح الاحوال بس ما تصرفيش من نفسك وشوري حد من العيلة كبير وبيقدر الظروف الي زي دي لنة لازم يتحط حد للكلام الي بتقلية وبالزات حتتة المصاريف دي واختك هي الي ادتلة الفرصة الدي ويارب يهدي الحال ان شاء الله

أنا من رأي نورا وربنا يروق الحال وييسرلها الامور
#14

افتراضي رد: عايزة راى كل العدولات

انا من رأيي انه الراجل اللي ما بيتحمل مسؤوليه بيته وأولادة ده ما بيقاش راجل
واللي بيستنى اهله يصرفوا على بيته ومراته هاد ما بيتحمل مسؤوليه بيت وأولاد
بس هو خلاص اتعود انه امها تعطيها فلوس انا بواجه نفس المشكله مع زوج بنتي
كل سنه بنزلها عندي من الاردن على حسابي ما بيدفع ولا فلس قبل ثلاث شهور اجت عنا وهوة سافر ليبيا وصلت البيت انا دفعت اجرة السيارة
ولحد هلأ ما بعتلها فلوس
بعتله مسج ابعت فلوس لمرتك واولادك 3 زعل وبهدلها ليه لأنه مو أد المسؤليه
بتمنى انه الاولاد ما يروحوا بين الرجلين لانه ما الهم ذنب
إظهار التوقيع
توقيع : خفايا الروح
#15

افتراضي رد: عايزة راى كل العدولات

ربنا يهديلهم الحال
من رايى ترجع ولادها بأى شكل
الاطفال مش لهم اى ذنب
لازم حكم من اهله وحكم من اهلها
الهداية من عند الله
إظهار التوقيع
توقيع : نجوم الليل
#16

افتراضي رد: عايزة راى كل العدولات

طبعا انتى اكيد متعرفنيش انا لسة جديدة معاكو انا نانو
هو ربنا يصلح الحال ويهدينا جميعا هو الغلط من الاساس يعنى ربنا قال فى كتابه " الرجال قوامون على النساء " وده واضح انو مش متوفر فى الزيجة دى بس الدال على الخير كفاعله لو كان انسان محترم يعنى تعرفى تخدى وتدى معاه ف الكلام خلى جوزك يدخل لان طلاق اكيد مش هيحصل وطبعا غلط بصى من غير كلام كتير اهم حاجة نعرف سبب المشكلة 2-نخلى فى قاعدة رجالة نقول شروط تبقى واجبة على اختك وجوزها 3- اللى يقدر او يلاقى قدامو شغل ايا كان يقول عليه او يرشح جوز اختك ليه اعملو مشروع بسيط خليكو ايد واحدة
وبعدين يا فرحتى برجالة العيلة لما ابن اختى يموت او اختى تطلق عشان الكرامة بصى انا عندى كلام كتير بس دى خلصتو
وربنا يصلح الاحوال
اكيد هى حاسة بالنقص فى انو مش مسئول عنها بس اولا واخيرا ده اختيارها
#17

افتراضي رد: عايزة راى كل العدولات

اللهم فرج كربها
#18

افتراضي رد: عايزة راى كل العدولات

السلام عليكم اختي الفاضلة الله يهدي اختك و يهدىء بالها ويصلح سريرتها الواضح انها بتتعذب على فراق اولادها بالرغم انها اعطتهم لابوهم والافضل تكلميها وتحاولي تقنعيها تاخد اولادها في حضنها وتصبر على زوجها عسى الله يهديه ويشتغل ويحسن احواله انت اختها و لكن لا احد فاهم معاناة اختك كلميها برقة مع الحزم وفهميها نتيجة فعلها والافضل تدخل شخص كبير من العائلة يكون واعي و متفهم والا لاسمح الله المشكلة تكبر وتؤدي الى ابغض الحلال الله لا يحرم طفل من امه و لا ابوه الله يوفقك ويقدرك لفعل الخيررد: عايزة راى كل العدولات
إظهار التوقيع
توقيع : نور الحكيم


قد تكوني مهتمة بالمواضيع التالية ايضاً
الموضوع كاتب الموضوع المنتدى
عايزة تهادي جوزك مع اروع كولكشن رجالي صيفي2024,لكل زوجه عايزة تهادي زوجها كولكشن روعه جنا حبيبة ماما ازياء وملابس صيفية
مين عايزة تتعلم الفوتوشوب !!؟؟ حبيبة أبوها دروس فوتوشوب
عايزة تشتغلى وانتى فى بيتك ويوصلك دخلك لاكتر من 2000 جنيه ولاعايزة تشت هوبة 2000 سوق عدلات النسائي العام
اللى عايزة رحلة او نفسها تسافر مسزباسم سوق عدلات النسائي العام
ماى واى يناير2024 لكل ربة منزل او موظفة عايزة تزود دخلها smsma سوق عدلات النسائي العام


الساعة الآن 09:42 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل