كيك الجزر من مطبخي لعدولاتي

صباحكم / مساكم فل يا عدولاتي
النهارده جايبلكم طريقة عمل كيك الجزر سهلة ومفيدة وحلوة جداً والاطفال والكبار بيحبوها الكيك ده انا عرفتهولي عمة اولادى كانوا وهما صغيرين بيرفضوا الخضروات وخصوصاً الجزر فقالت لي اعمل الجزر كيك وبصراحة الولاد حبوها جداً وبقوا ياكلوا الجزر في الكيك زى بعضه اي حاجة المهم انهم ياكلوا.


2 كوب دقيق
2 كوب جزر مبشور
2 بيضة
1 /2 كوب زيت
3 /4 كوب سكر
ملعقة قرفة كبيرة




فانيليا وبيكنج


اولا اضرب الزيت والسكر حتي يذوب السكر خالص

وبعدين اضيف البيض والفانيليا ونضربهم كويس
ثم نضيف الجزر والقرفة ( ملحوظة انا هنا غيرت رأى في الاخر وشيلت القرفة ) علشان كنت عايزة لونها فاتح
وبعد كده اضيف الدقيق والبيكنج وده شكلها

وحطيتها في الفرن

وده شكلها لما طلعت

انا كنت اليوم اللي قبلها عاملة كيك العسل الاسود والشاتوه وبالتالي بصراحة مكانش ليها مكان عندى وكنت عملاها علشان اشيلها في الفريزر تكون تحت ايدى
وقت ما بحتاجها بطلعها قبلها بنصف ساعة بتكون طازة كأنها لسه معمولة
هنا هنقطعها ونشيلها في الاكياس بالشكل ده


يا رب تعجبكم وبألف هنا وشفا