الفراخ المشويه عالجريل

الفراخ المشويه هقولكوا طريقه فراخ مشويه حلوه اوي اوي ولو عملتيها مش هتعملي غيرها اولا تفضل ان تكون وراك فراخ قومي بغسلها جيدا وبعدين اسلقيها وانتي بتسلقيها حطي عليها كل توابلها الملح والفلفل والماجي وحبهان ولورا والخ وبعدين طلعيها وحطيها في مصفاه حتي تبرد حضري الخلطه والطعم كلوا في الخلطه وهي عباره عن بصله مبشورة وطماطمايه مبشورة وملح وفلفل وبهارات ونعناع وزعتر وقرفه

وبعدين امسكي ورك ورك وضعي الخلطه تحت الجلد وافتحي اللحم بايدك وضعي فيها خلطه كل انحاء الورك وبعدين حطيها في الثلاجه شويه ومتنسيش تشيلي شويه خلطه عشان تعصريها عالفراخ وهي بتتشوي ثم احضري الجريل او الشوايه وادهني اول مره ملعقه سمنه صغيرة علي الجريل عشان متلزقش اول مرة بس وحطي عليها الوراك وبعدين طول ماهي بتتشوي اعصري عليها الخلطه حتي تنضج وتعمل وش بالهنا والشفا