رد: عايزة أخس لكن انا ضعيفة
بصي انا كتبت تجربتي عشان انشرها هنا واساعد اللي محتاجين .
بس ماعرفتش عشان لسه مش عندي 20 مشاركه . حاكتبهالك هنا . اقريها يمكن تستفيدي
حاقولكم تجربتي مع الميزو اورال وحقن الحرق و حقن الميزو ثيرابي
ووالله حاحكيلكم اللي حصل معايا بالظبط
انا عملت كذا حاجه مع بعض
اخدت ميزواورال ( 16 يوم) وحقن حرق ( 4 مرات للاسف مش منتظمه فيها)و حقن ميزوثيرابي تخسيس موضعي للبطن و جزء من الضهر
بصو بأه انا مبدئيا كده ربنا اكرمني بناس معرفه قديمه من ييجي 12 سنه كده ماكنتش اعرف عنهم حاجه . وبالصدفه لقيتهم عالفيس بوك واتفاجئت انهم بيشتغلو في الحاجات . (عندهم توكيل يعني هم اللي بيدوه الحاجات دي للدكاتره) شفتو انا محظوظه ازاي
المهم هم كتر الف خيرهم قالولي ان عندهم حاجات حتساعدني عشان اخس لأن انا وزني مش كتير اوي يعني كنت 110 كيلو بس
المهم بأه انهم ادوني نقط كده اسمها ميزو اورال والله كنت اول مره اسمع عنها . وكمان ادوني امبول حقن كده 10 سم عرفت بعد كده ان دي حقن الحرق اللي بيقولو عليها
انا حاقول لكم الحاجات دي عملت معايا ايه بالظبط وبعدين حابقي اقولكم عاللي انا لقيته مكتوب عنهم عالنت واللي مكتوب في النشره الطبيه بتاعة الميزو اورال
اول حاجه الميزو اورال
بصي يا ستي ويا ستوتاتي . انا كانت مشكلة حياتي اني بحب الاكل جدا وباجوووووع . دلوقتي الاقي نفسي فيحاجه مملحه حاموت لو ماكلتهاش اقوم ادور واكل حاجه مملحه و قبل ماخلصها الاقي نفسي في حاجه مسكره وبعدين بعدها عايزه مسكر . تخيلو
كنت فعلا نفسيتي زفت من الكلام ده . دلوقتي بعد الميزو اورال باسبوعين اقسم لكم بالله انا بطلت اكل . اهم خاجه قالوهالي اشربي ميه كتير اوي. يعني كوبايتين ميه عالريق وميه طول مانتي بتاكلي . انا عن نفسي باخد كوبايتين ميه قبل الاكل حتي لو كانت تفاحه او نص شيكولاتايه ولا شوية ترمس . اي اكل قبله كوبايتين ميه
لأ الميه هي اللي بتاخد الدهون اللي بتنزل من الجسم وتخرجها عن طريق البول
نسيت اقول لكم ان الميزو اورال ده (الامريكي مش الاسباني) ازازه 30ملل بتاخدي 5 ملل في اليوم 2 ملل قبل الفطار و2 ملل قبل الغدا و1 ملل قبل العشا (انا مابقيتش اتعشي فماباخدش اخر ملل ,مع انهم قالولي لازم 5 ملل في اليوم حتي لو ماكلتيش .بس الافضل طبعا انك تاكلي.
عايزه اقولكم اني باخد 4 وجبات او5 (يعني اللي هو كل 3 ساعات بين الوجبات حاجه زي تفاحه او خياره او خوخايه او نص شيكولاتايه او مشمشتين او اللي انا عايزاه بس حاجه صغيره كده
هم قالولي ظبطي اكلك بس انا بأه لقيتني باقلله عالاخر والله العظيم لما باحس اني جعانه جدا باروح اشرب كوبايتين الميه عشان اكل حاجه بأه . تخيلوا باشبع من الميه والله والله والله
يعني مثلا محضره مشمشتين اكل واحده وخلاص . شفتو الجمال
المهم هم قالولي ان الميزو اورال بيعمل كذا حاجه
قالولي الميزو اورال هو نفسه الميزوثيرابي بس التاني بيتحقن موضعي لكن ده بيتاخد بالفم علي نص كوباية ميه ويشتغل عالدهون اللي في الجسم نفسها . ويخرجها عن طريق الميه اللي بتخرج من الجسم سواء عرق او بول او او
1 بيزود الحرق
2 بيسد النفسسسسسس ( ودي اهم حاجه لمستها بنفسي)
3بيقلل امتصاص النشويات في الاكل
4 بيوصل للدهون عن طريق الدم ويبدأ يكسرها ويفتتها وتخرج بأه زي ما قلت لكم
انا بدأت فيه من يوم 30 مايو وللأمانه قبلها بييجي اسبوع كنت بدأت انزل امشي شويه او في البيت كده . المهم انا وزنت امبارح لقيتني 102 وخسيت ولبسي اللي كان اتركن وبقيت البس عبايات بس والله بدأت البسه
دي تجربتي مع الميزواورال حبيبي
تاني حاجه حقن الحرق
بعيد عن كل اللي مكتوب عنها عالنت انا هاقوللكم هي عملت معايا لمسته بنفسي
انا قلت ان انا كنت بانزل امشي قبل ما ابدأ بحوالي اسبوع كده يعني كنت بانزل يوم ويوم ويوم ما اخدت حقنة الحرق دي كانت رابع او خامس مره انزل . بصو انا كنت بالف حوالين ملعب كده اللفه الواحده تيجي حوال محطتين او محطه ونص . اول مره نزلت لفيت 3 مرات وكنت حاموت وقصبة رجلي بأه بعيد عنكم موتتني (نسيت اقوللكم اني اللي تخني كده اني كنت قاعده تحت البطانيه الاربع اشهر بتوع الشتا عشان عندي التهاب في العضلات والمفاصل) يعني تعب قصبة رجلي ده كان مميت . ساعتها الدكتور المعرفه اللي جابلي الحاجات دي (هديه والله والله) قال لي لما تحسي رجلك وجعاكي اوي لقعدي ريحيها عشان ماتتقليش عليها اوي وتقعدي بيها خالص , فبقيت الف لفه بالعافيه واقعد دقيقتين واقوم اكمل.
المهم اول مره لفيت 3 وتاني مره كترت ل 5 وتالت مره 6 لفات ورابع مره 8 لفات وبعد كل لفه اقعد اريح . طبعا كنت باروح انام يومين من رجلي
خامس مره بأه اخدت قبلها الحقنه بتاعة الحرق( هي 10 سم بتتاخد 2 سم مرتين في الاسبوع ولازم تعملي بعدها مجهود نص ساعه يعني مشي جامد او جيم مثلا او طلوع سلم . حاجه كده)
المهم اخدتها ونزلت ( بتحرق موت مش عارفه عشان جوزي اللي بيديهالي وللا ايه)لفيت الاول لفتين وقعدت ريحت دقيقه وبعدين قمت مشيت لفه 2 3 4 5 6 11 12 13 لفه والله العظيم 13 لفه ومش حاسه بوجع رجلي ولا قعدت ريحت وماشيه لدرجة اني مش حاسه بأي تعب . اقسم بالله زي ما باقوللكم كده. بس بعد ماروحت حسيت اني طاقتي كلها خلصت كأني كنت باجري بس مش حاسه
طبعا فرحت جدا . وبعدين لما سألت الدكتور عالموضوع ده . قاللي ماهي الحقنه بتعلي طاقة الجسم جدا عشان تقدري تبذلي مجهود جامد فجسمك يحرق بالطريقه دي
تاني مره نزلت من غير ماخد الحقنه لأني بانزل يوم ويوم فلسه ماجاش معاد الحقنه. المهم نزلت ولفيت 11 لفه ولقيتني برضه مش حاسه بحاجه علي اخر لفه كده حسيت ان المشي مش عامل معايا حاجه رحت شديت شويه في المشي لحد مالقيتني باجري . والله والله والله . ا
انا اللي قصبة رجلي كانت بتموتني من الروماتيزم جريت مش حاسه بنفسي
وبعد ماريحت برضه حسيت اني حيغمي عليا لأني كنت نازله الساعه 6 الصبح وماكنتش فطرت
ودي حكايتي مع حقن الحرق
حانزل لكم صورهم وبعدين حاكتب لكم عالميزوثيرابي اللي اخدته
انا مش عارفه انزل لكم الصور بس حاحاول
دلوقتي حاقوللكم علي تجربتي مع حقن الميزوثيرابييييييي
بصو يا فتوكات يا قلبوظات زيي . طبعا مشكلة الميزوثيرابي انها غاليه , بس انا قلت لكم ان الناس دول مش عيادة دكتور. دول وكيل من اللي بيدي للدكاتره . يعني بسعر الجمله اللي بياخد بيه الدكتور . شفتو بأه ان ربنا حنين علينا برضه . انا اخدن منهم الميزو ثيرابي بالسعر اللي بياخد بيه الدكاتره
طبعا ده ساعدني اني اخد 5 حقن ميزو ثيرابي مره واحده في بطني
طبعا هو الاول قاللي انتي لازم تخسي الاول كويس عشان تاخدي ميزوثيرابي . بس انا بصراحه كنت عايزه حاجه تشجعني . يعني لما بالاقي نتيجه باحب احافظ عليها .
عايزه اقوللكم ان انا بطني كانت اعلي من صدري كبرت جدا والله . وكنت متعقده حتي العبايات ضاقت .
المهم واحده قريبتي كانت لسه واخده الحقنه دي في بطنها بقالها حوالي 10 ايام كده . هي مش تخينه . بطنها صغيره ,اخدت حقنتين . بصراحه شجعتني جدا عشان بطنها كانت بدأت تنزل فعلا .
المهم قررت واتوكلت علي الله ورحت اخدتها بقالي دلوقتي 18 يوم بالضبط
النتيجه ان بطني نزلت نصها . قولو ماشاء الله ولا حول ولا قوة الا بالله .
انا دلوقتي نزلت جبت هدوم . . بطني نزلت كتير الحمدلله , علي فكره هم قالولي ان الميزوثيرابي حتنزل مقاسات في الهدوم والمازوره , لكن مش حتنزل وزن محسوس. وده اللي حصل
وانا دلوقتي باستعد اخد جلسة حقن تاني , حاخد خمسه كمان في بطني وعايزه اخد في الافخاد كمان
وادعوالي بأه
انا تعبت في الموضوع جدا ويارب تكونو استفدتم
و نفسي اثبته
اي واحده عايزه تعرف الاسعار الخرافيه تسألني عالتليفون لأن انا مش باعرف ادخل عالخاص
حاكتب لكم الرقم واللي عايزه حاجيبلها الميزو اورال وحقن الحرق
واللي عايزه الميزو ثيرابي في امكانية حقن هناك في الشركه عنهم او حقن في المنزل .
عرفوني وانا حاتفق معاكم . ما خبيش عليكم انتم حتستفيدو وانا كمان حاستفيد
ماتنسوش ده سعر الجمله اللي بياخد بيه الدكاتره . واللي حيروح لهم المكتب حيشوف ويعرف
علي فكره المكتب في الهرم
والسعر مش حتصدقوه
رقمي 01147677178
حانشر الموضوع وبعدين حاحاول احطلكم الصور
عايزة أخس لكن انا ضعيفة
قد تكوني مهتمة بالمواضيع التالية ايضاً