بسم الله الرحمن الرحيم
حلمت خير اللهم اجعله خير
انا مش فاكره اوله بس حلمت اننا فى شقتنا وكنت لوحدى وكنت فاتحه باب الشقه وفيه ناس ساكنين فى شقه تانيه قدامنا طلعت كل السجاد بره وكنت بنضف واحده منهم جت
تمسح قولتلها لالالالا لسه مش كنست حاجه هيتلم النمل بعدها هى مشيت وانا خلصت كنست ومسحت وماما جت فرشت وغيرت مكان كل حاجه بقى كل حاجه تقريبا فى
الصاله لدرجه انها حطت المكتبه ورا باب الشقه قولتلها طب وانا افرض عاوزه اخرج قالتلى ماتخرجى حركى المكتبه وروحى
خرجت روحت كوافير سألت عن مكياج وتسريحه ولو الفستان كذا يبقى التسريحه والميكب ايه والسعر وكده
فضلت الف على حاجات كتير اوى وبعدين بالليل شويه روحت كان فى ايدى زى بونبونى باكل منه قابلت فى الطريق قدام بيتنا اتنين صحابى كل واحده منهم ماشيه لوحدها
الاولانيه بقولها انتى رايحه تصلى الفجر فى الجامع ولا ايه قالتلى لا راحه اجيب مذكرات ورايا امتحان قولتلها ربنا معاكى قالتلى انتى فرحك على عبدالله النهارده ولا ايه قولتلها لا
بكره وقولتلها دعواتك بقى لحسن اليوم ده انا قلبى ابتدى يخاف منه مع انى مستنياه من زمان ضحكت وقالتلى يابنتى كله بيعدى ومبروك الفرح وسابتنى ومشيت والتانيه قولتلها
نفس الكلام مش عارفه بقى هى دعت ولا قالتلى هيعدى متقلقيش مش فاكره قولتلها ايه وبعدين قولتلها اتفضلى معايا قالتلى شكرا ياختى
وبس دخلت البيت لاقيت بابا بيقوللى فضلتى تقولى على اللى ناقصك هشتريه النهارده اديكى مش اشتريتى حاجه قولتله ربنا يسهل هجيبه
وقعدت افكر معايا كام فلوس اجيب الفستان والكوافير واظبط اليوم د ازاى وقولت الفستان هبقى اخد فلوسه منه وبس صحيت
الحلم كان بعد الفجر كنت بستغفر لغايه ما نمت
انا 24 سنه انسه مش مخطوبه
عبدالله اسم الشخص اللى مرتبطه بيه بس بينا مشاكل الفتره دى مبنتكلمش
تحضير لفرح ؟
قد تكوني مهتمة بالمواضيع التالية ايضاً