أو

الدخول بواسطة حسابك بمواقع التواصل

#1

افتراضي ساعدوووووووووووووني خلااااااااااص فاض بيا

يا أخواتي عايزة احكيلكم عن مشكلتي مع أمي [IMG]https://files.***- .com/bigsmilies/mood15.gif[/IMG][IMG]https://files.***- .com/bigsmilies/mood15.gif[/IMG]أمي للاسف مختلفة عني في كل حاجة شخصيتها غير شخصيتي ابتدت المشاكل من ساعت ابويا ما انفصل عنها بسبب تدخل أخواتها الدائم في حياتها وهيه كانت بتسمع كلامهم وبتمشي وراهم ولأن أمي سافرت بره ومعاها قرشين حلوين كانت ومازالت مطمع لأخواتها لحد ما اتحقق مرادهم وانفصلوا .كمان بابا كانت ليه رغبة في انجاب ولدالغريبة ان اخواتي من أبويا بيحبيوني جدا وواقفين سند جنبي المهم من ساعت بابا ما مشي واتجوز واحدة تانية فضلوا اخواتها بيمارسوا معايا نفس التصرفات ويكرهوها فيا ويقولولها "دي بكرة تسيبك وتروح لأبوها" المهم ماما كمان حريصة ع الفلوس جدا لحد الرعب المهم اتقدم ليا ابن خالتي تحت طلب وعرض من ماما ليهم المهم أنا كنت رافضة الحاجة دى المهم سبت نفسي واتجوزنا وقعدنا في شقة في عمارة ماما ومن أول يوم اتجوزت بدأت المشاكل وماما عايزة تمشي جوزي تحت أمرها اللي ييجي البيت ييجي بإذنها المهم الحياة كانت قاسية جدا في البيت وكان كل يوم نكد ومشاكل من غير سبب وجوزي يروح يصالحها بهدية الي أن قامت أمي وخدت الدهب بتاعي من الدولاب بدون علمي وبعدها بيومين بتسألني ع الدهب على انتها عايزة تشوفه وبعدين رحت أجيبه قالتلي هوة انتي مش لاقياه الظاهر خده وأعطاه لأخواته المهم بعدها بيومين كان معاد تسليم شقة ماما بعد ما خلص جوزي دهانها وديكوراتها وقبل ما يمشي العمال قالها اطمنى على دهبك قبل الناس ما تمشي قالتله اطمنت وبعد العمال ما مشيوا لاقينا أمي في شقتها بتصرخ وتقول الحقوني نزلنا جري لاقيناها بتقول مش لاقية دهبي المهم قعدنا ندور لاقاه جوزي محطوط جوة المخدة وهو بيدور بسرعة رمى المخدة ع الأرض فالدهب وقع منها وكانت الصدمة لأمي المهم قعدت تلم في دهبها وألاقي دهبي اللي خدته معاها بصراحة اتصدمت المهم جوزي طلع لم هدومة وهدومي وطلعنا م البيت لأنه اعتبر تصرف أمي اتهام ليه بالسرقة ورحنا قعدنا عند أمه لغاية ماجبنا شقة بسرعة وفرشناها أوضة نوم وأنترية ومطبخ المهم بعدنا عن المشاكل وبعدها بفترة جوزي قال لي لازم تتصلي بمامتك ما ينفعش تقطعي صلة الرحم المهم كلمتها وهي كلمتني كويس المهم رجعت المية لمجاريها في الفترة دي جاتلنا فرصة سفر فقالت لجوزي شقتك دي حتعمل فيها ايه المفروض تجيب العفش في البيت عندي عشان ما تدفعش ايجار ع الفاضي وانت مسافر المهم أخدت أمي العفش كللله عندها في شققها وبعدين سافرنا وربنا كرمنا قوي وكنا بنحافظ ع الفلوس جدا عشان نبني بيت وفي تاني أجازة راحت قالت لمامته لما ابنك ينزل أجازة ما تخليهوش ينزل عليا المهم احنا في السنة دى ما نزلناش خالص الى ان انتهينا من بناء بيتنا و الحمد لله ربنا عوضنا عن سنين الذل اللي احنا شوفناها ومرت الأيام وجوزي رفض يروح لأمي ويقوللى دي أمك عايزة تروحيلها روحيلها أنا مقدرش أمنعك عنها المهم أمي قعدت طوال السنوات اللي جوزي ما بيروحش فيها بتعاملني أسوأ معاملة وطرد واهانات وتجريح وكلام جارح وشتايم وكنت باستحمل عشان أرضي ربي المهم راحت أمي صالحت حماتي وقلت لجوزي لازم نفتح صفحة جديدة وتروحلها المهم جوزي اقتنع وراحلها وهيه قدامة بتعاملة بكل لطافة ومن وراه بتدعي علية دعاوي تقشعر لها الأبدان وأنا السنة قبل ماانزل أجازة لقيت أمي بتقوللي ده أنا تعبت ولقيت عندي الكبد والدكتور منع عني الاملاح ورجلي اتكسرت وتعبانة قوى قمت حكيت لجوزي قاللي لازم تقعدي مع والدتك عشان تخدميها وبعد ما خدت القرار سيبت جوزي يسافر لوحده وأنا قعدت في مصر واكتشفت ان أمي كذبت عليا وان ماعندهاش أي حاجة خالللللص حتى رجلها كانت ربطاها كده وخلاص يعني مش مكسورة وبعد ما جوزي سافر بتلات أسابيع أمي ما كانتش بترفع عليا سماعة التليفون حتى لو قلتلها ان ابني مريض ولا هيا هنا فوجئت بيهال من يومين بتقوللي تعالي معايا البنك اعمليلي توكيل علشان الفلوس اللي أنا حطهالك دي أنا بصرف منها وبآكل منها قلتها ازاي مش فاهمة قامت شاخطة فيه وقفلت السماعة في وشي المهم اتصلت بجوزي قاللي روحي اعمليلها التوكيل احنا الحمد لله مش محتاجين منها حاجة رحت عملتلها التوكيل ومن ساعتها وأنا جوايا كره جامد قوي ناحيتها لأنها ظلمتني وكذبت عليا أنا دلوقتي ندمانة اني ما سافرتش مع جوزي أنا آسفة يا فتوكات طوللت عليكم بس هيه دى مشكلتي بالاختصار الشديييييييييد أعمل ايه ماليش نفس أروحلها أنا خلاص اتخنقت وما عنتش بأثق في حد أعمل إيه
المشكلة دلوقتى انها كل مااروح لها تقعد تتخانق معايا بدون سبب لغاية لما كرهت الذهاب ليها وهيه مقتنعة ان جوزي هو اللي خلاني ألغى التوكيل فلما جوزي جه من السفر كان عايز يروح لها يتكلم معاها في اللي هيا بتعمله فينا أنا طبعا رفضت انه يروح لان امي للاسف كلامها مهين وماينفعش معاها حوار عاقل . ومن يومها لا هى اتصلت على الرغم انها عرفت ان جوزي جه ولا انا قاددرة أروحلها ساعدوني


#2

افتراضي رد: ساعدوووووووووووووني خلااااااااااص فاض بيا

الله يكون في عونك حبيبتي الوحيده ويصبرك على ما ابتلاكي
ويهدي والدتك اللهم ااامين
والله مو عارفه وش اقولك
بس في كل الاحوال هذي امك وباين من كلامك انك بتعرفي قيمتها كويس وانتي قليل من مثلك
لانهم في اليومين هذي من مشكله بسيطه بيزعل على امه ولا بيكلمها
اولاً ادعي ربنا كثير بالهدايه لامك وان الله يصلحها
وتكون عون لك لا عون عليكي
وفيه حاجه تانيه اذا فيه احد من عيلتكم ليه كلمه على امك يعني مفضل عندها خليه يكلمها
حبيبتي الوحيده اصبري والجأي الى الله
وبأذن الله يصلح امك ويهديها ياااااااااااااارب
وحابه اقولك من خلال قصتك والمواقف الي صارت معك انه ربنا عوضك بزوج يعرف قيمتك


#3

افتراضي رد: ساعدوووووووووووووني خلااااااااااص فاض بيا

معلش حبيبتى ربنا يهديها بس لازم تزوريها علشان دى امك وربنا قال اننا لازم نطيعهم حتى لو كانو كفره استحمليها وكلميها دايما حتى وانتى عارفه انها هتكلمك وحش
#4

افتراضي رد: ساعدوووووووووووووني خلااااااااااص فاض بيا

اصبري واحتسبي عند ربنا وموضوعك ده ممكن يكون امتحان من ربنا ليكي هيشوفك هاتعملي في امك اية معلش استحملي وتعالي علي نفسك شوية ما هي امك بردو ولا اية وربنا يعينك علي طاعتها وبرها ان شاء الله
#5

افتراضي رد: ساعدوووووووووووووني خلااااااااااص فاض بيا

بسم الله الرحمن الرحيم
اختى الغاليه ربنا معاكى ويعينك على طاعة الوالدين ربنا امرنا برضاهم وجعل عقوقهم من الكبائر وسيدنا محمد صل الله عليه وسلم وصانا عليهم
التمسى لها العذر يمكن لم يعطيها احد الحنان او تشعر بالامان مع احد بالاضافه للوحده النفسيه والعاطفيه الى هى فيها النفس كمان بتمرض زى الجسد وصدقينى ربنا بيعوضك عن قسوتها عليكى ادعى لها بالهدايه ودعى ربنا يعينك على الطاعه .
إظهار التوقيع
توقيع : منال الهدى
#6

افتراضي رد: ساعدوووووووووووووني خلااااااااااص فاض بيا

ربنا يهديها ويصلح لك الحال
#7

افتراضي رد: ساعدوووووووووووووني خلااااااااااص فاض بيا

الله يهديها ويريح بالك



الساعة الآن 08:57 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل