يوميات النحلة تيتى (1)
عم ورد عنده منحل كبير بيرعاه بنفسه ويستفيد بالعسل ويبيعه وده مشروع جيد ده غيران دى هوايته...فى خلية النحل كانت تيتى تعيش مع عائلتها سعيدة مبسوطة وكان لازم والدتها تعودها انها تعتمد على نفسها وتخرج تستنشق الرحيق من البساتين المجاورة للمنحل وترجع أخر اليوم علشان تحط العسل ولما خرجت تيتى ودى كانت اول مرة كانت خايفة وعندها رهبة شديدة من النور والعالم الواسع اللى شفته أول ما طلت من المنحل ..ولكن امها شجعتها وقالت لها ..اوعى تبعدى وتتوهى ....
عمك ورد عامل رايه صفرا عالية علشان احنا لو توهنا لما نشوفها نعرف المكان ونرجع له بسرعة.
تيتى ودعت مامتها وطارت من زهرة لياسمينا ومن ياسمينا لفلة تستنشق الروايح الجميلة اللى انعم علينا بيها
المولى عز وجل وكل تيتى متحس انها بعدت عن الخلية تدور على الراية الصفرا فى المكان لحد ما تلاقيها تهدا وتفرح
تيتى مبسوطة فرحانة انها عرفت المكان واخر اليوم رجعت ودخلت المنحل علشان تحط العسل اللى خزنته
طول اليوم وتنام وتستعد ليوم جديد ...تيتى كل يوم تحكى لمامتها كل اللى مرت بيه من اول ما خرجت من المنحل لغاية مترجع اخر اليوم
وفى يوم من الأيام خرجت تيتى زى عادتها .الشمس مشرقة تتنقل من زهرة لزهرة وهى سعيدة وفرحانة ..وفجأة هبت رياح شديدة ولأن تيتى نحلة ضعيفة مقدرتش تقاوم الهوا الشديد وفضل الهوا يطوحها شمال ويمين وهى مش عارفة تطيرلحد مجرفها التيار بعيد بعيد ومحستش بنفسها الا بعد وقت كبير لأن الهوا رماها فى مكان عمرها مشفته ولا عرفته ..تيتى بعدت عن المنحل ورماها الهوا فى بلكونة من بلكونات العمارات العالية وفاقت وقالت لنفسها انا فين ..ايه اللى جبنى هنا
وهروح ازاى وبكت تيتى بحرقة وهى بتقول اروح لأمى ومنحل عمى ورد أزاى وبصت حواليها
- ايه الحاجات العالية دى وايه المكان الغريب ده بصت تيتى حوليها لقت أحواض صغيرة فيها ورد وزرع فوق سورالبلكونة فرحت وقالت ورد وزهور طارت تيتى من حوض لحوض وفجأة دخلت كورة البلكون وطفلين بيلعبوا واستخبت النحلة ورا وردة حمرا
- صافى شوطى
- ماشى يا ماندوا
- بقولك ايه احنا نلعب نلعب هو فيه حد شيفنا ولا واخد باله مننا بابا فى الشغل وماما كمان فى الشغل واحنا تايهين حتى الدادة مش واخدة بالها مننا .يعنى نلعب واول ما حد يجى ندارى الكورة ونمسك الكتب كأننا بنذاكر هو حد شايفنا .ايه ده ايه اللى بيزن ده ياخبر دى نحلة
- متخفوش ..متخفوش وطوا صوتكم انا تيتى اسمى تيتى ..انا اسفة غصب عنى سمعت كلامكم وحبيت انصحكم..تعرفوا يا اصدقائى انا نحلة صغيرة وضعيفة لكن مخى كبير وبفكر فى الأمور من كل الجهات زى ما ماما علمتنى تسمحولى اتدخل واتكلم معاكم بصراحة
- اتفضلى يا تيتى
- انتوا فكرتم فى نفسكم بس مفكرتوش ليه ماما وبابا مشغولين وعلشان مين ...طبعامشغولين علشانكم علشان تقدروا تاكلوا وتشربوا وتلبسوا وتتمتعوا وميحرمكوش من أى حاجة نفسكم فيها ..هما كمان تعبانين بسببكم يبقى جزأهم انكم تهملوا دروسكم وتلعبوا وتقولوا محدش شايفنا .لا طبعا ربنا شيفكم ومفيش حاجة بتستخبى عليه وف أخر السنة طبعا مش هتنجحوا وبابكم ومامتكم هيحزنوا وده شىء ميرضيش ربنا ولا يرضى اى حد فى الدنيا انتم معنتوش صغيرين ولازم تروحوا تشيلوا الكورة دى للأجازة ودلوقتى وقت المذاكرة وان شاء الله تلعبوا بيها وانتم فرحنين ومفرحين بابا وماما بنجحكم
- عندك حق يا تيتى انتى ساكنة فين؟
- انا تايهة العواصف والرياح رمونى هنا فى بلكونتكم
- الحمدلله انتى جيتى لنا فى الوقت المناسب
-طب هتروحى ازاى خليكى هنا معانا
-مش هينفع ..لازم ادور على خليتى واطمن ولدتى
- سؤال يا تيتى قبل ما تمشى
- اتفضل يا ماندوا
- انتى لسة صغيرة عرفتى الحاجات دى كلها ازاى
-انا مامتى ربنا يخليها علمتنى كل شىء وفهمتنى حاجات كتير عن الدنيا الواسعة واكيد نصايحها الحلوة دى هى اللى هتنفعنى فى غربتى دى..مش هوصيكم على والديكم
-فى عنينا يا تيتى ربنا يوصلك بالسلامة لأهلك
- استودعكم الله الذى لا تضيع عنده الودائع ..
رد: يوميات النحلة تيتى (1)
إظهار التوقيع
توقيع : غناة الروح
التوقيع لا يظهر للزوار ..
رد: يوميات النحلة تيتى (1)
إظهار التوقيع
توقيع : ريموووو
التوقيع لا يظهر للزوار ..
رد: يوميات النحلة تيتى (1)
إظهار التوقيع
توقيع : الملكة نفرتيتي
التوقيع لا يظهر للزوار ..
رد: يوميات النحلة تيتى (1)
جمييييييييييلة
تسلمى شكرا لك
تسلمى شكرا لك
إظهار التوقيع
توقيع : حسناء
التوقيع لا يظهر للزوار ..
رد: يوميات النحلة تيتى (1)
إظهار التوقيع
توقيع : جويريه
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| النحله الكسول قصة قصيرة النحله الكسول للاطفال | هبه شلبي | حواديت وقصص الاطفال | ||
| قصة النحلة للأطفال ، حكاية النحلة الكسولة للصغار ، قصة حلوة للأطفال | نَقاء الرُّوح | حواديت وقصص الاطفال | ||
| قصة النحلة الكسول للأطفال ,قصص حيوانات قبل النوم للأطفال | وغارت الحوراء | الارشيف والمواضيع المكررة | ||
| النحلة تيتى الحلقة الثالثة | ام سجى الليل | حواديت وقصص الاطفال | ||
| النحلة تيتى 2 | ام سجى الليل | حواديت وقصص الاطفال | ||
الساعة الآن 09:24 PM
جميع المشاركات تمثل وجهة نظر كاتبها وليس بالضرورة وجهة نظر الموقع