الكدمات وعلاجها طريقة علاج الكدمات

كتير منا بيقع او يتخبط ويلاقى مكان الخبطه بقى ازرق او فيه نقط حمرا وساعات أسود
وده لان الخبطه بتعمل انفجار للشعيرات الدمويه الصغيره القريبه من الجلد وده بيعمل نزيف داخلى للانسجه والدم المحبوس ده بيظهر على هيئه البقع الزرقا او السودا

بس الكدمه مش كده بس ممكن تكون سطحيه ودى اللى بتكون قريبه من الجلد وده الشائع
وممكن تكون كدمه عضليه : ودى بيحصل فيها احتقان للدم بين العضلات وبتأثر على القدره على تحريك العضله لفتره
ممكن تكون كدمه عصبيه ان الاصابه وصلت لعصب وضغطت عليه




او كدمه عظميه نتيجه اصابه الطبقه الخارجيه للعظام

العلاج
ــــــــــ
الكمادات البارده(بتوقف النزيف لانها بتقلص الاوعيه الدمويه ) لمده 15 دقيقه كل ساعه فى اول 24 ساعه ورفع الجزء المصاب لاعلى عشان تقلل الورم والالتهاب وتقلل الضغط عالجزء المصاب ...(الكمادات مش هتغير لون الخبطه بس هتقلل الوجع والالتهاب )
بعد الاصابه بيومين ممكن تستخدم فوطه دافيه او ميه سخنه عشان تساعد على تدفق الدم للمنطقه المصابه 10 دقايق مرتين او تلاته فى اليوم وده هيساعد ان اللون الازرق او الاسود يختفى

تجنب :
1-استخدام مراهم الكورتيزون او الاسبرين لانها بتمنع تجلط الدم
2-الكمادات الساخنة ومراهم المساج لأنهابتزود الدورة الدموية في المكان المصاب وبالتالي بتزود التورم والوجع.
3-وضع رباط ضاغط بشدة لأنه ممكن يقفل الاوعية الدموية بقوة فيتعرض الطرف المصاب إلى نقص الدم والأكسجين ومن ثم إلى حدوث الغرغرينة
ممكن يستخدم كنوع من التدعيم او التثبيت للجزء المصاب عشان يساعد عالالتئام