أو

الدخول بواسطة حسابك بمواقع التواصل

#1

افتراضي حد فاكر ايام زمااااااااااااااااان

حد يجماعه فاكر واحنا صغيريين لما كنا بناخد مصروف نص جنيه و كنا نروح المدرسه نجيب بيه ازازه حاجه ساقعه و كيس شيبسى





طب حد فاكر لبان على بابا لما كنا كلنا جايبين الالبوم و بنشترى اللبان و نقعد نجمع صور الحراميه الى دماغتها طالعه من الزير و نبدل الصور مع بعض عشان نكمل الالبوم وكان الواحد بيبقى نفسه يكسب اوى وكانت الجوايز طقم كوبيات شاى او كوره كفر او شطرنج او مكاوه
طب حد فاكر لما كنا بنرجع من المدرسه بسرعه عشان نلحق الفيلم الابيض و الاسود الى كان بيجى الساعه 1على القناه الاولى و نبقى قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل
طب حد فاكر يوم الجمعه لما كنا بنصحى من صباحيه ربنا قبل اى حد فى البيت ونفتح التليفزيون ونقعد نستنى برنامج سينما الاطفال ونبقى منشكحين موت واحنا قاعدين بنتفرج
طب حد فاكر لما كنا بنرجع من المدرسه و نبقى عايزين نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و ربع بتاع القناه الاولى ومكنش حد فينا بيتفرج على المسلسل بتاع الساعه 6 الى بيجى عالقناه التانيه
طب حد فاكر كابتن ماجد لما كان بيقعد يشوط الكوره فاربع خمس حلقات و احنا قاعدين منشكحين اوى ومستنين الى هيحصل ولا حد فاكر مازنجر وفاتن و ابو الغضب
طب حد فاكر قبل رمضان لما كنا نقعد نعمل زينه رمضان مش الجلاد و الدباسه
لا لا لا ورق الكراريس الى كنا بنظبطوا بالمقص و نلزقه على الحبل بعجينه نشا وميه ويسلام على اول يوم رمضان لما نخرب الشارع بمب وحد فاكر الصواريخ مش الصفره لا لا لا الى كانت طويله و معموله من ورق كراريس برضه
طب حد فاكر ساعة الفطار فرمضان لما كنا نبقى قاعدين نفطر ومش مركزين مع حد عشان مشغلين القناة الاولى و مبسوطين اوى عشان هنتفرج على سلاحف النينجا وفرام و شنخر ومنخر وتخلص نئوم نقلب بسرعه على القناه التانيه ليييييييييه بئه ؟؟؟ عشان مسلسل البورنجر وريتا الشريره و كنا كلنا بنحب الواد الاحمر قوى
طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان
طب حد فاكر ليله العيد لما يوم الوقفه نخش نستحمى ونضرب الترنج الجديد بتاع الوقفه و نيجى بليل نطلع اللبس الجديد ونحطه جنبنا عالسرير ونبقى مستنيين الصبح يطلع بفارغ الصبر عشان نقوم نلبس اللبس الجديد و ناخد العيديه من قرايبنا وكل متاخد العيديه من حد تقعد كل شويه تطلع العيديه وتشوف المبلغ كله وصل كام
طب حد فاكر بستك بستك بستك نو شوكلاته جيرسى هناكلوا الجو ولا حد فاكر اللبان السحرى دوق دوق دوق الضنضورمه ا لا لا لا له طب حد فاكر بسكوت بمبو المدور الى عليه شكولاته ولا البوذو الى كان ببريزه وكنا بنشتريه عشان نكسب جواه بلونه ولا دراكولا وهيلا هوب ولا حد فاكر بسكوت الشمعدان و المسابقات بتاعته لما كنا نجيب الالبوم ونقعد نشترى ونجمع ونلزق ونبقى مهتميين بالموضوع اااخر حاجه وواثقين اننا هنكسب
طب حد فاكر الكازوز بتاع الحاجه الساقعه والمسابقات بتاعت العجله ومكنش حد بيلاقى الجدون و كان فى تكسب واحده حاجه ساقعه تانيه وكنا مقضينها كازوز وواثقين اننا لازم نكسب وكنا نخليهم فى البيت يجيبوا الجبنه النستو الى بتكسب مش فارقه سينا من سونيا المهم الى عامله مسابقه وجواها استيكرات وكانت الاكتر بتبقى طعمه
طب حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه نستو ولا جبنه بيضه ونفرح اووى لو لقينا معانا سندوتشات لانشون
طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه
طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و نسرح فى الشوارع نديها كوره وبلى و استغمايه وسبع طوبات وطير وعنكب شد واركب و ميلموناش من الشارع الا بليل
طب حد فاكر الناس الرخمه الى كنا كل ما نلعب كوره يطلع يقولك لو جت هنا هقطعلكوا الكوره ديه ولا اللعب عند بيتك يا بنى منك له بدل ما ارش ميه
طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيظبوظلنا بقيت اليوم
طب حد فاكر طبور المدرسه لما محدش فينا بيبقى واقف مركز ولا فاهم حاجه اساسا بس واقفين غصم واقتدار وخلاص و ساعة تحيه العلم لازم حد يستظرف فى النشيد ويقعد يقول زبادى زبادى او حماتى حماتى بدل بلادى بلادى
طب حد فاكر برامج تاكسى السهرة و بانوراما فرنسيه ومسلسل هرقليز وزينا الى كانوا بيجوا عالقناه التانيه الساعه9 و كنا بنعشقهم بالرغم من الهجايس الجامده الى فيهم وكنا منفوتش ولا حلقه
طب حد فاكر لما كنت تخلص السنه وتدى الكتب بتاعتك وسلاح التلميذ لابن الجران او حد من قرايبك الى اصغر منك بسنه
طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات
__________________________
مش عارفه انا ليه لما بفتكر الحاجات ديه بضحك اوى ياريت لو حد فاكر كمان حاجه يفكرنا بيها اكيد هنضحك


إظهار التوقيع
توقيع : ام اياد وباتول
#2

افتراضي رد: حد فاكر ايام زمااااااااااااااااان

ههههه ايام حلوه كانت ..
تسلمى ملاء الله حياتك بالسعاده ..
#3

افتراضي رد: حد فاكر ايام زمااااااااااااااااان

والله كانت احلى ايام
إظهار التوقيع
توقيع : هبه شلبي
#4

افتراضي رد: حد فاكر ايام زمااااااااااااااااان

رد: حد فاكر ايام زمااااااااااااااااان
#5

افتراضي رد: حد فاكر ايام زمااااااااااااااااان

ايام جميلة ياقمر ربنا يسعد ايامك
إظهار التوقيع
توقيع : شقاوة آنثى
#6

افتراضي رد: حد فاكر ايام زمااااااااااااااااان

موضوع جميل
تسلم افكارك ياعسل
إظهار التوقيع
توقيع : الملكة نفرتيتي
#7

افتراضي رد: حد فاكر ايام زمااااااااااااااااان

اه والله ايام جميله جدا
تصدقى رغم ان كل حاجه متوفره حاليا لاولادنا
بس بحسهم مظلومين جدا وان ايامنا كانت احسن بكتير
إظهار التوقيع
توقيع : زهره التحرير
#8

افتراضي رد: حد فاكر ايام زمااااااااااااااااان

موضوع رائع
تسلمى ياقمر
إظهار التوقيع
توقيع : زهره التحرير
#9

افتراضي رد: حد فاكر ايام زمااااااااااااااااان


المشاركة الأصلية كتبت بواسطة زهره التحرير
موضوع رائع
تسلمى ياقمر
شكرا لمرورك حبيبتي
نورتيني
إظهار التوقيع
توقيع : ام اياد وباتول
#10

افتراضي رد: حد فاكر ايام زمااااااااااااااااان

ياااااه
رجعتينى لاحلى ايام حياتى هههههههه
موضوع رااااااااااااائع
ونسيتى سلاحف النينجا وسندباد
اطفال العيله .... اعملو هوليله ..ميت ليله وليله فى التليفزيون
ههههه
تسلمى يا قمر
إظهار التوقيع
توقيع : Frawla
#11

افتراضي رد: حد فاكر ايام زمااااااااااااااااان

الله عليكى الواحد نفسه يرجع زى زمان بلا وجع قلب


قد تكوني مهتمة بالمواضيع التالية ايضاً
الموضوع كاتب الموضوع المنتدى
موعد اول يوم رمضان 2025_ متى اول يوم رمضان 2025 متى هلال اول ايام شهر رمضان 1445 ♥ احبك ربى ♥ عدلات في رمضان
لمعرفة ايام التبويض وانتظام الدورة ادخلي هنا.. ريموووو مرحلة الحمل والولاده
احنا لية بنصوم اول عشرة ايام من ذى الحجة ام مالك وميرنا المنتدي الاسلامي العام
دردشة مهمة عن ايام الدراسة و ايام الاجازة ! , دردشة حول الدراسة والاجازة,دردشة للطلاب ربي رضاك والجنة دردشة عدلات
ممنوعات ايام الدوره الشهريه(نصائح مهمه للبنات ) خواطر مسافرة فتيات تحت العشرين


الساعة الآن 02:41 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل