انا مخنوقة جدا والله

ربنا يصلح الحال
بس اسمعى منى
كتر الزعل بيقطع عروق المحبه
وبيجفى القلوب حاولو تفهمو بعض
وتوصلو لحل يريحكو انتو الاتنين
قبل فوات الاوان وتندمى زى ما غيرك ندم
وتلاقى نفسك بالتدريج الحب جواكى بيقل وقلبك بيقسى
بس نصيحه صغيره لو تتقبليها من اختك
بصى حاولى تقللوا الكلام لو بتتكلموا كتير فون او نت حتى لو هو مسافر
هتلاقى نفسكوا بتوحشوا بعض وساعه ماتتكلموا هاتنسوا الخناق وهاتبقوا عايزين تستغلوا وقتكوا فى كلام كويس مش خناق ونكد
واخيرا تقبلى كلامى وربنا يعملك اللى فيه الخير
وربنا يبعد عنكم الشيطان يارب ويصلح حالك يارب

بصى حببتى انتى ممكن تشوفى سبب للتغيير دة ممكن يكون عندة مشكلة فى شغلة او البيت ممكن انتى تحاولى تعرفى منة بالراحة اية سبب العصبية وتتفاهمى معاة بالراحة بس هو اكيد بيحبك عشان انتى بتقولى كان اما بتعيطى كان بيزعل على زعلك بس اكيد فى حاجة مغيراة بس الحب موجود ولو عايزة تعرفى هو بيحبك ولا لاء متكليموهوش لمدة يومين وقولى لاهلك لو سال يقولو تعبانة واعرفى انة لو ملهوف عليكى هيجى يطمن ولو مكبر دماغة هيبان باردو وربنا يهدى الحال

الفترة دى انا عديت عليها انا وجوزى ودى ظروف حياه اصل عمرك متلاقى حد على طول سعيد او على طول حزين شوية كدة وشوية كدة اهم شئ بين اى زوجين التفاهم اقعدى معاه ولما يكون متعصب اهدى انتى متعصب اوى اسكتى بس اوعى تسبيه وتمشى ولما يهدى كلميه وخلى بالك متعيطيش كتير قدامه ممكن يكون خاف انك تكونى نكدية او عياطة كتير مبتعرفيش تتكلمى كله عياط عياط الراجل مش عاوز كدة عامة الرجالة مبتحبش اى حاجة كتيرة مرة دلع مرة عياط مرة مناقشة وفرقى بين كل مرة ومرة على حسب عصبيته والموقف والمكان اللى انتو فيه اصل دة هيبقى جوزك مش حد غريب عنك وشوفى من دلوقت انتى بتحبيه وتقدرى تستحملى عصبيته وطريقته فى تاعامل ولا لا؟ ربنا يهديكم وتعدوا المرحلة دى على خير ومتنسيش تعزمينا على الفرح ربنا يسعدك ياقمر