الفرخه مشمشه , ام هدوم مكشكشه قصص أطفال
كان ياما كان كان فيه فرخه شاطره ونضيفه اسمها الفرخه مشمشه
كانت نضيفه وشاطره كل يوم الصبح تصحي من النوم تستحمي وتسرح شعرهاوتلبس فستانها الجديد وتقص ضوافرها وتخرج تتفسح في الجنينهوتاكل الحبوب
وهي بتغني وتقول
كاك)وبتفضل تلعبوتغني في الجنينه بس كانت متعوده تحط في جبها علي طول مشط عاشان ولو شعرهااتنعكش تسرحوا علي طول وتحط معاه مقص علشان تقص ضوافرها علي طول وتحط برضهخيط وابره علشان لو فستانها اتقطع وهي ماشيه تخيطوا علي طولوفي يوم من الايام وهي ماشيه تغني وفرحانه شافت مين من بعيد
يا خبر ده التعلب تعلوبتعمل ايه ياربي
الفرخه مشمشه فضلتتجري تجري تجري والتعلب يجري وراها لغايه لما قرب منها وخلاص هيمسكها كانتقربت من بيتها قامت نطه جامد وفتح الباب بسرعه ودخله بسرعه وقفله الباببالترباس من جوه وجرت قفلت الشباك كمان وقعدت تتنهد :
فجاه سمعت التعلب تعلوب بيقولها بصوت عالي من بره ايه:مالك يا فرخه يا مشمشه بتجري ليه
قالتله: علشان انت عايز تاكلني
قالهل: لا ابدا ده انا بحبك وجاي علشان عايز العب معاكي
قالتله: انت كداب
قالها:طب اقولك قماره
قالتله قول
قالها:انتي بتحبي الموز
قالته :بحبه قوي
قالها :انا عارف مكان جنينة موز كبيييييره قويوفيها موز كتير تحبي تيجي معايا نلعب هناك وناكل موز مع بعض
طبعا التعلب تعلوب بيضحك عليها:i مش عايزها تلعب معاه ولا حاجه ده عاوز يكلهابس الفرخه مشمشه ذكيه وشاطره قالته ايه بقي
قالتله :خلاص ماشي موافقه هي فين
قالها: انت عارفه حديقة الحيوان
قالتله:اه
قالها:انتي هتمشي جنبها وبعين تحودي تاني شارع علي اليمين وتمشي طوالي هتلاقيها في اخر الشارع علي ايدك الشمال
قالتله:طيب وهنروح امتي
قالها :بكره
قالتله ماشي الساعه كام
قالها: الساعه 6 المغرب
قالتله ماشي انا هستناك اوعي تنسي الساعه 6 هستناك وهكون جاهزه علشان نمشي علي طول
التعلب تعلوب فرح ومشي وهايجي بكره بقي
والفرخهمشمشه دخلت جهزت فستانها وحاجتها وجهزت شنطه كبيره وعجلت السوق كمان علشانتملاها موز ودخلت تنام علشان تقوم من النوم نشيطه وبدري وبعدين
ايه حصللل
جات الفرخه مشمشه تاني يوم قامت بدري وجات الساعه خمسه جهزت نفسها واخدت الشنطه الكبيره وعجلة السوق وراحت زي ما التعلب تعلوب قالها وفعلا لقت جنينه كبيره وفيها موز كتييييييييير فرحت قوي وقعدت تاكل وتقطف الموز كتير لغاية لما ملت الشنطه المبيره وعجلة السوق وشبعت خااااااااااالص واخدت الحاجه وروحت جري ابيت وقفلت علي نفسها الباب كويس قبل ما التعلب تعلوب ييجي
الساعه 6 جات
ايه حصل
التعلب تعلوب جه وضرب الجرس نااااااااااادي وقال ييييييييييا فرخه مشمشه
قالتله:نعم
قالها :انا جيت انتي جاهزه
قامت الفرخه مشمشه اكلت صابع موز بسرعه واخدت القشره بتاعتها وفتحت الشباك براحه وهوووووووب حدفتها وجات في راس تعلوب
قالها:اخ أي ده انتي جبتي موز قالتله اه انا رحت بدري وجيت خلاص انا مش هاجي معاك
قالها :كده انا زعلان طيب اقولك حاجه تانيه انتي بتحبي المانجه
قالتله :طبعا جدا
قالها: اقولك علي مكان جنينة مانجه حلوه قوي
قالتله :فين
: قالها: انتي عارفه نادي الشباب بعده بشارعين تمشي شويه وبعين تحودي هتلاقي الجنينه قدامك أي رايك
قالت :موافقه نروح الساعه كام
قالها :الساعه 5 بالضبط انا هجيلك هنا اوعي تمشي
قالتله ماشي هستناك
ات الفرخه مشمشه تاني يوم من بدري من الساعه 4 اخدت الشنطه الكبيره والعجله وراحت الجنينه واكلت وملت الشنطه والعجله وروحت بسرعه قبل ما التعلب تعلوب يجي
الساعه 5 مين جه التعلب تعلوب
ضرب الجرس ونادي يا فرخه مشمشه
قالتله:نعم
قالها :انا جيت انتي جاهزه
قامت الفرخه مشمشه اكلت مانجايه بسرعه واخدت البزره بتاعتها وفتحت الشباك براحه وهوووووووب حدفتها وجات في وش تعلوب
قالها:اخ أي ده انتي جبتي مانجه ازاي
قالتله اه انا رحت بدري وجيت خلاص انا مش هاجي معاك
قالها :كده انا زعلان طيب اقولك حاجه تانيه انتي بتحبي البرتقال
قالتله :بحبه جدا جدا
قالها: اقولك علي مكان جنينة برتقال حلوه قوي وكبيره وفيها برتقال كبير وكتير
قالتله :فين قولي بسرعه
: قالها: انتي عارفه نادي المدرسه بعدها تمشي شويه وبعين تحودي يمين في شمال هتلاقي الجنينه قدامك أي رايك تيجي معايا
قالت :موافقه نروح الساعه كام
قالها :الساعه 4 بالضبط انا هجيلك هنا اوعي تمشي
قالتله ماشي هستناك
بس التعلب تعلوب كان عارف انها بتضحك عليه وعرف انها ناويه تروح بدري جه تاني يوم وراح الجنينه هناك يستناها من الساعه 2 ونص
جات الفرخه مشمشه تاني يوم من بدري من الساعه 3 اخدت الشنطه الكبيره والعجله وراحت الجنينه
لكن يا خبر ايه ده
لقت التعلب تعلوب جاي يجري عليها
نطت الفرخه مشمشه نطه كبيره قويييييييي وطلعت فوق شجرة برتقال
قالها التعلب تعلوب ليه كده ده انا كنت فرحان انك جيتي وجاي علشان العب معالكي كان بيضحك عليها طبعا بس الفرخه مشمشه ذكيه وفاهمه
مسكت الفرخه مشمشيه برتقاله ورمتها بعيييييييد وقالت للتعلب تعلوب لو عايزني انزل العب معاك روح هات البرتقاله دي
جري العلب تعلوب علشان يجيب البرتقاله ويجري ويجري
وساعتها الفرخه نزلت من علي الشجره وجرت الناحيه التانيه علشان تروح البيت
وقعدت تجري وتجري بس يا خبر تعلوب شافها
رجع يجري وراها الفرخه مشمشه تجري وتعلوب يجري وراها ونطت جري ودخلت البيت بسرعه وقفلت الباب كويس
والشباك وقعدت تقول الحمد لله
وفجاه سمعت تعلوب بيقولها من بره:انتي جريتي ليه ده اناجاي علشان العب معالكي
قالتله:انت كداب
قالها :طب اقولك قماره انتي بتحبي التفاح
قالت :طبعا بحبه
قالها: اقولك علي مكان جنينة تفاح حلوه قوي وكبيره
قالتله :فين قولي بسرعه انت شوقتني
: قالها: انتي عارفه نادي المستشفي وراها بشارع واحد هتلاقي الجنينه قدامك أي رايك تيجي معايا
قالت :موافقه نروح الساعه كام
قالها :الساعه 3 بالضبط انا هجيلك هنا اوعي تمشي
قالتله :ماشي هستناك
بس التعلب تعلوب كان عارف انها بتضحك عليه عمل ايه المره دي
فضل مستنيها لغاية تاني يوم ومستخب جنب الباب بتاع بتها من بره
ات الفرخه مشمشه تاني يوم من بدري من الساعه واحه ونص زي كل يوم قامت استحمت ولبست فستنها وسرحت شعره و اخدت الشنطه الكبيره والعجله وراحت علشان تروح الجنينه
كن يا خبر ايه ده التعلب تعلوب فجاه مسكها وحطها في شوال قماش واخدتها وماشي بيها رايح لمامته علشان يتغدوا بيها وفضل ماشي ماشي ماشي وشايل الشوال اللي فيه الفرخه مشمشه علي ظهره
عملت ايه الفرخه مشمشه الشاطره
تعب تعلوب قوي من كتر المشي والحر
فقعد تحت شجره في الضل يستريح شويا
من كتر التعب راح تعلوب في النوم وفضل نايم
الفرخه مشمشيه سمعت صوته وهو نايم طبعا احنا عارفين انا نضيفه ودايما حاطه في جبها مقص وخيط وابره ومشط
طلعت الفرخه مشمشيه المقص وقطعت الشوال براحه
وخرجت براحه من غير صوت وفضلت ماشيه براحه براحه براحه
وجابت حجر كبير وحطته مكانها في الشوال وبسرعه بسرعه بسرعه خيطت الشوال
ومشت من غير ما تعلوب يحس وروحت البيت وقفلت علي نفسها كويس وقعدت جوه
صحي تعلوب من النوم مش فايق وبسرعه اشتال الشوال وروح لمامته
وهو فرحان ويقولها جبتلك الفرخه مشمشيه
قالتله اخيرا ده انا نفسي اكلها من زمان
وسخنت امه زيت قوي وفتحت الشوال بسرعه وحطت الطوبه في الزيت
بس ايه حصل
الطوبه نزلت في الزيت طرطش علي امه جامد وماتت احسن علشان كانت عايزه تاكل الفرخه مشمشه
راح التعلب تعلوب للفرخه مشمشه
وقالها :كده تضحكي عليا
قالتله انتي عاوز تاكلني
قالها:اه
قالتله خلاص ماشي تعالي بكره الصبح الساعه 10 هتلاقي سلم جنب البيت بتاعي اطلع عليه واطلع فوق السطح بتاعي هتلاقي فتحه انزل منها وتعالي كلني
جه التعلب تعلوب تاني يوم لقي السلم اخدته بسرعه وطلع فوق السطح ايه ده دي الفتحه بجد اهي نزل فيها بسره
بس يا خبر
كانت الفرخه مشمشه حاطه تحت الفاتحه حله كبيره فيها مايه كتيره وحطي تحتها بوتاجاز ومولعه علي الاخر
نزل تعلوب في المايه اللي بتغلي ومات
واخيرا خلصت الفرخه مشمشه من تعلوب الوحش المكار
ورجعت زيزمان تاني
كل يوم الصبح تصحي من النوم تستحميوتسرح شعرها وتلبس فستانها الجديد وتقص ضوافرها وتخرج تتفسح في الجنينهوتاكل الحبوب وهي بتغني وتقول
(كاك كاك كك كاك انا الفرخه مشمشه ام هدوم مكشكه كاك كاك كك كاك)
وتوته توته خلصت الحدوته حلوه ولا ملتوته وكل واحده عليها حدوته
إظهار التوقيع
توقيع : حياه الروح 5
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
إظهار التوقيع
توقيع : مصريه شقيه
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
إظهار التوقيع
توقيع : هبه شلبي
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
إظهار التوقيع
توقيع : صمت الورود
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
إظهار التوقيع
توقيع : ام الاء وبيان2
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
إظهار التوقيع
توقيع : جويريه
التوقيع لا يظهر للزوار ..
رد: الفرخه مشمشه , ام هدوم مكشكشه قصص أطفال
رد: الفرخه مشمشه , ام هدوم مكشكشه قصص أطفال
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| تعرف على قصص العرب ونوادرهم وطرائفهم وحكمهم مع كتاب قصص العرب | ♥semsema♥ | مكتبة عدلات | ||
| قصص للاطفال 2025 - قصص قصيرة للاطفال - قصص لتعليم الاطفال - قصص جديدة للاطفال | منة الله احمد | حواديت وقصص الاطفال | ||
| قصص للاطفال، من قصص النبي سليمان مع النمل للحوريات بس قصص للاطفال، من | ام البنوتات | قصص - حكايات - روايات | ||
| صور غرف نوم أطفال تحفة . غرف نوم أطفال أكثر من رائعة . صور غرف نوم أطفال رقيقة | τнє τɪмє σf sυиsєτ | غرف نوم 2022 | ||
| مجموعه من قصص ألأطفال الكرتونيه بالصوت والصوره ,قصص أطفال حكايات زمان | حياه الروح 5 | حواديت وقصص الاطفال | ||
الساعة الآن 04:10 PM
جميع المشاركات تمثل وجهة نظر كاتبها وليس بالضرورة وجهة نظر الموقع