اريد طريقة عمل الجندوفلى

بصي يا قمراية انا بعمله بطريقتين والاتنين حلوين بس واحدة بيكون فيها شوية شوربة والتانية لاء

الطريقة الاولي
اهم حاجة في الجندوفلي انه يتغسل كويس علشان بيكون جواه رملة
تحطيه في طبق عميق وتفتحي عليه المية وتحركي فيه
وبعدين تنشيليه من الطبق وتحطية في مصفة
حتلاقي الطبق فيه رمل
وتكررى العملية دى اكتر من مرة لحد ما تلاقي الطبق مش فيه رمل
بعد كده بحطه في حلة وعليه بصلة متقطعة وفصين ثوم وكرفس وملح وكمون
فيه بيحطوا بقدونس كمان وكسبرة زى ما تحبي
وكوبين من الماء وتقلبيه بعد 5 دقائق انا مش يقلبه بملعقة انا بهز الحلة
علشان ما يقعش الجندوفلي كله من قشرتة
وتسيبيه حوالي 20 دقسقة بتلاقيه اتفتح كله
اللي ما تفتحش ارميها لانها بايظة ولو فتحتيها حتلاقي جواها رملة
وفيه بيحبوا الشوربة بتاعته اعصري عليها ليمونة وبالهنا والشفا
وبألف هنا وشفا