أو

الدخول بواسطة حسابك بمواقع التواصل

#1

5 98 كل من لديها مشكلة مع شريك الحياة

كلنا مهتمين بعلاقتنا مع الشريك وتحليل شخصيته وعلاقتنا مع الاخر دايما محط اهتمامنا انا هنا بحاول اساعدك واقدملك حلول كلها ناجحة ومجربة بازن الله واعرفى حبيبتى ان كلمة مستحيل مش موجودة لان ربنا موجود وايماننا بيه قوى وهو اللى خلق فيكى وفيها قدرات جبارة تلين الحجر بس مين وازاى وكيف نستخدمها انا هنا عشان اقولك


#2

افتراضي رد: كل من لديها مشكلة مع شريك الحياة

انا فى انتظار اسئلتكم جميعا حبيباتى العدولات لعلى استطيع ان اطيع الله بمساعدتى لعباده الصالحين
#3

افتراضي رد: كل من لديها مشكلة مع شريك الحياة

شكرا يا سكره ينقل للحياه الاسريه
إظهار التوقيع
توقيع : هبه شلبي
#4

افتراضي رد: كل من لديها مشكلة مع شريك الحياة

شكرا لموضوعك ياقمر
إظهار التوقيع
توقيع : الملكة نفرتيتي
#5

افتراضي رد: كل من لديها مشكلة مع شريك الحياة

كل سنة وانتى طيبة الملكة نفرتيتى
#6

افتراضي رد: كل من لديها مشكلة مع شريك الحياة

الان الى السيدة هبة شلبى افيدينا يا قمراية هل انا كدة اوكيه ولا ايه انا عرضت الموضوع ومنتظرة ردود انتى قلتى ينقل للحياة الاسرية مامعنى زلك ؟وكمان انا نفسى اضيف صورة لاسمى ممكن تقولى لى ازاى؟ اشكرك
#7

افتراضي رد: كل من لديها مشكلة مع شريك الحياة

انتى كده صح حبيبتى ولما قولت ينقل الحياه الاسريه عشان انتى حطاه فى المضيفه وده مش مكانه المناسب تمام
اما بالنسبه للصوره

ادخلى لوحة التحكم واختارى تعديل صورة الملف او تعديل الصورة الرمزيه لو تقصدى الصورة الرمزيه وارفعى صورة من على جهازك بشرط متكونش نسائيه واعملى حفظ
إظهار التوقيع
توقيع : هبه شلبي
#8

افتراضي رد: كل من لديها مشكلة مع شريك الحياة

شكر خاص للسيدة هبة شلبى واسفة تعبتك بس انا اول مرة اتعامل مع منتدى وطبعا من حسن حظى ان اول منتدى ادخله يكون منتدى عدلات الموقر طيب الان اروح كيف للحياة الاسرية سامحينى
#9

افتراضي رد: كل من لديها مشكلة مع شريك الحياة

اسفة سحبت السؤال فهمت شكرا
#10

افتراضي رد: كل من لديها مشكلة مع شريك الحياة

تحت امرك حبيبتى فى اى حاجه المنتدى نور بيكى يا قمر
إظهار التوقيع
توقيع : هبه شلبي
#11

افتراضي رد: كل من لديها مشكلة مع شريك الحياة

اقدمك لكم عدولاتى الموقرات حلول لمشكلاتك مع شريك الحياة مع برنامج متكامل فى انتظار مشاركاتكم
إظهار التوقيع
توقيع : نسرين جابر
#12

افتراضي رد: كل من لديها مشكلة مع شريك الحياة

اتمنى بجد اكون استاهل لقب بنت رائعة وانى افيد كل العدولات بمعلومات قيمة شكرا للادارة
إظهار التوقيع
توقيع : نسرين جابر
#13

افتراضي رد: كل من لديها مشكلة مع شريك الحياة

موضوع جميل وهنتبعك عشان نستفاد
إظهار التوقيع
توقيع : amira ali
#14

افتراضي رد: كل من لديها مشكلة مع شريك الحياة

موضوع جميل يا قمر
متبعاكي
#15

افتراضي رد: كل من لديها مشكلة مع شريك الحياة

انا زهقت من كتر الخيانة ياترى عندك حل للخيانة وتكونى مقدمة احسن ما عندك للطرف التانى بذمتك هقدر اكمل
إظهار التوقيع
توقيع : نجوم الليل
#16

افتراضي رد: كل من لديها مشكلة مع شريك الحياة

ع فكرة الخيانة عبارة عن مكالمات فى الموبايل وع النت
بس صدقينى بردوا انا مش قادرة اكمل ودايما بشك فيه صدقينى حتى لو بقى كويس بردوا هشك فيه شكرا
إظهار التوقيع
توقيع : نجوم الليل
#17

افتراضي رد: كل من لديها مشكلة مع شريك الحياة

ركزى معايا انتى بالزات ياقمراية: اقل درجات الخيانة هى اطلاق العنان للبصر ان يمر على كل واحدة شوية و90 فى المية من الرجالة كده وال10 الباقية دول القلة المثالية ... حبيبتى انا حاسة بيكى جدددددددددداوعايزاكى تركزى فى الاتى : اولا: مفيش حاجة اسمها مش قادرة اكمل لااااااااااياماما ازاى تسمحى لواحدة تنتصر عليكى مستحيل دى حياتك اللى بنيتيها متجيش واحدة تاخدها . ثانيا: اوعى تحسسى زوجك انك مش واثقة فيه لاااااااااااا رغم كل ال انتى شايفاه مثلى ان عندك ثقة عمياء ودايما تقولى له انا عندى ثقة عمياء فيك ،انت راجل مثالى ،ياريت الرجالة كلها مثلك لان الكلام ده مع الوقت والتكرار حيتزرع جواه وحيبقى حقيقة وحتبقى حياتك مريحة لانك بتبرمجيه ع الاخلاص من غير ماهو يحس هههههه . ثالثا:انتى بقى غيرى من نفسك واستخدمى كل اسلحتك عشان تكسبى معركتك فى الحفاظ على بيتك وزوجك جمالك وتألقك وضحكتك وتفاهمك مع زوجك اكسبيه لصفك بحيث لما يفكر مع نفسه مايلاقيش سبب او مبرر للخيانة اهتمى بنفسك وغيرى تسريحة لبس فرش البيت واعقدى العزم انك تبرمجى زوجك وتكسبيه لانه حيحصل بالاتى: انا متاكدة انك مخلص . اناواثقة فيك. اخلاقك عالية . انت لواتحطيت فى بير حريم حتتطلع تنده عليا لانك بتحبنى وهلم جرا. اشحنى انتى بقى نفسك بطاقة ايجابية ودونى افكارك وخطتك فى تغيير نفسك وزوجك واطلبى العون من الرحمن وانتى موقنة ان الله حيساعدك وتااااااااااانى ادخلى موضوع كيف تملكين قلب زوجك وخدى الدعاء وداومى عليه ووافينى بالاخبااااااااااااار وخلى نفسك طويل وصبرك كبير عمرى لان الصبر على الزوج فضيلة . احبك ف الله
إظهار التوقيع
توقيع : نسرين جابر
#18

افتراضي رد: كل من لديها مشكلة مع شريك الحياة

اناعارفة انك مقدمة احسن ماعندك بس يمكن ده من وجهة نظرك ...طب غيرى انك تجددى ف احسن ماعندك وتطوريه وحتكملى على فكرة صدقينى وحيبطل خيانة برده صدقينى بس انتى اعملى ال قلتلك عليه وخلى عندك شوية صبر
إظهار التوقيع
توقيع : نسرين جابر
#19

افتراضي رد: كل من لديها مشكلة مع شريك الحياة

انا مبسوطة جدا انك رديتى عليا
ع فكرة انا وخداه عن حب عارفة بقالى كام سنة 15 سنة انا متزوجة بقالى 6 سنين ومخطوبة3 سنين عارفاه من 6 سنين كنت فى اولى ثانوى واستمرينا مع بعض ومن الاول هو كان بيبص ع اى واحدة كبيرة او صغيرة واتخنقنقنا بسبب الموضوع دة وبعد كدة اول ما اتجوزنا كان حملى صعب وقعدت عند ماما وبعد ما ولدت اتفاجئت انه يعرف واحدة عليا وقابلتها وروحتلوا بيها فجأة واول ما شفها قالها امشى وعمل كأنه ما يعرفها وقالى انها كدابة وللاسف رجعت معاه البيت بكل سهولة وسافر بعدها وبعد ما جه فوجئت بالنت وقعد يقول دا انا كنت بكلم صحابى وقعدنا شهر واسبوع متخاصمين وبعد كدة اتصالحنا وسافر قفشته ع السكاى بى وعرفتوا انى انا عارفة وعرفتوا الطريقة اللى انا عرفت بيها انه قاعد وبردوا انر وسكت وكنت قفشت بنات بالهبل ع الياهو وقولتلوا ايه دة قالى دة من زمان وكان كاتب اسم واحد صاحبه معاهم وطالب منه حاجة عشان كدة فاتح الايميل وبردوا صالحته عادى وكل ما اتصل عليه الاقيه انتظار يقولى اصل الشغل بيصحونى وبعد كدة اتغير الميعاد وقولتله ما بقى فيه انتظار خالص ولما قولت قالى عادى لما يعوزونى بيتصلوا هو انتى بترنى كل الاوقات سبب الزعلة انى فوجئت انه معاه رقم جديد ومش قالى عليه وقالى بتاع صاحبى وبردوا وقع وعرفته انه بتاعوا وخيرتوا بينى وبين البنات فى رسالة وما رد ع اساس انه برئ وانا كل مرة بتبلى عليه وقولتله هعمل زيك واتصل وبعد كلام كتير قولتله تعالى نبدء من جديد عمل فيها المظلوم وانا اللى ظالماه وقالى لا انتى طول عمرك هتشكى فيا قولتلوا خلاص طلقنى قفل السكة واتصل تانى وقالى ادى الموبايل لنور بنتى ع فكرة هو بيحلف دايما انه بيحبنى اكتر ما انا بحبه انا كنت الاول صعبة جدا فى كل حاجة بعد ما بدءت الحمد لله اصلى الفجر اتغيرت 180 درجة وحسسته فعلا بالتغير بس هو قابل كل دة بالخيانة والاول كان يقعد معايا ع النت بطل يقعد كان الاول بيكلمنى ع الموبايل كتير ولازم انا اللى اقولوا اتصل وكان بيطول المكالمة قولتلوا عشان الرصيد قالى فداكى وبعد كدة بقى اخروا 5 دقايق ويقفل جرى
بصراحة اى فلوس بحتاجها بيبعتها ع طول حتى لو متخاصمين بصراحة دى حاجة تحسب ليه
بذمتك بعد كل دة يكون بيحبنى صدقينى انا تعبت
ع فكرة طولت عليكى بس انا ارتحتلك وشكرا ياقمر
إظهار التوقيع
توقيع : نجوم الليل
#20

افتراضي رد: كل من لديها مشكلة مع شريك الحياة

ايوة بيحبك وانتى كمان بتحبيه ابو عيالك وحب عمرك وجوزك ...عندك غلطة جوهرية لازم تغيريه بسرعة وهى انك دايما محسساه انه شخص خاين وغير موثووووق فيه. بصى انا عارفة انه خاين ومتأكدة من صحة كلامك بس اقرأى ردى كويس حتعرفى ازاى تغيرى جوزك اه حياخدوقت بس حيتغير وادام بينكر يبقى شاريكى ياقمرصدقينى انتى بس نفزى تعليمات الرد السابق والزمى الدعاء ..وعلى فكرة الراجل دايما حابب يكون محط اعجاب الاخريات فلانتينو ويكون ال حواليه هالة من المعجبات بس لواستخدمتى معاه الاسلوباالحلزونىىهو: انت حبيبى .انت رجل عظيم ومخلص .انت رجل صالح موثووووق فيه طبعابطريقة زكية تدريجية احسن يحس انك بتخططى له
إظهار التوقيع
توقيع : نسرين جابر
#21

افتراضي رد: كل من لديها مشكلة مع شريك الحياة

مش عارفة اقولك ايه
بس انا مش عايزة دايما احس انى فى معركة لان دى ما تبقى حياة اكون فى ضغط نفسى وعصبى بسببه وهو شايف حياته لانه كمان مسافر برة بقيت ارن عليه كل شوية حتى وهو نايم ياترى قاعد ع النت ولا لا ياترى بيعملوا ايه ع النت دماغى تعب من كتر التفكير انا مش بكابر معاكى بس بحكيلك ع حب عمرى
إظهار التوقيع
توقيع : نجوم الليل
#22

افتراضي رد: كل من لديها مشكلة مع شريك الحياة

اكلمك بصراحة حاسة انى فشلت مع جوزى
من ناحية ما بيصلى وحاولت معاه وما فى فايدة
تانى حاجة مدخن ومش عرفت ابطلهاله
خروجه مع اصحابه المستمر المشكلة انه قليل الكلام وانا كمان قليلة الكلام الخرس الزوجى تعبنا جدا
مع ان فى اول ارتباطنا واحد جارهم قالى ع فكرة انتى غيرتيه كتير
بس بجد حسيت بفشل من ناحيته وربنا يعلم انى حاولت معاه كتير
ع فكرة انا بحب ردك جدا وكل ما شوف موضوع والاقيكى داخلة رديتى فيه ادخله واقرا ردك
ما شاء الله عليكى
إظهار التوقيع
توقيع : نجوم الليل
#23

افتراضي رد: كل من لديها مشكلة مع شريك الحياة

شوفى ياعمرى والله والله انا حاسة بيكى بس عشان مشكلتك تتحل لازم تشيلى نبرة اليأس اللى فى كلامك ،مفيش فايدة ،فشلت،مقدرتش، كلهارسايل سلبية انتى بتبثيها لنفسك وتترسخ جواكى لحد ماتبقى حقيقة واقعة لااااااااااااا لازم اولا:يتخلق جواكى استعداد قوى،ثانيا:لازم سورى غصب عنك تخلقى القدرة الجبارة انك تكملى وتنجحى وتكسبى جوزك وتغيريه ،ثالثا:اتوسل اليكى بطلى تفكيركتير فى هو بيعمل ايه دلوقت وهو بعيد وتااانى اسمعى كلامى شدى العزم واتبعى البرنامج اللى حطيته لكى والدعاء وانا تحت امرك ف اى وقت بس لازم نبدأ ونحلل سوى الاحداث وحياخد وقت ومجهود بس انتى ادها شخصيتك عجبانى وحاسة ان عندك نفس مؤمنة وطاقة ممتازة لانجاح حياتك والوصول للسعادة معاااااااااااااة بس نطبق الخطوات
إظهار التوقيع
توقيع : نسرين جابر
#24

افتراضي رد: كل من لديها مشكلة مع شريك الحياة

تمام احنا متخاصمين وانا مش هبدء واحنا واخدين ع كدة بالشهور المشكلة انه نازل فى اخر6
بس اوعدك لو اتكلم انى هبدء انسى له اللى فات وافتح معاه صفحة جديدة لانى كنت ناوية مكالمة اطلع فيها القديم والجديد
بس صدقينى لو اكتشفت خيانة منه تانى والله ما يستاهل حتى افكر فيه
إظهار التوقيع
توقيع : نجوم الليل
#25

افتراضي رد: كل من لديها مشكلة مع شريك الحياة

اوعى كرامتك تكون اغلى من بيتك واولادك ..نجوم الليل انتى عنيدة جدا بس احناعايزين نرشداستخدام عندك خليكى عنيدة فانك تحافظى عليه لانك لوفكرتى انه مايستاهلش يبقى اناكمان اروح اتطلق واخد معايابقية بنات المنتدى عشان تبقى ثورة الطلاق لكن حبيبتى احنا مبنيناش البيوت دى بالساهل عشان نهدمها بالساهل انالوحكيت لك تجربتى حتبكى لكن ادينى ادامك بجاهد فى سبيل الله وقدرت اغيرمنه ومن حياتى بفضل الله وادامى لسة طريق طويل ان شاء الله اكمله وياه وعندى يقين ان كل الامور حتتحسن ،انتى بقى :بادرى وكلميه واتدلعى عليه ياام العيال وحسسيه انك بتحبيه وهنا ممكن يثور احتوى ثورته وقولى له انك عملة له مفاجأت وراسمة له برنامج يجنن لمايجى وفعلااضبطى حالك على كده وبلاش حكاية حطلع القديم والجديد مينفعش ارجوكى ،بصى انا بحاول معاكى بس انتى لازم تساعدينى وتساعدى نفسك ،انتى العمود والاساس ف البيت لاااااااااااازم تكونى شديدة
إظهار التوقيع
توقيع : نسرين جابر
#26

افتراضي رد: كل من لديها مشكلة مع شريك الحياة

تعالى هنا انتى بتقولى متخاصمين بالشهور وانكم واخدين على كده يادى المصيبة ..طبعاغلطانة ..لمايحصل زعل مفيش مانع انك تصالحى حتى لو هوالغلطان ولوبررغلطه فورا تسامحى الفترات ال بتتخاصموا فيها تسيب فراغ عاطفى عنده ممكن يحاول يملاه بواحدة تانية اياكى والبعد...اياكى والهجر
إظهار التوقيع
توقيع : نسرين جابر
#27

افتراضي رد: كل من لديها مشكلة مع شريك الحياة

بصى انا من كام يوم طلبت منه فلوس وبصراخة ما اتأخر وبعت ع طول بعدها بعت رسالة حلوة ما رد وطبعا بيحسب هو اللى كسب وانا اللى بدءت حتى فى عيد ميلادة امبارح بعت رسالة ومضيت بأسم بنتى صدقينى انا مرتاحة لانى مكبرة دماغى وهو مرتاح اكتر لانى ما بسأله عن حاجة انا هقول فوضت امرى الى الله
بس كان نفسى اعرف انى فشلت انى اصلح منه دة بيعتبر فشل
فعلا الخرس الزوجى فعلا الزوج بيهرب فيه لحد تانى
شكراااااااااااااااا
إظهار التوقيع
توقيع : نجوم الليل
#28

افتراضي رد: كل من لديها مشكلة مع شريك الحياة

هلا عمرى لا انتى والله مافشلتى والراجل مهتم بس اهتمامه بيكى عملى بحت اما امور المناسبات فصدقينى بتسقط من معظم الرجال وبعدين موضوع الخرس الزوجى لاااا طبعا مش هروب لواحدة تانية بس ملل وروتين ،نجوم الليل ارجوكى راجعى كلامى وبلاش تبصى للفات بصى انتى حتخططى لبكرة ازاى معاه وحتصلحى من حياتك ازاى بس الاحظ فى كلامك :يأس واحساس عميق بالفشل غيرى من برمجة زاتك :رددى دايما انا قادرة على النجاااااح ومش حقبل باقل من كده
إظهار التوقيع
توقيع : نسرين جابر
#29

افتراضي رد: كل من لديها مشكلة مع شريك الحياة

انا بعت رسالة امبارح حلوة ما رد عليا اعمل ايه كل ما احاول اتنازل بيسوق فيها اكتر
بس بجد سؤال ازاى انا ممكن اغير منه وخليه انسان تانى بجد انا ما اعرف
ويارب ما اكون تقلت عليكى
إظهار التوقيع
توقيع : نجوم الليل
#30

افتراضي رد: كل من لديها مشكلة مع شريك الحياة

ع فكرة يانسرين كان عيد ميلاده هو
وانا بعتله رسالة من الخط بتاعى ومضيت باسم بنتى
إظهار التوقيع
توقيع : نجوم الليل
#31

افتراضي رد: كل من لديها مشكلة مع شريك الحياة

على فكرة انا بحبك جدا فى الله وحساكى اكتر من اخت وبحب اكلمك ،لا طبعا انتى ما اثقلتى على ،حبيبتى واضح انك ماركزتيش فى ردودى عليكى عامة نعيد تانى ...اولا:ماتقعديش على الواحدة عيشى واتعاملى على انه بيحبك ومخلصلك ،ثانيا:اسمعى زوجك كلمات اطراء فى اخلاقه واخلاصه وادايه انك كنتى حتخسرى لو ماكانش ظهر فى حياتك وقولى له بالكدب انا عندى ثقة عمياء فيك حبى..الكلام ده كل ماكررتيه انتى بتزرعى جوا عقله الباطن افكارعلميا عقله الباطن مش حيميز امتى انزرعت فيه وكانه اتربى ع الاخلاص ،ثالثا :انتى بقى افرحى واتهنى والبسى واعتنى بنفسك اكتر من عروسة دخلتها الليلة ،رابعا:اخترعى مواقف وافشات ومواضيع اكسرى بيها الخرس الزوجى ال تشتكى منه .نجوم الليل دايما الضحكة والبسمة والافشة ودايما الاناقة والجو المناسب لقاعدة حلوة وانتى فاهمة سكرى زوجك من غير مايشرب خمور،خامسا:انا عارفة انك فاقدة الثقة فيه بس مثلى على نفسك وعليه ان كلك ثقة وكمان اقبلى اعزاره وانقلى الدعاء اللى ف مواضيعى والله ياغالية ماحتعدى السنة ان شاء الله الاوكل شىء على مايرام ..سورة البقرة ف بيتك ومداومة الصلاة والزكر نجوم الليل جربى الخلطة بتاعتى واقرى مواضيعى بدقة مش حتندمى
إظهار التوقيع
توقيع : نسرين جابر
#32

افتراضي رد: كل من لديها مشكلة مع شريك الحياة

نسرين من لاايك انى اكلمه فى التليفون افرضى اتراخم عليا ومش رضى يتكلم معايا حلو وفضل مصمم لان المرة دى زى ما قولت لك طلبت الانفصال كلمته بطريقة مش حلوة لانه استفزنى جامد من رايك اكلمه مباشرة
إظهار التوقيع
توقيع : نجوم الليل
#33

افتراضي رد: كل من لديها مشكلة مع شريك الحياة

فى حاجة كمان عايزة اقولها ليكى لما كنت اقولوا انت بتخنى وبتتكلم ع النت وع الموبايل يقولى انا مش مراهق
واخر مكالمة بينا قالى مفهوم الخيانة لما تدخلى الاوضة وتلاقينى مع واحدة طبعا انا اضيقت جدا من الكلمة بس رددتهالو وقولتلوا ماشى يعنى انا كمان اعمل زيك واقولك لما تلاقينى مع راجل ابقى قول خونتك ايه رايك فى مفهومه عن الخيانة
إظهار التوقيع
توقيع : نجوم الليل
#34

افتراضي رد: كل من لديها مشكلة مع شريك الحياة

انا وهو اتأذينا فى حياتنا وكنت بروح لشيوخ بيعالجوا كله بالقرأن وكنا بنتأذى
إظهار التوقيع
توقيع : نجوم الليل
#35

افتراضي رد: كل من لديها مشكلة مع شريك الحياة

قوليلى اعمل ايه هو مش هيتعدل الا لما يصلى ويعرف ربنا صدقينى هيتعدل بس هو رافض تمام بس الحمد لله بيصلى الجمعة لو صاحى
إظهار التوقيع
توقيع : نجوم الليل
#36

افتراضي رد: كل من لديها مشكلة مع شريك الحياة

بصى عشان نتصالح فى عدة حلول
اولا: اروح لشيخ اشوف فى حاجة ولا لا
ثانيا:اتكلم معاه بس ممكن يكون رافض لانى اتكلمت بأسلوب وحش
ثالثا:اسيب لحد ما يجيب اخروا واكبر دماغى
قوليلى ايه رايك
إظهار التوقيع
توقيع : نجوم الليل
#37

افتراضي رد: كل من لديها مشكلة مع شريك الحياة

نجوم الليل بادرى بالكلام حتى لو رخم عليكى ،حتى لو استفزك، وبعدين انتى شيخة نفسك رايحة تستعينى بواحد حتى لو شيخ توسطيه مابينك وبين ربنا ، نجوم الليل تملقى زوجك بالسياسة ولا تعامليه الند بالند
إظهار التوقيع
توقيع : نسرين جابر
#38

افتراضي رد: كل من لديها مشكلة مع شريك الحياة

ازيك يانسرين معلشى الصفحة كان بقالها كتير مقفولة وانا فعلا كلمته واتصالحنا واحاول ان شاء الله اعدل من نفسى ومن جوزى وادعيلى
انا هستعين بالله وان شاء الله ربنا هينصرنى
شكراااااا ليكىىىىىىىى
إظهار التوقيع
توقيع : نجوم الليل
#39

افتراضي رد: كل من لديها مشكلة مع شريك الحياة

اهلا حبيبتى انتى متعرفيش مدى سعادتى بكلامك ده ربنا يوفقك ..اجمدى..وانا متأكدة ان ربنا حينصرك ان شاء بحكمته عزوجل
إظهار التوقيع
توقيع : نسرين جابر
#40

افتراضي رد: كل من لديها مشكلة مع شريك الحياة

اختي العزيزة نسرين اشكرك من كل قلبي واتمنى تساعدني انا مشكلتي مع زوجي هي تدخلات اهله في كل شئ بحيث ادنى مشكلة تلاقيهم عرفوها طبعا من زوجي اكيد لانه مايخبي عنهم شي ابدا كأنه معمولوا عمل وشوفي لما يعرفوا بيحصل ايه بلاقيهم فوق راسي عاطول وكأنه منتظرين هذه اللحظة طبعا انا عجزت واحكي مع زوجي انه لايسمحلهم بالتدخل ولايحكيلهم كل صغيرة وكبيرة في بيتنا لكن لا حياة لمن تنادي بحيث لجأت معاه الى اسلوب التهديد بس ولا هامه مع انه عندنا اربع اطفال واحنه متزوجين من 11 سنة وقضيت احلى ايام العمر بالمشاكل معاه بسبب اهله انصحيني جزاك الله عني كل خير
إظهار التوقيع
توقيع : حبيبي ياعراق
#41

افتراضي رد: كل من لديها مشكلة مع شريك الحياة

ان اشر الناس عند الله الرجل يفضى الى امراته وتفضى اليه ثم ينشر سرها ، قولى له الحديث ده ياست الكل وكمان عليكى بالصلاة والدعاء واكثرى وسايسى زوجك اكتر ، شكلك انسانة مهزبة ورائعة فصبرا جميلا والله المستعان ، وحاولى كمان تقربى من الناس دى اكتر وتعرفى مداخلهم وخديهم بصفك اكتر من كده وهو اجزبيه وافتحى قلبه ودماغه بمفاتيحه اسمعى من اختك ودخلى موضوع كيف تملكين قلب زوجك وانقلى الدعاء وربنا يوفقك ..
إظهار التوقيع
توقيع : نسرين جابر
#42

افتراضي رد: كل من لديها مشكلة مع شريك الحياة

شكرا على موضوعك حبيبتى
#43

افتراضي رد: كل من لديها مشكلة مع شريك الحياة

بصى بطلب منك تدخلى موضوعى (بيتى حيتخرب ) وتبدى رايك فيما فعلت واقرائى جيدا وانا حردعلى تعليقك
إظهار التوقيع
توقيع : نسرين جابر
#44

افتراضي رد: كل من لديها مشكلة مع شريك الحياة

نسرين انا وجوزى الحمد لله تمام بس لو حصل اى حاجة غريبة بشك ع طول
والله انا تعبت
إظهار التوقيع
توقيع : نجوم الليل
#45

افتراضي رد: كل من لديها مشكلة مع شريك الحياة

امبارح واحنا بنتكلم ع الموبايل جاتله مكالمة ع تليفون الشغل قولت له رد
ردالسلام عليكم صباحالخير لاى حد بيقول كدة وبعدها قال الو
بعدها قال هكلمك كمان شوية لواحد
قولت له مين قالى صاحبى ةعايزنى
إظهار التوقيع
توقيع : نجوم الليل
#46

افتراضي رد: كل من لديها مشكلة مع شريك الحياة

كانت حصلت مرة وانا بتكلم وقاله معايا تليفون ولما اخلص هكلمك
قالى مرة صاحبه وبيسألوا عن حاجة بخصوص الشغل
ادينى رايك
إظهار التوقيع
توقيع : نجوم الليل
#47

افتراضي رد: كل من لديها مشكلة مع شريك الحياة

انا قولتلوا مرة من المرات خليك صريح معايا بخصوص البنات كان رافض مسألة الصراحة فى الموضوع دة
وقالى ع تليفونى الخاص انا مش برد ع اى رقم غريب
لو فى الشغل لو معاكسة بيقفل
اعمل ايه فى شكى واتأكد ازاى من كلامه
شوفيلى حل
إظهار التوقيع
توقيع : نجوم الليل
#48

افتراضي رد: كل من لديها مشكلة مع شريك الحياة

انا بحب كلامك وبثق فيه
إظهار التوقيع
توقيع : نجوم الليل


قد تكوني مهتمة بالمواضيع التالية ايضاً
الموضوع كاتب الموضوع المنتدى
حكم عن الحياة ،،،حكم رائعة جدأا وقصيرة توتاية توتاية حكم واقـوال
حكم عن الحياة,حكم واقوال عن الحياة ,اجمل الحكم والاقوال عن الحياة LOLO_LOLY حكم واقـوال
((موسوعة الأمثال والحكم والأقوال المنوعه مصورة،مكتوبه)) من تجميعى "متجدد" كيوت متل التوت حكم واقـوال
لمسات نفسيه في الحياة الزوجيه ★н̃̾ɑ̃̾ı̃̾σ̃̾ѕн̃̾ɑ̃̾★ الثقافة والتوجيهات الزوجية
الإحسان في القرآن الكريم وسلسلة ربيع الحياة للدكتور عائض القرني بروابط مباشرة ابدأ بنفسك صوتيات ومرئيات اسلامية


الساعة الآن 09:36 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل