سمك بطلي مقلي بطريقتي

[IMG][/IMG]

جمعه مباركة عليكن وعلي الأمة الاسلامية جميعا


النهاردة قولت انقلكو بث مباشر من مطبخي للسمك المقلي بطريقة جديدة تخلي السمكة كلها فيها طعم التتبيلة مش من البطن بس لالا

(السر بتاعي اننا بنفتح السمكة من ظهرها مش من بطنها ،
معلش معرفتش اصورها وانا بفتحها عشان ابني الصغير كان عمال بيزن وجوزي ساعدني بصراحة فيها
وده منتدي نسائي ههههه ممنوع الرجال،
بس بصراحة هو الي علمني اني افتح السمكة كده لانه بيحب الجزء المتبل اكتر من الظهر وكان ياكل البطن ويسبلي الظهر عشان التتبيلة).






ندخل علي المقادير:-
سمك بلطي
ثوم
كمون
ملح
دقيق

بالأول نقصقص الزعانف والخياشيم ونقشره وبعدين نفتحه من ظهره زي مااتفقنا ونزيل بطنه ونغسلة تحت الحنفية والخياشيم طبعا ننظفها كويس اوووي
في ناس بتغسله بخل وليمون وناس تغسله بدقيق عشان الزفارة
ايا كان مش هنختلف انتي وراحتك المهم نضمن ميكونش فيه نضمن زفارة خالص،

الطريقة:-
ونحطه علي جنب علي ماندق التوم مع الملح ولما ينعم نضيف عليه الكمون وندق كويس وبعدين نتبل بيه السمكة كلها من بطنها وظهرها ونقفلها تشرب من التتبيلة

معلش دي صورة توضح بيكون شكلها ازاي بعد مابنفتحها
كنت مستعجله شوية عشان المغرب اذن وكمان ابني اليوم دول بيسنن ربنا يهديه
[IMG][/IMG]

دي صورتها واناحاطاها في الدقيق وياعيني الغلبانة هتتقلي في الزيت
شريرة انا صح ، المهم تكونو اخدتو بالكو من طريقة فتحها سهلة خالص بس بجد من وقت مااتعلمتها وانا مبعرفش اكل سمك غير بالطريقة دي وهتعجبكو اوووووي ان شاء الله .

ودي صورتها وهي بتتقلي بالزيت بنقليها مفتوحة
[IMG][/IMG]

ودي بعد ماخرجت من الزيت ،شوفو بتكون ناشفة مش طرية ،وطبعا الميزة زي ماقولنا كلها عليها التتبيلة وطبعا بيكون احلي بالتتبيلة ودي صورتها بس كانت بالليل فطالعة اغمق من الطبيعي
[IMG][/IMG]

بس ليكو نصيب تشوفوها بالنهار هههه
صورت الي فضل منها للصبح في ضوء النهار
طبعا شكلها افتح واحلي:-
[IMG][/IMG]

الحمدلله كده الموضوع خلص طبعا السمك بيتقدم مع ارز صيادية بس للاسف جوزي مش بيحبه بس بعمل جنبه ارز حبه وحبه وسلطة خضرا وسلطة طحينة
جربوها وبألف هنا مقدما
وان شاء الله تعجبكو

لو عجبكو موضوعي شجعوني يلا
[IMG][/IMG]