أو

الدخول بواسطة حسابك بمواقع التواصل

#1

2131 1168506062 حدوتة الولد مازن الى السوسة كل يوم بتدخل تشوف اسنانه

كان ياما كان ياسعد يااكرام
فى سالف العصر والاوان ولا يحلى الكلام
الا بذكر النبى عليه الصلاة والسلام

كان فيه ولد جميييل ومؤدب وشطور خالص خالص اسمه مازن

مازن ده كان دايما بيسمع كلام مامته ومبيزعلهاش ابدا ابدا الا فى حاجه واحده بس :::

ايه ياترىىىىىىى؟


مازن كان لا يغسل اسنانه قبل النوم

اووووه ياخبر ابييييييض
معقووووووووول

اه والله تصوروا

كان بياكل الشيوكلاته والساندوتشات والحلويات ويتعشى ويدخل ينام كده من غير ما يغسل سنانه

وماما تفضل تندهله وتقوله يامازن يامازن تعالى عشان نغسل اسناننا
يقوللها: لا ياماما انا اسنانى نضيفه مش هاجى

ماما تقوله لازم تيجى اسنانك عليها اكل من اللى ا كلته من شويه

يقوللها لا ياماما مش عايز اغسل اسنانى

ويدخل يجرى بسرعه على السرير
تؤ تؤ تؤ
ينفع كده يامازن!!






وفى يوم ماما راحت قعدت حانبه على السرير
وقالت له:
انت عارف يامازن انك كل يوم لما بتنام وتغمض عينيك السوسه المسوسه اللى لونها اسود بتيجى تشوف بقك واسنانك نضيفه ولا لا؟

مازن قاللها: سوسه ؟ سوسة ايه ياماما؟

ماما قالتله : يامازن فيه سوسه كل يوم بتيجىلنا بليل تشوف اسناننا نضيفه ولا لا لو لقيت اسنانا نضيفه بتمشى علا طول وتسيبنا ولو لقيتها عليها اكل ومش نضيفه بتفضل طول الليل تاكل فى سناننا لحد ما تخلى اسناننا سودا وضعيفه وبعد كده لما نيجى ناكل حاجه نلاقى اسنانا اتكسرت ومعدش يبقى عندنا اسنان


مازن قال لماما ياخبررررررر

معدش يبقى عندى اسنان امال اكل ازاى الاكل اللى انا بحبه ياماما


ماما قالتله " معنتش هتعرف تاكل الاكل اللى انت بتحبه يامازن لو اسنانك وقعت


وهيبقى بقك فاضى ومفيهوش سنان وكل اصحابك الشاطرين اللى بينضفوا اسنانهم هيبقى عندهم اسنان وانت لا وهما هياكلوا كل حاجه وانت لا

ده كمان يامازن لما السوسه تاكل سنانك سنانك هتوجعك وهتقعد تصرخ وتقول اه اه اه ياسنانى مش قادر بقى بيوجعنى وهتقعد تعيط من اسنانك اللى بتوجعك


مازن خاف اوى وقال لمامته ايه ده ياما بجد معدش هيبقى عندى اسنان لو انا نغسلتش اسنانى

ماما قالتله ها قلت ايه يامازن تقوم دلوقتى تغسل سنانك ولا تنام وتستنا السوسه تيجى لك عشان تاكل
اصل السوسه جعانه ومبتخليش


مازن قال لماما : لالا

انا هقوم حالا اهو اغسل اسنانى يالا ياما خدينى على الحمام عشان تغسلى لى اسنانى

ماما فرحت اوىىىىىىىى وضحكت لمازن وقالتله انت كده هتخلى السوسه تتغاظ وتزعل لما تيجى بقك بليل وتلاقيه نضيف ومتلاقيش حاجه تاكلها


مازن قال لماما هى ياماما السوسه دى هتفضل تيجى لى كده علا طول حتى وانا بنضف اسنانى

ماما قالتله : السوسه متعوده تيجى لك لانك كان بقك مش نضيف واسنانك عليها اكل بس لما تلاقيك كل يوم بتغسل اسنانك واسنانك بقت نضيفه ومعدش فيه حاجه تاكلها هتمشى من عندك وتروح تدور على اسنان تانيه وبق تانى مش نضيف عشان تاكل ماهو مش معقول هتفضل جعانه


مازن فرح اوىىىىىىى
 وقال هييييه

 يعنى لما انضف سنانى السوسه هتمشى من عنددى ومعدتش هتيجى لى
هييييييييييييه

ماما قالتلهايوه طبعالكن خاللى بالكلو يوم نمت ومغسلتش اسنانك السوسه هتعرف وهتيجى لك تانى


مازن قال لماما لالا ياماما خلاص انا كل يوم هغسل اسنانى قبل ما انام والسوسه المسوسه دى بقا تروح تشوف لها حد غيرى


 ماما فرحت اوى وقالت له شاطر ياميزو ياحبيبى

 دلوقتى تقدر تنام وانت بقك نضيف ومطمن

يلا ياحبيبى غمض عينيك وهات لماما بوسه غسلنا سنانا والسوسه من مازن مفروسه

وتوته توته خلصت الحدوته



إظهار التوقيع
توقيع : منة الله احمد
#2

افتراضي رد: حدوتة الولد مازن الى السوسة كل يوم بتدخل تشوف اسنانه

رد: حدوتة الولد مازن الى السوسة كل يوم بتدخل تشوف اسنانه
#3

افتراضي رد: حدوتة الولد مازن الى السوسة كل يوم بتدخل تشوف اسنانه

ههههههههه
فكرتينى بأبلة فضيلة
تسلمى يا عسل
إظهار التوقيع
توقيع : ام سلمة
#4

افتراضي رد: حدوتة الولد مازن الى السوسة كل يوم بتدخل تشوف اسنانه

شكرا يا روحي
إظهار التوقيع
توقيع : مريم ملوكة
#5

افتراضي رد: حدوتة الولد مازن الى السوسة كل يوم بتدخل تشوف اسنانه

رد: حدوتة الولد مازن الى السوسة كل يوم بتدخل تشوف اسنانه
إظهار التوقيع
توقيع : الملكة نفرتيتي


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة واقعية جديدة ماتت مازن الضحية في مجتمع لا يرحم angl lina حواديت وقصص الاطفال
[قصص خيالية] ×مـعـانـاه وحـب مـسـتـحـيـل× لَّيٌّلَّ قصص - حكايات - روايات
اغنية من تأليفى لاحلى اخ واجمل اخ ليا ( مازن ) منة الله احمد أقلام عدلات الذهبية
ذكاء العيال زهره التحرير فرفشة عدلات


الساعة الآن 12:25 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل