أو

الدخول بواسطة حسابك بمواقع التواصل

#1

يا ريت كل اب وام ميعملوش كده

لمقارنه بين الابناء

اغلب الاباء بيقارنوا دايما اطفالهم باطفال تانين عشان عايزين الطفل يبقى احسن

يقولك عشان احفز ابنى اقارنه بفلان عشان اثير غيرته ويجتهد شوية ويبقى احسن منه
نية الاب سليمة لكن الاسلوب غلط

لان المقارنة بيتجيب نتايج عكسية فى اغلب الاحيان
حتى لو الطفل نجح لانه بقى زى فلان او عمل زى فلان اللى انت بتقارنة بيه
هيفشل بعد كده
لانه ببساطة هو نفسه مش فلان

ومش هينفع فى اى حاجة تانية لان اسلوب المقارنة بيخلى الطفل يفقد ثقته فى نفسه ويحس بالاحباط وانه فاشل

فلازم تعرف ان ابنك مش نسخة من حد
ابنك كائن متفرد بخواصه
يعنى مالوش مثيل
فمش صح انى اقارنه بحد

والمصيبة الكبرى بقى هى المقارنة بين الاخوات

شوف اخوك بيعمل اية
ليه مش بتعمل زيه
هو انت دايما كاسفنى كده اشمعنى اخوك دايما رافع راسى
انت مش ناوى تفلح بقى وتتشطر زى اخوك

والابن يحس انه مهمل واخوه هو اللى على الحجر
وده بيخلق جو من الكراهية بين الاخوات
و بيخليه مش قادر يتعرف على قدراته وامكانياته والمواهب اللى عنده
لانك عايز منه معظم الوقت انه يقلد اخوه
وهو ممكن يقدر يكون بيعرف يعمل حاجة اخوه مش بيقدر يعملها
بس انت مش شايف فيه ده فبتكبته

انت ولادك مش زى بعض
مختلفين عن بعض فى قدراتهم وامكانياتهم ومواهيبهم
وكل واحد فيه ميزة بتميزه عن التانى
مش شرط يبقى كلهم عندهم نفس الميزة

فالمقارنة بين اتنين مختلفين اصلا اسلوب مالوش اى لازمة غير انه بيهدم احدى الشخصيتين
او بيهدم الاتنين
واحد حاسس انه مش نافع وفاشل وحاسس بكره تجاه اخوه
والتانى فكر نفسه احسن من اى حد وادى نفسه حجم اكبر منه وده يخلق عنه الغرور والتكبر

انا كده بالاسلوب ده ببوظ الدنيا

اغلب المشاكل والجرائم اللى بتحصل بين الاخوات لما يكبروا بيكون سببها المقارنة فى الصغر
فانا لازم اخد بالى اوى من الجزئية دى

لو عايز فعلا انى احفز ابنى عشان يبقى احسن
فى اساليب تانية كتير

احسس ابنى انه خيب ظنى
ألومه على تصرفه وفى نفس الوقت اديله ثقة فى نفسه وافهمه ان السلوك ده مايطلعش من حد كويس زيه
بمعنى

اقوله انى ماتوقعتش ان يكون مستواه قليل كده
اقوله انى كنت متوقع ان قدراته اعلى من كده وانى اتفجأتى بمستواه
اقوله انت خيبت ظنى فيك ماكنتش متصور انك ممكن تتصرف بالاسلوب ده
ومع كلامى اللى بلوم بيه تصرفه
اوضح له انه كويس وان عنده قدرات ومواهب كتير وان السلوك ده اقل من مستواه
اشجعه اديله ثقة فى نفسه اقوله انت كويس وممكن تبقى احسن من كده

ده بالنسبة لتصرف الاباء

اوقات بقى المدرسين بيشاركوا بضمير الاباء فى المقارنة
وبيساعدوهم على ان الطفل يبقى محبط بامتياز
ويمكن دى الحاجة الوحيدة اللى الاباء والمدرسين بيتعاونوا فيها مع بعض بالاضافة للضرب والعنف اللفظى

يعنى الطفل مش هيخلص فى البيت بنقارنه وباخواته
وفى المدرسة المدرس هو كمان بيقارنه بزمايله

لازم المدرسين يعرفوا ان اى انسان فى الدنيا هو كائن مالوش مثيل ولازم يراعى الفروق الفردية بين الطلبة
ولازم يبقى عنده شوية ذكاء فى خلق جو تعاونى بين الطلابة مش يزرع جواهم مشاعر الكراهية والحقد
ويخرج جيل معقد عايز ينتقم لنفسه
او جيل فاشل فاقد الثقة فى نفسه


فى بعض الاحيان واوقات او نادرا ان الاسلوب ده بيخلى الطفل يبقى احسن
لانه بيقول بينه وبين نفسه
انا هخلى الناس دى كلها تندم انها قارنتنى بغيرى وهثبتلهم انى احسن من غيرى لكن فى المجال اللى انا عايزه،واللى بيقارنونى بيه ده هيبقى ولا حاجة

وبيجتهد عشان يبقى احسن
وممكن يتخذ طرق ملتوية عشان يبقى احسن
او العكس
لكن هو كفرد مش بيكون متوافق مع نفسه وبيكون عنه مشاكل نفسية





وممكن يفسد اخوه او الشخص اللى بيتقارن بيه عشان يفشل و يبين للناس ان الشخص ده اصلا وحش

فعامتا اسلوب المقارنة اسلوب قاتل لازم نحذر منه

وان شاء الله محتاجه من كل ام تدخل الموضوع تطرح علينا موقف مع ابنائها وازاى اتعاملت معها وان كان صح ولا غلط
وكمان نقاش حول الموضوع بجد محتاجه لارائكم لنفيد ونستفيد
و
"هذا من فضل ربى ليبلونى أأشكر أم أكفر ومن شكر فإنما يشكر لنفسه ومن كفر فإن ربى غنى كريم"


إظهار التوقيع
توقيع : السكرة
#2

افتراضي رد: يا ريت كل اب وام ميعملوش كده

كلامك صح يا سكره
جزاكى الله خيرااااا
إظهار التوقيع
توقيع : امة الله
#3

افتراضي رد: يا ريت كل اب وام ميعملوش كده

جزانا واياكم يا حبيبتي
إظهار التوقيع
توقيع : السكرة
#4

افتراضي رد: يا ريت كل اب وام ميعملوش كده

الله هالكلام كله صح


تسلمى ياقمر
إظهار التوقيع
توقيع : ريموووو
#5

افتراضي رد: يا ريت كل اب وام ميعملوش كده

كلام صح مئة بالمئة ويعطيك العااااااااااااافيه ياسكره
إظهار التوقيع
توقيع : كلي ذوق
#6

افتراضي رد: يا ريت كل اب وام ميعملوش كده

تسلمى يا سكره
وتربية الاولاد فيها حاجات كتير لازم ناخد بالنا منها
إظهار التوقيع
توقيع : ملك قلبى
#7

افتراضي رد: يا ريت كل اب وام ميعملوش كده

اشكرك على الموضوع

حقيقي دا مفيد

موش هاحكي عن تجربتي مع اولاااادي

لان دا حصل معايا انا شخصيا و بأعاااني منه الى الان مع اخواتى

من صغرنا بابا و ماما بيقارتوا بينى و بين اختى اللى اكبر منى ب 4 سنوات

وكانت النتيجة انى دخلت مجموعة شاملة في ثانوية عامة...لان ماحدش فيهم كان يهمه انا ميولي ايه اد ما كان يهمهم...اجيب مجموع و ادخل صيدلة القاهرة زى اختى

ميولي أدبية....ودخلت علمي شااامل

طبعا ماجبتش مجموع اى حاجة قطاع طب خاااالص

وجبت مجموع كلية حاسبات و معلومات...دى قمة بردو في قطاع هندسة

دخلت... فشلت .... شلت مواد ... بس الحمد لله ماعدتش اى سنة

كان نفسي في اداب ... باحب اللغاتو علم النفس

والنتيجة انى اتخرجت مابافهمش حاجة في مجال دراستى ... لا عرفت اشتغل و لا حتى اخد كورس يدعمنى


.....

طبعا المقارنة كانت موش بس دراااسة .... كل حاجة باة

اختى مالهاش ذنب

دى غلطة بابا و ماما

انا مسامحة طبعا...

بس مرت عليا سنين انا و اختى فعلا بنكره بعض....وكنت باخليها تعيط منى

لكن دلوقتى الحمد لله علاقتنا كويسة جدا


بس بعد ما ضااااع احلى سنين عمرنا ايام الطفولة و المدرسة و الكليات ...


وعشان كدة.... ابدا ابدا ... ما اقارن اولاادي ببعض....

يحبوا بعض احسن ما اجبرهم على نجاحات زائفة تتضيع اخلاق الاخوات المفروضة مع بعض
إظهار التوقيع
توقيع : ng_dodo
#8

افتراضي رد: يا ريت كل اب وام ميعملوش كده

كتير مفيييييد
إظهار التوقيع
توقيع : سوسو الامورة
#9

افتراضي رد: يا ريت كل اب وام ميعملوش كده

من المفارقات :

ان اختى دايما تقولى: ماكنتش اعرف انك عاقلة كدة

ماكنتش اعرف انك بتفهمى في حاجات كتييير
و رغم انها الكبيرة

الا انها بترجع لي في قرارتها

طبعا المفارقة انى وقت من الاوقات : دعاء دى فاشلة ... دى مهملة ... دى موش هاتجوز

كلاااااااااااام ماااااسخ

والحمدلله

الايام ثبتت..ان كلنا كويسين وماحدش احسن من حد

الحمدلله

وحقيقي: ربنا أحن علينا من أهالينا
إظهار التوقيع
توقيع : ng_dodo
#10

افتراضي رد: يا ريت كل اب وام ميعملوش كده

تسلمى ياسكرة على موضوعك الجميل
وتسلمى يا ng - dodo على كلامك ومثالك
وبالتوفيق ليكى وللجميع ان شاء الله يارب
♥وكل عام وانتم بخير ♥
#11

افتراضي رد: يا ريت كل اب وام ميعملوش كده

الموضع بجد اكتلر من رائع مشكورة يا سكرة علية انا بعمل كدة مع اولادى لانى مريت بتجربة مرة مع اختى اللى اكبر منى فدايما بزرع الحب بين ولادى وكما العطاء الف شكر ليكى ياريت الكل يعمل كدة فعلا
#12

افتراضي رد: يا ريت كل اب وام ميعملوش كده

موضوع ممتاز ربنا يخليكى ياسكره
#13

افتراضي رد: يا ريت كل اب وام ميعملوش كده

مكنتش متخيله ان الموضوع يشد كده بس والله كده كويس اوي اويوشكر خاص لng_dodo
إظهار التوقيع
توقيع : السكرة
#14

افتراضي رد: يا ريت كل اب وام ميعملوش كده


المشاركة الأصلية كتبت بواسطة السكرة
مكنتش متخيله ان الموضوع يشد كده بس والله كده كويس اوي اويوشكر خاص لng_dodo
الموضوع مهمممممم جدا

لاننا بنمثل الاتنين: امهات و بنات - اباء و ابناااء

وتحيىة خاااااااااصة ليكي جدا يا سكر

ربنا يصلح الحال و يلم شمل الارحام بالخير
إظهار التوقيع
توقيع : ng_dodo
#15

افتراضي رد: يا ريت كل اب وام ميعملوش كده

رواحى يابنتى الله يابركلك مش انا بقول انتى دماغ
بجد ربنا يحمكى من كل شر انى احبك فى الله
#16

افتراضي رد: يا ريت كل اب وام ميعملوش كده

جزاك الله الجنة
حبيبتى كل موضوعاتك
مميزة
إظهار التوقيع
توقيع : منونة وملوكة


قد تكوني مهتمة بالمواضيع التالية ايضاً
الموضوع كاتب الموضوع المنتدى
عضوة تتخيلها ..؟ ربي رضاك والجنة مضيفة عدلات
واول ضيف ونقول\الوووووووو البرنسيسة2000 فرفشة عدلات
يا ريت حد يساعدني..!! مهرتي دنيتي استشارات عدلات الطبيه
لولو حبيب روحى وام الاء وبيان ميرو المؤمنة دردشة عدلات
السلام عليكم يا ريت تفسرولي حلمي يا ريت om ritej احلام ورؤى تم تفسيرها


الساعة الآن 02:18 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل