مواقف يوميه مش طبيعيه خالص هتموتكم من الضحك

صباح الخير عليكم النهارده كنت بدور على النت على مواقف مضحكه بدل الملل اللى الواحد فيه ده لقيت موقع فى مواقف تموت من الضحك قولت اجبلكم كام موقف تضحكم معايا ولو عجبوكم كل يوم هجبلكم مواقف

النهارده ، كنت مطبقه بقالى 3 ايام منمتش و سهرانه و جبت اخرى خلاص فا قولت لصاحبتى انا هدخل انام متتصليش بيا بقى (لأنها اكتر واحده بتتصل) قالتلى اوك، المهم نمت و فات يادوب ساعه لقيتها بترن قولت اكيد فى حاجه مهمه اوى، فا رديت فى ايه يا بت؟ قالتلى الحقى القطه بتاعه الجيران دخلت عندنا و مش عارفه امسكها

مره , في ايام الفلانتين ماما قالتلي انزلي فكي ال 100 جنيه دي فنزلت وبعديها بشوية فاتصلت عليها وقلتلها مينفعش افك الفلوس الا لما اشتري حاجة قالتلي اشتري حاجة وفكيها وتعالي روحت انا اشتريت دبدوب احمر ليا عشان الفلانتين اهديه لنفسي طبعا ب 50 جنيه ورجعت لماما ب 50 التانية راحت قالتلي ابقي كلي واشربي من الدبدوب وشفي مين هيشحنلك رصيد لاخر الشهر





مره ، واحد زميلى فى الكليه رخم اوى اوى اوى عزمنى على فرح اخته وحلف ميت يمين انى اروح المهم روحت لقيته خدنى عرفنى على مامته وقالها هى دى اللى حكيتلك عليها سلمت عليا ونزلت فيا بوس لقيتها بتنده على باباه ياحاج ياحاج تعالى سلم على عروسة ابنك

النهارده ، كان عندى درس و المدرسه اول مره تجيلى البيت، و انا معرفهاش بس امى تعرفها، فا انا بتعرف عليها و بكلمها و ببتسم كده ، لقيتها بتسأل امى هوا متخلف عقليا ؟

النهارده، الصبح و على غير العاده لقيت ماما بتصحينى بمنتهى الدلع و بتديلى شيكولاته، قولتلها ايه الحلاوه دى؟ قالتلى اصلنا بعنا اللاب توب بتاعك

مره ، كنت مع واحده صحبتى فا واحنا قاعدين عندها فالبيت لقيتها بتقولى انا زهقت من الواد اللى انا معاه دا قالتلى انا هسيبو خلاص قولتلها فكرى كويس قالتلى لا خلاص بعديها بشويه كده موبيلها رن فا هى رديت على الموبيل قالت ايوا يا حبيبى وحشتنى موت، بعد ما قفلت معاه قولتلها مين دا قالتلى دا واد جديد كدا بجاربه يمكن ميطلعش سيس زى اللى قبله

النهارده , كنت بكلم حبيبتي و في النص الكلام كدا لاقيتها بتقولي أنت مش بتحبني. قولتها ازاي يعني !!!؟. قالتلي الحب الحقيقي هو الحب اللي من غير مقابل .قولتها هو أنا طلبت منك مقابل . ردت و قالتلي أه المقابل اللي انت طالبة اني لازم أحبك زي ما انت بتحبني !!!!!!!!!!!!!

مره ، المصنع اللى قدام بيتنا على طول ولع، فا كلنا فى البيت لبسنا اى اسدال او عبايه و نازين من البيت لا يولع هوا كمان ، لقينا اختى قفلت باب اوضتها على نفسها، اتخضينا و قعدنا نخبط لقيناها بتلبس بنطلون جينز و بادى و تونيك و لسه بتلف الطرحه

مره ، صحيت على صوت التليفون الساعه 4 الفجر , رديت بسرعه لقيته واحد صاحبى، قولتله فى ايه يابنى انتا بخير؟ قالى ايوه، بس انا حلمت انك عطشات فا قولت اصحيك تشرب

مره ، بابا عايش برا وبيتصل يكلمنا، اتكلم والصوت بعيد اوي عنده و مش سامع فعمال يقولي علي صوتك انا مش سامع علي صوتك، فلما عليت صوتي، قالي هي حصلت بتعلي صوتك عليا يا قليلة الرباية، وراح قافل السكة ف وشي

يارب المواقف تعجبكم ولو عجبتكم هجبلكم كل يوم مواقف