أو

الدخول بواسطة حسابك بمواقع التواصل

#1

S030 حوار بين الجد وحفيدته فى عام 2079

حوار بين الجد وحفيدته فى عام 2079

عام 2079

الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي مايعلم بيها إلا ربنا .. فين أيام سنة 2009م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو..


#2

افتراضي رد: حوار بين الجد وحفيدته فى عام 2079

ههههه

كانت ايام 2025 دى
ههه
إظهار التوقيع
توقيع : ندى ام
#3

افتراضي رد: حوار بين الجد وحفيدته فى عام 2079

ههههههههههه ..

حللوة اوي .. بجد ..
إظهار التوقيع
توقيع : زوزو 24
#4

افتراضي رد: حوار بين الجد وحفيدته فى عام 2079

الف شكر
إظهار التوقيع
توقيع : هبه شلبي
#5

افتراضي رد: حوار بين الجد وحفيدته فى عام 2079

هههههههه

لا تعليق مش لاقية كلام اقوله
إظهار التوقيع
توقيع : منال ناصر
#6

افتراضي رد: حوار بين الجد وحفيدته فى عام 2079

هههههههههه
يسلمو يا قمر
إظهار التوقيع
توقيع : Frawla
#7

افتراضي رد: حوار بين الجد وحفيدته فى عام 2079

ههههههههه حلوه اوووى تسلمى يا قمر
إظهار التوقيع
توقيع : عہآزفہه علے آوتہآر آلنہسہيآن
#8

افتراضي رد: حوار بين الجد وحفيدته فى عام 2079

هههههههههههه
ربنا ينجينا من الاتي
إظهار التوقيع
توقيع : فلسطين
#9

افتراضي رد: حوار بين الجد وحفيدته فى عام 2079

ههه
تسلمى يا قمر
إظهار التوقيع
توقيع : ام سلمة
#10

افتراضي رد: حوار بين الجد وحفيدته فى عام 2079

حلوة حلوة حلوة
#11

افتراضي رد: حوار بين الجد وحفيدته فى عام 2079

هههه هههههههههههه
ربنا يستر من اللي جاي
#12

افتراضي رد: حوار بين الجد وحفيدته فى عام 2079

شكرا لمروركم حبيباتى
#13

افتراضي رد: حوار بين الجد وحفيدته فى عام 2079

ههه
ربنا يستر
إظهار التوقيع
توقيع : قصرالاحلام
#14

افتراضي رد: حوار بين الجد وحفيدته فى عام 2079

واو القصه تحفه
#15

افتراضي رد: حوار بين الجد وحفيدته فى عام 2079

ثانية واحدة بس لما أصحي سوسو صاحبي لأنه بايت معايا في الأودة من امبارح
ربنا مايورينا الأيام دي

إظهار التوقيع
توقيع : نيڨين
#16

افتراضي رد: حوار بين الجد وحفيدته فى عام 2079

اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

يخاصمها
ههههههه
إظهار التوقيع
توقيع : جنبك على طول خلينى
#17

افتراضي رد: حوار بين الجد وحفيدته فى عام 2079

ههههههههه
ينقل للفرفشة
إظهار التوقيع
توقيع : dodo modo
#18

افتراضي رد: حوار بين الجد وحفيدته فى عام 2079

ههههه
ههه
جميلة جدا جدا
إظهار التوقيع
توقيع : بحبكm
#19

افتراضي رد: حوار بين الجد وحفيدته فى عام 2079

ههههههههههه ..

حللوة اوي .. بجد ..
إظهار التوقيع
توقيع : ام اياد وباتول


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور ورسائل وتواقيع وصور رمزية و sms لعيد الفطر المبارك كل عام وانتم بخير شوشو السكرة مضيفة عدلات
رابطة مشجعي نادي الزمالك الاميرة الحائرة اخبار رياضية
رابطة عشاق النادي الأهلي && Alahly فتاة مسلمة اخبار رياضية
برودكاست وداع سنه 2025 ,برودكاست توديع عام 2025 ,برودكاست العام الجديد 2025 للبل ريموووو رسائل وتوبيكات
مرشحي الرئاسة المصرية 2025 + نبذه عنهم كتكوتة اهم الاخبار - اخبار يومية


الساعة الآن 12:39 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل