أو

الدخول بواسطة حسابك بمواقع التواصل

#1

افتراضي استشارة من عدولات مجربين

ازيكم يا اخواتى
انا مشتركة فى المنتدى جديد وده اول موضوع ليا
وحبين اسالكم عن حاجة مهمة فحياتى واخد رايكم بما انكم عدولات حلوين ومجربين
سؤالى هوا:
افضل مده للرضاعه الطبيعية اية؟
اصل الموكوسة حماتى عملالى مشاكل عشان عايزة ارضع ابنى السنتين
بتخوفنى وبتقولى كده يطلع عنيد ومتسلط ودماغه ناشفة ويحرجك قدام الناس ويشدك ويبقى عايز يرضع
ياترى ده صحيح ولا لاء
خصوصا انى عايزة اعطيه فترة الرضاعة الكاملة لانها اولا واخيرا هيه حقه





فقولولى يا حلوات اعمل ايييييييية؟؟؟؟؟؟؟؟؟؟


#2

افتراضي رد: استشارة من عدولات مجربين

أولا أهلا بيكي ياقمر ثانيا أنا لما رضعت بنتي رضعتها سنة ونصف بالضبط أنا بصراحة كنت ناوية أكمل للسنتين بس لما جات تطلع أول ضرس ليها بهدلتنى جامد وغير كده كانت كبرت ومشت كمان وكنت ببقي محرجة جدا وأنا فى المواصلات عشان كانت بتبقي عاوزة ترضع فوديتها الأول عند كبيبة الأطفال اللى متابعة معاها وسألتها فقالتلي ان الفترة اللى هي فيها كويسة وشافت وزنها وسألتنى عن صحتها وطشفت طبعا عليها فلقيتها انها عادى ممكن تتفطم مفيش مشكلة بس بصراحة أنا مفطمتهاش تدريجي لان شخصيتها بصراحة ماتماشيتش مع الفطام التدريجى فانتى اتبعى أسلوب الفطام التدريجى بس بعد ماتتطمنى عند طبيبة الأطفال وربنا معاكي
إظهار التوقيع
توقيع : مايا علي
#3

افتراضي رد: استشارة من عدولات مجربين

حسب طاقتك يا قمر واللبن اللى عندك وظروفك انا مرضعتش ابنى طبيعى غير شهرين لان اللبن كان شويه اوى ومش بيشبعه وفطمته على سنه وشهر ومتسمعيش كلام حد كل واحد وظروفه
#4

افتراضي رد: استشارة من عدولات مجربين

هي مدة الرضاعة الي مذكورة في القران سنتين
بس مفيش في الزمن ده حد بيرضع سنتين
انا اكتر واحد في اولادي رضع سنة واربع شهور لانهم لما بيكبروا شوية بتكون رضاعتهم صعبة اوي ووحشة خاصة لما بيطلعلهم اسنان وكدة وبيتعلقوا بالرضاعة قوي وما بيرضوش ياكلوا اي حاجة تانية
ربنا يوفقك ويخليلك ابنك
إظهار التوقيع
توقيع : فلسطين
#5

افتراضي رد: استشارة من عدولات مجربين

انا رضعت بناتي سنتين تماما وفطامهم كان سهل الحمد لله انتي شوفي انتي عايزة ايه واعمليه وربنا يديكي الصبر
إظهار التوقيع
توقيع : JİLO
#6

افتراضي رد: استشارة من عدولات مجربين

انتي عاملة زيي مع الفرق ان مامتي هي اللي بتقولي الكلام بتاع حماتك ده
وانا عايزة ارضعه السنتين زي ما ربنا قال
لانه حسب اعتقادي اني زي ما حديله حقه كامل هو كمان حيديني حقي كامل
وبعدين ربنا محدد له فترة معينة افاصل فيها ليييه
ولو كانت فترة السنتين غلط على العيل ماكانش ربنا حددها لانه اعلم مننا بمصلحتنا و مصلحة ولادنا
ده تفكيري وعن نفسي برضه حرضعه السنتين كاملين
ربنا يخليهولك وتفرحي بيه
#7

افتراضي رد: استشارة من عدولات مجربين

بس اهم حاجة ما تعوديهوش يرضع في المواصلات
يا اما تعمليله ببرونة حاجات دافية علشان لو اتزنقتي في المواصلات
بس الاحسن انك تمنعيه من الرضاعة نهائيا في المواصلات والاماكن العامة علشان الفضايح
هههههههه
#8

افتراضي رد: استشارة من عدولات مجربين

حبيبتي مدام انك بتئدري تكملي للسنتين مافي مشكله خليه يرضع بس من ناحيه طبيه بيحكولك انه لا سنه منيح لاله ومن ناحيه دينيه بحكيلك وحمله وفصامه في سنتين واللهي في بعض من الشيوخ حللوها ع انها فترة الحمل تحسب يعني تسع شهور وباقي للرضاعه سنه وتلات شهور وهزا كافي والله اعلم
لكن انا بحكي انه طول ماانك قادره ع الرضاعه رضعي لانه بتكسب الطفل مناااااااعه
إظهار التوقيع
توقيع : نسيم البحر
#9

افتراضي رد: استشارة من عدولات مجربين

ربنا يوفقك للصواب يا حبيبتى ويحفظلك ابنك
إظهار التوقيع
توقيع : قطر الندا
#10

افتراضي رد: استشارة من عدولات مجربين

ربنا يوفقك ياقمر العدولات قامو بالواجب
إظهار التوقيع
توقيع : لولو حبيب روحي
#11

افتراضي رد: استشارة من عدولات مجربين

والله البنات ما قصروا
#12

افتراضي رد: استشارة من عدولات مجربين

يسلم مروركم وارائكم ياعدولات يا حلوات
انا نفسى ارضعه السنتين فعلا وهوا مش معتمد عليه بشكل اساسى هوا بس بيحلى بعد اى اكل وساعه النوم انما الحمد لله فى الموصلات لاء لانى اصلا مبخرجش (محبوسة) بس كلام حماتى انه هيطلع عنيد ده بس اللى قالقنى
انما انا مقتنعة ان ده حقة عليا عشان ابقى تبرات من اى نقص فتربيته لعل الله يرحمنى

يسلم مروركم مرة تانية
بحبكم فى الله
#13

افتراضي رد: استشارة من عدولات مجربين

انا راى من راى شمس
#14

افتراضي رد: استشارة من عدولات مجربين

اهم حاجه تعوديه ان يشرب اللبن من كوبايه او ببرونه
جنب الرضاعه ده هيريحك فى الفطام وكمان لوعايزه
ترضعيه مده طويله عشان ماترضعيهوش
فى اى مكان وبلاش تقولى على حماتك كده
لانها عاوزه مصلحتك انا جربت الرضاعه
وقرفها واعرف معنى كلامها
إظهار التوقيع
توقيع : لولو lolo
#15

افتراضي رد: استشارة من عدولات مجربين

يسلم مروركم يا قمرات بس هيه بتقولى كده عشان افطمه واحمل تانى على طول مش خوف عليا ولا حاجه
إظهار التوقيع
توقيع : ام مودى الدلوع
#16

افتراضي رد: استشارة من عدولات مجربين

انارضعت ابني 2سنه, بامكانك تحددي اوقات الرضاعة الطبيعية خاصة اذا كان يتناول وجباته الاخرى فمثلا رضعيه مرة صباحا ومرة مساءا قبل النوم بعد عشاؤه بنصف ساعة ليكون فطامه سهلا هذه تجربتي و انت ادرى ولا علاقه للرضاعة بالتسلط وغيرها
إظهار التوقيع
توقيع : tinhinane111


قد تكوني مهتمة بالمواضيع التالية ايضاً
الموضوع كاتب الموضوع المنتدى
كولكشن ادوات مطبخ مختلفة ادوات مطبخ جديدة رايكم ايه يا عدولات ندى ام ادوات واجهزة منزلية
صور كحك العيد يا احلى بنات كحك العيد وصل يا عدولات ندى ام حلويات واكلات
مميزات وعيوب عدولات المنتدى ......مميزات وعيوب عدولات ......مميزات وعيوب عدولات حبيبه عمرى حوارات اجتماعية مفتوحة
احلى ايس كريم وجيلاتى لعيونكم ♠♠♠ هتوحشونى كتييييييييييير يا عدولات :) حسناء مضيفة عدلات
مجموعة تريكو شتوية روعة,احلى تريكويات لاحلى عدولات ام الاء وبيان2 ازياء وملابس شتوية


الساعة الآن 05:38 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل