أو

الدخول بواسطة حسابك بمواقع التواصل

#1

افتراضي تفاصيل المؤامرة الكبري للإنقلاب علي الرئيس - الجزء الثاني

تم رصد اتصالات و لقاءات بين سياسيين و إعلاميين و رجال أعمال و قيادات بالحزب الوطني عقدت داخل فندق شهير مملوك لرجل أعمال قبطي شديد الثراء كانت تهدف للدمج بين الثوار و الفول بحيث لا يستطيع رجل الشارع التمييز بينهم - فمن يحرقون مقرات الإخوان و الحرية والعدالة يصفهم الإعلام بالمتظاهرين الغاضبين من مرسي و المعترضين علي حكم الإخوان بعد أن وفر لهم الثوار الغطاء الثوري و يتم تأمين تحركاتهم وسط المتظاهرين
و اندس بينهم بلطجية محترفون مستأجرين من رجال أعمال النظام السابق
ساعة الصفر تم تحديدها مع اقتحام قصر الإتحادية و إعلان بيان بتشكيل مجلس رئاسي بقيادة د. محمد البرادعى،و يتم بالتزامن معه حرق جميع مقرات الإخوان و الحرية و العدالة في نفس التوقيت لدرجة أن فضائيات مثل العربية و سكاي نيوز التي تبثان من الإمارات نشرت اخبار عن مقرات يتم حرقها الآن و فعلا يتم حرقها بعد ساعة أو أكثر علي طريقة خيري رمضان و لميس الحديدي في حرق المجمع العلمي
بالتزامن مع ذلك يتم نشر أخبار على المواقع الالكترونية والفضائيات المملوكة للفلول تفيد بهروب أسرة الرئيس محمد مرسى و قيادات الإخوان إلى قطر، مع بعض مظاهر البلطجة في الشارع في نطاق الأماكن الضعيفه أمنيا .
و بدأت الخطة فعلا بمحاصرة قصر الإتحادية و الذي قام علي الفور الحرس الجمهوري بتقديم نصيحة للرئيس بضرورة مغادرة القصر و هو ما حدث بالفعل، و بدأت عمليات حرق ممنهجة لمقار الإخوان ، وعددا من مقار حزب الحرية والعدالة بالمحافظات وصل عدد المقار المحروقه لأكثر من 27 مقر ،و كان يتم التجهيز لحرق منزل الرئيس بمحافظة الشرقية،
و قامت فضائيات و مواقع إليكترونية ببث أخبار كاذبة عن إنفصال مدن مثل المحلة الكبري و الإسكندرية ، مع رفع سقف مطالب المسيرات المتواجدة بالتحرير والاتحادية إلى ترديد هتاف "ارحل ارحل"، مع تغطية إعلامية مكثفة لإيهام الشارع المصرى بأن مرسى فقد السيطرة علي البلاد وأن شرعيته قد سقطت.

إلا أن الحلقة التى تم اختراقها وأفشلت المخطط، تمثلت فى قيام حشود الإسلاميين، بتأمين القصر الجمهورى حتى فجر الخميس مما أسفر عن سقوط 8 شهداء، فضلا عن تحرك الرئاسة سريعا لاستلام مبنى الإذاعة والتليفزيون "ماسبيرو"، ووضعه تحت سيطرة الحرس الجمهوري للحيلولة دون اقتحامه وبث أى بيانات من شأنها إثارة البلبلة فى الشارع المصرى.
و هنا خرج الرئيس بخطاب للشعب أشار لوجود مؤامرة كبيري لكنها لم يفصح عن تفاصيلها و عرض علي المعارضة الجلوس للحوار و هو يعلم أن المعارضة غير راغبة في الحوار و كان يهدف من ذلك كشفهم أمام الشارع علي أنهم لا يريدون إلا الخراب و التدمير لمصر

و من ناحية أخري قام حازم صلاح أبو إسماعيل بحشد أنصاره أمام مدينة الإنتاج الإعلامي تحسبا لإقتحامها في أي لحظة تتطور فيها الأحداث للسيطرة علي الفضائيات التي تقوم بجزء خطير من المؤامرة




و قامت جماعة الإخوان المسلمين بحشد عشرات الألاف من أنصارها قرب مسجد رابعة العدوية و جعلتهم علي أهبة الأستعداد للتدخل إذا ما تم إقتحام قصر الرئاسة

المصدر 0000 كلمتى


إظهار التوقيع
توقيع : اللهم ارزقنى التقى
#2

افتراضي رد: تفاصيل المؤامرة الكبري للإنقلاب علي الرئيس - الجزء الثاني

يا رب احمي مصر واهلها
إظهار التوقيع
توقيع : ام الاء وبيان2
#3

افتراضي رد: تفاصيل المؤامرة الكبري للإنقلاب علي الرئيس - الجزء الثاني

هههههههههههههه
هههههههههههههههه
ههههههههههههههه
ههههههه
ههههههه
انا هموت من الضحك بجد
انتو مابتملوش من حوار المؤامره ده هي اسطوانه حافظينها
انا فعلا مستغرباكم
انتو كدبته الكدبه و صدقتوها
هو مين اللي كان رايح يقتحم القصر اصلا ولا هو كان في حد اقتحم من الاساس
انتو صدقته نفسكم
الناس راحت عند القصر بكل سلميه و مشيو و اللي بقي منهم ماعملوش حاجه
هو انتو ناسين انكم بدل ما تحمو القصر ضربته الناس و سحلتوهم و لبستوهم تهم و موتوهم
و بتقوله ان اللي ماتو كلهم اخوان طيب منين يعني انتو الصور اللي نشرتوها كمان و كانت ورى المرشد كان فيهم واحد مننا و لسه مصاب ف المستشفى
انتو كدابين قوي و كدبكم واضح
و كل اللي ماتو من الاخوان هم اتنين و انتو السبب
و حرق المقرات ف ده اقل واجب على فكره
و مرسي مابقاش بيمثل غير الاخوان و بس
و حتى الاعلان الفسفوري التاني لا يفرق عن الاول
وكأنه قال هات 20 جنيه و خد 4 خمسات
ههههههه
جماعه متخلفه ليس لها علاقه بالاسلام
مرسي و الاخوان عاااار على الاسلام
و حازم اللي واقف يهدد هو ده الاسلام
و الاعلام بتاعنا فاسد و غير محايد قمة السخافه اللي ف الدنيا
امال اعلام الاخوان يبقى ايه ؟
طيب الاعلام الفاسد ده لما بيتحاور بيجيب من الطرفين
اما اعلام الاخوان هو طرف واحد اللي هو هم و بس ده حتى مقدمين البرامج ههههههههههههه سخافه بجد
و يا سلام بقى كلى كم الشتيمه و السفاله اللي بتتقال
ربنا ينتقم من الاخوان ربنا ينتقم منهم شر انتقام
فاهمين الاسلام زي ما هم عايزين يفهموه كفره الشعب و هم مايعرفوش يعني ايه دين ربنا
حسبنا الله و نعم الوكيل
إظهار التوقيع
توقيع : دلوعتي20
#4

افتراضي رد: تفاصيل المؤامرة الكبري للإنقلاب علي الرئيس - الجزء الثاني

حاجة بسيطة قوى الست اللى ظهرت فى مؤتمر المرشد وفضحت التحرير وكل مافيه من مؤامرات عارفها اللى ااسمها ماما سلوى وقالت ان 70 فى المائه من الثوار الحقيقين انصاعوا وراء الفلول وانها شافت الاسلحة والخمور والسنج والمولوتوف وحتى هى نفسها عرضوا عليها فلوس ورفضت ومن ساعتها انضمت الى الاخوان وبتقول لانهم عند كلمتهم يعنى مش كدابين ولا بلطجية وكمان اللى ماتوا من الاخوان وصل عددهم 9 مش اتنين وسيان من مؤيدى او معارضى الدكتور مرسى او الاخوان اوالثوار 00000 الى اخره فهم مصريين نترحم عليهم وندعوا لهم بالمغفرة والرحمة

وبلاش حبيبتى ترمى الاتهامات كده وانتى اللى عرفك انهم ماعندهم دين ولا يعرفوا ربنا دى حاجة يعلمها المولى عزو جل

وهواللى هايحاسبهم وبعدين ليه لما الاخوان ترد الاعتداء عنها يبقى نرمى كل الاتهامات دى كلها وتقولوا هم دول اللى يعرفوا ربنا شوفوا بيعملوا ايه 000 العين بالعين والسن بالسن والبادى اظلم

اما نظام المؤامرة اللى فاكرة انها اسطوانة ماكانش النائب العام استدعى اطراف المؤامرة والكلام ده مش من الخيال ولا ايه
اسأل الله العظيم رب العرش العظيم حبيبتى ان يهدينى ويهديكى ويصلح حالنا وحال البلاد الى مافيه الخير
إظهار التوقيع
توقيع : اللهم ارزقنى التقى
#5

افتراضي رد: تفاصيل المؤامرة الكبري للإنقلاب علي الرئيس - الجزء الثاني

اختى الحبيبة دلوعتى اقبل ما ابدا كلامى انا والله مش اخوان وسامحينى انا معترضة على اسلوبك حاسة فية سخرية

واهانات انا شايفة اننا حتى لو اختلفنا يكون اختلافنا حميد

وبعدين انا شايفة الدنىا مقلوبة على الرئيس من ساعة ما مسك الرئاسة تلاكيك هو استلم البلد خربانة وللاسف فى ناس
معدين
بتخرب فيها اكتر من اجل مصالحهم الشخصية ودة واضح يعمل اية وبعدين بقاله قد اية

اما بالنسبة للدستور فية ناس مثقفة لا تنتمى للاخوان اضطلع علية وموافقين علية

اما الاعلام فحسبى الله ونعم الوكيل هوبيحيب الطرفين بس فى الاحربيركز على الى يولع الدنيا انا كنت بشاهد برنامج لاعلامى معروف واتصلوا بيه ناس حلفوا انهم مش اخوان وقالو لية الدم دا كلة سيبوا الريس يشتغل والى قال انة شايف ان الدستور حلو

وفى الاخر الاعلانى يعرض بعد خطاب الرئيس حوار بين شابين فى الشارع بيفولوا على الرئيس حمار عيب على قال وعيب على اعلامنا دا مبارك كان بيسرق ويموت وينهب ومحدش من الاعلام كان بيقتح فمة ولا احنا شعب كا ينفعش معانا الا الشدة

وبرنامج تانى يعرض ناس شايلين جذم ويقولوا علية جذمة عيب دى مش اخلاق مصرين لكن دى اخلاق مندسين عايزين خراب البلد

فى الاخر ربنا اعلم بنية رئيسنا لو خير ربنا يعينة ويحمية من اى مخططات ويحمى مصر

وعلى فكرة اعلامنا لو كويس كان مكن بالمادة الاعلامية الى يقدمها كان ساعد فى حل الازمة انا كرهت اشوف البرامج من كتر الى بيعملوة انا مش راضية اذكر اسامى عشان نا اشياش ذنوب
#6

افتراضي رد: تفاصيل المؤامرة الكبري للإنقلاب علي الرئيس - الجزء الثاني

يارك الله فيكى ويسلم فمك مريومة
إظهار التوقيع
توقيع : اللهم ارزقنى التقى
#7

افتراضي رد: تفاصيل المؤامرة الكبري للإنقلاب علي الرئيس - الجزء الثاني

شكرا حبيبتى بس الحق حق الواحد لازم يقول الى لية والى علية
#8

افتراضي رد: تفاصيل المؤامرة الكبري للإنقلاب علي الرئيس - الجزء الثاني

يالظبط كده وجزاكى الله خيرااااااااا مريومة
إظهار التوقيع
توقيع : اللهم ارزقنى التقى
#9

افتراضي رد: تفاصيل المؤامرة الكبري للإنقلاب علي الرئيس - الجزء الثاني

ياجماعة والله انا قلت من ساعة لما بدات الثورة ان في مؤامرة علي مصر كبيرة من ساعة لما اتقلب الشعب علي الشرطة واسقوطها وببعد كده توالت الفتن مرة الفتن الطائفية والحمد لله مرت بسلام ثم الانقلاب علي وزارة شرف ثم الانقلاب علي الجيش وفشلت ايضا ومحاولة اسقاط الجيش والشعب الحمد لله كان واعي رغم الاعلام الفاسد المؤامر وبعد كده الرياسة ثم محاولة قلب نظام الحكم في مرات عديدة وهذا ليس بالاخر ولكن باذن الله مصر بخير لان الله هو الي حافظها فهي مذكورة في كتابه العزيز وان كانت بعض البلاد خربت فمصر لن ينال منها احد لانها في معية الله (ولو كره الحاقدون)
إظهار التوقيع
توقيع : ام الزهراء
#10

افتراضي رد: تفاصيل المؤامرة الكبري للإنقلاب علي الرئيس - الجزء الثاني

تسلمى يا ام الزهراء

إظهار التوقيع
توقيع : اللهم ارزقنى التقى


قد تكوني مهتمة بالمواضيع التالية ايضاً
الموضوع كاتب الموضوع المنتدى
تفاصيل زيارة الرئيس للجزائر..السيسى هنأ بوتفليقة بالرئاسة..وناقشا العلاقات الثنا سارة سرسور اهم الاخبار - اخبار يومية
فريد الديب: تقبيل الرئيس السيسى رأس ملك السعودية دليل على احترامه سارة سرسور اهم الاخبار - اخبار يومية
تفاصيل لقاء الرئيس بعضو البرلمان البريطانى ووفد أصدقاء مصر سارة سرسور اهم الاخبار - اخبار يومية
ننشر تفاصيل لقاء الرئيس بوزير دفاع جنوب السودان سارة سرسور اهم الاخبار - اخبار يومية
حذاء الرئيس " قصة قصيرة" الـمـتـألـقـة قصص - حكايات - روايات


الساعة الآن 04:17 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل