أو

الدخول بواسطة حسابك بمواقع التواصل

#1

افتراضي انا عاوزة اطلق او ابعد عن جوزى باى شكل

[FONT=""][COLOR=""][SIZE=""]السلام عليكم ورحمة الله وبركاته
انا محتاجة حد يسمعنى ضرورى جدا لان معنديش حد احكيلو ولا حد واقف جنبى انا فى غربة لوحدى مع جوزى

بالله عليكم تستحملونى وتسمعونى للاخر انا متزوجة من سنة ونص تقريبا واتجوزت وانا عندى 35 سنة ودلوقتى حامل وقربت اولد
من اول زواجى وزوجى بيعاملنى وحش ومش بيعمل لى اى اعتبار ومد ايده عليا اكتر من مرة ده غير انه بيكدب كتير ومبقتش اصدقه فى حاجة وفى كل مشكلة تحصل بينا لازم يقولى انا هطلقك وارجعك مصر من اول اسبوع جواز قال لى الكلام ده ولو تعرفو قالى كده ليه عشان اول ما سافرت له وانا لسه عروسة مكملتش اسبوع كان مجهز لى هدوم كتير مش نظيفة عشان اغسلها وكانت قذرة جدا وقعدت اغسلها طول النهار والغسالة عادية مش اوتوماتك وبعد ما اتهد حيلى فى الغسيل جات اخته اتصلت بيه وقالت له تعالى انا عازماك انت ومراتك هنفسحكو ( اخته موجوده ومتزوجة فى نفس البلد اللى احنا فيها ) ووافق هو وقالها ماشى وبعدين بيقولى فقولت له انى تعبانة جدا وضهرى واجعنى ومش هقدر اخرج اتصل قولها خليها بكرة طبعا الكلام معجبهوش وزعق وهاج وانتى كده بتطلعينى مش راجل وانا لازم انزلك مصر دلوقتى وهطلقك حالا (ياريت تقولو لى انا غلطت فى ايه فى الموقف ده )
وقيسو بقى اى حاجة تحصل بينا يعمل كده طول السنة الاولى وانا فى نكد ومعنديش الا البكاء حتى لما نزلنا اجازة ورحت عند اهلى وهو راح عند اهله معبرنيش ولا كان بتصل بيا ولا بيسأل فيا وطبعا حصلت مشاكل مع اهلى بسبب كده خصوصا ان اهلى مكنوش عاوزين انى اقعد معاهم فى الاجازة (عشان هو لسه مجابش شقة لينا ) عشان مكنش معاه فلوس وكنا هنسافر بعد الجواز وده طبعا طلع كدب لانه اشترى شقة تمليك دلوقتى واجرها ومقليش انه اشتراها الا انى عرفت بالصدفة

وعشان انا معنديش شقة مجبش عفش ولا اى حاجة ولما اقوله انى عاوزة شقة اقعد فيها فى الاجازة يقول لى هو انتى جبتى ايه انتى واهلك مجبتوش حاجة وانا مش عاوز اتكلم وافضحك
وحتى الشبكة بتاعتى مجبهاش الا بعد سنة من الجواز ولسه مجبش الدبلة واتخانق معايا عشان كده

ده ملخص بيسط للى بيحصل ودلوقتى هو بيعرض عليا انه يجيب لى شقة ايجار فى مصر ويجيب الحاجات الللى على العريس وانا اجيب الباقى ويبعت لى مصاريفى انا والمولود وانا مش معايا فلوس اجيب حاجة ولا اهلى هيجبولى شئ ابويا ميت واخواتى الرجالة مبيجهزوش حد مننا احنا اربع بنات وكل اللى اتجوزو جهزو نفسهم وانا معرفتش اجهز الا حاجات بسيطة بتاعت المطبخ ولما جاء جوزى اتقدم لى قالو لو تجيب كل حاجة عشان هو منفصل وعنده عيال
وهو قال انه هيسافر ومش لازم يجيب شقة وعفش وتتقفل على الفاضى وانا اقتنعت بكلامه عشان كنت غبية جدا وكنت عاوزة اتجوز عشان اهلى اللى هما امى واخواتى الرجالة تصورو كانوا بيعايرونى انا واختى اننا كبرنا وعنسنا ومحدش هيبص فى خلقتنا ده غير حريم اخواتى ومعايرتهم لينا برضو واخواتى عادى جدا ولا بيتهز لهم شعرة
مع اننا مش وحشين ومعاملتنا كويسة ومتعلمين وبنشتغل
ده غير ان امى كانت فاضحانا وبتتخانق معانا كل شوية على الفاضية وعلى المليانة لغاية ما اختى لقت سفر برة مصر وسافرت تشتغل وبعدت عن قرفهم ولسه مسافرة لحد دلوقتى ومش عاوزة ترجع مصر الا اجازة
وتصورو اننا كنا بنصرف على البيت من مرتبنا وامى مش بتصرف حاجة مع انها بتاخد معاش بابا الله يرحمه ولو اى واحد من اولادها الرجالة فلوس تديه واحنا عشان مدفعناش فلوس مية متاخرة من سنين ورحنا قعدنا عند اختنا الكبيرة فى شقتها كانت فاضية راحت امى واخويا الكبير غيرت كالون الشقة عشان مندخلش تانى الشقة بتاعت ابونا ونخلينا قاعدين عند اختنا وهى دفعت الفلوس فبتعاقبنا بكده فى حد يصدق انى فى اهل يعملو كده





ده غير انها كانت بتتهمنا فى شرفنا وبتقول علينا كلام وحش والجيران بتسمع واخر حاجة لما جيت قعدت معاها السنة اللى فاتت فى الاجازة وكنت بروح لدكتور النسا لوحدى طبعا لان البيه جوزى مكنش فاضى لى وكنت بتاخر شوية عشان العيادة بتبقى زحمة اتهمتنى فى شرفى وقالت عليا انى رحت اقابل رجالة وان جوزى مش مكفينى وكانت هتتصل بجوزى تقوله كده وانى مش هبطل الا لما بوليس الاداب يمسكنى تصوروا فى ام تقول كده على بنتها

وفى الاخر طردتنى من البيت بس المرة دى وانا متجوزة وطبعا انا مقولتش لجوزى حاجة وقولت له انها عصبية واتخانقت معايا وقالت لى امشى روحى عند جوزك بس

انا طولت عليكم معلش بس انا تعبانة اوى ومظلومة من كل اللى حواليا وعاوزة اعيش لوحدى مش عاوزة اقعد مع جوزى ولا ارجع لاهلى انا بكرهم كلهم وبدعى عليهم

انا عاوزة اطلق او اعيش بعيد عنها ويبعت لى مصاريفى ومش عاوزة ازور اهلى ولا اشوفهم خصوصا امى واخواتى الرجالة
اللى عملوه فيا مش شوية اللى انا حكيته ده نقطة فى بحر وربنا شاهد على كلامى وقسما بالله كل حرف كتبته صح مافى حرف كدب لا عليهم ولا على جوزى

انا حاسة ان ربنا مش راضى عنى عشان ابتلانى باهل زى دول وزوج كمان ما بيراعيش ربنا
ياريت يا جماعة تدعولى ربنا يفك كربى وابعد عنهم وتقولو لى اعمل ايه ارجع مصر واعيش فى شقة لوحدى والا افضل مع راجل بالشكل ده
انا بكرهه وعايشة معاه بس عشان مليش حته اقعد فيها واهلى مش هيستحملونى لو اطلقت وحبيت اقعد عندهم

انا عاوزة ادعى واحسبن عليهم ساعة ولادتى لانها الشهر الجاى وانا مش مسمحاهم بصراحة[/SIZE][/COLOR][/FONT]


#2

افتراضي رد: انا عاوزة اطلق او ابعد عن جوزى باى شكل

ربنا يفرج همك ويفك كربك وييسرلك الامور ويصلح لك الحال
بجد الله يكون فى عونك
معقول فى ام كده!!!
لو زى ما بتحكى اعتبريه ابتلاء من ربنا واصبرى واتحسبى اجرك عند الله ومن ناحية زوجك لازم تاخدى موقف معاه مع انى شايفة انك غلطانة لانك اتنزلتى عن حقوقك من الاول يعنى اخدك بالساهل عشان كده طايح ولا همه
وبعدين هو عايز يعايرك ويفضحك بايه يعنى ماشاء الله عليه جبلك اللى ميتجبش ده الشقة التمليك اللى جبها مقالكيش عليها وراح اجرها
ربنا يهديهملك ويصلح حالكم

#3

افتراضي رد: انا عاوزة اطلق او ابعد عن جوزى باى شكل

لاحول ولا قوة الا بالله
بصي يا حبيبتي لازم تاخدي بالك من صحتك والبيبي لما تقومي بالسلامة وقربي من ربنا وعليكي بالاستغفار والدعاء
بالنسبة لطبعه فمتزعليش مني دي غلطتك انك اتنازلتي لازم تكوني قوية وكفاية بكاء لازم تدخلي حد من اهلك فالموضوع ولما يهددك قوليله انك مش بتتهددي وكل شي نصيب لو مش عاوزك هو حر وانك مش هتغلبي وفغنى عن البهدلة دي ولو قالك دخلتي اهلك بينا قوليلو عادي الراي رايهم الي يشوفوه اعملو
لازم تحسسيه بقوتك ومتضعفيش ياحبيبتي
مش عشان انتي عندك 35 سنة تضعفي لا يا قمر
#4

افتراضي رد: انا عاوزة اطلق او ابعد عن جوزى باى شكل

الله يكون في عونك يابنتي , اصبري على جوزك لما يجي البيبي حيتغير بإذن الله

إظهار التوقيع
توقيع : نيڨين
#5

افتراضي رد: انا عاوزة اطلق او ابعد عن جوزى باى شكل

السلام عليكم
ربنا يقدملك اللي فيه الخير ويصلح حالكم
#6

افتراضي رد: انا عاوزة اطلق او ابعد عن جوزى باى شكل

اصبرى لحد ما تولدى بالسلامة يمكن ربنا شايلك خير ويمكن جوزك يتغير بعد ما يشوف البيبى وفى الفترة دى داومى على الاستغفار والدعاء له
وخلى بالك من صحتك ومن البيبى الزعل مش كويس عشانك

#7

افتراضي رد: انا عاوزة اطلق او ابعد عن جوزى باى شكل

لا حول ولا قوة الا بالله
ربنا يفك كربك ويفرج همك ان شاء الله
بس بعد ما عرفت ظروفك أفتكر الطلاق مش هيحل مشاكلك معلش اهه ظل راجل ولا ظل حيط زي ما بيقولوا ربنا يصبرك ويهديه لك ويعوض صبرك خير
إظهار التوقيع
توقيع : رحيق
#8

افتراضي رد: انا عاوزة اطلق او ابعد عن جوزى باى شكل

انا كمان مبنصحكيش بالطلاق انت مش ضامنة حياتك حتكون عاملة ازاي بعد الطلاق وزي مقالت لك نفين

بعد ميجيكلوا البيبي ان شاء الله حيتغير وانت كمان حاولي تغيري منوا وان شاء الله ربي يهدهولك ويهديلك اهلك

ويسعدك في حياتك ومتفكريش كتير انت على وش ولاده وبدل متدعي عليهم بولادتك ادي ربنا يهديهملك ويسعدك انت

وجوزجك ويرزقك بطفل الي يملي عليكي حياتك بالافراح
#9

افتراضي رد: انا عاوزة اطلق او ابعد عن جوزى باى شكل

الله يصلح لك الحال
#10

افتراضي رد: انا عاوزة اطلق او ابعد عن جوزى باى شكل

اصبرى عشانك وكمان عشان البيبى
هتروحى فين بس ؟
وانتى بتصلى قولى يا حى يا قيوم برحمتك استغيث اصلح لى شأنى كله ولا تكلنى الى نفسى طرفة عين

لا اله الا أنت سبحانك انى ككنت من الظالمين
وربنا يصلحلك الحال ويهديهولك وانتى من ناحيتك شويه هاوديه وعامليه كويس يمكن يحس على دمه ويعاملك بالمثل
ربنا معاكى
إظهار التوقيع
توقيع : Frawla
#11

افتراضي رد: انا عاوزة اطلق او ابعد عن جوزى باى شكل

حبيبتي ربنا يقومك بالسلامه ويسعد ايامك يارب
خدي بالك من نفسك ومن البيبي وربنا يهديلك الحال
حسبي الله ونعم الوكيل
إظهار التوقيع
توقيع : بطه
#12

افتراضي رد: انا عاوزة اطلق او ابعد عن جوزى باى شكل

الله يقومك بالسلامة وتشوفي البيبي الجميل وتفرحي فيه حبيبتي اكثري من الاستغفار والصلاة قيام الليل وخلي ذكر ربنا على لسانك شوفي انتي غلطانه
لانك من البداية اتنزلتي عن حقوقك وده شجعه على انك انسانه ضعيفه وممكن
تتنزلي عن اي حاجه هو عاوزها بس لازم تكوني قويه ولازم يعرف انك
مش ضعيفة وانك قد اي ظروف ممكن تحصلك وانك تقدري تواجهيه هو واشكاله حبيبتي الطلاق مش راح يفيدك بالظروف دي لان اهلك كمان بيقسوا
عليكي عشان كده بعد الولاده وبعد ما تقومي بالسلامة انشالله تجددي حياتك
انتي لازم تكوني انسانه ثانية غير الي كان جوزك يعرفها لازم توريه انك
ام وعندك مسؤلية ومش فاضيه للمشاكل عشان البيبي ما يتاثر بالجو الي بيخنق ده انتي حنينه خليكي قاسية شويه انتي بتعبريه بكل لحظه خليكي جامدة شويه
هو صوته عالي وبيهدد لازم توريه انك ما بتتهددي وان صوتك اعلى من صوته
وانه ما بيخوفك وانتي ما عندك شي تخصريه الرجاله بالزمن ده بيخاف من الست القويه المتمكنه والي بتكون قد اي مشكله ممكن تواجهها وربنا يهديلك
الحال ويحفظك ويقويكي وتقومي من الولادة بالسلامة
إظهار التوقيع
توقيع : غناة الروح
#13

افتراضي رد: انا عاوزة اطلق او ابعد عن جوزى باى شكل

ان الله اذا احب قوما ابتلاهم وانتى ربنا ابتلاكى بالاتنين الاهل والزوج ربنا معاكى واصبرى ان الله مع الصابرين اذا صبروا
#14

افتراضي رد: انا عاوزة اطلق او ابعد عن جوزى باى شكل

حبيبت عليكى بالدعاء له والاستغفار
وان شاء الله ربنا يهديهولك
وربنا هيعوض صبرك خير
#15

افتراضي رد: انا عاوزة اطلق او ابعد عن جوزى باى شكل

اصبرى واحتسبى اجرك عند الله وربنا يهديه لعل بعد الولادة ينصلح حاله يارب
#16

افتراضي رد: انا عاوزة اطلق او ابعد عن جوزى باى شكل

لا حول ولا قوة الا بالله العلى العظيم
ربنا يعينك حبيبتى ويصبرك على ما بلاكى
مش عارفة بجد اقولك اية
#17

افتراضي رد: انا عاوزة اطلق او ابعد عن جوزى باى شكل

ربنا يصبرك حبيبتي
استغفري ربنا باستمرار وادعيلهم جميعا بالهداية
ربنا يسعدك ويوفقك
إظهار التوقيع
توقيع : فلسطين
#18

افتراضي رد: انا عاوزة اطلق او ابعد عن جوزى باى شكل

ربنا يقومك بالسلامة يمكن البيبي يغير معاملة جوزك و ربنا يجعله في ميزان حسناتك
#19

افتراضي رد: انا عاوزة اطلق او ابعد عن جوزى باى شكل

اصبرى لحد ما تولدى بالسلامة يمكن ربنا شايلك خير ويمكن جوزك يتغير بعد ما يشوف البيبى وفى الفترة دى داومى على الاستغفار والدعاء له
وخلى بالك من صحتك ومن البيبى الزعل مش كويس عشانك


رد: انا عاوزة اطلق او ابعد عن جوزى باى شكل
إظهار التوقيع
توقيع : حبى الوحيد
#20

افتراضي رد: انا عاوزة اطلق او ابعد عن جوزى باى شكل

يااااااااارب فرج قربك واصبرى يا اختى فلن يصيبكى الا ما كتب الله لكى
إظهار التوقيع
توقيع : شيموو
#21

افتراضي رد: انا عاوزة اطلق او ابعد عن جوزى باى شكل

لاحول ولا قوة الا بالله حبيبتى صلى قيام الليل وداعى لجوزك بالهدية فان فية ساعة ايجابة
#22

افتراضي رد: انا عاوزة اطلق او ابعد عن جوزى باى شكل


المشاركة الأصلية كتبت بواسطة نيڨين
الله يكون في عونك يابنتي , اصبري على جوزك لما يجي البيبي حيتغير بإذن الله
ده راى سليم
#23

افتراضي رد: انا عاوزة اطلق او ابعد عن جوزى باى شكل

ربنا يصلحلك الحال
#24

افتراضي رد: انا عاوزة اطلق او ابعد عن جوزى باى شكل

الله يفك كربك ويزيل همك وهم المسلمين يارب يارب يارب يفرح قلبك ادعى ربنا كتير ربنا يزيل عنك ويفرح قلبك بشوفت البيبى ربنا يسعدك يارب والمسلمين جميعا
إظهار التوقيع
توقيع : ام اروى واريج
#25

افتراضي رد: انا عاوزة اطلق او ابعد عن جوزى باى شكل

لا حول ولا قوة الا بالله انتى يا حبيبتى لازم تتطلقى لان بعد ما تجيبى البيبى ممكن يطالب بيه يرفع قضية علشان كدة اطلقى وادعى ربنا يفكها ويا رب يهديه
إظهار التوقيع
توقيع : توتة واحلى بنوتة
#26

افتراضي رد: انا عاوزة اطلق او ابعد عن جوزى باى شكل

الله يهديه ليكى
إظهار التوقيع
توقيع : دمعه ساجده
#27

افتراضي رد: انا عاوزة اطلق او ابعد عن جوزى باى شكل

شكرا هذا موضوع جيد
#28

افتراضي رد: انا عاوزة اطلق او ابعد عن جوزى باى شكل

اصبرى يا اختى على ما ابتلاكى به الله ما ابتلاكى الله الا ليختبر مدى ايمانك ولجوءك اليه و ادعى الله ان يصلح لكى زوجك وان يهديه وان يسخر قلبه لحبك و لا انصحك بطلب الطلاق بل حاولى المحافظه على حياتك الزوجيه فانك لن ترتاحى لو لقدر الله حدث الطلاق فانك مبتليه يا سيدتى بأهلك ايضا اذا كان لم يتحملوك وانتى فتاة هل سيتحملونك وانتى مطلقه ومعكى طفل لا يا سيدتى اصبرى على زوجك واكثرى من اللجوء الى الله ومن الدعاء ادعو الله ان يسعد ايامك


قد تكوني مهتمة بالمواضيع التالية ايضاً
الموضوع كاتب الموضوع المنتدى
انا عاوزة اطلق او ابعد عن جوزى باى شكل (تطورات غير مسجل فضفضة وحل المشاكل


الساعة الآن 04:24 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل