السلام عليكم ورحمة الله وبركاته حلمت خير اللهم اجعله خير
انى ماشية فى شارع غريب مع بنت اختى وكنا مروحين وكنا بالليل والشارع ضلمة وانا ماسكة بنت اختى فى ايدى وكنت خايفة جدا لان كان فى رجالة فى الشارع فوقفنى واحد وقالى ايه رايك فى الجنس؟ قلت له بلاش انا لسه بنت وبشاور له على ايدى عشان يتاكد فأكن كنت لابسة دبلة فى اليمين بس مش متاكدة او انى كنت عايزة أثبت له ان مفيش دبلة فى ايدى
المهم قالى خلاص خلاص ولسه بيكلمنى فجت بنت تانية فقعد يكلمها وقلت انا لبنت اختى امشى بسرعة ثم قلت لها اجرى وجرينا وطلع يجرى ورانا بس لم يلحقنا
ثم لقيت نفسى لوحدى والمفروض انى بحب نفس الشخص اللى كان عايز يعمل حاجات عيب معايا وبستخبى منه بهذار ما بين عدة عمارات بالطوب الاحمر بهذار يعنى بس وجدنى
ثم لقيت نفسى فى منزل اكنى فى مدرسة براقب على طلبة فى الامتحان ووانا طالعة من المنزل شوفت بابا ورايا فى الزحمة بس كان اصغر سنا فعملت نفسى لم اراه لانى كنت زعلانة منه فى الحقيقة
ونزلت ادور على جزمتى فى وسط جزم كتييير فى الشارع فلبست بوت اعتقد كان بنى فى رجلى اليمين بس لم اجد الفردة التانية ودورت كتيييييييييير لم اجدها وقلت دى اعطيتنى اياها بنت خالتى بسنت
المهم اصحابى لقيتهم مشوا وسابونى على اساس انى حلبس حذائى واجى وراهم بس انا اتاخرت
المهم مشيت
ثم رجعت ومعايا حد مش فاكراه ودورت تانى على الجزمة لم اجدها
فوجدت فردة مش بوت عادية وقديمة شوية وبها ثقب من الامام فقلت دى هى البوت بتاعتى بس قدمت وشوية اقول لا دى مش بتاعتى بس حلبسها بدل ماامشى حافية ولبستها ومشيت على اساس انى حلبسها مؤقتا الى ان اجيب جزمة تانية من بتوعى
وانتهى الحلم على انى لن اجد حذائى البوت
انا انسة 28 سنة
بنت خالتى بسنت 38 سنة انسة
اعمل مدرسة
افكر كثيرا فى الارتباط
مؤخرا حلمت حلم وتم تفسيره من كذا شخص بخاطب لى وحمل لاختى وفعلا بعدها اختى طلعت حامل فافكر كثيرا فى انى حتخطب
وكثيرا ما كنت احلم ان حذائى ضاع بس دى اول مرة لما ضاع الحذاء البس بديل ففى الاحلام السابقة كان ينتهى الحلم وانا ببحث ولا اجد حذائى
ليس استخارة بل حلم عادى
بابا وماما على قيد الحياة ويوجد مشاكل مع بابا
الحلم كان من ايام قليلة يعنى فصل الشتاء
صحتى حاليا جيدة الحمد لله
تفسير ضياع الحذاء في المنام
رد: تفسير ضياع الحذاء في المنام
قد تكوني مهتمة بالمواضيع التالية ايضاً