أو

الدخول بواسطة حسابك بمواقع التواصل

#1

افتراضي مواقف مضحكة لامهات يوم الولادة اضحكي ياعدولة

[IMG]https://**- /upfiles/png_files/tN628982.png[/IMG]


مواقف مضحكة لامهات يوم الولادة اضحكي ياعدولة

دى مواقف ناس ولدت قبل كده
يلا لو واحده حصلها مواقف زى كده تحكلنا واهو نضحك شويه
*انا قالولى ان كان طالع عليا احب كل الناس وانا فى البينج .. كنت بنده على جوزى ولما يقولى نعم اقوله بحبك يقولى وانا بموت فيكى جت الممرضه قولتلها انتى مين قالتلى انا فلانه قولتلها انا بحبك قالتلى وانا كمان وضحكت وقولت لماما واختى وجوز اختى لقيت واحد ماسك دراعى بقوله انت مين قالى انا الدكتور الا بتابعك قولتله مش قادره اخد نفسى قالى اتنفسى براحه هتلاقى نفسك رجعلك وعملت كدا وفعلا نفسى رجعلى روحت قولتله انا بحبك وجوزى ماسك ايدى الناحيه التانيه والنار طالعه من عينه الدكتور بيبوصلو هههههههههه
*في ابني الاولاني وانا لسة بفوق من البنج بقيت عايزة ابوس جوزي هههههه حرمان عاطفي بقيت كل ما يمسك ايدي اجيبها علي بقي عشان ابوس ايده وعمالة اقوله هات بوسة ههههههه ولمااتكسف من اهلي اللي كانو معايا في الاوضة رجع وقف بعيد برضه ندهت عليه وقلتله كدة مش عايز تبوسني
*اما فوقت من البنج سلمت علي حمايا 3 مرات انام دقيقه وافوق اقولو ازيك يا عمو ..كلهم قعدو يضحكو عليا ..كاني زي كريم عبد العزيز في فيلم فاصل ونعود
* وانا في البنج الدكتور سألني جوزك بيشتغل إية ...... قولتلة زبال
*كنت بولد ابني الثالث قيصري فبنجوني بنج نصفي فدكتور البنج فضل قاعد يتكلم معايه وكل شويه احس ان النص التحتاني مكان البنج عريان فكل شويه اقوله غطيني اخر لما ذهق قالي عليا الطلاق انتي متغطيه
*اخدت بنج نصفي وبعد الولاده الممرضه بتساعدني وبتمسح البيتادين من ع رجلي ورفعاها لفوق وانا طبعا مش حاسه بيها فلتلها يااروبه رفعه رجلك وانتي واقفه كده ازاي..قالتلي انتي قادره تهزري الله يهدك دي رجلك انتي..وخرجنا من اوضه العمليات فطسانين من الضحك والدكتور نشر الموقف في المستشفي
*انا عمري ما انسي اني بعد ما بدأت افوق من البنج بين النوم والصحيان بحط ايدي علي بطني مالقتش البطن العاليه من الحمل قعدت اصرخ واقول اخدو كل حاجه في بطني حتي الكبد والكلاوي
*انا بقي قبل الولادة بيوم كنت تعبانة جدا فالدكتور كتبلي علي حقنة شبه مخدر والمفروض انها تنيم بس مين طلعت دماغ المخدرات علي كل اللي كانوا موجودين من تهزيق وشتيمة والذي منه ده غير اني كنت بدور علي بوقي عشان يشرب
*انا كنت بمسك ايده ولما يجي الطلق اضغط عليها جامد واقول له اعمل ايه اعمل ايه يقول لي مش عارف و يروح الطلق اسيبه و بعدين امسك فيه تاني واقول له اعمل ايه اروح فين يقول لي مش عارف
*بعد ما ولدت مباشره الطبيب اعطانى ابنى فى حضنى قولت للممرضه طب حموه الاول ،،،
*انا فى تانى وﻻده كنت وخده بنج كلى وبعد ما ولدت عماله انادى على حوزى واقول عوزه جوزى حبيبى ولما جه كان فرحان انى بنادى عليه ولمادخل شفته قاعدت اصوت وقله اطلع بره انت السبب وكان فى نص هدومه
*انا بقى الحمد لله ولدت وكنت فالعمليات فصحيت وكنت بقول اه اه اه كتير اوى فالدكتور كان واقف ورايا فبيقولى انتى بتقولى اه ليه هو انتى حاسه بحاجه فقولتله لا مش حاسه مش ولده قيصرى وفاتحه بطنى ودافعه فلوس يعنى هعدى الليله كدا من غير اى اكشن صراحه الدكتور فطس على نفسه فالدحك هو ودكتور البنج
*انا كنت بولد فى امريكا وبعد الولاده جوزى اخد البنت ياءذن لها فى ودنها فبقول لدكتورة التخدير هيه فين بنتى عوزه اشوفها قالتلى باباها بس بيغنيلها شويه وهيجيبهالك ههههههه



منقوووووووول





[IMG]https://**- /upfiles/png_files/ikU30472.png[/IMG]


إظهار التوقيع
توقيع : لولو حبيب روحي
#2

افتراضي رد: مواقف مضحكة لامهات يوم الولادة اضحكي ياعدولة

انتى بتقولى اه ليه هو انتى حاسه بحاجه فقولتله لا مش حاسه مش ولده قيصرى وفاتحه بطنى ودافعه فلوس يعنى هعدى الليله كدا من غير اى اكشن صراحه الدكتور فطس على نفسه فالدحك هو ودكتور البنج


ههه دية اللى انتيكة هههههه
#3

افتراضي رد: مواقف مضحكة لامهات يوم الولادة اضحكي ياعدولة

*انا عمري ما انسي اني بعد ما بدأت افوق من البنج بين النوم والصحيان بحط ايدي علي بطني مالقتش البطن العاليه من الحمل قعدت اصرخ واقول اخدو كل حاجه في بطني حتي الكبد والكلاوي
...
*بعد ما ولدت مباشره الطبيب اعطانى ابنى فى حضنى قولت للممرضه طب حموه الاول
ههههههه حلوين كلهم
يسلمو يا قمر

إظهار التوقيع
توقيع : صفاء الحياة
#4

افتراضي رد: مواقف مضحكة لامهات يوم الولادة اضحكي ياعدولة

كلهم مواقف جامدة بصراحة ..كله كوم واللي عاوزة تعمل شوية اكشن بالفلوس دي ههه



انا حصلت معايا في ولادتي التانية ولدت توأم قيصري والممرضة بتغيرلي وبتلبسني لقيت مرة واحدة رجلين كدة فوقي فضلت متنحة ومش فاهمة دي رجلين مين ... و فين وفين لما اخدت بالي ان واحدة صاحبتي قالتلي انهم بيرفعوا الوالدة ورجليها بتبقي فوقها عشان يلبسوها من غير ماتحس ففهمت انها رجلي انا ههههههههههه
إظهار التوقيع
توقيع : بحر الغموض


قد تكوني مهتمة بالمواضيع التالية ايضاً
الموضوع كاتب الموضوع المنتدى
معلومات مصورة عن انواع الولادة نآدرة ام عشتار منوعات x منوعات - مواضيع مختلفة
اعراض الولادة المبكرة: اعراض الولادة في الشهر الثامن فما دون وعلاجها والوقاية منها لولو حبيب روحي مرحلة الحمل والولاده
شرح الولادة الطبيعه و القيصرية بالصور صحه الحمل الحوامل الجنين الولادة الانجاب ملآك ولكن.. مرحلة الحمل والولاده
اكتئاب ما بعد الولادة / اكتئاب ما بعد الولادة وعلاجه / اكتئاب ما بعد الاجهاض ЙǑŏƒ العيادة النفسية والتنمية البشرية
كل ما يخص حديثي الولادة, كيفية الاعتناء بحديثى الولادة,كل شئ يخص حديثى الولادة العدولة هدير العناية بالطفل


الساعة الآن 04:12 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل