فارق السن بين الزوج و الزوجة و بالأخص كون الزوجة أكبر من الزوج

حبيبتي هقولك علي واقع انا شايفاه انا سلفى اخو زوجي يعني متجوز واحده كبيره عنه 2ونصف سنه تقريبا وهو عاوز يعيش والحياه تمام معاه بس هي مش عاوزه تقعد معاه لانها عاوزة ترجع حره وتشتغل وتخرج براحتها بدون قيود زي قبل الجواز وده اللي مخليهم مش مستقرين يعني لو هي حابه تفضل له زوجه الحياه هتبقي حلوه بالنسبه لهم يعني العيب في الزوجه وغير العيب ده الحياه كانت هتبقي عاديه انتي صلي استخاره وادعي ربنا يهديلك ويصلحلك الحال واسألي اللي حواليكي برده

الله وحده العالم بما فى القلوب وصلى واستخيرى مره واثنين وعشره كمان حتى يدلك الله على الثواب

الجواز مش قانون وضعي يعني فيه ناس بتبقي متكافئة في كل حاجة وبيفشلو وفيه ست بتتجوز راجل اكبر منها بكتيير وحياتهم سعيدة وفيه ست تتجوز راجل الفرق صغير وحياتهم مش سعيدة وفيه ست بتتجوز راجل اصغر منها وبيعيشو سعدا ده بيرجع للاشخاص نفسهم يعني لو الحب موجود والتفاهم حتي لو مجرد ارتياح قبل الزواج بيفرق كتير لكن فيه نوع من الرجال بيتغير يعني بعد فترة بيحس انه ليه اتجوز واحدة اكبر منه وفيه نوع تاني بيتجوز واحدة اصغر منه وبرضه مش بيتفاهمو

الخلاصه الجواز ده نصيب وقدر والنجاح فيه مالوش قانون يعني مافيش قاعده ثابته بس المهم الزوجة الاكبر ماتحسسش نفسها ولا تحسسه انها اكبر
خالص المفروض تبقي دلوعه وصغنونه حتي لو هي اكبر بكتييييييييييييير مش 3 سنين لا اكتر المفتاح هو التفاهم والصبر والمحبه
وربنا يوفقك يارب بس فكري في كل الجوانب السن مش مقياس المهم فيه قبول فيه راحة نفسيه فيه توافق

الجواز الي فيه راحة ومحبه بينجح ربنا يوفقك ياقمر يارب