بسم الله الرحمن الرحيم
مبدأيا انا حلمت حلم وقالقنى جدا
انا للاسف مش فاكره اوله بس اللى فاكراه انى كنت ف مكان عامل زى الصحرا كده
وفيه واحد كان معاه عربيه وبيسوقها بجنان بيقول ابقى قابلينى ان ركبتى هاهاهاها ولاقيت نفسى متشعلقه على باب العربيه وهو مفتوح وهو بيحاول يسرع ويلف عشان يوقعنى .. بعدها لاقيت نفسى راكبه العربيه دى معاه ومعانا ناس كتير عامل زى مايكون ميكروباص او اوتوبيس صغير وكان ماشى بسرعه جنونيه عكس الاتجاه وناس قعدت تقوله يلا يلا ورينا كمان امشى مخالف اكتر خلو رخصتك تتسحب وتدفع غرامه وده مش سامع لاى حد ماشى برضو عكس الاتجاه بسرعه جنونيه .. وبعدين واحد تقريبا تبعه بس راجل عجوز طلع لم مننا الاجره استنيت ناس كتير دفعو روحت دافعه وكنت مستنيه باقى .. كانت كل العربيه رايحه مكان وانا رايحه مكان تانى .. لاقيت الراجل العجوز ده بيقولى انتى رايحه فين قولتله المكان اللى رايحاه قالى يبقى انزلى المحطه البعد اللى جايه ونزل هو كنا على اخر كوبرى مكان اول مره اشوفه وهو نازل قالى انزلى هنا قولتله طب الاجره كام قالى 20 جنيه فكرت شويه قولت ايوه منا مدياه اصلا 20 جنيه يبقى مليش باقى .. جايه انزل لاقيت العربيه فاضيه مفيهاش الا انا واتنين صحابى معرفش عنهم اى حاجه فى الحقيقه من بعد ما اتخرجنا قولتلهم كويس طلع كان فاهم الطريق انا كنت فاكراه هيضحك علينا .. قالتلى يضحك علينا مش انتى اللى قولتى اركبو وهنروح وهنوصل قولتلها والله ماقولت لحد حاجه مش مهم ادينا وصلنا .. ركبنا ميكروباص تانى قولتلهم هو احنا مش هنروح البحر على ما بابا ييجى ولا ايه نروح نقعد شويه بصولى كده وسكتو كنا ماشيين بالعربيه فى شارع كله ملابس بيت وعبايات ولانجيريهات .. واحده منهم لاقيتها بتقولى الواحده تدخل تشترى ايه رأيك قولتلها يلا ياختى قالتلى ايه ده انتى بقيتى عادى بتشترى متتكسفيش الله يرحم ايام الكليه كنتى بتحسسينا انها شبهه ( بهزار ) قولتلها ياستى عادى بقى ها تيجو ننزل ونتمشاها وبالمره نشوف اللانجيريهات دى لاقيت واحده منهم قالتلى يلا والتانيه قالتلى لا مش معانا فلوس اصلا قولتلها هنتفرج وخلاص مش لازم نشترى يعنى مردتش عليا وانا صحيت
ملحوظه الشخص اللى كان سايق العربيه بجنون ده هو الشخص اللى انا مرتبطه بيه بس هو فى الحقيقه شخصيته مش كده خالص
وناو احنا مبنكلمش بعض
انا 24 سنه وملتزمه الحمد لله
الحلم بعد صلاه الفجر وقبل ما انام كنت مستغفره ومصليه ع النبى كتير اوى
.........
ومعلشى فيه حلم تانى واسفه انى طولت بجد
كل اللى فاكراه اننا كنا فى البيت بتاعنا عادى بس كانت شقه اخويا فوق .فيها خالتى وبنات خالتى التانيه مبكلمهمش اصلا حلمت ان خالتى اللى مبكلمهاش دى معرفش حصل ايه ولا قالت ايه بس كانت عاوزه تاخد منى التليفون بتاعى اول ما شوفتها روحت واخده التليفون قالتى حظك انى ملقيتهوش قبلك كنت موريتهولكيش تانى قولتلها لا انتى ولا عيلتك كلها تقدر الكلام ده وانا بجرى منها
.المهم نسيت دوسيه بتاعى فيه ورق كتير تبع شغل تقديم لشغل وكده وكروت معرفش كروت ايه ضربت الجرس لما نزلت اوى اوى اوى .لاقيت اخويا الصغير قولتله هاتلى الدوسيه من عندك قالى وانتى هبله سيبتيه ومش عارفه ايه المهم لاقيت خالتى دى مقطعه الكروت دى ورامياهملى على السلم وباقى الورق انا خوفت عليه .على ما اعتقد كان ورق مهم نزلت جرى اول ما شوفت كده قعدت انادى على بابا يا بابااااااااااااااا يا باباااااا .اول ما جه قولتله تعالى معايا بقى لجدو خليه يجيبلى الورق من الك**ه اللى اسمها س دى انا هروح فى داهيه ( كنت اقصد خالتى ) روحت لجدى جدى كان فى نفس الشقه اللى هى فيها بس فى اوضه تانيه فى الحقيقه جدى ده ميت اصلا المهم سمعتها بتقول لبنت خالتى اهى راحت تشتكى لجدها اهىىىىىىى وهى ردت عليها قالتلها متقلقيش الورق معايا ومش هديهولها خليه يجيبهولها زى ماهو عايز كانت بنت خالتى دى قاعده فى دولاب وقافله على نفسها لما سمعتها كده روحت خابطه باب الدولاب عليها اوى قولتلها هاتى الزفت قالتلى معاييش حاجه روحت اوضه جدى لاقيت بابا بيقوله المفروض ايه الورق اللى ناقص من دوسيه زى ده قاله كذا كذا كذا وورق الجيش ومش عارفه ايه قاله اهى بنتك على خالتى يعنى
.خدتهم .ياريت بقى تخليها تديهملها بالزوق ومشينا وانا معرفش خدت الدوسيه ولا لا مش فاكره الباقى
تقريبا كان لما مشينا فى فى الشارع احتفال او بيحضرو لاحتفال او احنا بنحضر نفتح حاجه كنت انا واللى انا مرتبطه بيه نفسى فيها الله اعلم بس كنت بردد اسم اللى انا مرتبطه بيه كتير لبابا
ام غدير او الكنارى ( حلم قالقنى جدا :( )
قد تكوني مهتمة بالمواضيع التالية ايضاً