أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

سأنفجر يا أخوات

إضافة رد  أضف للمفضلة
https://3dlat.com/showthread.php?t=209176
1557 4
#1

افتراضي سأنفجر يا أخوات

السلام عليكم
اخواتي انا في ضيق شديد لا يعلمه الا الله من نفسي الخبيثة
نوبة بكاء متمسكة بي لدرجة انني لم اعد استطيع الجلوس حتى مع اهلي
و لكن اسمعوني و انصحوني





انا انخطبت الاسبوع اللي فات لانسان حسن الخلق و الخلق و ابتغيت بذلك رضا الله سبحانه و تعالى
في البداية كنت عادي و مرتاحة جدا بس بعد كدة بدا الوسواس
انا ازاي قبلت بانسان عادي ما عندو بيت تمليك و ما عندو سيارة
د ماعندوش سيارة ازاي حنتفسح و الحياة حتكون صعبة بدونها
و ازاي فلانة و فلانة خطيبها مرتاح ماديا و انا لا
و بعدين ما كنتش اعرف ابن عمو و لما عرفتو لقيت انو ابن عمو ده و هوا متزوج انا اكرهه جدا فزادت حالتي و قلت لو كنت اعرف ان دا ابن عمو مكنتش حوافق
و حالتي سيئة جدا و خايفة من ربنا جدا
و افكر افسخ الخطوبة و خايفة من كل حاجة
ارجوكم ساعدوني


#2

افتراضي رد: سأنفجر يا أخوات

حبيبتي استخيري ربنا أولا
ثانيا ياحبيبتي معظم الناس بيتجوزو ومعندهمش حاجه ومع الوقت بيبقي عندهم كل حاجه
حبيبتي افرضي ان هو معاه فلوس وأخلاقه مش حلوه وبقي يهينك ويضربك
ويبهدلك معاه
والعكس صحيح افرضي حالته الماديه يعني متوسطه بس هو أخلاقه عاليه وبيحبك ومريحك تختاري ايه يبقي معاكي فلوس ومش مرتاحه ولا
حالتك الماديه متوسطه ومرتاحه في كل حاجه
وبعدين انتي هتتجوزيه ولا هتتجوزي ابن عمه
إظهار التوقيع
توقيع : حياه الروح 5
#3

افتراضي رد: سأنفجر يا أخوات

السلام عليكم اكيد طبعا في حاجة لاحاجات غلط في حياتنا عندما سألو الحبيب صل الله عليه وسلم لمن ازوج ابنتي يا رسول الله قال زوجها لتقي اذا احبها اكرمها واذا كرهها فلن يهينها ...كنا نسمع عن مهر القران عشان كده كانت الحياة مستقيمة بيوت مبنية علي تقوي الله فهي بيوت متاسسة راسخة اما اليوم فنسمع عن مهور غريبة واساس للزواج كلها مادية وبعيدة كل البعد عن تقوي الله لذلك نري كلها تنهار وكثر الطلاق لاتفه الاسباب واصبح اختيار الزوجين لبعض عبارة عن اختيار مادي العريس عليه اربع حجرات والشقة تمليك وكمان سيارة ووالدهانات والشبكة طب كل ده مين من الشباب يقدر عليه الا اذا كان ابوه هيساعده او وارث او عجوز وفي الحالة دي مش هيعرف قيمة منزله او زوجته وبيته ومش هيحس بقيمتها وسهل عليه هدم البيت


اما العروسة بتجيب 5اطقم حلل استانلس وصاج والمونيوم وبيركس و30 طقم كوبيات و50طقم ملايات .....ووو..ووو.وووو عشان يقولو الناس ....... ومنفكرش ازاي نعد الزوجة لزوجها او العكس ارجعو الي الخلف وشوفو الام كانت بتنصح ابنتها ازاي عند الزواج وازاي بتعدها الي ان تكون زوجة وام وازي تحافظ علي بيتها وزوجها وازي تتعامل معاه ومع اهله ياحبيبتي بناء البيت اصعب مما تتصورو عشان كده زادت حالات الطلاق وكره الازواج لبعضهم
لذلك اتمني من الله ان تهتم البلاد كلها وبخاصة العربية بانشاء مراكز او دورات تعليمية لاعداد الازواج والزوجات
عموما ياحبيبتي انا احب ان اقولك اختار لحياتك الانسان الذي تشعري انه رجل يحافظ عليكي ويعينك علي دينك اي تقي مش بالسيارة او لاشياء الدنيوية فان وجدت مع هذه الصفات فلاباس بها وان لم توجد فهذا لم يكن اساس اختيارك والله الموفق
إظهار التوقيع
توقيع : ام الزهراء
#4

افتراضي رد: سأنفجر يا أخوات

بصراحه الرد اللى قبلي يغنى عن كل الردود
جزاكى الله خيرا (ام الزهراء)
إظهار التوقيع
توقيع : Yo Ka
#5

افتراضي رد: سأنفجر يا أخوات

والله كنت فاكرة انو الزواج عندنا في المغرب مكلف بس انتو بمصر صعب اوي
انو تجهيز الشقة على العروسة وغيرو احنا عندنا الراجل بيخطب البنت والخطبة مش ممكن يمضي عليها اكثر من شهرين
عشان مجتمع محافظ وبعدها تعقد قرانها وتستلم الصداق فيناس بتدفع المهر على قدها وفي عائلات غنية بيطلبو مبلغ طائلة
بس الزوج هو اللي عليه يامن المسكن والعفش وكل حاجة والفرح العروسة بيعملهولها ابوها على قد امكانياتو والعريس بيعمل فرحو لوحدو
وبعدين يروح يجيب عروستو ويعملها كمان فؤح صغير عشان العيلة تعرفها وبس
ربنا يسهلك ومفيش حد عندو كل حاجة هز عايزها الكمال لله انا عندي كل حاجة بس عندي نقص في كل حاجة ومبرحش لاني مغتربة وعايشة
بعيد عن اهلي
إظهار التوقيع
توقيع : ام الاء وبيان2


قد تكوني مهتمة بالمواضيع التالية ايضاً
الموضوع كاتب الموضوع المنتدى
تقاليع مرحة و فساتين أخوات العروس ام سيف 22 نصائح وترتيبات
أخوات في الله الدرة المصون دردشة عدلات
انا ما عندى أخوات عضوية خاصة فضفضة وحل المشاكل
إنني في كرب يا أخوات...دعواتكن خديجة، فضفضة وحل المشاكل
احذروا النميمة يا أخوات لؤلؤة الايمان المنتدي الاسلامي العام


الساعة الآن 07:50 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل