أو

الدخول بواسطة حسابك بمواقع التواصل

#1

Tooth راجل وحماته :))

تبقى قاعد في امان الله مع مراتك وقاعدين تهرجوا تقولها بحبك يا توته راجل وحماته :))وتقولك وانا ..... راجل وحماته :)) وفجأه يدق الباب راجل وحماته :))
هو : خير الله اما يجعله خير من اللي جاي لنا الساعه ديه راجل وحماته :))

هي: مش عارفه قوم افتح يا حبيبي

هو : ربنا يستر

ويروح يفتح الباب وللاسف ربنا ما استجبش لدعوته يلاقي في وشه حماته

هو: ( في سره اعوذ بالله من الشيطان الرجيم ) حماتي

حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه

هو: في سرك ( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه افتكرها يا كريم )

حماته : سرحان في ايه بقى يا راجل يا ناقص اكلمك في التليفون واقولك تعالى بتخانق مع المعلم عكوة الجزار تقوم متجييش

هو : طب ما انا افتكرت ان ولادك اكيد هناك يا حماتي

حماته : ليه هو انا مستغنيه عنهم

هو : يعنى ايه مستغنيه عنى انا وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام

حماته : انت لو اتهببت مت هالاقي بدالك ميت عريس لبنتي اللي اتعمت لما خدتك واقولها يا بنتي بصيله تقولي بحبه ياماما يابنتي بصي كويس تقولي بحبه اقولها دققي في ملامحه تقولي الموكوسه مالها ياماما اجيبلها صورة قرد وقولها بصي للصورة وبصي له ايه يفرقهم ترد عليا تقولي بحبه ياماما وادي النتيجه اتجوزتك وعملت عمليه ليزر في عنيها ورجعت تشوف كويس ولما فاقت شافتك اتخضت واصرت ان الدكتور يرجعلها نظرها زي ما كان .

هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسم )

حماته: بنتي حبيبتي معلش نسيت اسلم عليكي اما لاقيت الموكوس في وشي

هي : نورتي يا ماما يا حبيبتي عامله ايه

حماته : كويسه بس الراجل اللي اتعميتي واتجوزتيه رفعلي الضغط

هو : معلش يا حماتي معلش

حماته : وبعدين ايه اللي انت لابسه ده شورت وفانله امال فين الكاب انت فاكر نفسم شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا .

هو: يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج

حمانه : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعهمه زفت ادخل اعملي واحده عدله يالا

هو : من عنيا يا حماتي (وهو يبتسم مش خسارة فيها العلبه كلها )
ويدخل المطبخ ويمسك السم بعد كده يرجع في كلامه ويرجع الاوضه تاني

حماته : وريني ضبطته ولا حتى في ديه مش عارف

هو : ضبطته يا حماتي بس انتي مقولتليش انتي جايه ليه

حماته : الله بيت بنتي اجيه وقت ما انا عايزه حكم

هو : طبعا يا حماتي تنوري بس متهيألي فيه سبب

حماته : عرفت ان بنتي حامل قلت اجي اقعد معاها لغاية ماربنا ينتعها بالسلامه

هي : بجد يا ماما

حماته : اه يا حبيبة ماما هاقعد معاكي وهانام انا وانتي في اوضه واحده فاهمه

هو : يا نهار اسود ديه لسه في الشهر الاول يا حماتي

حماته : وكمان بتسود النهار انا قلتها كلمه ربنا يسامحه ابوها اقوله نناسب ده يرد عليا ويقولي معلش ماهي خلقه ربنا

هو: يبص لنفسه في المرايا يعنى ايه انتي مجوزاها لقرد

حماته : اسخم على الاقل القرد كان هيقعد ينططلها يسليها مش زيك

هو: بقه ديه اخرتها يا حماتي عايزاني اقعد اتنطط لها

حماته : وفيها ايه مش مراتك حبيبتك لو انت معملتهاش قرد مين اللي هيعمل لها

هو: في سره حسبي الله ونعم الوكيل فيكي يا انثى العنكبوت

حماته : وبعدين في موضوع مهم عايزه اكلمك فيه





هو : خير

حماته : انت عارف طبعا انها حامل

هو : ايوه

حماته : وطبعا ابنك او بنتك هتحبهم

هو: طبعا

حماته:وعارف انها اكيد هتتوحم يبقى لغاية ما الوحم يخلص ماشوفك قدامي

هو: ليه يعني

حماته : حرام عليك الواد ولا البنت يطلعوا شبهك ده لو حصل افطسهم ارحملهم

هو: حرام عليكي امال اروح فين

حماته : انت طالما هتقعد معانا يبقى تتلثم تخبي وشك العكر

هو: اتلثم يا شيخه حرام عليكي

حماته : حرام عليك انت ولادك
بصراحه انا جالي في المنام المرحوم ابوكي وكان لابس شورت ابيض وفانله حمالات مقطعه معفن عادي متغيرش المهم قالي خلي بالك من اللي في بطن بنتك اوعي بوز الاخص جوزها يكرف عليهم وصيتك اللي في بطنها وفجأة طلع يجري والناس وراه بتقول حرامييي

هو: بعدين لابسك شورت ابيض وفانله مقطعه حتى جهنم رايح يشحت فيها

حماته : اخرص هي وصيه وهانفذها ودي وشك الناحية التانيه يا اخي

هو: في سره هي ايه محسساني انها بتكلم قرد هي متشوفش نفسها في المرايه لما امها كانت تحب تخوفها كانت تخليها تبص
في المرايا وتقولها العوا اهه

حماته : وانتي يا بنتي ولا تكلميه ولا تردي عليه زيه زي اي كرسي في الشقه فاهمة

هي: بس يا ماما

حماته : مفيش بس

هو : في سره كده يا حماتي طب اصبري عليا هاخليكي تموتي موته محدش ماتها قبل كده اخليكي تموتي بفضيحه
ان ما كهربتلك قاعدة الحمام يا انثى العنكبوت
راجل وحماته :))


إظهار التوقيع
توقيع : جوجل
#2

افتراضي رد: راجل وحماته :))

ههههههه ايه المغامرات العسل دي
إظهار التوقيع
توقيع : السكرة
#3

افتراضي رد: راجل وحماته :))

هههههههههه

شكرااااااا
إظهار التوقيع
توقيع : ريموووو
#4

افتراضي رد: راجل وحماته :))

ههههههه ههههههههههه هههههههههه بس بقه احسن انا فطست من الضحك
#5

افتراضي رد: راجل وحماته :))

لا اله الا الله
ايه الوليه بوذ الاخص دي
الله يعينه
إظهار التوقيع
توقيع : ام مهند 2009
#6

افتراضي رد: راجل وحماته :))

هههههههههه
مشكورة
إظهار التوقيع
توقيع : لؤلؤة الايمان
#7

افتراضي رد: راجل وحماته :))

هههههههههههه
#8

افتراضي رد: راجل وحماته :))

شكرا لمروركم يا قمرات
إظهار التوقيع
توقيع : جوجل
#9

افتراضي رد: راجل وحماته :))

هههههههههههههههه
إظهار التوقيع
توقيع : طماطم
#10

افتراضي رد: راجل وحماته :))

ههههه لذييذه
إظهار التوقيع
توقيع : om taha


قد تكوني مهتمة بالمواضيع التالية ايضاً
الموضوع كاتب الموضوع المنتدى
عجوز في الخامسة والثمانين.. امرأة بمليون راجل.. سعاد تحمل مواد البناء لرعاية 21 من أ سارة سرسور اهم الاخبار - اخبار يومية
راجل عنده 90 سنه فتاة بالحياء تجملت فرفشة عدلات
درس عمل راجل بيمشي ♥العدوله لولو♥ دروس فوتوشوب
لو راجل اعملها نورى فرفشة عدلات
رسالة الى كل راجل يدخل المنتدى بوسى كات M حوارات اجتماعية مفتوحة


الساعة الآن 01:07 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل