أو

الدخول بواسطة حسابك بمواقع التواصل

#1

النظافة الشخصية للزوج

[FONT=""][COLOR=""][SIZE=""]السلام عليكم ورحمة الله وبركاته

انا عندى مشكلة ومكسوفة الصراحة وانا بقولها بس انا محتاجة لحد يقولى رايه ويشور عليا اعمل ايه فيها
المشكلة يا اخواتى هى النظافة الشخصية زوجى للاسف انى بقول الكلام ده وانا محرجة جدا انه مبيستحماش الا بالمية فقط من غير ليفة ولا صابون حتى وطبعا كلكم عارفين ان المية لوحدها مش كفاية وخصوصا ايام الحر طبعا ريحة العرق بتفضل زى ماهى واى روايح تانية زى السجاير لانه مدخن شره مع الاسف الشديد وحتى شعره مبيغسلوش الا بالمية ووشه كمان الصبح وكمان ايده بيكسل يغسلها بعد الاكل وبفضل انا الح عليه انه يغسل ايده بعد ما ياكل وبيمسك بيها الفرش وهى مش نضيفة وطبعا مبيغسلش اسنانه ده طبيعى وعلى فكرة انا كلمته كتييييييييير اوى فى الموضوع ده بالراحة ومفيش فايدة وكمان دقنه مبيحلقهاش الا مضطرا عشان اصحابه فى الشغل بيقولو له يحلقها بعد ما تكون طولت وعمالة زى دقن المساجين




الموضوع ده اصبح مشكلة كبيرة بالنسبة لى خصوصا فى العلاقة الزوجية وخصوصا وانا حامل حاليا وفى السادس وبصراحة مخبيش عليكو انى مش طايقة ريحة العرق والسجاير اللى مش بيروحو منه ابدا ده غير انه بيدخن فى البيت والبيت مفهوش تهوية كافية والدخان بيملى الشقة كلها مهما افتح شبابيك وكمان احنا فى غربة وفى بلد بتبقى حر معظم شهور السنة ومينفعش افتح الشباك والتكييف شغال وهو اهم حاجة عنده انه بيدخن فى غرفة وانا بغرفة تانية وانه بكده مفيش دخان بيضرنى ولا بيوصلنى وده مش حقيقى لان الشقة صغيرة والتهوية تكاد تكون منعدمة ده غير انا بيدخن شيشة كمان على القهوة مع اصحابه وايه مش اى شيشة لا معسل مش اللى فيها نكهات زى التفاح وكده

انا لما بقوله ان الريحة بتضايقنى بيزعل مش عارفة ليه مع انى مش بشترط عليه انه يستحمى قبل العلاقة الزوجية ولو قلت له كده مش هيعمل انا حاسه انه انانى جدا وميهموش الا نفسه خصوصا فى الموضوع ده

وانا مش طايقة بجد وكل ما اشم ريحة الدخان والتبغ الموجودين فيه دايما ده غير ريحة بقه ونفسه اللى طبعا الدخان مأثر عليهم بشكل فظيع بحس بغثيان واحيانا برجع وده حصل قدامه ومحاولش ابدا يتخلص من الريحة ده حتى قبل العلاقة عشان ما يضايقنيش
وكانت النتيجة انى بكره العلاقة وبقيت اقوله لا واتحجججججججججججج عشان مش عاوزاها ولا حباها انا عاوزة اقول انى كنت مضايقة من الموضوع ده قبل الحمل برضو بس دلوقتى بقيت مش طايقة خالص وكمان مفيش احاسيس ولا اى شئ من ناحيتى اثناء العلاقة وهو مبيحاولش يعرف ليه او يغير من نفسه ولو مؤقتا
انا مش عارفة اعمل ايه والا اتصرف ازاى انا كلمته كتير اوى ومفيش فايدة ولما بقوله ريحة السجاير بتتعبنى وبتضايقنى بيزعل وهل المفروض انه يزعل لما اقوله كده مع انى مش بقوله بطريقة الامر ولا حاجة

انا فعلا تعبت ومش عاوزة الموضوع ده خالص ومليش اى رغبة فيه مطلقا وبحس بتعب فى كل جسمى لما يقولى انه عاوز العلاقة الزوجية

وياريت محدش يقول انى مكبرة الموضوع لانه كبير على الاقل بالنسبة لى وانا مش عارفة اتاقلم واتعايش ابدا بالشكل ده وخصوصا انه من ساعة الحمل وطلبه على العلاقة الزوجية ده زاد حتى مكنش كده فى اول جوازنا
ياريت حد يفيدنى فى الموضوع ده بجد ويريحنى ارجوكم وانا اسفة لو كنت ضايقتكم بكلامى[/SIZE][/COLOR][/FONT]


#2

افتراضي رد: النظافة الشخصية للزوج

بصراحة مش عارفه اقولك ايه النضافه من الايمان بغض النظر عن العلاقه الزوجيه اللى المفروض بينكم محدش يعرف عنها حاجه ولا تتكلمى فيها اصلا بس بصراحة اوفر
#3

افتراضي رد: النظافة الشخصية للزوج

حبيبتى كدا كتير جدا يا قلبى
ربنا يعينك ويهدية يارب
#4

افتراضي رد: النظافة الشخصية للزوج

ربي يصلح الحال انتي قبل العلاقة خشي خودي دش قدامو وقوليلو مش لزم ابقا جهزالك علشان يحس وغير منك وقوم هو كمان يستحمة وحاولي اتنظفي نفسك أمامو علشان يلاحظ ويعمل زيك علي فكرا الحركات دي حجيب نتيجة جامده بس جربيها
إظهار التوقيع
توقيع : النجوم الصغيره
#5

افتراضي رد: النظافة الشخصية للزوج

لا حول ولاقوة الا بالله
بصراحه مش قادره اقول اكثر من كده
#6

افتراضي رد: النظافة الشخصية للزوج

بصى انتى حلك الوحيييد انك تدخلى معاه تحميه بنفسك والله ما بهزر ولا بضحك ادخلى عليه الحمام وامسكى الصابون والشامبو واعملى نفسك بتلعبى معاه تحت الميه وهاتك يا نضافه او حتى تغسليله جسمه وشعره بالصابون وهو يكمل حموم عادى
ماهو لما هيلاقى نفسه اتصبن يبقى اكيد هيعوز يشطف الصابون ده اللى على جسمه وحاولى تجيبى شاور ريحته حلوه وقوليلو انك حابه الريحه دى وعايزه تشميها فيه ولو مرضيش ادخلى وراه وحطيه على شعره بالعافيه واضحكى كأنك بتهزرى معاه
اما بالنسبه لنضافة اسنانه وريحة الدخان ممكن تجيبيله لبان كلورتس وتديهولو كده بصنعة لطافه
وربنا يهديه ويحببه فى النضافه
#7

افتراضي رد: النظافة الشخصية للزوج

ربنا معاكي حبيبتي والله
انا مع سوبر ماما في اللي بتقوله
وخليكيي قبل العلاقه ادخلي استحمي وقوليله تعالي مثلا يسعدك عشان انتي حامل ودخليه تحت الدش حتي لو بالملابس بتاعته وليفيه بالشور اللي انتي تحبيه والصبح لما يكون في الحمام ادخلي معاه واغسلي اسنانك وقوليله نفسي اغسلك اسنانك عاوزه اجرب واسعدك واريحك واللبان ادهوله كهديه اوكل ما تشوفيه ا
كلي واديله منه وعلي فكره ده في تربيته من الاول وربنا يعينك جوزك علي ما تعوديه ربنا معاكي
إظهار التوقيع
توقيع : بطه
#8

افتراضي رد: النظافة الشخصية للزوج

انا مع ارئهم اعملى كل المحاولات وبعدين خودى قرارك
وربنا معاكى ويتعلم


رد: النظافة الشخصية للزوج
#9

افتراضي رد: النظافة الشخصية للزوج

الله يهديه
الله يصبرك لانه من شاب على شيئ صعب جدا يتغير ولكن ما عليك الا المحاولة بشتى الطرق اللطيفة
إظهار التوقيع
توقيع : tinhinane111
#10

افتراضي رد: النظافة الشخصية للزوج

فعلا مفيش حل تاني غير اللي قالته سوبر مامي مينفعش معاه غير المكر والحيله
#11

افتراضي رد: النظافة الشخصية للزوج

انا كمان معى كلام سوبر مامى
احسن من الصدام من هبفيدك بحاجه
إظهار التوقيع
توقيع : حبى الوحيد
#12

افتراضي رد: النظافة الشخصية للزوج

بصراحه الله يكون فى عونك ..حاولى ذى ماقالتلك سوبر مامىواذا منفعش .....هاتيهاله على بلاطة انك بتقرفى ومش طايقاه وامنعى نفسك منه مده ..وربنا يهديه ويهديلك الحال يارب
إظهار التوقيع
توقيع : zozoweza
#13

افتراضي رد: النظافة الشخصية للزوج


المشاركة الأصلية كتبت بواسطة zozoweza
بصراحه الله يكون فى عونك ..حاولى ذى ماقالتلك سوبر مامىواذا منفعش .....هاتيهاله على بلاطة انك بتقرفى ومش طايقاه وامنعى نفسك منه مده ..وربنا يهديه ويهديلك الحال يارب

صح زي ما قالت زوزو
مش المفروض ان الست بس هي اللي تتزين للراجل
إظهار التوقيع
توقيع : amira ali
#14

افتراضي رد: النظافة الشخصية للزوج

ان مع راى سوبر مامى ربنا معاكى
#15

افتراضي رد: النظافة الشخصية للزوج

ربنا معاكى انا مش عارفه اقولك غير ربن ايصلح حاله
#16

افتراضي رد: النظافة الشخصية للزوج

حاولي تعملي الي قالت عنه سوبر مامي
وربنا يهديهولك ويوفقك
إظهار التوقيع
توقيع : فلسطين


قد تكوني مهتمة بالمواضيع التالية ايضاً
الموضوع كاتب الموضوع المنتدى
أجمل ألوان طلاء الأظافر 2025 ، اختاآري لونكـ المفضل ~ نَقاء الرُّوح ميك اب ومكياج
رسائل الصباح الخير2024رسائل الصباح الرومنسية2024 ♥مبدهـ♥ رسائل وتوبيكات
موضوع تعبير عن النظافة والنظام ANA HEND موضوعات تعبير
هداياااااااااا للزوج السوق الخليجي سوق عدلات النسائي العام
النظافة والعلاقة الزوجية sho_sho الثقافة والتوجيهات الزوجية


الساعة الآن 08:26 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل