أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

وحصل كل دا غصب عنى

إضافة رد  أضف للمفضلة
https://3dlat.com/showthread.php?t=139289
5371 18
#1

افتراضي وحصل كل دا غصب عنى

السلام عليكم ورحمة الله وبركاتة
اخواتى الاعزاء
انا لجئت لكم بعد الله سبحانة وتعالى علشان عارفة صدقكم فى النصيحة لى
وانا محكيتش لاى حد ودائما بستشريكم انتوا فى كل امورى
يارب الله المستعان
مش حطول عليكم
موضوعى باختصار قصة طويلة جدا مع العرسان
اتقدملى كتير بس مش مناسبين وكان دائما شرطى الاساسى فى العريس اللى اوافق علية انة يكون كلية علوم او اعلى (انا بكالوريوس علوم+2 دبلومة الحمد لله)فشايفة نفسى استاهل واحد كويس بدا يتقدم لى العرسان وكان اغلبهم اللى معاة اداب واللة معاة تربية واللى امام وخطيب وطبعا اللى جانب الدبلوم والمعهد وجالى دكاترة يعنى المفروض المؤهل اللى عايزاة بس كنت برفضهم لظروف تانية مش مناسبة فى الشخص صاحب المؤهل المناسب يعنى متلا اتقدملى دكتور وكان اكبر منى ب 14 سنة وكمان حيقعد فى قرية (انا من مدينة ومبفضلش اقعد فى القرية بس مش معنى كلامى ان اللى فى القرى وحشين بالعكس فى ناس فى قرى عايشين افضل من المدن وانا عالرفة كدا كويس بس اعمل اية فى مخى الجذمة وعلى فكرة معظم بنات بلدى لهم نفس التفكير مش عايزين يطلعوا من مدينة لقرية)وجالى صيدلى بس سمعتة كانت مش كويسة وبقيت حزينة كل اللى جولى فيهم المؤهل المطلوب بيطلع فيهم حاجات تانية وجالى علوم زى بس بردوا اللى من قرية وفية اللى من بعيد خالص خارج المحافظة بتاعتى وكل اما افكر فى النوضوع اقول اية يعنى بعيد بعيد فمفية ناس كتير منزمايلى متجوزين بعيد مادام فية المواصفات اللى انا عايزاها خلاص بس اجى ساعة التنفيذ مقدرش وخصوصا انى يتيمة الاب من وانا عندة 4 سنين يعنى اعتبر مشفتش والدى ومرتبطة بوالدتى جامد بس انا عندى مشكلة مموتانى انى كل اما اشوف واحدة موافقة على واحد بعيد وراحت بعيد اندم خصوصا انى اللى برفضة دا بيكون فية كل المواصفات اللى انا عايزاها بس من بعيد بس اعمل اية غصب عنى مش قادرة ابعد
دا بالنسبة للمؤهلات اللى كلية علوم او اعلى
وجالى واحد بس من بلدى كلية علوم وكنت دا طايرة بية لانة من بلدى وكمان المؤهل اللى عايزاة بس صدمت لما شوفتة طلع استففر الله عقلة فية حاجة وكمان خطب قبل كدة كام مرة والخطوبة فى كل مرة مبتستمرش غير اسبوع واحد فقط بعد كدة مع مرور الزمن بية والعمر بدات اتنازل واقول مش مهمهم اعلى من كلية العلوم ولا مهم كلية لعلوم كمان لان اللى بيتجوزوا بعض وبيكونوا نفس المؤهل بيكونوا ند لبعض وبيكون فى غىرة ما بينهم فلغيت الفكرة ولقيت كمان اغلب زمايلى العلوم اللى زى واخدين محاسب فانا قلت خلاص يا اما كلية علوم فيما فوق ان ما امكنش يبقى امرى الى اللله محاسب جالى المحاسب بس بروا من قرية والمحاسب الوحيد اللى من مدينتى مقبلتوش خالص وكان اقصر منى ومن كتر تفكيرى بقيت جن اعمل اية ياربى لحد ما اتقدملى واحد معاة ليسانس اداب عربى ومن بلدى واما سالنا علية قالوا متدين بس فقرا واسرتة متواضعة فانا طبعا على شروطى اللى انا عاوزاها قلت لا
بس بصراحة اما شوفتة اول مرة لقيتة كويس وحسيت انة طيب بس طبعا خلاص مافيهوش اللى انا عايزاة فرفضتة وقعد يتقدملى ناس اللى محامة واللى مدرس واللى اداب بردوا لحد مكن بنام معيطة كل يوم من قلت بختى وانى مش لاقية اللى انا عايزاة وكل دا واللى معاة ليانس اداب بيتقدم تانى ونرفضة بحجة انى شقتة ضيقة(شقتة كانت ضيقة جدا)ويقول لماما معلش انا لسة فى بداية حياتى وطبعا هو مش عارف السبب الحقيقى ورا الكلام دا ويترفض ويتقدم تانى وطول الفترة دى يتقدم لى ناس بردوا مش مناسبين ياعااااااالم يا اما مؤهل يا اما من عزبة على كدة لحد ما جرى بيا العمر وبقيت 27 ونص والتانى دا لسة مستنى حوالى سنة ونص وانا ارفض فية ويتحايل تناى وطبعا خلانى وعمامى كلهم عرفوا موضوع الواد دا وقعدوا يقنعونى ان العمر جرى ومفيش حد حيجيلك بقى وافقى على الواد دا وانا مش قدرة ازاى بسهولة كدا اتخلى عن حلمى دا ووافق على واحد مش المؤهل اللى عايزاة يعنى دا اقل واحد فى اللى جولى وكان فى واحد تانى متقدم هو زميلة واداب زية ورفضتة علشان والدتة متسلطة وراح خطب وفسخ خطوبتة رفضتة بردوا تاننى علشان عرفنا ان والدتة واخدة اوضة فى شقتة وحتقعد فيها بس مش عارفة لية حسيت ان الشخص دا بيتنافس مع الاولانى اللى متمسك بيا انهم بيساوموا بعض مين اللى حيفوز بيا ومين اللى حيكسب حاسة بكدة والله اعلم لحد ما بدئت اقنع نفسى باللى اخوالى قالهولى وان احاول اتقبل الشخص دا مع ان مفهوش اى صفة انا عايزاة لحد خلاص مبدئت اقتنع فجالى واحد علىاخر لحظم معاة بكالوريوس تربية مدرس بردة بس تربية افضل من ااب ومميزاتة التاني انة وحيد وانيق وشكلة حلو بس عيبة لوحيد انة اصغر من ب5 شهور فانا ساعتها اتوقفت وقولت ياربر اعمل اية اوافق على مواصفاتة انا متقبلاها ومش مشكلة السن ولا حيعيرنة وهل لو فبلت بية حبقى ظلمت التانى اللى مستنينى سنة ونص وشارينى وبقوا قريبى يقولوا لى خدى الشارى طيب الله اعلم هوا شارى فعلا ولا بيساوم حد ولاعايز يتباهى بيا لانى الحمد لله عيلة وشكل ومؤهل وكل حاجة انا اعلى منة فيها محتارة حيرة رهيبة عقلى حيشت بقيت اقول ياربى بقى يجيلى المواصفات دى وارفضها واخد التانى خايفة اندم لحد ما اخدت قرار وقلت خلاص انا مش حاخد اقل منى سنا فى احتمال انة يعايرنى ورفضتة وانا برضة بعاتب نفسى بس كان لازم اقرر يا دا يا دا ووافقت على اللى مستنيننى سنة ونص بس خلال السنة ونص اللى كان مستنيننى فيها دى اول ما اتقدم لى لقينا اهل شارعنا كلهم عارفين الموضوع وبيقولوا لماما مبروك فانا توقعت ان هوا الى قال علشان محدش يجيلى فاوافق علية فانا احتقرتة قوى انة ازاى يعمل كدا بس الله اعلم انا متاكدتش من الموضوع دا ان هو اللى قال بس الصرحة الشواهد بتقول كدا المهم لحد اما عملت نفسى تنايت كل اللى حصل خلال السنة دى وكل العيوب اللى شوفتة فية وبررت لة انة شارينى وانة ضيع سنة ونص من عمرة مستنيننى ووافقت وقرينا فاتحة
بس واله يا اخواتى من ساعة ما قرينا الفاتحة وانا فى هم وغم والعياذ بالله ربنا ما يكتبة على حد يارب وقعدت اقول هو انا هبلة انا كان عقلى فين ازاى اوافق على واحد بالمواصفات دى وباللى كنا بنخمنة عنة دا الحقيقة اما سالنا علية قالة متدين واخلاق وبيصلى بس من خبرتى معاة طول الفترة دى بينت لى بعض الاشياء اللى انا مش حاباها فية بس خايفة اكون انا غلط وتكون كل توقعاتى مش صحيحة واندم على رفضى لى طبعا مش لمجرد مواصفاتة بس لانى شارينى وحفى الارض علشان يخدنى واوافق علية واقول مش حلاقى حد شارى كدا مش عارفة اعمل اية من ساعة قراية الفاتحة وانا زهقانة زهق رهيب لتنازلى فى المواصفات اللى عايزاها(بالنسبة لمؤهلة-وعيلتة اقل مننا بكتير يعنى مفيش تكافؤ اجتماعى-والدة كان سواق وانا والدى مهندس والدتة جاهلة والدتة موظفة وماديا يعتبر مفيش يعنى من كل ناحية ميزتة الوحيدة شارى وياعلم شارى فعلا ولا اية وهل بعد الجواز حيتن شارى كدا ولا بعد جسمى مايتغير وشكلى حتبقى حياتنا عادية لا شارى بقى ولا يحزنون وارجع اتندم واقول ادى اللى اخدتة علشان شارى راح الشرى واتبقى لى المؤهل اللى مش راضية عنة ولا العيلة ولا اى حاجة خالص ولو كنت وافقت على اللى اصغر منى كان حبى لى يجى بعد الجواز خلاص فعلا تعبت) ساعات بفكر انى ابعت حد اللى كان اصغر منى ب 5 شهور علشان يتقدم لى تانى وساعات اقول لا خدى اللى شاريكى
انا دماغى حيشت يا فتوكات خلاص قربت اتهبل
معلش اسفة جدا جدا جدا على الاطالة بس حبيت احكيلكم كل حاجة من البداية وبالتفصيل المل علشان تساعدونى
ارجوووووووووووووووووووووووووكم
ساااااااااااااااااااااااااااااااااااعدنى




انا فر حيرة من امرى
منتظرة ردودكم بفارغ الصبر
ويارب ربنا يجازيكم عنى خير خير الجزاء
منتظرة ردودكم


#2

افتراضي رد: وحصل كل دا غصب عنى

حاسا مش مالى عينك وح يفضل طول عمره مش مالى عينك وتفضلى تقولى ياريت .
صلى استخاره ولو مش مرتاحه ماتخليهاش تتحسب عليكى خطوبه .
#3

افتراضي رد: وحصل كل دا غصب عنى

احنا العدولات مش الفتوكات
اولا مفروض مكنتيش ترفضي اي حد غير لما تصلي استخاره
وبعدين زي مانت مابتقولي بيجيلك في ارياف وانتي مش بتوافقي حبيبتي النصيب بيودي اااااااااااخر الدنيا
وبعدين لما بنجي نجوز مابنجوزي بالشهاده لوفيه مواصفات كويسه ممكن تغطي علي شهادته وبعدين مين فيكي يادنيا بيشتغل بشهادته انتي تدوري علي واحد يراعي ربنا فيكي واب لاولادك ويقدر يفتح بيته ويصرف عليه وبعدين مدم هيعيشك مستوره ايه المانع
حبيبتي صلي استخاره واسالي ربنا وهو اللي يدلك علي الصح
إظهار التوقيع
توقيع : عابده الرحمن
#4

افتراضي رد: وحصل كل دا غصب عنى

عشان تكوني مرتاحة في قرارك صلي استخارة وان شاء الله ربي يريحك للي فيه النصيب
وربي يوفقك لما يرضاه ويحبه
إظهار التوقيع
توقيع : ايمان المقصبي
#5

افتراضي رد: وحصل كل دا غصب عنى

بصي حبيبتي نصيبك هتاخديه ومن كلامك انا حسيت ان خطيبك مش مالي عينك ومش هتقدري تكملي معاه وانتي في الحالة دي بس يا حبيبتي صلي استخارة زي ما البنات قالولك ويا عالم الخير فين وان شاء الله ربنا يهدي قلبك للي فيه الخير ليكي
إظهار التوقيع
توقيع : ام اروي
#6

افتراضي رد: وحصل كل دا غصب عنى

البنات معاهم حق ..
الحاجات دي قسمة و نصيب ..

و بعدين مش حتعبك ركعتين استخارة ..
إظهار التوقيع
توقيع : زوزو 24
#7

افتراضي رد: وحصل كل دا غصب عنى

ربنا يهديلك الحال
صلى استخاره فعلا وربنا ييسرلك يارب
إظهار التوقيع
توقيع : Frawla
#8

افتراضي رد: وحصل كل دا غصب عنى


المشاركة الأصلية كتبت بواسطة عابده الرحمن
احنا العدولات مش الفتوكات
اولا مفروض مكنتيش ترفضي اي حد غير لما تصلي استخاره
وبعدين زي مانت مابتقولي بيجيلك في ارياف وانتي مش بتوافقي حبيبتي النصيب بيودي اااااااااااخر الدنيا
وبعدين لما بنجي نجوز مابنجوزي بالشهاده لوفيه مواصفات كويسه ممكن تغطي علي شهادته وبعدين مين فيكي يادنيا بيشتغل بشهادته انتي تدوري علي واحد يراعي ربنا فيكي واب لاولادك ويقدر يفتح بيته ويصرف عليه وبعدين مدم هيعيشك مستوره ايه المانع
حبيبتي صلي استخاره واسالي ربنا وهو اللي يدلك علي الصح
شوفي يا ختي اعزك الله كلام عابدة الرمن صح مليون في الل100 عمر المؤهل ماكان سبب للزواج وكمان مش لازم يكون علوم مثلك يعني انا مثلا محامية وبابا محامي معني كده اتجوز محامي وكمان لازم ابوه يكون مؤهل لا طبعا مش لازم اهم حاجة واحدة يحبك ويخاف عليكي ويتقي الله فيكي تعرفي ان خطيبي مش موظف حكومي بيشتغل في شركة خاصة بعيدة عن مؤهله ومش مثبت في شغله ومرتبه مش كبير لكن قلبه اكبر ودينه واحترامه واهله ناس طيبين ومحترمين وبيحبوني احتاج اكتر من كد ايه وانا الحمد لله عيلة ونسب وجمال والحمد لله سمعتي وسمعة والدي مفخرة لأي شخص يعرفني واتقدم لي وكيل النيابة والضابط لكني اخترت خطيبي رغم انه اتقدم لي احسن منه بس اخترت اللي يراعي ربنا فيا ويحبني مش اخترت العيلة والمؤهل وعدبين انتي ليه ناسية صلاة الاستخارة روحي صلي وقربي من ربنا اكتر هو اللي يدلك علي الصح
ربنا يوفقك ويهدي لك حالك واسفة للاطالة
#9

افتراضي رد: وحصل كل دا غصب عنى

انا عايزه اقولك حاجه بس ياريت ماتزعليش مني لاسف انتي كل اللي انتي بدوري عليه هو المعدن ولاسف معدن رخيص مطلي بميه الدهب اللي ممكن بسهوله جداااا يختفي ولكن مش دورتي علي الجوهر اللي نادر انك تلاقيه مش بسهوله انك تلاقي في الزمن ده واحد واحد بيحبك وانه يكون عارف ربنا عشان يتقي الله فيكي وماكامل الا سيدنا محمد صل الله عليه وسلم عمرك ماهتلاقي اللي انتي عايزاه متجمع في شخصيه واحده ولاحتي 90% ممكن يكون غني ومؤهله عالي وانيق بس عمرك ماهتلاقي فيه اغلي حاجه وهي الحب ممكن تلاقي واحد علي قدحاله بس كفايه عليه حبه ليكي ويمكن تكوني انتي رزقه اللي ربنا بعته له عشان تكملو بعض وسبحان مغير الاحوال يمكن يكون هو سبب سعادتك طول حياته بكلامه وحنيته هي الستات عايزه ايه غير كلمه حلوه انا احب الانسان اللي اتجوزه يكون مالي عليا حياتي والرزق ده بقي بتاع ربنا انتي عارفه انا اخويا معاه معهد وعصبي جداااااااااا وخطبته مهندسه وكان ممكن يجلها افضل منه بكتير بس هي بتحبه بجنون بقالها 9 سنين واختارته هو السعاده دي رزق من عند ربنا مش تحسي بيها الا لما تروح منك احمدي ربنا ودايما فوضي امرك اليه واسفه اني طولت عليكي ويارب ماكنش دايقتك
#10

افتراضي رد: وحصل كل دا غصب عنى

بصي يا قمر انا مقدره الحيره اللي انتي فيهل و ربنا يرشدك للصواب يا رب بس انا رأيي ماتكمليش مع اللي اتقرت فتحتك عليه لان التكافؤ الاجتماعي مهم جدا ان لم تعوضه اشياء اخري و سيبك من حتة شاريني دي لان كل ده بعد الجواز بيتغير كل الناس بتبين فترة الخطوبه انها شاريه وبعد الاتنين ما يتعودوا علي بعض و يتقفل عليهم باب والحياه تبدا بمشاكلها كله بيبان علي حقيقته وانا طبعا معاكي انك ماتروحيش ارياف وماتقوليش فلانه سافرت اخر الدنيا لان كل واحد ليه حاجات يقدر يتحملها وحاحات لا فمتقارنيش نفسك بحد و اللي انا مستغربه انك ماوافقتيش عليه اللي كان معاه تربيه و اصغر منك ايه يعني خمس شهور بس مينفعش تبعتيلو حد و متقلليش من تفسك لاي سبب ولو كان من نصيبك كنتي اخدتيه حبيبتي مفيش حاجه اسمها انا كبرت و محدش هيتقدملي ومن رايي ان الواحده لو متجوزتش خالص احسن ما تتجوز وتعيش تعيسه محدش هينفعها بس حاولي يكون اختيارك مبني علي اساس سليم ان الانسان اللي يكون في بينكو تكافؤ قدر الامكان ويقدر يعيشك في مستوي كويس ويحترمك ويصونك هو اللي يستحقك مش الختيا علي حسب الكليه وبس وربنا يوفقك
إظهار التوقيع
توقيع : تمر حنه
#11

افتراضي رد: وحصل كل دا غصب عنى

ربنا يصلحلك الحال يا قمر قومى وصلى ركعتين استخارة واللى من الله يكون
ربنا يوفقك يا قمر
إظهار التوقيع
توقيع : أم التوائم
#12

افتراضي رد: وحصل كل دا غصب عنى

السلام عليكم ورحمة الله وبراكاته حبيبتي أولا أوعي تزعلي مني وأعتبرنيني زي أمك وأنا فعلا عندي أولادي من دورك بصي حبيبتي في أكتر من نقطة ممكن نكلم فيها وبعدين لو عجبك الكلام أنتي مش حد تاني هاتقرري تعملي أيه أولا: الجواز مش قسمة ونصيب الجواز أختيار (بمعني أن الواحد هو أل بياخد بالآسباب المشروعة من حسن الآخيار والسؤال عن الشخص اويتوكل علي الله لو كان الشخص مناسب) ياجماعة أل مش مقتنع يسأل رأي الشرع هو مكتوب لآن ربنا بعلمه لينا عارف أحنا هانختار أيه ثانيا:يعني سنك 27 سنة وأنتي كبرتي والكلام الغريب ده المفروض أنك أنسانة مثقفة وراقية بفكرك فوق الناس المتخلفة وأل البنت عندهم موراهش حاجة غير أنها تستني أبن الحلال أشغلي نفسك بحاجات كتير مفيدة مش هاتلاقي عندك وقت تفكري بطريقة ده ولازم نحرر عقولنا من النمط العقيم ده في تفكير(أنا أسفة ‘لي صراحتي) ثالثا:الآختيار السئ أو الغلط عواقبه أسوأكتيرمن عدم الجواز يعني بهدلة ومشاكل وفضايح وأد ماتقولي قولي من مشاكل مش ليكي بس للعيلة كلها رابعا: التكافؤ مهم جدا في الجوازوهو ده أل بيدوم الجواز مش يعني أشفق علي واحد أجوزه علشان شاري ولابايع خامسا: في شروط لازم تتوفر في أي عريس أو عروسة زي الآنسان التقي المحترم أل يشيل مسئولية ويقدر يفتح بيت وشرط مهم جدا القبول وبناء عليه أختاري وحددي موقفك لوحدك أنتي أل شايفة الراجل أل قدامك وشايفه هو مناسب ولالآه من غير ماتعملي حساب لكلام الناس الناس مش هاتعيش معاك ده حياتك ولازم تنسي موضوع السن ده أل مفروض تفكري بطريقة أوعي من كده وربنا يوفقك للآختيار الصح وشوفك قوية وصاحبة موقف قوي ومتحطيش شروط للراجل غير الاساسيات أل أل أتفقنا عليها زي حاكاية المؤهل وباحترم أوي مراعاتك لآمك أل ضيعت عمرها عليكي وأرطباتك بيها من وجهة نظري صح يارب مكنش أزعجتك بالرسالة الطويلة ده
#13

افتراضي رد: وحصل كل دا غصب عنى

حبيبتى متزعليش من أختك طريقه تفكيرك فى الموضوع دا غلط الحياة مش مستويات وقرى ومدن دى عشرة ومن حسن الاختيار فيها أختيار الاحسن للعشرة فقد قال صلى الله عليه وسلم اذا جائكم من ترضون دينه وخلقه فزوجوة عليكى بصلاة الاستخارة وكثرة الاستغفار والاستعانه بالله
إظهار التوقيع
توقيع : لؤلؤة البحار
#14

افتراضي رد: وحصل كل دا غصب عنى

[FONT=""][COLOR=""][SIZE=""]انا رايي ما دام انتي مش مقتنعة بخطيبك افسخي الخطوبة احسن الواحد مش هيتجوز مية مرة هي مرة واحدة فالازم تكون عن اقتناع انا اختي حصل معاها كدة وهي مش مقتنعة وبيحصل مشاكل كتيرة بنهم وعلشان احنا علي قد حالنا وهو معاه فلوس فاكر نفسه حاجة وهو حيوان يالا الله يسامح امي هي السبب في الجوازة دية بطيبتها الزيادة عن الزوم
بس انتي اختي تفكيرك غلط من الاول الواحد مش بيتجوز بالشهادات انا جوزي اقل مني بس انا بعشقه وهو فيه صفات كتيرة احسن من اي حد
ربنا يوافق وشوفي ظروفك ايه بس اهم حاجة الاقتناع[/SIZE][/COLOR][/FONT]
#15

افتراضي رد: وحصل كل دا غصب عنى

انا اللي بسمعه وبقراه ان فرص الجواز في مصر قلييييله وانتي بتقولي اتقدملك كتييييير , يعني نعمة محروم منها غيرك , وعمالة ترفضي ده طويل وده قصير وده مش علوم وده ابوه مش مستوايا , العمر يابنتي بيجري بدون منحس وخايفة عليكي تفضلي ترفضي لحد متلاقي نفسك كبرتي وفي الأخر تتجوزي اي واحد واي مستوى بس لمجرد الهروب من كلمة عاااانس

إظهار التوقيع
توقيع : نيڨين
#16

افتراضي رد: وحصل كل دا غصب عنى

ما تزعليش منى على الكلام القاسى اللى هاقوله انتى ما ينفعش تتجوزى اى حد ولا تنفعى تربى اولاد ولا تصونى بيتك بترفضى ده عشان مستواه الاجتماعى وده عشان مستواه العلمى وده عشان وده عشان .......طب انتى عندك ايه مميزات ؟ الجمال ..بكره يزول...
والمستوى العلمى اللى بتقولى عليه فيه غيرك كتير احسن منك شهادة وعلم
شوفى .....عايزة اقولك حكايتى
الفقيرة الى الله معايا (بكالوريوس علوم و تربية_4 دبلومة فى البرمجيات_ماجستير فى علم النفس_دبلومة فى اللغة الانجليزية_دبلومة فى ادارة الاعمال) انا فى الاصل خريجة تربية ولم اعمل يوما دائما ادرس وكانت امى رحمها الله واسكنها فسيح جناته نعم العون لى مع ان ابى لايعرف القراءة ولا الكتابة لانه جزاه الله خير كان يربى اخواته فاصبح عمى مدير والاخر مهندس وصاحب شركة والاخر كان رحمه الله رجل اعمال و عمتى متزوجة من خالى صاحب شركة واخى ضابط بحار واختى بكالوريوس تجارة ومعها دكتوراه فى ادارة الاعمال والاخرىبكالوريوس حاسب الى والحمد لله مستوانا المادى فوق العادى نظرا لانى اهتميت بالعلم اكتر من اى شيء تزوجت وانا عندى 29 سنة كان صاحب اخى وفى مستوى متوسط جدا ومعه دبلوم صناعى ويعمل بدون تثبيت فى شركة الغاز وتزوجت فى بيت امه رحمها الله مع اخيه المطلق وقدمنا على شقة وكلن لدى غرفة نوم وانتريه فقط وكان مرتبه بسيط جدا ولم تكن اخته تحبنى وكانت اصعب من الحما ه واخوه مدرس والاخر موظف فى مركز كبير الان وبعد 6 سنوات اسكن فى شقة مثل القصر يحسدنى عليها كل من يعرفنى ولدى 3 ابناء يدرسون فى مدارس لغات وهو كمل دراسته فى كلية هندسة واصبح مهندس فى مركز مرموق والجميع حتى اخوته يحسدونه على مستواه المادى والاجتماعى الان .. وكل من يعرفنا يحسدنى عليه ويحسده على..مع انى اصلى قروى وهو ايضا والدته من قرية لم اتعالى عليه يوما بل احسسته انه هو الدنيا وما فيها فكان لى خير زوج مع انى لم اكن احبه ولكنى لم ارتبط به خوفا من العنوسة ولكنى اردت ان اكون اسرة
فرايى ان تبدئى مع نفسك من جديد واذا لم تتغاضى عن اى شروط غير تقوى الله فلا داعى ان تتزوجى اى رجل وعيشى لنفسك دون ان ترهقى احد والله يهديك
#17

افتراضي رد: وحصل كل دا غصب عنى

قريت مشكلتك باهتمام شديدومكنتش حرد لانك استفزتينى المهم، عندك حق فى مسأله التكافؤ بس معندكيش حق فى المواصفات الاوفر ال انتى حطاهاايه ده يابنتى علوم وعيلة وغنى وهلم جرالا لا لا الموضوع عمره ماكان كده ابدا ادا كان ع الشكل اسمحيلى مسيرشكلك حيتغير،ادا كان ع العيله سامحينى مش انتى الوحيده اللى من عيلة كبيرة وياما عائلات بسيطة مربية اولادها احسن تربية وادا كان ع المؤهل ف انا رأيى كفاية اوى انه يكون جامعى مثلك وعنده عمل وشقة ،وبعدين اختارى واحد يتقى الله فيكى حتى لو فقير لانه لو احبك حيكرمك ولوكرهك مش حيظلمك وصلى واستخيرى الله وربنا يوفقك رغم انى مستاااااءة جدا منك وحساكى شوية مغرورة بس دعواتى معاكى
إظهار التوقيع
توقيع : نسرين جابر
#18

افتراضي رد: وحصل كل دا غصب عنى

ربنا يصلحلك الحال ويقدملك الى فيه الخير ان شاء الله
#19

افتراضي رد: وحصل كل دا غصب عنى

مش هاقولك غير جملة واحدة "كل شيىء بالخناق إلا الجواز بالاتفاق"

لكن لأ انا عايزه اقولك حاجة تانية- عايزه اقولك "حرااااااااااام عليكى نفسك"- يا حبيبتى ده جواز- عارفة يعنى إيه جواز- دى مش خروجة ولا قعدة شاى عشان تيجى على نفسك وتعمليها- ده جواز- يعنى كيان واحد- مودة ورحمة- قبول - وانتى واضح إنك حتى مش طايقاه- وكل ده ليه- عشان تتجوزى؟؟؟ عشان إسمك هتتجوزى؟؟؟- عايزه اقولك أنا واحدة من البنات اللى اتجوزت عشان تتجوز والسلام- والنهارده أنا بادفع التمن- هاطلق قريب جدا- يعنى خسارة من كله- خسارة مادية ومعنوية ونفسية

نصيحتى ليكى- ما تجيش على نفسك اكتر من كده وإلا هتخسرى حياتك- وهتلاقى نفسك مطلقة من تانى يوم- كونك لسه مش مرتبطة أرحم بكتير من جوازة تفشل

ربنا يهديكى ويروق بالك


قد تكوني مهتمة بالمواضيع التالية ايضاً
الموضوع كاتب الموضوع المنتدى
احببته رغما عنى , بقلمى , خاطرتى عدلات الاميرة النائمه أقلام عدلات الذهبية
الرئيس خلال لقائه بعدد من رجال الأعمال: "أنا بخاف ربنا ومش ممكن آخد فلوس حد غصب سارة سرسور اهم الاخبار - اخبار يومية
قصيده إحكيلى عنى ,قصيده للشاعره دعاء عبد الوهاب السفيرة عزيزة المنتدي الادبي
اتجوزته غصب عنى اسيرة الحب فرفشة عدلات
النتائج النهائية لجولة الطعن والإعادة بالدائرة الشمالية بسوهاج ريموووو اخبار الانتخابات السياسية


الساعة الآن 03:26 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل