اللحمة المشوية

الف مبروك الحمل وربنا يكملهولك علي خير يارب ويرزقك الذرية الصالحة المعافاة بإذن الله
بصي يا ستي اللحمة المشوية سهلة جدا ..انتي بتجيبي اللحمة وتقطعيها قطع مش تخينة ولا رفيعة يعني وسط عشان تستوي بسرعة وميكونش من جوا نية .. وتبشري بصل او تقطعيه مكعبات صغيرة زي ما تحبي وتبشري كام حباية طماطم عليهم وتتبلي بقي بالملح والفلفل وتوابل اللحمة والقرفة وورق لورا وقرنفل وحبهان مطحونين وكل ده تحطيه علي اللحمة وياريت تتبليها التتبيلة دي من بالليل عشان يبقي الطعم احلي واحلي ودخليها التلاجة والصبح بقي شغلي شوايتك وشيلي كل الخلطة من علي اللحمة ورصيها علي الشواية واشويها من الناحيتين كويس ولو معندكيش شواية كهربائية بسيطة خالص جيبي صينية وافردي فيها ورق فويل ورصي اللحمة ودخليها الفرن العادي بتاع البوتاجاز وخلي بالك منها وسويها كويس واعملي جنبها بقي سلطة طحينة ومخلل وطبعا العيش والف هنا وشفا يا قمر اي خدمة .

اولا الف الف مبروك الحمل لصاحبه الموضوع وثانيا تسلم ايديك يااحلي شيف وصفه جميلة تسلمي