طريقة عمل بروفترول الفراوله بصوص ومهلبيه الفراوله والكريم شانتى

مقادير عجينه الشو
كوب دقيق




كوب ماء او لبن او خليط من الاثنين
ربع كوب زبده لينه
3بيضات
نصف معلقه صغيره سكر
ربع معلقه صغيره ملح
فانليا
طريقه عجينه الشو
نخلط الدقيق والملح والسكر مع بعض
فى حله نحط مقدار الماء مع الزبده ونرفعهم على النار
اول ما يغلوا نضيف الدقيق مره واحده ونقلب بسرعه
بمعلقه خشب لغايه ما الدقيق يختفى خالص وبعدين لازم نسيب
العجينه تبرد تماااااااما وبعدين نضيف البيض واحده واحده
لازم مش كله مع بعض نضيف بيضه ونعجن كويس وبعدين نضيف
التانيه ونعجن كويس وهكذا لغايه ما مقدار البيض يخلص
نحط العجينه فى كيس حلوانى او اى كيس عندنا
ونشكل البروفترول على شكل وردات
وطبعا يكونوا فى صنيه مفروشه ورق ذبده
وتخبز فى فرن مسخن سابقا على حراره 180
لمده ساعه واوعى تفتحى الفرن قبل نصف ساعه باى حال من
الاحوال ولما تيجى تشوفيه يبقى تفتحى بالراحه وحته صغيره تبصى
عليه علشان الهواء ميدخلش
ويهبط لاقدر الله
1

2

.....
مقادير صوص الفراوله
نصف كيلوا فراوله
3/4كوب سكر
كوب ماء
ليمونه
طريقه صوص الفراوله
نحط المقادير على بعضها على النار لغايه ما تغلى ونضيف عصير
الليمونه ونراعى كل لما اتكون ريم على وش الفراوله لازم نشيله
لغايه ما المزيج يتقل ويبقى كثيف معاكى حوالى 20 دقيقه نسيبه
لما يبرد وبعدين نضربه فى الخلاط ونصفيه ويكون معانا الصوص
جاهز
مهلبيه الفراوله او كريم باستير الفراوله
مقاديره
كوبين عصير فراوله تقيل
معلقتين نشا مزابه فى قليل من الماء البارد
فانليا
طريقته
نرفع عصير الفراوله على النار لغايه ما يغلى نضيف النشا
ونقلبه لغايه مايتقل معانا ويبقى سمكه كويس ونراعى ان النار
تكون هاديه وبعدين نضيف الفانليا الصور هتوضح
1

2

للتزيين
كريم شانتى
شوكولاته كرسبى فراوله
تحضير كاسات بروفترول الفراوله
نحشى وردات الشو بالكريم شانتى
ونحطها فى الكاسه وعليها كاسترد الفراوله وصوص الفراوله
على الوش وزينت بوردات الكريم شانتى والشوكولاته الشيبس
الفراوله وبالهنا والشفا
1
2

3

4

5

6

7

8

انا كده خلصت نتقابل ان شاء الله فى
موضوع الاكلير بالشوكولاته
والبروفترول بالشوكولاته
فى امان الله

....