مسابقة دورة الفوتو فلتر -امتحان خاص بالمشتركات بدورة الفوتو فلتر

السلام عليكم احبتى فى الله ..

بما ان دورتنا قاربت على الانتهاء يعنى فاضل 4 او 5 دروس وتخلص على خير ان شاء الله قبل شهر رمضان المبارك..
قولت النهاردة نريح شوية من الدروس وناخد مسابقة حلوة او امتحان صغنون عايزة اشوف فيه ابداعكم فى القص واللزق والتصغير والتكبير وعمل الميل المناسب لآى شىء عا يزينة..

مسابقتنا او امتحانا زى ما تحبوا تسموة باختصار وفية البعض منكم عندة فكرة عنها لانى من فترة كنت عملت مسابقة مشابهه ليها ..

وللى ما عندهاش فكرة عنها المسابقة ببساطة هى نفس لعبة القص واللزق يعنى ها نقص حاجات ونلزق مكانها حاجات
جبت ليكم صورة من الالعاب المنتشرة على النت وعليكم تغيير اشياء محددة فيهابأشياء حقيقية..
وعلشان أبسط لكم الفكرة ها أعرض عليكم الصورة قبل وبعد إعادة تصميمها ..

صورة اللعبة قبل ما اغير اى شىء فيها ..




الصورة بعد ما غيرت فيها الاشياء اللى ها احددها ليكم..



بتهيالى كدة الفكرة وضحت
والمطلوب تغيير 10 اشياء فى الغرفة بديكورات حقيقية متناسقة مع بعضها فى الالوان وهى ...

1- الشباك خلف السرير
2- السرير
3- الدمية فوق السرير
4- الكومدينو بجوار السرير
5- الاباجورة
6- الدولاب
7- الايقونة اللى اعلى الدولاب
8- النجفة
9- شعار اللعبة
10- البرواز على الحائط

ارجو الالتزام فقط بالاشياء اللى طلبت تغييرها..

وهنا الصورة السهم بيشير للاشياء اللى لازم تغيروها..







قدامكم اسبوع ولو حبيتم ممكن امد المدة ل 10 ايام ..

المسابقة لجميع المشتركات بالدورة بشرط واحد وهو عمل الصورة ببرنامج الفوتو فلتر فقط وارسال الصور بعد اعادة تصميمها لى على الخاص بدون وضع اسماء عليها ..

كل حاجة ها تقصوها وتلصقوا عليها حاجة بشكل مناسب ها اديكم عليها درجات و ها احدد مين الاولى والثانية وهكذا..
وطبعا ها يكون فية نقاط تقييم وعارفة ان حبيبتى هبة ها تبحبح ايدها معايا فى النقاط اللى ها ابقى اقولها عليها..
وبتمنى كلكم تكونوا من الاوائل وتاخدوا جميعا وسام او شهادة مصممة فوتو فلتر .


اكرر مرة تانية الصور تتنفذ بالفوتو فلتر فقط وترسل لى على الخاص بدون وضع اسماء عليها .