هامبورجر بفول الصويا للعدولات

هامبورجر بفول الصويا طريقة الهامبورجر بفول الصويا
هامبورجر بفول الصويا طريقة الهامبورجر بفول الصويا
هامبورجر بفول الصويا طريقة الهامبورجر بفول الصويا

صباحكم / مساكم فل يا عدولاتي

النهارده جايبالكم وصفة حلوة وسهلة وموفرة وكلنا بنحبها وخصوصاً اطفالنا الهامبورجر بفول الصويا ومعاكم طبعا بالمقادير والطريقة وبالتصوير الممل يالا يا قمرات

2/1 كيلو لحمة مفرومة
4/1 كيلو فول صويا
بصلة كبيرة
ملح / فلفل / بهار هامبورجر
ثوم بودر/ بصل بودر /

نبدأ بسم الله
نجيب فول الصويا وننقيه كويس ونغسله وننقعه في ميه سخنة انا بنقعه من بالليل لتاني يوم الصبح

وبعدين نفركه بأيدينا وبشيل القشر اللي بيطلع علي وش الميه وابدأ اصفيه

هنا بصلة كبيرة مقطعة ودى اللي حفرمها معاه

وهنا بقي الفول مع البصل والبهارات بعد اول دور

وده تاني دور بعد اضافة اللحمة وفرمتهم مرتين ثلاثة مع بعض لحد ما يبقوا ناعمين جداً




زى ما هو واضح في الصورة انا وزنته كان كيلو جرام

بعدين افرد شوية شوية بالنشابة

وعندى القطاعة دى المدورة هو ده الحجم اللي انا عايزاه لو مفيش قطاعة ممكن اقطع بكوب

واحرك القطاعة بحركة دائرية علشان القطعة تبقي مفصولة كده ومتجمعة

اجيب اكياس ثلاجة وافتح الكيس من الجناب علشان يكون طويل وبعدين اقصه من النص بيبقي عندى شريطين طوال

وابدأ احط الكيس وواحدة هامبورجر وهكذا لحد ما اخلص الكمية

الكمية دى عملت 18 قطعة

انا قسمت كل 6 لوحدهم وفي كيس نفتحة جامد ونتنيه ونحط الهامبورجر وبعدين نفرد الكيس ونلفه

وبألف هنا وشفا يا عدولاتي