أو

الدخول بواسطة حسابك بمواقع التواصل

#1

Dp14 لجمالك سبع حاجات تاخدى بالك منها

كل بنت بتهتم جدًّا إنها تحافظ على جمالها وصحة بشرتها، وإنها تظهر دايما بشكل متميز ومتألق..

لكن المشكلة إن في رحلتك للوصول لأفضل طلّة؛ ممكن تعملي أخطاء وإنتِ مش واخدة بالك، توصّلك في النهاية لنتيجة غير اللي إنتِ متوقعاها..

والنهارده هنتكلم عن بعض الأخطاء الشائعة اللي بنات كتير بتعملها، لكن خبراء التجميل بيأكدوا إن نتيجتها بتكون عكس المتوقّع..

1- وضع كريم الأساس على البشرة قبل جفاف كريم الترطيب
كل خبراء التجميل بينصحوا دايمًا باستخدام كريم مرطب على البشرة قبل توزيع كريم الأساس، لكن الغلطة اللي بتقع فيها معظم البنات إنهم بيستعجلوا ويبدؤوا يوزعوا كريم الأساس قبل ما كريم الترطيب يجف تماما؛ والنتيجة بتكون إن كريم الأساس مش بيمتزج كويس مع البشرة وده اللي بيخليه يجيّر على البشرة، وكمان بيقلل من ثبات الماكياج على بشرتك.

والأفضل.. إنك تستني لغاية ما بشرتك تتشرب الكريم المرطب تماما، وبعد كده تبدئي توزعي كريم الأساس، وطبعا يُفضل إنك تختاري كريم ترطيب خفيف علشان البشرة تمتصه بسهولة، ولو كنتِ مستعجلة ومش هتقدري تستني كريم الترطيب لغاية ما ينشف، فممكن تستخدمي منديل وتربّتي به على بشرتك؛ علشان يمتص الكريم الزائد على البشرة.



يفضل إنك تحطي رشّات خفيفة من البرفان اللي بتستخدميه على البشرة مباشرة

2- استخدام العطور على الملابس
مشكلة العطور إنها بتعمل بقع على القماش، بالإضافة إلى أن نسيج الأقمشة ممكن يؤثر على رائحة العطر اللي بتستخدميه، والغلط اللي بنقع فيه إننا بنستخدم العطور على الملابس.

والأفضل.. إنك تحطي رشّات خفيفة من البرفان اللي بتستخدميه على البشرة مباشرة، وخاصة في مناطق النبض؛ زي المنطقة خلف الأذنين، والرسغين، والرقبة، بس أهم حاجة إنك ما تحطيش على الأماكن اللي بتتعرض لأشعة الشمس.

3- استخدام البلسم على جذور الشعر
أغلب البنات لما بتيجي تستخدم البسلم بتوزعه زي الشامبو على كل أجزاء الشعر، بداية من الجذور وحتى الأطراف، لكن الشعر عند الجذور بيكون جديد وصحي أكتر، وكل ما بنبعد عن الجذور بيكون الشعر ضعيف ومجهد.

علشان كده خبراء التجميل بينصحوا باستخدام البلسم بعيدًا عن جذور الشعر؛ لأن استخدامه على الجذور بيتسبب في تساقط الشعر، بالإضافة إلى إنه إهدار للمنتج اللي بتستخدميه؛ لأن زي ما قلنا إن الشعر عند الجذور بيكون صحي ومش محتاج لأي مستحضرات تجميلية.

والأفضل.. إنك تبدئي توزيع البلسم من عند منطقة الأذن، ولغاية أطراف الشعر، والطريقة دي هتخلي شعرك يبان أتقل.



المشكلة إن بنات كتير بتعتقد إنها لما تستخدم كريم العين هتعالج مشكلة انتفاخ العين






4- الاهتمام بالوجه وإهمال منطقة الرقبة
معظمنا بيتوقف اهتمامه بالبشرة عند الذقن، وبينسوا تماما منطقة الرقبة، على الرغم من إن البشرة في منطقة الرقبة بتكون حساسة أكتر من بشرة الوجه، وأكثر عرضة للتجاعيد وظهور البقع.

والأفضل.. إنك تهتمي بمنطقة الرقبة زي ما بتهتمي ببشرة وجهك، يعني لما تستخدمي الصن بلوك لازم توزعيه كمان على رقبتك، وكمان أي ماسكات تعمليها لازم تهتمي إنك تحطي منها على رقبتك، علشان ما تلاقيش في النهاية إن عندك بشرة وجه رائعة، لكن تضطري إنك تداري رقبتك لأنها مش بنفس الجمال والتألق.

5- استخدام كريم العين لعلاج انتفاخ العين
انتفاخ العين بيحصل بسبب تجمع المَيّه في المنطقة دي، وده بيبقى بسبب كثرة تناول الأكل المالح والمخللات.

المشكلة إن بنات كتير بتعتقد إنها لما تستخدم كريم العين هتعالج المشكلة دي، ولكن ده مش حقيقي لأن المواد المرطبة اللي بتكون موجودة في الكريمات دي بتخلي البشرة تحتفظ بالمَيّه أكتر، وبالتالي عينيكي هتبان منتفخة أكتر.

والأفضل.. إن لو المنطقة حوالين العين عندك منتفخة لكن من غير احمرار ولا التهاب، ممكن تحطي عليها كمادات ثلج لمدة 10 : 15 دقيقة، وممكن تستخدمي جل للعين يكون بيحتوي على مادة الكافيين.

لكن لو الانتفاخ ده بيصاحبه احمرار أو حكة او التهاب، يبقى طبعا لازم تستشيري دكتور جلدية متخصص؛ لأن في الحالة دي احتمال يكون عندك حساسية.



بنلاقي إن بنات كتير بتبالغ في استخدام الكريمات المعالجة للحبوب

6- زيادة مدة الحمام اليومي عن 10 دقائق
لما بنتكلم عن النظافة الشخصية والحمام اليومي؛ كتير بيعتقدوا إنهم علشان يحافظوا على جمالهم ويهتموا بنظافتهم الشخصية؛ لازم مدة الحمام اليومي تستمر لمدة نصف ساعة أو أكتر، مع استخدام مواد مقشّرة، وفرك الجسم بالليفة لمدة طويلة.

لكن خبراء التجميل بيقولوا إن لما مدة الحمام بتطوّل مع استخدام المنظّفات ومقشّرات البشرة بكثرة، ده بيخلّي البشرة تفقد الزيوت والدهون الطبيعية اللي بترطب الجلد وتحافظ عليه.

والأفضل.. إن حمامك اليومي ما تزيدش مدّته عن 5 أو 10 دقائق، واستخدمي مَيّه دافية، بلاش الميه تكون سخنة أوي، واتعاملي مع بشرتك برفق وإنتِ بتستخدمي الليفة والمقشّرات.

7- الاهتمام المبالغ فيه بعلاج الحبوب
الاهتمام والعناية بالبشرة أمر ضروري لكل بنت، بس المشكلة لما الاهتمام ده ياخد شكل مرَضي، وخصوصًا في موضوع حبوب البشرة، بنلاقي إن بنات كتير بتبالغ في استخدام الكريمات المعالجة للحبوب، ومش بتصبر علشان تشوف نتيجتها، وممكن إنها تستخدم الكريم أو الدهان على الحبوب أكثر من مرة خلال ساعة واحدة.

المشكلة إن الكريمات دي بتحتوي على أحماض بتحتاج لساعات علشان تخترق نسيج البشرة، علشان كده الإفراط في استخدامها أكتر من المواعيد المحددة في النشرة بتاعتها؛ ممكن يسبب احمرار والتهاب لبشرتك ويخلّيها تقشر.

والأفضل.. إنك تلتزمي بالإرشادات الموجودة على النشرة الداخلية للكريم اللي بتستخدميه، واللي غالبا بتقول إنك تستخدمي الكريم مرة أو مرتين بالكتير خلال اليوم،


#2

افتراضي رد: لجمالك سبع حاجات تاخدى بالك منها

تسلمي
إظهار التوقيع
توقيع : ايمان المقصبي
#3

افتراضي رد: لجمالك سبع حاجات تاخدى بالك منها

مشكووووووورة
إظهار التوقيع
توقيع : رنوش الامورة
#4

افتراضي رد: لجمالك سبع حاجات تاخدى بالك منها

شكراااااااااا حبيبتى
معلومات مفيدة
إظهار التوقيع
توقيع : happy 5o5a
#5

افتراضي رد: لجمالك سبع حاجات تاخدى بالك منها

شكرا على المعلومات المفيده
إظهار التوقيع
توقيع : بسبوسه بالقشطه
#6

افتراضي رد: لجمالك سبع حاجات تاخدى بالك منها

تسلمى
#7

افتراضي رد: لجمالك سبع حاجات تاخدى بالك منها

موضوع مهم والله تسلم ايدك
إظهار التوقيع
توقيع : لؤلؤة الايمان
#8

افتراضي رد: لجمالك سبع حاجات تاخدى بالك منها

تسلمی ولکی التقییم
إظهار التوقيع
توقيع : ام حنان


قد تكوني مهتمة بالمواضيع التالية ايضاً
الموضوع كاتب الموضوع المنتدى
ابن سيرين تفسير الاحلام في تأويل سورة القران الكريم لولو حبيب روحي منتدى تفسير الاحلام
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه
ازاى هتقولى لابنك .. "أحنا اتطلقنا"؟ .. 5 حاجات خلى بالك منها mercy bird الثقافة والتوجيهات الزوجية
السمنه ماهي وكيف نتخلص منها والوزن الزائد حياه الروح 5 طرق التخسيس وانقاص الوزن
العقبات السبع التي يتدرج منها الشيطان لإغواء بني أدم ( ابن القيم ) . عفاف سيد المنتدي الاسلامي العام


الساعة الآن 03:06 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل