أو

الدخول بواسطة حسابك بمواقع التواصل

#1

افتراضي تعالى قوليلنا حليتيها ازاى(مناقشه)

تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)

مراحب حبيباتى

تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)

كل ست مننا بتواجه المشاكل

كل ام

كل بنت

كل ست

كل اخت

كل يوم مشكله

والزوجه اكثر شخص بيلاقى المشاكل دى

وبيواجها وبيحاول يحلها

فى البعض بينجح

والبعض الاخر لا للاسف

البعض بيسكت وبيتحمل

والبعض بيهرب وبيتخد اقصر الطرق للامن والسلام

اكيد كلكم مريتوا بالتجارب دى

خناق مع الزوج

اختلاف وجهات النظر

زعل

خصام

نكد

زهق

ايه رائيكم نجعل هذه الصفحه منبرا للنقاش الحر

كل عدوله تدخل تقول لنا على مشكله حصلت ليها مع جوزها وازاى حلتها او اتصرفت فيها

مش عاوزه ردود سطحيه او شكر

عاوزه ملف كامل عن حلول المشاكل الزوجيه

ارجوكم ساعدونى نجعله رساله الى كل زوجه محتاره

رساله الى كل زوجه تتالم

رساله الى كل زوجه عندها مشكله ومش لاقيه حل

تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)

اخير تقبلوا ودى لكم

وفى انتظار مشاركاتكم الحلوه الهادفه

على النحو التالى

1-نوع المشكله
تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)
2- الحل او ازاى اتصرفتى

عاوزه حاجه من واقع حياتنا ومن تجاربنا الحقيقيه
تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)
يارب تنجح الفكره

وشكرا لتعاونكم حبيباتى

تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)تعالى قوليلنا حليتيها ازاى(مناقشه)


إظهار التوقيع
توقيع : ريموووو
#2

افتراضي رد: تعالى قوليلنا حليتيها ازاى(مناقشه)

بعد اذنك يا مس
انا مش فاهمة نعمل ايه
إظهار التوقيع
توقيع : بسم الله
#3

افتراضي رد: تعالى قوليلنا حليتيها ازاى(مناقشه)

موضوع جميل
رد: تعالى قوليلنا حليتيها ازاى(مناقشه)
إظهار التوقيع
توقيع : أميرة القصر
#4

افتراضي رد: تعالى قوليلنا حليتيها ازاى(مناقشه)

احيكى على هذا الطرح الرائع فى الحقيقة موضوع مهم جدا اى راجل وست فى بدايه الزواج بيكون مفيش تفاهم بينهم خالص اختلاف فى الاراء اختلاف فى الازواق كل شىء من هنا بيحدث الخلافات الكتير وللا سف كمان ان زوجى عصبى جدا فوق الوصف كنت دائما احس فيه عيوب كتير جدا يحب يقول رأيه ميسمعش رأى وبيتنرفز من اقل حاجه وطبعا فى البدايه ان كنت بحب اتكلم واقول رأى فى كل حاجه كانت خلفتنا كتير جدا مش بتخلص والنتيجه تعب زهنى وتعب نفسى فكرت لقيت ان السكوت بيجيب نتيجه هايله مفيش زعل مفيش نكد كل ده بسبب كلمات بسيطه نعم وحاضر وصح مظبوط وطبعا طبعا واكيد وخصوصا وقت النرفزه وده ميمنعش انه فى مميزات كتير حلوه بس الصبر والدعاء لله بالهدايه باذن الله بيجيب نتيجه اشكرك اخت ريموووو شكرا جزيلا كل عام وانتى بخير
إظهار التوقيع
توقيع : نجمة منورة
#5

افتراضي رد: تعالى قوليلنا حليتيها ازاى(مناقشه)

زوجي كان بيسهر بره البيت لحد وقت متاخر ومش بيحكي اي حاجه معايا وكنت دايما في خناق معاه وكنت مخنوقه اوي من الموضوع ده لحد ما ربنا رزقني بالبنات التوءم وبداءت انا انشغل عنه ترك السهر واول مايدخل من الباب لوا نا في المطبخ يخش ورايا ويحكي الي حصل معاه وده طبعا حصل لاني بطلت ازن عليه ودلوقتي الحمد لله بقينا اصحاب خالص مش ازواج بس
بس في مشكله انه ممكن يحكي اي شيء وانا ارد عليه بكلمه طيبه واو بنصيحه
هو بقي لو في حاجه عايزه احكيها واخد رائه فيها يتنرفز بسرعه ويقلب عليا فبيني وبنكم بطلت اخد رائه في حاجه حاسه انه هايلب عليا فيها
وشكرا لكي يا يموووووو ولكي مني كل الود والحب
إظهار التوقيع
توقيع : نوارا
#6

افتراضي رد: تعالى قوليلنا حليتيها ازاى(مناقشه)

موضوعك مهم
وليه راجعه ان شاء الله
إظهار التوقيع
توقيع : امة الله
#7

افتراضي رد: تعالى قوليلنا حليتيها ازاى(مناقشه)

أنا من أسبوعين حصلت معاي مشكلة مع زوجي عشان المنتدى
أنا بيني وبينكم بقعد كتير مع عدلات وللعلم ما بقصر بشغل البيت والأولاد وطلبات الزوج والحمدلله
بس تصدف كل ما يجي عالبيت يشوفني قاعدة معكم
وزعل مني كتير
وبعد زعل كم يوم فكرت وقولت ليش ما بعمل على رضاه وكمان ربنا يرضى عني
وحاورته ~أنا مقصرة في حقك وحق البيت والأولاد قال لا فقلت خلص ما في مشكلة
صرت أقعد لما يطلع هو الشغل شي ساعتين وبعدها اعمل شغل البيت ودراسة البنات واخلص وارجع اشوفكم وقبل موعد رجوعه بوقت قصير أقوم
والحمدلله انحلت المشكلة بشوية مسايسة
إظهار التوقيع
توقيع : لؤلؤة الايمان
#8

افتراضي رد: تعالى قوليلنا حليتيها ازاى(مناقشه)

الموضوع رائع شكرا لكِ
إظهار التوقيع
توقيع : عرين
#9

افتراضي رد: تعالى قوليلنا حليتيها ازاى(مناقشه)

ماشاء الله عليكم حبيباتى

شكراااااا لتحاوبكم معايا

بس للاسف اخوات تانيات ردوا بردود سطحيه لا تفيدنا بشئ

ياريت يرجعوا يشاركونى تانى الموضوع ويحكوا لنا عن مشكله حصلت معاهم وازاى حلوها

حتى لو مشكله بسيطه يمكن غيرك يستفيد من حلها

ماتبخلوش على غيركم بالحل والنصيجه
إظهار التوقيع
توقيع : ريموووو
#10

افتراضي رد: تعالى قوليلنا حليتيها ازاى(مناقشه)


المشاركة الأصلية كتبت بواسطة بسم الله
بعد اذنك يا مس
انا مش فاهمة نعمل ايه

حبيبتى هى مناقشه مشاكل المتزوجات وازاى حلو مشاكلهم دى

حتى انتى ممكن تشاركينا باى مشكله حصلت قدامك وايه كان الحل

او مشكله سمعتى عنها
إظهار التوقيع
توقيع : ريموووو
#11

افتراضي رد: تعالى قوليلنا حليتيها ازاى(مناقشه)

نجمه منووووره

معاكى حق السكوت هو انجع وانجح علاج للعصبيه
إظهار التوقيع
توقيع : ريموووو
#12

افتراضي رد: تعالى قوليلنا حليتيها ازاى(مناقشه)

نوارا ماشاء الله عليكى

صح والله لما تطنشيهم يجروا وراكى
إظهار التوقيع
توقيع : ريموووو
#13

افتراضي رد: تعالى قوليلنا حليتيها ازاى(مناقشه)

امه الله فى انتظارك حبيبتى
إظهار التوقيع
توقيع : ريموووو
#14

افتراضي رد: تعالى قوليلنا حليتيها ازاى(مناقشه)

ام وليد

تفكيرك جدا رائع وحلك ماشاء الله عليه

وعلى فكره انا زيك وبعانى من نفس المشكله

وعملت زى ما انتى عملتى

اتفقت مع جوزى لما يكون هو بالبيت انا ما ادخل نت

الا اذا هو موافق او نايم
إظهار التوقيع
توقيع : ريموووو
#15

افتراضي رد: تعالى قوليلنا حليتيها ازاى(مناقشه)

وانا كمان ححكيلكم عن بعض المشكلات اللى حصلت معايا

وازاى حليتها

جوزى من النوع العصبى جدا، وانا زيه اذا مش اكثر منه، زوجى بيحب انه يكون رائيه هو اللى ماشى حتى لو غلط
وانا من النوع اللى بيحب يبدى رائيه وياخد ويعطى وبحب اقنع اللى قدامى بوجهة نظرى بس مع مين جوزى؟

لالالالا

لا يتقبل هالشئ ابدا عشان كده غالبا بتصير مشاكل بينا
استمرينا كتير على هالحال لحد ماعلمت ازاى اضبط اعصابى معاه وازاى اتنازل عن حقى

حتقولوا انى اتنازلت عن حقى وكرامتى معلش ده نش عيب

ده عشان حياتنا تستمر واولادنا يكبروا بين امهم وابوهم من دون نزاع ومشاكل
إظهار التوقيع
توقيع : ريموووو
#16

افتراضي رد: تعالى قوليلنا حليتيها ازاى(مناقشه)

عندك حق يا ريمووو لازم كل البنات الصغيره المقبله علي حياه زوجيه جديده تتعود علي شيء من التنازل شويه علشان مركب الحياه يصير بامان اصل الزواج مش مشوار وراجعه وكل واحده فينا تتحلي بالصبر وتحاول تفهم ايه الي بيحبه زوجها وايه مش بيحبه وتراضيه لان رضا الزوج من رضا ربنا علينا وربنا يسعدنا جميعا في الدارين وليه راجعه تناني لان المواضيع الشد والجذب بين الراجل والست كتيره ومابتخلصش
إظهار التوقيع
توقيع : نوارا
#17

افتراضي رد: تعالى قوليلنا حليتيها ازاى(مناقشه)

معاكى حق حبيبتى نواراااا

الموضوع ده متشعب ومابيخلص

مشكله جديده اتكلم عنها
الخلاف بين الزوجين بسبب الاولاد
زوجى بيحب يسيطر وكلمته هى الماشيه

احيانا مثلا بيدخل فى قصه شعر الاولاد هم عاوزينها بشكل وهو مش عاجبه عاوزها عاديه جدا مابيحبش القصات الغربيه ابدا طيب دول اطفال والطفل مابيحب حد يفرض عليه حاجه فلما ابوهم يامرهم بقصه معينه

بيبصولى انا عاوزينى انقدهم، بس انا لو اتكلمت حتحصل مشكله بينى وبينه لانى نصرت الاولاد عليه وخليتهم يكسروا كلامه

فانا بعمل ايه بقولهم قدامه معلش اسمعوا كلام بابا وروح بكره قص شعرك، بكده انا بهدى الموضوع من ناحيه زوجى وبعطى الاولاد فرصه يوم كامل عشان يقنعوا ابوهم باللى هم عاوزينه

وكده انهيه الخلاف بالبيت من غير ما اعمل مشكله بينى وبين جوزى
إظهار التوقيع
توقيع : ريموووو
#18

افتراضي رد: تعالى قوليلنا حليتيها ازاى(مناقشه)

موضوع جميل يا ريمووو

في بداية اى زواج الزوجين بيكونوا مختلفين ومش فاهمين بعض وبيحصل صدمات وخطوة خطوة فهمت شخصية زوجي وبالتالي ما ازعله او أعمل حاجة تضايقه
لكن بيحصل زعل من حاجات تافهة والله مش فكراها بتتبخر واحسن شيء إتفقت عليه معاه إن ما ننام وأحد زعلان من التاني لازم نتصافى ووقتها فعلا ولا كئن حاجة حصلت
شيء جميل كمان الكرامة مع الزوج سبيها على جنب شوية بمعنى لما الزوج هو ال مزعلك روحي صالحيه ما تنتظري يجي وما تقولي لازم يكون عندي كرامة بالعكس بيحترمك الزوج كتير لما يلاقيكي امتصيتي غضبك وإنتِ ال بادرتيه بالصلح
كان نفسي أحكيلك على موقف لكن مش فاكرة حاليا حاجة لكن لما الذاكرة ترجع هقلك
إظهار التوقيع
توقيع : سمسم*
#19

افتراضي رد: تعالى قوليلنا حليتيها ازاى(مناقشه)

اما انا فحكيتي مع جوزى حكايه كنت بحبه بجنون كان اول زوجنا بيسافر وبيجي شهرين في السنه ومكنش ربنا بيأذن بالحمل في الفتره القصيره دي وفي اخر اجازة بكيت له بحرقة قلب وقلت له ارجوك تعالى استقر هنا ونكون مع بعض مكنتش قدره اعيش من غيره رغم ان كان في مشاكل بس تافه جدا وكنت دايما انا بصلحه وارضيه لانه عنده كبرياء فوق الوصف المهم حصلت مشكله في شغله في الرياض ونزل على مصر واستقر وربنا وفقه لعمل كويس هنا وعشت معاه احلى سنه في عمري خصوصا ان ربنا اذن بالحمل بعد 3شهور بس من استقراره جنبي بصراحه دلعني اوي كانت اسعد فتره في حياتي كنت بحس اني مش شايفه من الدنيا غيره كنت بحب الطفل اللى جوايا علشان هو منه وعلشان عايزه اشوف الفرحه دايما في عينه والله كنت بعمله ذي ميكون طفل مدلل لكن للأسف سعادتنا لم تدوم لاني في عز فرحتى اخذت صدمه من جوزي كنت لايمكن اتخيلها طبعا البركه في شياطين الانس مرات اخوه جت يوم سبوعي وانا في عز فرحتى ولعت بينا قد ماقدرت وروحت تتمختر وفي اليوم ده مد ايده عليا وشتمني ووصلت انه يطردني من البيت اليوم ده حبيبي مات مات وحزنت عليه من قلبي واللى عايشه معاه من سعتها واحد بكرهه وبتمنى الموت كل ما افتكر اللى عمله فيا علشان مااعيش معاه لكن ابنى كسرنى وخلانى ارضى اعيش معاه بعد كل ده وكتير حولت اسامح بس مش قدره علشان معملتش فيه حاجه وحشه بالعكس اتحملت علشانه كتير اوى اوى ومن ساعة المشكله دي بيحاول يصلح نفسه معايا ويكون كويس بدون اعتذار عمره مايعتذر ابدا مهما كان خطأه لكن بيحاول يمسح المشكله دي بالمعامله الطيبه بس خلاص قلبي كره ومش قدره ارجع زي الاول وعايشه علشان ابني واكتر حاجه تعباني انى بمثل عليه وانا من جوايا بتعذب وحسبي الله ونعمه الوكيل في اللى دخلوا بينا بحقدهم ودمروا حياتنا سمحوني للأطاله بس كنت محتاجه اتكلم
#20

افتراضي رد: تعالى قوليلنا حليتيها ازاى(مناقشه)

موضوع حلووووو كتير يا ريموووووووو تسلمي
انا من بداية زواجي تفريبا بعد السنة واجهت مشاكل كتيرة من طرفه والطرف الخارجي وكنت بس اسكت واقول حسبي الله ونعم الوكيل ووالله يا جماعة ربنا بيستجيبلي الحمد لله كان على اي شيء يزعل وانا اتحمل كتير غير الاطراف الاخرى هيا اللي تزيد بينا المهم صبرت وربنا والعالم وكنت اقعد معه واقولك ليش بتعمل هيك وعالفاضي طرد من البيت وكانتت اسباب لا تذكر وكان منها الحمل حتى اللي تحمل من اخواتي ممنوع اشوفها او ابارك الله والله تعبت كتير وضل الوضع تقريبا ل4 سننين وهو شايف اني بتحما انا ما بنكر كان ايام يصلحني ويقولي انتي كتير بتتحملي مني وصبرت وشفت والحمد لله هلأ صار احسن اقتنع انوا انا بدي اياه وبدي اعيش معو والاطفال هاي رزقه من ربنا والله الكريم بس بصراحة اللي جاب نتيجة اكتر معي الصبر والحمد لله عندي قناعة تامة انوا اللي برضى بعيش طبعا مو بكل الامور هلأ بتمنى من رب العالمين ان يرزقني ويعوض صبري بلطفل اللي بحلم اضمه لصدرري من 6 سنوات والحمد لله الله يهدي ازواجنا يا رب
إظهار التوقيع
توقيع : سوسو الامورة
#21

افتراضي رد: تعالى قوليلنا حليتيها ازاى(مناقشه)

احيك حبيبتي على الموضوع الرائع انا اول مااخدت جوزي كان بيدخن بس ساب التدخين عشان والدي شارط ممنوع دخان وبع د مااتجوز اكتشفت انه بيدخن بس قليل لمن يطلع مع اصحابو او لمن يكون متضايق المهم في بدايه جوازي طبعا خلاص ضمن انوتجوز ومره كان راجع من عند اصحابو وريحت فمه وملابسه كلها دخان طبعا انا بزعل ومااكلمو بس يعني مافيش عصبيه ولاصراخ ولا شي وتاني يوم يجي ويراضيني واخر يوم وخلاص وبعد فتره يرجع يعني بس لمن يكون مع اصحابو اومتضايق بيدخن المهم ونفس الموضوع يتكرر ومره كنا رايحين نتمشى واستشارني انه ودي يشتري دخان ووافقت وقلت طيب المهم نزل حضرت جنابه فرحان بنفسه واشترى ومشينا عادي ولا كان صار شي المهم وقفنا السيره وجلسنا مع القههوالشاي والحلو بيخرج السيجاره وقلتله يعني بدخن قدامي ماتستحي واخد يترجاني يدخن بس وحده وقلت طيب بس بشرط انت وحده وانا وحده ماتدخن لوحدك او ترجعني بيت اهلي وتدخن لوحدك على كيفك المهم موانت تدخن وانا لا ياانا وانت او لا وانا طبعا مااحب الدخان ولا اعرف كيف بيدخنو المهم رفض وطفى السيجاره انا ماوقفت على كدا راح بيصلي المغرب واخدت السجاير وفككتها واخدت كم حبه خبيتها عندي المهم انت الرحله بسلا م .. وبعد فتره رجع الحلو ودخن طبعا انا كيف عرفت اكيد ريحتو وريحه ملابسه انا ايش سويت اعتقد هو خرج من البيت ماادري فين راح المهم انا ايش سويت بسرعه قبل مايجي ولعت السجاير اللي كانت عندي وشفطت ايشويه عشان يجي في فمي الريحه وبخرت فيها البيت ولمن جاء طبعا شم ريحت السيجاره في البيت وخليته يشمها في فمي وحلفت لو مره تانيه دخن لا ادخن انا زيه وحده بوحده وبعد كدا الحمدلله ماعمره دخن لين هدا اليوم يمكن له 6 سنوات والحمدلله مااحد دري بحكاييتنا لا اهله ولا اهلي
انا كتبت هدي التجربه لااني اعرف كتير من الستات اهلهم بيشروطو على العريس يسيب الدخان وهو عشان ياخد عروسته بيسيبو وبعد الجواز بيرجع فالحلوين الستات بيسكتوا ويرجع الزوج على الدخان من جديد وواتمنى استفدتو من الموضوع وادعولي ببنوته
إظهار التوقيع
توقيع : حنين الايام
#22

افتراضي رد: تعالى قوليلنا حليتيها ازاى(مناقشه)

وهدي حكايه تانيه انا لمن اخدت جوزي كان بيطلع كتير مع اصحابو وانا طبعا مابحب الراجل يخرج كتير ويسيب بيته انا طبعا بحب الخرجات كتير احب اروح مطاعم مولات زيارات المهم اخرج ولوحدنا وكان واحد من اصحابو دايم يدق عليه ويقوله هيا تعال في الاستراحه وانا بزعل كتير ويقولي انت روحي عند اهلك وانبسطي واجلسي طبعا هو لوراح حيخليني عند اهلي لين الفجر طبعا عادي اجلس لين الفجر بس انا خفت انو يتعود المهم اول مره وافقت وخليتو يروح وانا رحت عندة اهلي وما جاء غير الساعه 3 طبعا انا مديت بوزي شبرين انا ماني زعلا نه انا اكيد فرحانه اني جالسه عند مامتي بس ماابين له عشان مايعيدها حسسته اني زعلانه وني مش عاوزه اهلي وانه هووبس المهم كل مايحاول يخرج عند اصحابه ويوديني عند اهلي اقوله مش عاوزه اروح لاهلي انت روح مع السلامه اذا انت مستغني عني روح ادا انت طفشت مني روح بس انا مش رايحه لاهلي واعتدر احيانا باي عدر المهم هو مايسيبني يحاول وانا ارفض هوليش يحاول عشان يطمن اني انا عند اهلي وياخد هو راحتو الين الفجر
المهم حبه حبه لين صار مايخرج من البيت وحتى اصحابه نسيهم بس العمل والبيت واهله والحمدلله طبعا انا بقول للعرليس الحلوات لاينسو انو جوزك على ماعودتي تبغيه على يدك من اول ماتدخلي البيت عوديه على الاشياء اللي انتي تبغيها زي العجينه يتشكل بس بالادب والاخلاق والحنان والكلام الحلو والصبر وبعدها كل شي يجي واهم شي امه واتمنى استفدتو ا
إظهار التوقيع
توقيع : حنين الايام
#23

افتراضي رد: تعالى قوليلنا حليتيها ازاى(مناقشه)

انا مشكلتي نفس مشكله ريموووو العصبية والان صرت احاول اهدي نفسي وامسك اعصابي والحمد الله خفت المشاكل كثير
إظهار التوقيع
توقيع : عرين
#24

افتراضي رد: تعالى قوليلنا حليتيها ازاى(مناقشه)

موضوع جميل ياريمووو
#25

افتراضي رد: تعالى قوليلنا حليتيها ازاى(مناقشه)

ماشاء الله عليكم اخواتى

ربى يسعدكم ويمد بعمركم ويسخر لكم ازواجكم

ويرزقكم بما تتمنونه

ويعطى حبيباتى اخواتى الذريه الصالحه ويشفى بنت اختنا بسمه امل ويرجعها لمها سالمه
إظهار التوقيع
توقيع : ريموووو
#26

افتراضي رد: تعالى قوليلنا حليتيها ازاى(مناقشه)

اعجبنى جدا طريقه تعاملكم مع المشاكل الصغيره وكيف تصرفتم فيها

وصح كلامك اختى اك تركى زوجك على ما تعلميه

بارك الله فيكى لوضعك تجاربك تحت يد اخواتنا المقبلات على الزواج

سوسو تصرفك جدا حكيم والصبر مفتاح الفرج ربى يبارك فيكى ويرزقك

عرين اختى نعم لازم نحن العصبيات نتحمل ونصبر ونضغط على نفسنا عشان نعيش

اختى مرموره حبيبتى كفايه انك رضيتى تعيشى معاه عشان ابنك ده لحد زاته صلح ورضى واكيد الحب بيرجع لما تحسى انه اتغير ورجع معاكى زى الاول ربنا يهديكم ويبعد اولاد الحرام عنكم

سمسم حبيبتى ربنا يهديكم اكثر واكثر وفى انتظار تجاربك الجديده


رحيل منوره
إظهار التوقيع
توقيع : ريموووو
#27

افتراضي رد: تعالى قوليلنا حليتيها ازاى(مناقشه)

[size="4"]حبيبتى ريمووووو موضوع جميل جداااااااااااا وفعلا فيه استفادة للجميع ونحن فى زمن كله مشاكل وضغوط نفسية
بس الواحد على قد ما بيقدر يمشى الامور بالحكمة والصبر وكيفية التعامل وامتصاص الغضب بالصمت
اى حياة زوجيةفى البداية لابد من مشاكل كثيرة
ومن المشاكل التى كانت بتتعبنى نفسيا هو الراجل الكتوم ماتعرفيش عنه حاجه بس انا بفضل الله والدعاء لله
عرفت انتصر على هذه الصفة ازاى بانى مابخبيش عنه اى شئ صريحة جداااا معاه ومره على مره صار زى مابيخبيش اى حاجة حتى فى شغله وصار يأخذ رأى فى كثير من مواقف فى شغله
اهم حاجة تظهرى له حبك وحنانك وقبل كل شئ الاستعانه بالله فى حياتك والله عن تجربة
ولكى كل الحب والتقدير يا ريمووووووووو على الموضوع الممتاز واحلى تقييم علشان الموضوع بتثبت للاستفادة للجيل الجديد من المتزوجين حديثا"
إظهار التوقيع
توقيع : مصريه اكيد
#28

افتراضي رد: تعالى قوليلنا حليتيها ازاى(مناقشه)

موضوع قمة فى الجمااال
بارك الله فيكى ياريمووو ياقمر
بس انا لسة مش مجوزة
اول ما اجوز مع اول مشكلة
اجرى على طول
واكتب هههههههههه
جزاكى الله كل خير
إظهار التوقيع
توقيع : همس الوجود
#29

افتراضي رد: تعالى قوليلنا حليتيها ازاى(مناقشه)

مصريه اكيد حبيبتى شكرا لمشاركتك حبيبتى

وبجد بجد كلامك صح ميه ميه وبارك الله فى جهودك وحلولك الرائعه



غاليتى همس الوجود ربى يرفع حظك وشانك ويرزقك بابن الحلال وربى يبعد عنك المشاكل غاليتى

المهم تستفيدى للمستقبل
إظهار التوقيع
توقيع : ريموووو
#30

افتراضي رد: تعالى قوليلنا حليتيها ازاى(مناقشه)

بصى انا اول متجوزت كان جوزى بيغير اوى من كل حد حتى اخوى الصغير الى كان وقتها عند9 سنين غيره مش طبيعيه وكان على ااقل حاجه يتخانق ويزعق جامد
انا من النوع الهادى بس ده كان زمان قبل ما خلف
المهم كنت اسمع كل حاجه وافضل ساكته خالص لحد ميخلص كلامه وزعيقه كله وبعدين اسحب نفسى وادخل اوضتى
بس طبعا مكنتش بسمح بالغلط وهو الصراحه مكنش بيغلط او بيشتم خالص الحمد لله بس بيزعق وخلاص
وفضل كده فتره كبيره جدا بس الحمد لله دلوقتى بقى اخف بكتير من الاول لما عرفنى كويس وعرف اخلاقى اكتر زادت الثقه بينا جداااااا والحمد لله
ملحوظه احنا اتخطبنا شهرين بالظبط عشان كده مكنتش اعرفه ولا يعرفنى كويس
بس الحمد لله على كل شئ
إظهار التوقيع
توقيع : امة الله
#31

افتراضي رد: تعالى قوليلنا حليتيها ازاى(مناقشه)

اذا كان على المشاكل حدث ولا حرج بس على مين وحياتك ما بتلحق تكمل لالالالالالازم اخليه ينهيها فى عز ا هو متنرفز اصل محسوبتك بقت خبييييييييييره من كتر المشاكل وعرفت مفاتيح جوزى واذا اخليه يحنلى وينهى المشكله بابسط الطرق بس ده كمان لانه حنييييييييين جدا خدى ندك بقى يا ستى
انا وجوزى جوازنا تقليدى جدا وبعد الجواز حبيته بجنون وهو كان بيحاول يسعدنى على اد ميقدر بس ده طول ما هو معايا فى البيت ساعت بقى ما ينزل يزور اهله تاتاتاااااااااا عينك ما تشوف الا النور مش هقولك بيجى يزعقللا لاء د مش طايقنى وبيتلكك على اى حاجه عشان يضربنى اه ضرب ومش اى ضرب طبعا كانت بتصعب عاليا نفسى اوى واحاول اخد موقف مره بالادب مره بعصبيه مختلش
لحد ما فى يوم كنا عند اهله هوو دايما كان بتعمد يهزئنى قدام اهله عشان يرضى مامته اتكلمت معاه بهدوء وحرجته قدامهم لحد ما بطلها المهم اليوم ده فضل يهزر معايا ويدلعنى ومحتار يقولى يه وطبعا الكلام ده مش عاجب الست الوالده وعنيها طاقه شرار متعرفيش قالتله ايه قالى ياله نروح وانا حاسبه طول الطريق بيفكر ويتفنن ازاى يعكننى
انا بقى اتخنقت انا مافيش طريقه مخلتهاش عشان يبطل طرقته دى بس برده مافيش فايده ياااااااااااااختى
اول ما روحنا راح قافل الباب وقالى انتى كنتى بتبصى على فلان ليه فى الشارع انا مالحقتش اقول انا ودا راح نازل تراااااااااك على عينى انا مشوفتش بعدها وهاتك يا صريخ لما لقيته اتخض اتصلبط بصراحه واعدت اقوله مش شايفه عمتنى ارتحت دالوقت ودا نازل عيااااااااط فى حياتى ما كنت اتوقع كده ومحتار يعملى ايه وبعد ما فوقنى اتصل بامه والها من هنا ورايح مراتى ملكش دعوه بيها سيبينا نتهنى بقى ومن وقتها بيعملنى احلى معامله واحلى كلام بس بصراحه فرحت اوى انه خاف عاليا وحسيت اد ايه هو بيحبنى
اسفه للاطاله يا جماعه
#32

افتراضي رد: تعالى قوليلنا حليتيها ازاى(مناقشه)

ذهبت مع زوجي لشراء ملابس لابنتي وذهب بي الي محل تديره سيدة
وجدته يدخل ويمد يده ليسلم عليها ووجدتها تنتفض من مكانها لاستقباله
وانا واقفة مش فاهمة حاجة زي العبيط في الزفة
ظللت اشاهد الملابس وحقا خرجت دون ان يعجبني شئ او ادعيت انني لا يروقني شئ
وبهدوء تام ذهبت للبيت ولم اتكلم ببنت شفة
حتي اليوم التالي وقلت له انت ساحب وراك حمار مش فاهم حاجة قالي تركتك حتي تهدي انها امراة لرجل غريب تركها واولادها وكنت اعمل مع زوجها وعلمت منها انه تركهم لابد واقسم بالله اني لم اكن اعلم انها تعمل في هذا المحل
والحمدلله عدت ومن دة حاجات كتير بس ربنا يهدي سرنا واياكن حتي نربي اولادنا ولا نشمت بنا احد
إظهار التوقيع
توقيع : sho_sho
#33

افتراضي رد: تعالى قوليلنا حليتيها ازاى(مناقشه)

ههههههههههههههه

اضحكتني ام مازن اقسم بالله دي كاننت مشكلتي اول زواجي لحد ماالحمد لله ارتديت النقاب

يظهر يااختي الدمايطة كلهم زي بعض
إظهار التوقيع
توقيع : sho_sho
#34

افتراضي رد: تعالى قوليلنا حليتيها ازاى(مناقشه)

اهلا وسهلا باختى ام مازن منووووووره الحته يا قمممممر

اختى امه الله والله من شفتك بالمنتدى وانا عارفه انك ماشاء الله عليكى هادئه وحكيمه فى تصرفاتك ربنا يسعدك

اختى ام مازن الحمدلله انه عرف ان الله حق ورجع لعقله والحمدلله انه بطل يضربك لانه اكبر اهانه للمراه هى الضرب

اختى شوشو الحمدلله انك عاقله وبتعرفى ازاى تتصرفى لانه لو وحده غيرك كانت فضحتهم وهم فى مكانهم وده حيترتب عليه كتير مشاكل لكل الاطراف واحراج للست

ماشاء الله عليكم ربنا يسعدكم

وفى انتظار باقى المواقف منكم
إظهار التوقيع
توقيع : ريموووو
#35

افتراضي رد: تعالى قوليلنا حليتيها ازاى(مناقشه)

امممم

جوزى لما يكون مرتاح بيحبنى جدا وبيحب اهلى

بس لما يزعل من اى شئ منى اول شئ يعمله انه يشتم اهلى

بالاول كنت بزعل وبتخانق معاه وبزعق مثله وبتكبر المشكله

بس الان لا صرت اسكت واضحك واعمل نفسى ولا سامعه حاجه هو لسه بيشتمهم بس انا ولا على بالى

ههههه
إظهار التوقيع
توقيع : ريموووو
#36

افتراضي رد: تعالى قوليلنا حليتيها ازاى(مناقشه)

ميرسى يا ريمووو يا قمر وربنا يهنينا جميعاويبعد عننا الشيطان يا رب انا برده عملت زيك بقيت ضحك واخدها بهزار واقوله الله هما غيرو اسميهم ولا ايه والله محد قالى وحده وحده بقى يضحك هو كمان وبطل يشتمهم خالص والوقت بيعاملهم احسن معامله
شوشو يا قمر الظاهر كده يا ختى بس على مين وراهم وراهم لما يعرفو ان الله حق
#37

افتراضي رد: تعالى قوليلنا حليتيها ازاى(مناقشه)

مشكلتى مع جوزى انه بيحب اكل بره اوى اوى ومش بيحب اكل البيت الاول كنت فرحانه بالعزومات اللى كان بيعملهالى وانا عروسه يقولى البسى وقابلينى كاننا مخطوبين بس بعد كده زهقت ونسيت ازاى اطبخ ولو عملت اكل فى البيت ميعجبهوش

الاول كنت بزعل واضايق واكلمه واحيانا اعيط وحاول اقنعه واحاول اعمله اكل زى بره بس طبعا بيطلع مش زى بره

بعد كده بقيت اقرفه فى اكل بره بس مبيقرفش طب ايه الحل؟؟؟؟؟

سكتت بقى لحد ما ربنا رزقنى بميدو واقنعته بهدوء ان الاكل فى البيت صحى عشان الولد واهو دلوقتى الحمد لله نسى اكل بره
#38

افتراضي رد: تعالى قوليلنا حليتيها ازاى(مناقشه)

انا بقى كانت المشكلة بسبب اهل جوزى وكبرت قوى لدرجة انو كان عايز يودينى فى بيت اهل اقضى العيد بس انا رفضت المهم بس رابع يوم العيد حسيت ان قلبى بينزف من جوا دمى وحبى ليه قررت اشتكيلوا خليتوا نايم وكلمتوا فى كل اللىمزعلنى منه لحد ما قلبى ارتاح شوية وبعدين بوستوا وسيبتوا نايم وروحت اوطى علشلن انام لقيتوا داخل عليا وصلحنى بعد خصام 15يوم مش قادرة اتخيل كمية الساعات اللى عيطها فى حضنه بسبب جرحه ليا اترى انو كان صحى وسمع كل كلام وفهم وجهه نظرىمن غير خناق
#39

افتراضي رد: تعالى قوليلنا حليتيها ازاى(مناقشه)

الحمدلله ان اتحلت مشكلكم دى

والى مشكله جديده عرفنا نحلها باذن الله
إظهار التوقيع
توقيع : ريموووو
#40

افتراضي رد: تعالى قوليلنا حليتيها ازاى(مناقشه)

مشاكل البيت مبتخلصشى خصوصا اننا كل واحد مننا كان فى بلد واخيرا فى بلد واحدة ومالسحرى فى الاستغفار اول ما زوجى يغضب استغفر فى سرى والله العظيم الاقى جيلى ويعتزرلى الاستغفار سر سعادة ن ساعتها بدات المشاكل فكان العلاج
#41

افتراضي رد: تعالى قوليلنا حليتيها ازاى(مناقشه)

ربنا يسعدك اختى
إظهار التوقيع
توقيع : ريموووو


قد تكوني مهتمة بالمواضيع التالية ايضاً
الموضوع كاتب الموضوع المنتدى
تعالى قوليلنا طبختى ايه النهارده ؟؟؟؟؟ الفراشه الحائره دردشة عدلات
تعالى قوليلنا عرفتى منتدى عدلات منين؟ ام سيف 22 منوعات x منوعات - مواضيع مختلفة
تعالي ياعدوله قوليلنا ايه هيا الدعوه المقبوله غرام18 حوارات اجتماعية مفتوحة
اية سبب اختيارك لاسمك؟؟؟؟؟ادخلي قوليلنا الملكة نفرتيتي فرفشة عدلات
يلا قوليلنا بتتمنى ايه رانيا الزناتى منوعات x منوعات - مواضيع مختلفة


الساعة الآن 07:18 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل