♥واحدة دلوقتي نفسها تقولي الشياطين بتتسلسل في رمضان
لأ ياأختي مردة الجن بس هما اللي بيتسلسلوا في رمضان
والشياطين الصغيرة لأ..
♥كمان شيطان النفس أو النفس الأمارة بالسوء موجودة معانا مش يتتسلسل
♥يعني غيري رمضانك وافرسي نفسك الأمارة بالسوء
رمضان السنة دي جديد لانج
طيب في الأول لازم نقول إيه المقصود برمضان بتاع كل سنة أو بمعني تاني إيه المطلوب تغييره ..؟
سؤال مهم طبعاً
في رمضان يعرض كل إنسان بضاعته
*بائع البلح بيعرض البلح
*الفوانيس يعرض فوانيس
*وبائع الياميش يعرض ياميش وهكذا يعني
لكن فيه بضاعة تاني هي اللي أقصدها وهي
بضاعــــــــــــــــــــة *المسلسلات*
هتسأليني وهي دي بضاعة ؟
♥ نعم أختي بضاعة لهؤلاء الذين يعتبرون هذا الشهر موسماً لهم ولبضاعتهم ..
*طيب لما الدنمارك أساءت لحبيبنا النبي صلي الله عليه وسلم أول سلاح استخدمناه كان المقاطعة
*وبالنسبة لبضاعة المسلسلات برضو سلاحنا هو المقاطعة
طيب إزاي؟
إننا منتفرجش عليها
*وهو ده اللي أنا عايزة أوصله إننا منتفرجش علي المسلسلات
*فيه بقي بنات كتييييييير جداً عمرها كله وحياتها هو التلفيزيون
*طيب ياأختي ولو قدمنالك الحل من قلب منتدي الأستاذ مصطفي حسني باتحاد بنات النبي
هتقبلي الحل ده ولا لأ؟
قبل ما نعرض الحل ... نتكلم شوية ممكن؟
♥كل قناة بتعرض حوالي 15,10 مسلسل وده لو قناة متنوعة ما بالك بقي لو متخصصة هتعرض كاااااااااام؟
*ده طبعاً غير برامج التوك شو وغيرها من الحاجات التانية
هقولك حبيبتي الحاجات دي لو قعدتي قدامها يبقي
مبرووووووووك عليكي رمضان ضاع منك
♥وعشان أبقي بلغتك ده ممكن يكون آخر رمضان ليكي
بصي حواليكي هتلاقي ناس كانوا صايمين معاكي رمضان اللي فات ودلوقت هما عند ربهم
♥فصومي كما يرضي الله لأنه والله ممكن يكون آخر رمضان ليكي .. بقي رمضان اللي إنتي شغالة تدعي في كل صلاة اللهم بلغنا رمضان
استعدادك ليه هو ده؟ إني هسمع وهسمع وهسمع؟
♥طيب فين حلاوة ذكر الله وحلاوة القرآن في شهر القرآن..؟ خدي النية من دلوقت علشان لو ملحقتيش رمضان يبقي أخدتي الثوااااااب
حددي هدفك وهو " لن يسبقني إلي الله أحد"
وخلي شعارك " وعجلت إليك لربي لترضي"
*ليه فلانة دي تبقي أحسن منك عند ربنا ؟ هي زايدة إيه عنك؟متخليش حد يبقي أعلي منك خصوصاً في أي حاجة تتعلق بالله؟
طيب الحل إيه؟
♥قرأت الورد اليومي من القرآن الكريم ..وقلت أذكاري كلها وصليت السنن .. وصليت القيام,
وعملت كل حاجة ,كل حاجةونفسي أشوف تلفزيون إيه الحل؟
شووووووفي
بس فيه بضاعة تانية ممكن تشوفيها غير المسلسلات
*زي ما الممثلين ليهم بضاعتهم
دعاة الإسلام ربنا يبارك فيهم ويحفظهم ليهم بضاعتهم
كل شيخ بيجهز لرمضان وبيعد كتييييييييير
عشان يظهر علي الشاشة 30حلقة متتالية
*ده برضو عندهم موسم لأن الداعية في رمضان بيظهر كل يوم لكن طول السنة بيطلع مرة كل أسبوع
هو ده الحل إنك تسمعي مشايخ
*هتسمعي كلام يعينك علي الطاعة وكمان هتبقي بترضي ربنا وبتتعلمي أمور دينك
*وعشان المقدمة الطويلة اللي فاتت دي هنفرد الصفحة دي لكتابة مواعيد برامج وقنوات وترددات القنوات الدينية
يعني كل بنت من بنات النبي بتحب تسمع شيخ معين تدخل وتكتب اسم الشيخ/.. اسم البرنامج/........ ميعاد البرانج/........ الإعادة/....... القناة التي يعرض عليها/.... تردد القناة/... عشان لو واحدة مش عندها القناة تقدر تنزلها
*وربنا يجعله في ميزان حسناتك متتردديش ممكن شيخ تقوليلنا عليه واحدة تسمعه بسببك تهتدي فتكون سبباً في دخولك الجنة
كمان حاجة مهمة مننساش:
هدية النبي صلي الله عليه وسلم
كل واحدة تقدم هدية في رمضان لسيدنا محمد
يعني حجاب ,, تبطلي ذنب معين ,, تعملي خير معين
وياريت نشجع بعضنا علي الهدايا لحبيبنا وشفيعنا بإذن الله
أنتظر تفاعلكم يابنات النبي وربنا يكرمكم ياااااااارب
غيـــــــــري رمضـــــــــانك .. وافرســـــــي شيطانــــــــــك ..!!؟
رد: غيـــــــــري رمضـــــــــانك .. وافرســـــــي شيطانــــــــــك ..!!؟
