أو

الدخول بواسطة حسابك بمواقع التواصل

#1

افتراضي انا محتاجه مساعدتكم تعبت

انا تعبت قلبي اسود من كتر ماشفت في الدنيا نفسي اتكلم مع حد
مش عارفه استحمل تاني خلاص مش هطول عليكم
انا تعبت قوي في بيت اهلي ومصدقت اجوز علشان اخلص





لكن لاسف بيت اهل جوزي اصعب عندي 3 سلايف غيري هما قرايب حماتي انا الوحيده الغريبه شفت الويل من رد سيئ ومعامله زفت
يتغلط فيا عادي ان غلط في اي حاجه بسيطه الكل يقلب عليا وينكدو عليا تعبت واتزليت لاني بحب جوزي وعندي 3 اطفال
صبرت واستحملت لحد ما بنيت بيت ونقلت بعيد المشكله انهم برض
قارفيني ومش عاوزيني يبعدو عني وانا مش بعرف ارد عليهم وعلي غلطهم فيا بخرس مبعرفش ارد وبيرمو عليا في الكلام رغم اني مش بروح غير علي فترات بعيده بس تعبت نفسي اتخلص من الجبن ده وابقي قويه علشان اعيش معاهم او في الدنيا مرتاحه
ارجوكم ردو عليا انا تعبانه بجد انا بسببهم دخلت حاله اكتئاب
وفضلت قاعه سنه ونص اتعالج براشيم اكتئاب ومنوم وهم كتير
نفسي اوقفهم عند حدهم واخد حقي ولو مره وحده بس


#2

افتراضي رد: انا محتاجه مساعدتكم تعبت

سؤال .. انتي حكيتي لجوزك الكلام ده ولا ايه ؟
جوزك ازاي معاملتو معاكي ومعاهم
لعل المشكله منو انو هو بيسمع كلامهم مثلا
مع انك بعيده عنهم ولازم حسب رايي تتساعدي انتي وجوزك في المشكله دي ولازم تحكيلو حتى لو معجبوش لان انتي حقك ترتاحي
إظهار التوقيع
توقيع : صفاء الحياة
#3

افتراضي رد: انا محتاجه مساعدتكم تعبت

لاجول ولا قوة الا بالله ..انتى لسه صغيرة على الهم ده انتى خليكى فى بيتك ومتروحيش تزوريهم خالص لكن متمنعيش جوزك او اولادك يروحوا علشان صلة الرحم ..ولو جوزك قالك مش بتروحى ليه اقوليله بتعب لما بروح واعصابى بتتعب وياريت يكلمهم هو بانهم يعاملوكى كويس .وربنا يهديلك الحال يارب
إظهار التوقيع
توقيع : zozoweza
#4

افتراضي رد: انا محتاجه مساعدتكم تعبت

وايه عرفك يا اختى انك لو بقيتى عصبيه او بتردى على كلامهم زيهم حترتاحى
يااختى انتى كده لك ثواب واجر
بس لو رديتى عليهم وبقيتى لئيمه زيهم ربنا حيغضب عليكى
فهمتى؟؟
ربنا بيحبك ومش عاوز منك الاذيه لحد لانك طيبه وبنت اصل
حبيبتى الطيبين فى الدنيا دى قليلين ومغلوبين على امرهم
بس مش معنى كده انك ضعيفه او مش قادره تاخدى حقك
انتى بس ارقى من انك تنزلى لمستواهم وتردى زيهم

ربنا ياخد حقك ويصبرك ويكملك بعقلك ويحفظ لك اسرتك
إظهار التوقيع
توقيع : ريموووو
#5

افتراضي رد: انا محتاجه مساعدتكم تعبت

انا كلامى من كلام [MENTION=29352]zozoweza[/MENTION];
إظهار التوقيع
توقيع : العدولة هدير
#6

افتراضي رد: انا محتاجه مساعدتكم تعبت

شكرا ليكم اخواتي انا مبسوطه خالص بردودكم عليا بس اللي انتو مش عارفينه ان جوزي عارف كل حاجه بس مشكلته انه مش عاوز يدخل ابدا علشان ميخسرش اهله واخواته وان شكيت يقولي ياتردي عليهم يامتتسكتيش وتنكدي علينا جوزي بيحبني خالض الحمد لله بس هو بيحب اهله كتير وانا بسكت علشان ميخسرهمش بس يااخواتي انا عارفه اجري عند ربي بس اللي مدايقني انهم بيدخلو بيني وبين صديقه عمري وحبيبتي وبيحاولو يوقعو بينا وانا مقدرش اعيش من غيرها حساهم مش عاملينلي اي حساب وبيحاولو يهدوني فانا تعبانه قوي وخايفه يخسروني صديقتي او يبعدوها وانا كده ادمر لانهم هياخدو اخر حاجه حلوه عندي
#7

افتراضي رد: انا محتاجه مساعدتكم تعبت

محدش عند حل لمشكلتي يعني هفضل كده علي طول لاحول ولا قره الا بلله
#8

افتراضي رد: انا محتاجه مساعدتكم تعبت

طبعا انا مش هقولك استحملي او حاجة لانك بتعملي كده
طب ليه انتي مش بتصرحيهم يمكن يبطلوا شوية
او مثلا قليلي من مقابلتهم يعني قللي من الزيارات
وارجوكي متنافقيش حد منهم كلميهم بصراحة

إظهار التوقيع
توقيع : τнє τɪмє σf sυиsєτ
#9

افتراضي رد: انا محتاجه مساعدتكم تعبت

اكيد صديقتك عارفه ضروفك وانتى حكيتى لها عن مشاكل اهل زوجك وان شاء الله هى ماتنجر معاهم ولا تسمع لهم وتفضل احسن صديقه لك
إظهار التوقيع
توقيع : ريموووو
#10

افتراضي رد: انا محتاجه مساعدتكم تعبت

صاحبتك لو انتى حاكيالها ومعرفاها ومشت ورا كلامهم يبقى خسارتها مكسب ليكى
ولوانتى خرسا مترديش ولوانتى بتتكلمى متسكتيش صدقينى لو رديتى مره هاتحسى براحه كبيره
بس بشرط متخليهومشى يمسكوا عليكى غلط انا عارفه ان كتير هيغلطونى بس صدقينى
احتمال كبير ان انتى مبينه ليهم ضعفك علشان كده
مستقصدينك حاولى تستنتجى حوارهم ايه وجهزى رد فى دماغك او ابدئى مناقشه ورتبى افكارك
كويس جدا بس من غير ماتنزلى لمستواهم متبينيش ضعفك ليهم حتى لومعرفتيش تردى
خلى عندك ثقه فى نفسك قومى قدام المرايه ودربى نفسك لان لغة الجسد اقوى من الكلام
والصوت العالى دليل على ضعف موقفك خليكى هاديه مش لازم تتكلمى كتير ممكن كلمه تهد جبل
إظهار التوقيع
توقيع : omelbanat
#11

افتراضي رد: انا محتاجه مساعدتكم تعبت

ربنا يكون في عونك ويصبرك
وينصرك عليهم يارب
#12

افتراضي رد: انا محتاجه مساعدتكم تعبت


المشاركة الأصلية كتبت بواسطة omelbanat
صاحبتك لو انتى حاكيالها ومعرفاها ومشت ورا كلامهم يبقى خسارتها مكسب ليكى
ولوانتى خرسا مترديش ولوانتى بتتكلمى متسكتيش صدقينى لو رديتى مره هاتحسى براحه كبيره
بس بشرط متخليهومشى يمسكوا عليكى غلط انا عارفه ان كتير هيغلطونى بس صدقينى
احتمال كبير ان انتى مبينه ليهم ضعفك علشان كده
مستقصدينك حاولى تستنتجى حوارهم ايه وجهزى رد فى دماغك او ابدئى مناقشه ورتبى افكارك
كويس جدا بس من غير ماتنزلى لمستواهم متبينيش ضعفك ليهم حتى لومعرفتيش تردى
خلى عندك ثقه فى نفسك قومى قدام المرايه ودربى نفسك لان لغة الجسد اقوى من الكلام
والصوت العالى دليل على ضعف موقفك خليكى هاديه مش لازم تتكلمى كتير ممكن كلمه تهد جبل
انا معاكي في كل كلمة السلايف في مصر غير العالم كله اصلا فلازم تكوني قوية وتفرسيهم وتغلطيهم وتحافظي علي اعصابك هي صعبة شوية خصوصا انك سكتي سنين كتير حاولي تكوني باردة وتردي بهدوء وربنا يقويكي لاني عارفة شغل السلايف ده كان مع مامتي عامل ازاي اهم حاجة صحتك علشانك وعلشان ولادك وطالما جوزك قالك ردي خلاص ردي وبقلب جامد بتخافي ليه وكمان عندك ولادك ليه مبتخليهمش يقفو معاكي الحكاية مش حكاية انك تخليهم يخسرو صلة الرحم لا الحكاية انهم يعملو لامهم كرامة ويقفو جمبك علشان لما يكبرو برضه يقفو جمبك ياريت تفهمي كلامي انا الي كان بيزعل مامتي مكنتش بكلمة وانا طفلة صغيرة جدا يمكن اقل من 5سنين بس كنت ناصحة وفاهمة وكنت بجد سند لامي فبتفرق كتير وكانو فعلا بيتضايقو اني مش برد عليهم السلايف دول زيك زيهم الي تكلمك ظبطيها لكن حماتك معلش مهما عملت هي ام جوزك وجوزك هيزعل منك وربنا يقويكي وصدقيني مهما كانت صاحبتك قريبة منك بلاش تدي اسراك لحد لان الناس معدتش زي زمان خلي بالك من نفسك وبيتك واسرارك والحمد لله انتي دلوقتي في بيت لوحدك يبقي كبري دماغك هما متغاظين منك علشان كده بيحاولول ينكدو عليكي كبري دماغك وحسي بنفسك وافرحي بولادك وجوزك وبيتك والباقي ولا تعبريه ولا كانهم هوا جمبك ولا ليهم لازمة الي ينكد عليكي نكدي عليه ملحوظة لكل الوطن العربي السلايف في مصر غير كل السلايف في العالم
إظهار التوقيع
توقيع : لولو حبيب روحي
#13

افتراضي رد: انا محتاجه مساعدتكم تعبت

بصى احلى حاجه البرووود
اييييييوه البرود
خلى اعصابك باااااارده جدا
بصيلهم واضحكى ولا كأن الكلام عليكى
مهما عملو اضحكى عشان تفقعى مرارتهم
وردى عليهم ومتسكتيش بس من غير ما تغلطى فى حد
او طنشيهم وتجاهليهم خالص ولا كأنك شايفاهم والساعه اللى هتروحيها عندهم خدى حبايتين برود اعصاب
والله هتخليهم يطقو منك
ربنا يهد كل قوى ياااااارب
#14

افتراضي رد: انا محتاجه مساعدتكم تعبت

بصى رددى دايما الدعاء ده
افوض امرى الى الله ان الله بصير بالعباد
اقسملك بالله هتشوفى فيهم علامات
ربنا هياخدلك حقك منهم ادام عينك
#15

افتراضي رد: انا محتاجه مساعدتكم تعبت

دايما ادعي ربنا وادرء بك في نحورهم واعوذ بك من شرورهم
ودايما قولي اللهم من ارادني واهلي وبيت وزوجي واولادي بسوء فاكفينيهم بما شئت وكيف شئت واجعل كيدهم في نحرهم
#16

افتراضي رد: انا محتاجه مساعدتكم تعبت

حسبنا الله و نعم الوكيل

أسأل الله العظيم أن يصلح حالك
إظهار التوقيع
توقيع : NINAKAHINA
#17

افتراضي رد: انا محتاجه مساعدتكم تعبت

معلش انا لسه شايفه ردودكم شكرا ليكم كلكم علي ردودكم اللي كلها حب وامل بس العيب فيا انا انا اللي ضعيفه مع الاسف معنديش القوه اني اتكلم ومعنديش القوه اني اسكت واستحنل بنهار بسهوله وهما مستغليين دا كويس حاولت اتغير كتير بس بدون فائده هما حاليا مقاطعيني بسبب صحبتي علشان مش مقرباهم منها ولا مهتميه بيهم زيي جايبين الحق عندي وقالبين عليا فانا بعدت عنهم لاني مش قدهم علشان اواجهم هما صعبين في ردودهم وانا مبعرفش ارد الحمد لله
#18

افتراضي رد: انا محتاجه مساعدتكم تعبت

ربنا يعينك وصدقني كل ده اكيد لانك مقلله من ذكر الله عز وجل..
صلي واعملي كل الطاعات اللي عليكي واصبي وخذيها وحده وحده وهتمشي ان شاء االله.
رد: انا محتاجه مساعدتكم تعبت
#19

افتراضي رد: انا محتاجه مساعدتكم تعبت

انتى ابعدى عنهم وتبقى بس زياره عشان صله الرحم وقابله الاساءه بالحسنه زى ما رسولنا الكريم علمنا ورددى دايما حسبى يا الله ونعم الوكيل واللهم انى مغلوب فانتصر وربنا هياخدلك حقك تخيل مالك الملك هو اللى هيجبلك حقك مش جوزك ولا حد تانى وفى نفس الوقت اتقربى من ربنا وحافظى على قيام الليل والاستغفار هتلاقى حياتك اتحولت جنه
#20

افتراضي رد: انا محتاجه مساعدتكم تعبت

حبيبتى مادام انتى عارفة انهم بيحاولو يوقعو ماتعمليش لكلامهم حساب وطنشى الى يتقال وانتى بعيدة عنهم ولما تروحى اسمعى من ودن وطلعى من التانية
#21

افتراضي رد: انا محتاجه مساعدتكم تعبت

ربي يفرج عليكي
إظهار التوقيع
توقيع : ااحلام فرح
#22

افتراضي رد: انا محتاجه مساعدتكم تعبت

الله يكون في عونك ويصبرك


قد تكوني مهتمة بالمواضيع التالية ايضاً
الموضوع كاتب الموضوع المنتدى
تعبت والدنيــا عيــت تستـــريــ ح ЙǑŏƒ المنتدي الادبي
أنا تعبت من نفسي والله ! ..(مسلسل جديد..تابعونا..) Princess mourning منوعات x منوعات - مواضيع مختلفة
تعبت أكتب على اوراقك غرام وحضرتك تمحيه طُمُوحي الجنّة المنتدي الادبي
ساعدوني تعبت ابي حل لحالتي بقايا انسانه فضفضة وحل المشاكل
~*~ تعبت امشي انا بدربك ~*~ همسات المنتدي الادبي


الساعة الآن 01:07 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل