بصارة بس من الفول الحراتي ....متستغربيش

[IMG][/IMG]


مساء النور و الخيرات عليكن يااحلي عدلات
النهاردة جايبلكو وصفة هي حاجة جديدة وغريبة يارب تنال اعجابكن
بصارة بالفول الاخضر احنا بنسمية بمصر فول حراتي

مش عارفة عملتها ازاي بس كان عندي كيس فول اخضر متفرز قول اطبخه بطريقة جديدة
وقد كان طلع اختراع اسمه البصارة
بالرغم اني عمري ماعملت بصارة اصلا ولا اعرف بتتعمل ازاي
بس لما عملتها طلعت زي البصارة وحلوة الحمدلله

ندخل علي المقادير :-
**نص كيلو فول اخضر
**فصين توم
**1 ثمرة بصل متوسطة
**1 ثمرة طماطم وسط
**ملح / كمون
**مكعب مرقة دجاج

الطريقة:-
1-نسوي الفول في مياة مغلية بالكمون الي ان ينضج ،
ودي صورته بالمياة المغلية علي النار:
[IMG][/IMG]





2-بعد كده نتأكد انه استوي ومتخافيش هيدبل ولونه يغير من بره بس من جوه هيفضل لونه اخضر زي ماهو،
ودي صورته بعد مااستوي وانا بصفيه وبشطفه :-
[IMG][/IMG]

3-وهنا بعد ماقشرته من القشرة الخارجية ،شوفو لونه اخضر زي ماقولتلكو اهو:-
[IMG][/IMG]

4-بعد ماقشرناه نقطع البصلة قطع صغيرة ونشوحها في الزيت،لحد مالونها يبقي بني فاتح وننزل عليها بالفول يتشوح حاجات بسيطة كده ،وبعدين نحط ثمرة الطماطم المتقطعة ونقطع فصين التوم من غير مانشوحهم
،و طبعا نحط الملح والمرقة ونسيبها شوية عالنار مع ربع كوب ماء
ياخدو من طعم بعض ودي صورة ليها وهي عالنار :
[IMG][/IMG]

ملحوظة:- في ناس بتاكلها كده من غير ماتضربها في الخلاط بس انا ضربتها في الخلاط ودي اخر خطوة انا عملتها ودي صورتها بعد ماانضربت في الخلاط ضربا مبرحا حتي استغاثت
[IMG][/IMG]
ممكن تزينها بشوية بصل متحمر علي الوش بتعطي طعم حلو معاها

انا كده الحمدلله خلصت
يارب تكون الوصفة عجبتكو وتجربوها
[IMG][/IMG]