طبعا مش قادرة اقولكم شعرى كان عامل ازاى كان شبه سلكة المواعين وناشف مع ان فتلته ناعمة بوبيوقع بطريقة رهيبة س انا ماكنتش بعرف اهتم بيه صح
وكنت بجبله شامبوهات غالية وحمامات زيت واحط زبادى وعسل وكله كان بلح غير الزيوت الى كنت بجبها وبدايل الزيت والكريمات
لحد ماربنا اذن انى الاقى حل وشعرى يتحول تحويل حذرى بمعنى الكلمة
العلاج بتاعى كان قسمين قسم قبل االاستحمام وقسم بعده
اول حاجة لازم تعرفيها ان فروة الراس نفسها بتفرز مواد طبيعية وزيوت طبيعية مفيدة للشعر فعشان كده لازم مانغسلش شعرنا اكتر من مرتين ف الاسبوع
نيجى بقى للماسك الى بعمله لشعرى وده لحظت نتيجته من اول مرة استخدمته فيها سحر يابنات والله
بتروحى ياحلوة عند الجزار وبتاخدى منه الماسورة الى فيها النخاع وتخليها يكسرهالك ويطلعلك الى جواها
وتروحى ع البيت تحطيها ف الطاسة وتحطى عليها نقطتين زيت زيتون وتقلبيها كل شوية عشان ماتتحرقش منك لحد ماتسيح وتبقى عاملة زى الزيت وتصفيها ف علبه ولما تبرد تعنيها ف التلاجة
قبل ماتستحمى تغسلى شعرك كويس اوى وتجيبي علبه النخاع وتاخدى منها معلقة او اتنين حسب طول شعرك وتحطى عليها نفس المقدار زيت زيتون و تحطيهم ف طبقى وتدفيهم ع حمام بخار مياه وبعد كده تحطى عليهم صفار بيضا
وتوزعيه ع فروة راسك و شعرك كله والاطراف كمان وتلفى شعرك ببونيه او كيس بلاستيك وطرحة قديمة من عندك
وتسبيه ع شعرك من 3 ساعات ل 5 ساعات وتغسليه عادى بالشامبو بس ياريت مخفف بحبة مياه
فوايد الماسك ده اولا بيغذى الشعر جداااااااااااا
وبيديله لمعان رهيب و بيطريه اوى وصدقينى هتحسي بالفرق من اول استخدام وكمان التقصف مع الوقت بتلاقيه بيتلاشي
غسلتى شعرك نيجى للنقطة التانية ليسيون الجرجير سحر
بتجيبي حزمة جرجير وتحطى عليها 4 ملاعق زيت زيتون وتضربيهم ف الخلاط لو مش متجوزة حطى 3 فصوص توم عليها بس خلى بالك التوم هتبقى ريحته باينة حبة
وتحطيهم ف حلة وتديه غلوة واحدة ع النار لما يبرد حطيه ف علبه وف التلاجة وبعد ماتستحمى وكل يوم قبل ماتنامى تصفى حبة منه بشاش ع اد شعرك وتدلكى بيه فروة الراس والاطراف التساقط هيقل وكمان هيغزى شعرك جداااا
وتقومى جايبه شعرك ع ادام وعملاه كحكة لفوق
والله يابنات الى هتعمل الى بقول عليه ده بعد فترة هتنبهر من الى هيحصل لشعرها
وبس كده
ماننسونيش من صالح دعائكم بصلاح الحال وتيسير الامور وسعة الرزق
احبكم ف الله
طريقتى الشخصية لتحويل شعرى من شعر مقصف وهايش وبيتساقط لشعر ناعم وقوى
رد: طريقتى الشخصية لتحويل شعرى من شعر مقصف وهايش وبيتساقط لشعر ناعم وقوى
قد تكوني مهتمة بالمواضيع التالية ايضاً