لو دة خطيبك هتعملي اية ؟!

هي : المفروض – بما أن عندك إحساس يعنى – إني لما

أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانزي وغطاه .

هي : موش قلت عاوزة كانزي ..

كوووفاايهـ إزازة موية ساقعة .

هو : تيب لو هاتجيبى اعزمينى معاكِ .

هي : يابنى أنت موش بتحس خالص ،

وبعدين بئالنا 3 ساعات ماشيين ،
أنت موش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
.

هو : في الحر دا .. موش ينفع .

هي : بلاش دى .. نأخد مركب ع الكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن دا رخيص .





هو : إنتى تضمني منين إن الراجل غاسل إيده

وغاسل الترمس

.
هي : أعوذ بالله .. إنت مقفلها كوووداا ليه ؟؟

هو : بصراحة موش معايا فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كوووداا

ف الفلوس خلصت

هي : بنت حلوه ؟؟!! وبتقولها في وشى .

هو : أكذب عليك يحنى .

هي : لأ .. تحرق دمى أحسن .

هو : أنا موش شامم ريحه شياط يحني .

هي : يخرب بيت البرود .

هو : برود إيه ؟؟ ماهو الجو مولع أهوو .

هي: إنت اللي بارد .

هو : بارد إزاى !! دا أنا بشُر عرق .

هي : بقولك إيه .. روحنى .

هو : أروحك ؟! هو إنتى موش تعرفي تروحي لوحدك .

هي : آآآآه .. تيب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كوووداا كتير .

هو : كتير إيه ؟؟

هي : إرحمنى .. واضح إن الحر بييجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كوووماان .

هو : تيب استني لما نوصل آخر الشارع .

هي : اشمعنى ؟؟

هو : أصل أنا ساكن هووونااك .. و موش يرضيكِ أروح لوحدى .

هي : يحني اروح ارمي نفسي ف البحر

هو : ينفع كوووداا ؟ يحني ترمي نفسك في البحر

تيب مين هايوصلني ؟؟؟