بجد اللى جاى أحلى

لكل واحدة عندها مشكلة وشايفة الدنيا اسودت في وشها انا بقوللها اللى جاي
احلى ودى مش شعارات ولا كلام طبطبة ودة عن تجربة
حاحكيلو حكياتي بس ما تزهقوش مني

انا ياحبيابي لما كان عندي 15 سنة ماتت اختي اللنى انا بحبها مووت وكانت توأم
روحي وهى عندها 20 سنة وكانت حامل في7شور اتخيلو صدمتى
وبع كدة بسنة بالظبط اهلى جوزونى لجوزها لانو كان تعبان اوى من وفاتها
هي والبيبي
طبعا رفضت بس امى وأخويا اصروا ربنا يسامحهم وجوزنى بالعافية
طبعا حرمنى اكمل تعليمى وانا في تانية ثانوى وهو كان عندو 37 سنة يعنى فرق21 سنة ومن اول يوم جواز ابتدت المشاكل ومد اليد
خلفت بنتى الاولى وانا عندى 17 سنة
ومنعى استخدم اي منظم للحمل وبعد 6شهور حملت ببنتي التانية وذادت حدة المشاكل لحد ماوصلت للضرب والاهانة قدام بناتى
المهم قررت اتطلق بس كان كل مرة بيراضينى ويقوللي دى اخر مرة




وانا بطبعي مساحمة كنت بسامحو كل مرة وهو ماشى زايد
لحد ما اقدرتش استحمل خالص
فلجات للمحكمة طبعا مطوحني وعذبني قوي قوى اشى تهديد
والقضية تتاجل كل يوم والتانى
عذاب شديد بس عمرى مافقدت الامل في ربنا
كنت بقول لنفس ربنا حينصرنى
ولما لقاني مصرة قللي حاطلقك بس تديني البات واتنازل عن النفقة فوافقت لاني تعبت منو اووووووووووى عذبنى طول 6 سنين والحمد لله
ماتحكموش عليا ماكانش عندي خيارات تاني
واتطلقت2008وانا عندي 22سنة
وبعد كدة عشت مع اخوانى من بيت لبيت مالقيتش الراحة خالص مع انهم كانو حريصين على راحتى واتمرمط واتبدهلت واتحرمت من ولادى وقابلت ناس واتخدعت فيهم لانهم كانو عايزين يستغلونى عشان مطلقة وكدة
المهم اني اتعذبت كتير ويا ما نمت ومخدتى غرقانة بدمعوعي بس عمى ما فقدت الامل ان
في حياة حلوة مستنيانى عشان انا طيبة وعمرى ما اذيت حد وبحب كل الناس
لحد ما لقيت جوزى الحالي من اول يوم شافنى قللى انا عايز اتجوزك
اصل انا حلوة جذوري مصرية ولونى ابيض ها ها ها
فحكيتلو عن وضعي وعن بناتى فقالى انا عاوزك كدة انا حبيتك وعجبتني اخلاقك
مع انو هو شاب ومااتجوزش قبل كدة اتجوزنا قبل سنة ونص رغم انو ناس كتير نصحهوا ماتتجوزش مطلقة وعندها عيال بس هو اصر
وبجد عشيشن احلي ايامى ولقيت فيه كل الى بتمناه
وضعو المادي عادي بس اخلاقو عالية ورزقو حلال وبيدلعنى ويحترمنى وبيحترم اهلي
خلفنا بنوتة زي القمر عندها6شهور وسميتها على والدته
وانا دلوقت عايشة احاي حياة مع اني بشتاق لبناتى بس هو بيساعدني علي الصبر
وبستمد منو قوتى
ان الله مع الصابرين
دي تجربتى مع الصبر والتفاؤل بان اللى جاي احلى
وبقوللكو افرحوا واتفاؤلو كما قال نبينا الكريم(تفاؤلو باخير تجدوه) صلو عليه
بتمني انكم تستفيدو من تجربتى وادعو لى