أو

الدخول بواسطة حسابك بمواقع التواصل

#1

129870 خمسين سبب يخلوني أقول لك أنا مش آسفة

علشان عيشتنا في جوع ومرض وحرمان 30 سنة وكنت عايز المحروس إبنك يكمل علينا 30 سنة تانيين .
2) ولأنك سبت شبابنا يموتو في قوارب الموت على شواطئ إيطاليا .
3) ولأنك سبت البطالة تحاصرنا وتخنقنا وتطلع ميتين أهالينا .
4) ولأنك سبت كلاب أمن الدولة تنهش في لحمنا وترهبنا وتنتهك أعراضنا .
5) ولأن أقسام الشرطة في عهدك بقت أوكار للتعذيب وإهانة المواطنين .
6) ولأنك سبت شعبك يسكن في المقابر مع الأموات وإنت نايم في قصرك .
7) ولأننا ما شفناش ناس بتاكل من صناديق الزبالة إلا في عهدك .
8) ولأننا ما عرفناش ظاهرة إسمها أطفال الشوارع والعشوائيات إلا في عهدك .
9) ولأننا ما شفناش ناس بتموت في طوابير العيش والغاز إلا في عهدك .
10) ولأنك خليت مهية المواطن ما تكفيهوش لحد خامس يوم في الشهر .
11) ولأنك سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
12) ولأنك سبت مرض الكبد الوبائي ينهش في أكباد الشعب المصري .
13) ولأنك أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
14) ولأنك سبت المزارعين إللي ما عندهمش ضمير يأكلونا خضروات مسقية بمية المجاري .
15) ولأنك سبت الحرامية ينهبو ثروات البلد وثروات الشعب ويهربوها برة البلد .
16) ولأن التعليم في عهدك بقا زبالة .
17) ولأن الرعاية الصحية في عهدك بقت زبالة .
18) ولأن الزبالة وطفح المجاري في عهدك بقا الصفة المميزة للشارع المصري .
19) ولأن كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
20) ولأنك حرمتنا من الحرية ، وزورت الانتخابات ، وسلمت البلد للبلطجية يتحكموا فيها .
21) ولأنك سبت حرامية السلطة يبيعوا ممتلكات مصر وأراضي مصر بأبخس الأثمان للتجار والمستثمرين .
22) ولأن في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
23) ولأنك خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .




24) ولأن في عهدك بقت مصر من أكتر دول العالم نسبة أمية وناس عايشة تحت خط الفقر .
25) ولأن الفساد في عهدك بقى للركب ... (بشهادة سكرتيرك الدكتور زكريا عزمي) .
26) ولأنك بعت الغاز للصهاينة بأبخس الأثمان .
27) ولأنك سمحت بالسطو على أموال المعاشات والتلاعب بيها .
28) ولأنك سمحت بالسطو على أموال مكتبة الإسكندرية .
29) ولأنك عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
30) ولأنك سبت كلاب أمن الدولة يزرعوا بذور الفتنة الطائفية بين أفراد الشعب المصري الطيب المسالم علشان يقدروا يسيطروا عليه .
31) ولأنك حرمت مصر من واحد من أهم مصادر الدخل ليها وتشغيل العمالة وهو زراعة القطن ، إللي كان قبل عهدك أفضل قطن في العالم .
32) ولأنك خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
33) ولأن مصر ، بلد النيل ، ما عرفتش حاجة إسمها (الفقر المائي) إلا في عهدك .
34) ولأن مصر ، بلد النيل ، والسد العالي ، والتربة الخصبة ، بقت تستورد في عهدك القمح وكل المحاصيل الزراعية الأساسية بالمليارات ، والفلاح المصري الغلبان مش لاقي ياكل .
35) ولأنك أغرقت الفلاحين المصريين في الديون وفوائد الديون وأدخلتهم السجون .
36) ولأنك سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
37) ولأنك اتغاضيت عن تدمير الثروة السمكية ، وأجبرت الصيادين إنهم يسافروا لحدود الصومال ويعرضوا نفسهم لخطر القراصنة .
38) ولأن الطبقة الوسطى اختفت في عهدك ، وبقى الشعب المصري متساوي في الفقر ، المتعلم زي الأمي ، لا مال ... ولا حياة كريمة ... ولا أي أمل في المستقبل .
39) ولأن في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
40) ولأنك ضيعت أموال الشعب المصري في مشاريع فاشلة في توشكى ، وترعة السلام ، وشرق العوينات ، وغرب خليج السويس ، ومشروع الفوسفات .. وغيره ..
41) ولأن التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
42) ولأن محصلش في تاريخ مصر إن القضاة انضربوا واتهانوا على يد قوات الأمن إلا في عهدك .
43) ولأنك سمحت بمحاكمة المواطنين المدنيين في محاكم عسكرية .
44) ولأن كرامة المواطن المصري برة بلده ما تهانتش واتمسح بيها الأرض إلا في عهدك .
45) ولأنك اتغاضيت عن قيام إسرائيل بعمليات قتل متعمد للمواطنين والأطفال المصرين على حدود سينا .
46) ولأنك أوقفت التحقيق في جريمة قتل الصهاينة للأسرى المصريين في حرب 67 .
47) ولأنك حرمت جنود مصر (الصعايدة والفلاحين) إللي ضحوا بأرواحهم في حرب 73 ، وحطموا خط بارليف ، وعبروا القناة ، ورفعوا علم مصر ، حرمتهم من أي تكريم ، وسبتهم يعيشوا هم وعوائلهم عيشة الفقر والجوع والذل ، وإنت كل سنة بتتكرم بالنيابة عنهم .
48) ولأنك احتكرت نصر أكتوبر لنفسك ، وألغيت ذكر كل القادة التاريخيين العظام إللي صنعوا النصر (وكانوا رؤساءك في معركة العبور) ، وحرمتهم هم كمان من أي تكريم .
49) ولأنك حاصرت أهلنا في غزة ووطيت راسنا قدام أشقائنا العرب .
50) ولأن مكانة مصر في عهدك على المستوى العربي والإفريقي والدولي بقت في الحضيض .

ولما خرجنا للميدان نشكيلك همنا وإحنا فاتحين عقولنا وقلوبنا لكل كلمة منك ممكن تطيب بيها خواطرنا وتطمنا بيها على مستقبلنا ، رديت علينا بالرصاص وبقنابل الدخان ، وسبتنا ننسحل وننداس تحت عربيات الأمن المركزي ، وسلطت علينا بلطجية نظامك يضربونا بالطوب وقنابل المولوتوف .
علشان كدة ، أنا مش آسف يا ريس ... بجد مش آسف ... علشان إنت كان لازم تمشي من زمان ، وتتخلع من زمان ، وتتحاكم من زمان .
على فكره ده مش كلامى ده كلام واحد كان كاتب رد فى اليوم السابع لكن وجدة ان كل كلمه فيه صح ولازم انشرها علشان اللى بيحبو مبارك وزعلانين علشانه يعرفو احنا ليه بنقول لازم يتحاكم


إظهار التوقيع
توقيع : جوجل
#2

افتراضي رد: خمسين سبب يخلوني أقول لك أنا مش آسفة

حسبنا الله ونعم الوكيل على كل ظالم مفتري
مشكورة عالنقل
إظهار التوقيع
توقيع : لؤلؤة الايمان
#3

افتراضي رد: خمسين سبب يخلوني أقول لك أنا مش آسفة

جزاكي الله خيرا وعنده حق في كل كلمة قلها والي نقدر نقولة حسبنا الله ونعم الوكيل
#4

افتراضي رد: خمسين سبب يخلوني أقول لك أنا مش آسفة

الحمدلله اللى خلصكم منه عقباااااالنا يارب
إظهار التوقيع
توقيع : ريموووو
#5

افتراضي رد: خمسين سبب يخلوني أقول لك أنا مش آسفة

اللهم عليك بكل ظااااااالم!
إظهار التوقيع
توقيع : الـمـتـألـقـة
#6

افتراضي رد: خمسين سبب يخلوني أقول لك أنا مش آسفة

عاجلاً غير آجلاً يظهر الحق و يزهق الباطل

إن شاء الله
#7

افتراضي رد: خمسين سبب يخلوني أقول لك أنا مش آسفة

رد: خمسين سبب يخلوني أقول لك أنا مش آسفة
إظهار التوقيع
توقيع : دلوعتي20


قد تكوني مهتمة بالمواضيع التالية ايضاً
الموضوع كاتب الموضوع المنتدى
100 سبب لقيام الليل 100 سبب لقيام الليل 100 سبب لقيام الليل لولو حبيب روحي المنتدي الاسلامي العام
احبك ربى مصر المنتدي الاسلامي العام
سبب الكسل فى العبادة والطاعة والخمول فى أدائها نسرين القمر المنتدي الاسلامي العام
احسبى فتره زواجك تعرفى مشكلتك ؟؟؟؟ محبه لله الثقافة والتوجيهات الزوجية
قولي لي كم عمر زواجك أقول لكي ماهي مشكلتك نسيم البحر الحياة الزوجية والاسرية


الساعة الآن 04:35 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل