تجربتى فى المحافظه على وزنى وعدم الزياده مره اخرى

......




طبعا اكيد اغلبنا بنتخن فى شهر رمضان
بس الحقيقه انا كان ليا تجربه فى تثبيت وزنى نجحت جدا
انى احافظ على وزنى من الزياده فى رمضان وخصوصا انى
كنت لسه مخلصه رجيم جامد وكان لازم اتبع التعليمات للمحافظه على وزنى اللى وصلتله
وده كان النظام اللى مشيت عليه ونجحت بفضل الله
انى احافظ على وزنى تماما طول رمضان
اهم حاجه فى النظام ده انك تخلى وجباتك 3 برضه زى
العادى بالطريقه اللى هقولها
الفطار
......
تلات تمرات تلاته بس بس بس
كفايه مع لبن منزوع الدسم
كوب شوربه وطبق سلطه
وجبه ما بعد صلاه التراويح
........
دى تبقى الوجبه الاساسيه بتاعه الفطار
وجبه السحور
......
لازم نحرص على احتوائها على كوب لبن منزوع الدسم
وواحده زبادى لايت
نصايح مهمه لرمضان
........
1 - الامتناع عن الافطار على عصير مسكر
لان الجسم بيكون عنده فقد سكر كبير لو نزلنا
سكر كتير مره واحده للجسم نبقى بنحرق خلايا
البنكرياس ونكون اكثر عرضه لمرض السكر
ربنا يعافينا كلنا يارب
2 - الافطار على 3 تمرت او اتنين
ويستحسن منقوع فى لبن منزوع الدسم
لتقليل حامض المعده ونعطى الجسم كميه سكر
متوسطه تفوق من عناء الصيام
3 - ممارسه الرياضه
4 - نبتدى اكلنا بالسلطه والشوربه
علشان نحس بالشبع بسرعه
5 - نستبدل السمن بزيت الذره او زيت الزيتون للى بيحبوه
6 - نخلى تحمير اللحوم والطيور فى الفرن
ونبعد عن التحمير فى السمن او الزيت
7 - نستبدل العيش الابيض بالبلدى او السن
8 - وجبه السحور نخليها على الساعه 12 او 1
بالكتير علشان مناكلش وننام
وممكن قبل النوم ناخد واحده زبادى او اتنين والاحسن تكون لايت
9 - بالنسبه للحلويات فى اليوم الواحد
ناخد كوب عصير او قطعه حلويات او كوب خشاف
10 - على قدر الامكان يكون اكلنا مشويات
كفته او لحمه او فراخ او سمك
11 - سبع لوزات كل يوم بين الفطار والسحور
بيملوا المعده ويدوا نشاط جامد
وبعدهم كوب مياه كبير بيسدوا النفس خالص
12 - شرب مياه كتير بعد الفطار لتعويض الفاقد
فى الصيامحوالى 8 اكواب يوميا على الاقل
13 - عند شرب العصير على الفطار يكون
فريش وبدون سكرا و سكر دايت
14 - الحرص على تناول الفواكه الطازجه
15 – اختيار طبق واحد للاكل نحط فيه
كل المكونات يتقسم اربع اقسام
بس لازم تخلوا الطبق شكله جميل مترتب
مش مكدسنبقى معملناش حاجه
ماشى يعنى تعملوا حسابكم ان الطبق ميبقاش زحمه
16 - نحرص على تناول حبه اورليستات
مع وجبه الافطار زينيكال او ريجيماكس
وحبوب نيوترا كروم حبه مع الافطار
الادويه دى هتساعدنا نحافظ على وزننا وهى مهمه اوى
17 - مشروب خليط الكمون والليمون والجنزبيل
يساعد على حرق الدهون
ملحوظه
........
ا لاوقات ممارسه الرياضه
نمارس الرياضه
1 - قبل الفطار بساعه اوساعتين بالكتير لييييييه بقى
لان تركيز السكر فى الدم بيكون قليل وده العائق الاساسى
اللى بيقف قداماخراج الدهون المختزنه تحت الجلد لو لعبنا
رياضه فى الوقت ده جزء كبير من الدهون العنيده هينزل
علشان يستخدم لامداد الجسم بالطاقه اللازمه للرياضه
2 - بعد الفطار بساعتين او تلاته ليه
علشان الرياضه فى الوقت ده بتمنع الجسم
انه يخزن السعرات الحراريهاللى دخلت للجسم
مع وجبه الفطار لان الاولويه فى الطاقه بتكون
للجزء فى الجسم اللى بيقوم بالنشاط الرئيسى
وهو بيبقى العضلاتاللى بتلعب الرياضه طبعا
طريقه طهى الطعام والحلويات
.......
1 - الفراخ واللحمه المسلوقه نغلى المياه
ونحط فيها التوابل والبصلواى اضافات نحبها
بدون دهون خالص ونحط فيها الفراخ او اللحمه
والشوربه نستخدمها فى عمل الخضار
2 - الخضار نى فى نى باستخدام الشوربه اللى عملناها
3 - نحاول نخلى الرز بمعلقه صغيره اوى سمن او زيت ذره
4 - نستبدل البطاطس المحمره بالبطاطس فى الفرن
نقطع البطاطس صوابع ونرش عليها رشه خفيفه
زيت ونحطها فى الفرنبتبقى طعمها رائع
والله عن تجربه وممكن المحمره نخليها يوم فى الاسبوع
5 - والقطايف ممكن تتعمل بنفس الطريقه برشه زيت
ونحطها فى الفرنوتطلع نرشها رشه خفيفه عسل نحل نقى
6 - الكنافه تتحمر فى الفرن وبلاش تحمير السمن
7 - الكاسترد نعمله بلبن منزوع الدسم
وسكر خفيف ونحشى به الكنافه او القطايف
دى كانت اغلب النصايح اللى التزمت بيها فى الشهر
الكريم والحمد لله وزنى فضل ثابت
وهنزل نماذج كتير للوجبات اللى تحافظ على
ثبات الوزن سواء فى رمضان او اى شهر تانى
فى امان الله