استفتاء مسابقة ( انا وعنايتى بنفسي وتجربتى) 2025

ازيكم حبيباتى
انا النهارده بعمل الموضوع ده علشان اشرحلكم
طريقه عنايتى ببشرتى من كله وشى وايدى ورجلى وحتى جسمى
بالنسبه لبشره الوجه
بستخدم فى غسيل الوجه صابون دوف المرطب ده اساسى
وممكن غسول كلين اند كلير بس مش على طول
كريم مرطب ايفا بالجلسرين او سبوتلس ايفا
ودول كانوا خلصانين من عندى معرفتش اصورهم
ساعات بعمل ماسك زبادى وخيار بيريحلى بشرتى جدا
طبعا كل واحد يختار الماسك المناسب لبشرته
بستخدم كمان باستمرار واساسى عندى كريم فيد اوت
لعلامات الشمس وبقع النمش واى بقع تطلع فى البشره
وفيه منه انواع كتيره بس انا بفضل النوعين دول
......

....

....

الكريم ده افضل استخدام ليه باليل
يعنى بعمله زى ماسك كده قبل ما انام بيفرق جدا
فى تنسيق لون البشره وبيبعد اى بقع بنيه ممكن تظهر
او اثار الشمس على الوجه
كنت بتستخدم الحاجات دى بس فى الاول على طول تقريبا
من قبل ما اتجوز بكتير كمان مع تقدم السن طبعا لازم
الواحده تاخد بالها بزياده اكتر من بشرتها وتهتم بيها
فى كريمات بتستخدم بعد سن 35 وبما انى 41
ابتديت استخدمها طبعا من حوالى سنتين
هى كريمات بتأخر ظهور التجاعيد فى الوجه وحول العينين
باستخدم بوندز ولانكوم
.....

....

.....

الكريمات دى مهمه اووى مع تقدم العمر
بتخلى البشره جميله جدا ومتوازنه وخاليه تماما من التجاعيد
وطبعا نوع للمنطقه حول العين ونوع لبقيه الوجه
انا بستخدمه مرتين فى الاسبوع وبرضه قبل النوم
بعمله زى الماسك على الوجه ومش بغسل وشى غير الصبح
لما اقوم بيعمل مفعول السحر والله فى بشرتى
وبقى برضه شئ اساسى
ندخل بقى على الايدى والارجل
دول لازم الاهتمام اليومى وخصوصا الايد
لازم كريم مرطب يوميا علشان متنشفش من التنظيف
والحاجات الغريبه اللى احنا بنعملها فى البيت
بالنسبه للارجل انا بهتم بيها اسبوعيا
لازم اجيب طبق كبير واحط فيه ميه دافيه وشاور جيل
واحط فيه رجلى وابتدى اعمل باديكير وعندى ادوات
الاهتمام بالايدى والارجل وقصافه الزوايد بتاعه الايد
لان ايدى برضه لازم احطها فى طبق ميه وشاور جيل
كل اسبوع علشان اعرف اظبطها واظبط ظوافرى
واشيل اى زوايد جلديه تطلع والموضوع ده مش بياخد
وقت طويل على فكره كلها نصف ساعه للايد وزيها للارجل
وعندى كريم مخصوص مرطب لايدى وهو فازلين المرطب
ده خطير عندى منه نوعين ونوع تانى للارجل
والعده كمان صورتها
.....

.....

بالنسبه للجسم انا متعوده على استخدام الشاو جيل
فى الاستحمام مبستخدمش الصابون ابدا لان الشاور
بينعم الجسم جدا وبيحسس بانتعاش جميل اووى
اى نوع تفضليه طبعا
ولازم كريم مرطب للجسم ده طبعا مبعرفش اعمله
الا كل اسبوع بس كافى جدا بيخلى الجسم كله ناعم
زى الحرير كانك عملتى تقشير للبشره
....

وده نوع شاور تانى صورته مع الشامبوهات بتاعتى
.....

طبعا بالنسبه لاهتمامى بشعرى
لازم اساسى اعمل حمام زيت كل اسبوع
وبستخدم زيت جدايل حلو جدا وبيتقل الشعر وينعمه
وعندى نوعين كريم بالمرز ممتازين بيخلوا الشعر ناعم جدا
باستخدمهم باستمرار
....
......





كده مش فاضل غير البرفانات والميكياج
ودول طبعا استخدامهم بالنسبالى فى البيت فقط
وبرضه هوريكم حاجاتى البسيطه
......

.....

....

.....


.....

انا ادوات مكياجى قليله على قد استخدامى فى البيت
على فكره حبيباتى الاهتمام ده والله مش بياخد وقت
لو اتعودتى تخليه جزء من حياتك نصف ساعه لنفسك
يوميا مش هيحصل حاجه بالعكس اهتمامك بنفسك
هينعكس على جوزك واولادك انعكاس ايجابى جدا
اسيبكم فى امان الله وحفظه